>
ကျွန်မတို့လည်း တာဝန်ရှိပါသည်၊ ၀ိုင်းဝန်းကာ ကူညီ
စမ်းချောင်းက အိမ်ရှင်မ
အောက်တိုဘာ ၁၃၊ ၂၀၁၀
ဒီနေ့ ကျွန်မတို့နိုင်ငံရဲ့ အခြေခံပြည်သူတွေကြား လည်ပတ်နေရတဲ့ ငွေစက္ကူ အကြွေပြသာနာဟာ တစထက် တစ ကြီးမားလာနေပါတယ်။
ပထမဆုံး အချက် အကြွေ ရှားပါးတဲ့ ပြသနာ …
နိုင်ငံတော်ဗဟိုဘဏ်က တစ်ရာတန်၊ နှစ်ရာတန် ငွေစက္ကူအစား အရွယ်အစား သိပ်မကွာတဲ့ ငါးထောင် တန်တွေပဲ လှိမ့်ထုတ် နေရလို့လားမသိ ။ ဒါက နေ့စဉ် ကျွန်မတို့အိမ်ရှင်မ တွေ ကြုံတွေ့နေရတဲ့ပြသနာပဲ။ တနေ့သုံး ဈေးဖိုးငွေကို တိတိကျကျ သတ်မှတ်ဖို့ ခက်ခဲစေပါတယ်။
နံနံပင် ငါးဆယ်ဖိုး ၀ယ်ချင်ပေမယ့်၊ ငွေအကြွေ မရှိရင် ငရုတ်သီးစိမ်း ငါးဆယ်ဖိုး ပါ တွဲယူရတယ်။ ဟင်းစား ကို အစိတ်သား ပဲ ၀ယ်ချင်ပေမယ့် သုံးဆယ်သား ၀ယ်မှ အနုတ် ပြသာနာ အေးတော့တယ်။
နို့မိုဆို ဈေးသည်ကို ငွေပိုပေးနေရမယ့် အတူတူ ပို ၀ယ်ရတဲ့အတွက် တခြား လိုတာကို လျော့ဝယ်ရပြန်တယ်။ ကြက်သွန်ဖြူ၊ ဆီ၊ ဟင်းခတ်မှုန့် ၀ယ်ပြန်တော့လည်း ပိုနေတဲ့ ငါးဆယ်၊ တရာ အစား မဆလာ ထုပ် ဖြစ်ဖြစ်၊ ဆပ်ပြာခရမ်း အထုတ် ဖြစ်ဖြစ် ပြန်အမ်း ပြန်ရော။ အိမ်မှာ မဆလာနံ့ တွေတောင် နံနေပြီလား မသိ။ ဒါပေမယ့် အချင်းချင်း နားလည်စွာနဲ့ အပေးအယူမျှ နေသလို၊ တခါတရံ အချင်းချင်း တရာ မှတ်ထား၊ နှစ်ရာ ခဏ၊ ကနေ စကားများ ကြ၊ ရန်ဖြစ်ကြ ကလဲ မရိုး နိုင်တဲ့ ကျွန်မတို့ ဈေးမနက်ခင်း မြင်ကွင်းတွေ ပါပဲ။
ဒုတိယပြသာနာက သွားလာရေး ခရီးစဉ်တိုင်းမှာ ကြုံတွေ့ရတဲ့ ပြသနာ
နေ့စဉ် ၀မ်းရေးအတွက် အိမ်ပြင်ထွက် အလုပ်လုပ် ရတဲ့သူတွေ ကြုံနေရတာက
“ အကြွေပေးကြနော်။ မရှိလို့ ပြန်မအမ်းရင် ပြသာနာမရှာနဲ့ …”
လို့ လက်ကြားမှာ စုတ်ပြတ် နေတဲ့ ငွေအကြွေစက္ကူတွေ အပြည့်ညှပ် ထားရင်း သူ့ကားပဲ အလကား တက်စီး သလို ဟိန်းဟောက် နေတဲ့ စပယ်ယာတွေအသံ နာခံရင်း တနေ့ လမ်းစရိတ် နှစ်ရာပဲ ရှိပေမယ့် အသွားခ တရာပြီး ကျန်ငွေ ပြန်မအမ်းလို့ … ညနေခင်း မှာ “တောင်ပံပါရင် မင်းဆီကို …” သီချင်းပဲ ဆိုနေရမယ့် ဘတ်စကားစီး လူတန်းစားရဲ့ နေ့စဉ်ပြသနာ။
တတိယအချက် – အဆိုးဆုံးကတော့၊ ကျန်းမာရေးရှုထောင့် မြင်ရတဲ့ပြသနာ
လူတကာကိုင်တွယ်ထားလို့ စုတ်ပြတ်နွမ်းဖတ်နေရုံမက၊ ဆယ်လိုတိတ်ပ် လား ထင်မှတ်မှားရတဲ့ “ဖာတရာဖောဆက်” နှစ်ရာတန်တရွက်ဟာ ဆယ်လိုတိတ်ပ်ဖိုး ကတင် နှစ်ရာဖိုးမက ရှိမလားမသိ။ ဒီငွေ တွေမှာ ရောဂါပိုးပေါင်း မြောက်များစွာ သယ်ဆောင်၊ လက်ဆင့်ကမ်းနေမှာ အသေအချာ။ ကျွန်မမိခင်ဆို ဒီငွေစက္ကူတွေကို ရွံလွန်းလို့ ကြွတ်ကြွတ်အိပ် တခုနဲ့ သီးသန့်ထားပြီး၊ ပေးစရာ၊ ရစရာကို အိတ်ကလေး လှပ်လှပ်ပေးတော့ … မသိရင် ဘာလိုလို၊ ညာလိုလို …
ကဲ … ခုတော့ နိုင်ငံတော်က ဒီပြသနာကို ကမ္ဘာအရပ်ရပ်က ဗမာတွေ အင်တာနက်ပေါ် တင်လွန်းလို့လား၊ ပြည်တွင်းထုတ်ဂျာနယ်တွေက ခဏခဏ ဖွလွန်းလို့လား … ခုတော့… ကိုင်တွယ် ဖြေရှင်းနေပါပြီ ။
နောက်ဆုံးဒုတိယ စာမျက်နှာပဲ အဖတ် များတဲ့ နေ့စဉ်ထုတ်သတင်းစာရဲ့ မထင်မရှားကော်လံတခုမှာ ငွေစက္ကူ အကြွေတွေကို အသစ်နဲ့ လိုသလောက် လဲလှယ်ပေးနေပါပြီတဲ့။ ပြည်တွင်းဂျာနယ်တွေမှာ ဖတ်ရပါတယ်။ ဘတ်စ်ကားလိုင်းတွေ၊ စူပါမားကတ်တွေကိုလည်း အကန့်အသတ်မရှိ ငွေပမာဏ ကိန်းဂဏန်းနဲ့တကွ ဖော်ပြပြီး လဲလှယ်ပေးနေကြောင်း စာလုံးအမဲကြီးတွေနဲ့ ဖော်ပြထားပါတယ်။
ဒါတောင် တချို့ဈေးဝယ်စင်တာတွေက ငွေစက္ကူအစုတ်တွေ အမ်းဆဲ၊ အမ်းမြဲ။ သူတို့ရဲ့ ငွေသိမ်းကောင်တာ အံဆွဲထောင့်က နှစ်ရာတန်၊ တရာတန် အသစ်ကလေးတွေက ဈေးဝယ်သူတွေနောက် လိုက်ချင်လို့ ပြူတစ်ပြူတစ်နဲ့။ ဒါကြောင့် ကိုယ့်လက်ထဲမှာ ကိုယ့်ပတ်ဝန်းကျင်မှာရှိတဲ့ တရာတန်၊ နှစ်ရာတန် စုတ်ပေ့ဆိုတဲ့… ရောဂါအိုးလေးတွေကို တတ်နိုင်သမျှ စုဆောင်းပြီး မြန်မာ့စီးပွားရေးဘဏ် ငွေစက္ကူအသစ်လဲလှယ်ရေး ကောင်တာတွေမှာ သွားရောက်လဲလှယ်ပြီး ကုသိုလ်ယူကြဖို့ အချိန်တန် ပါပြီ။
နေ့စဉ် လက်လုပ်လက်စားလူတန်းစားအနေနဲ့ကတော့ ဘဏ်ကို ငွေစက္ကူအစုတ်တွေ သွားလဲဖို့ ဆိုတာ တကယ်မလွယ်ကူပါဘူး။ ဘဏ်တွေမှာ ငွေလဲဖို့အချိန် အနည်းဆုံး နာရီဝက်လောက် လိုပါတယ်။ သွားတာ လာတာနဲ့ဆို အချိန် နှစ်နာရီ ကြာကြာလိုမယ်။ အရမ်းစုတ်တဲ့စက္ကူလို့ သူတို့သတ်မှတ်တာ မျိုးကိုလည်း လဲမပေးပါဘူး။ အရွက်ရေ များရင် နံမယ်၊ မှတ်ပုံတင်မေးမယ်။ နေ့စဉ် လာလဲနေလား … ဘာညာပွမ်မယ် …။ ဒါပေမယ့် … မိနစ်ပိုင်းတွင်း ကိုယ့်လက်ထဲကို ငွေစက္ကူအသစ်ကလေးတွေ ရောက်လာမှာပါ။
အဲဒီတော့ ကျွန်မ အတွေးစိတ်ကူးလေးကို စာဖတ်သူတွေကို တင်ပြချင်ပါတယ်။ အချိန်ပိုလေး၊ နေ့တပိုင်းလောက် ပေးနိုင်တဲ့သူ၊ နေ့လည်ခင်း တရေးတမော အိပ်ချိန်လေးပဲ ဖြစ်ဖြစ်ပေါ့။ ငွေပိုလေးလည်း.. လေး၊ ငါးထောင်လောက် ရှိခဲ့ရင်၊ ဈေးသွား၊ ဈေးပြန်၊ ရုံးသွား၊ ရုံးပြန်၊ ကိုယ်ပတ်ဝန်းကျင်က ရောဂါအိုးလေးတွေကို အိတ်တလုံးနဲ့ စုထားပြီး၊ မြန်မာ့စီးပွားရေးဘဏ်ခွဲ တခုခုမှာ သွား လဲလိုက်ပါ။
ပြီးတော့ ရလာတဲ့ငွေစက္ကူအသစ်တွေကို စုဘူးထဲ ထည့်မပစ်ဘဲ၊ ဘုရားစင်ပေါ် တင်မထားဘဲ၊ ကထိန်ခင်းဖို့ စုမထားဘဲ ပြည်သူတွေကြားမှာ ပြန်သုံးလိုက်ပါ။ ပျော်ပျော်ပါးပါးကြီး ဈေးဝယ်လိုက်စမ်းပါ။ စပယ်ယာကို ခပ်တင်းတင်းကြည့်ပြီး “ရော့ … တရာ၊ ရော့… နှစ်ရာ၊” ပေးပစ်လိုက်စမ်းပါ။
ကဲ … အိမ်ရှင်မတို့ရေ… ဒါလည်း နိုင်ငံ့အရေး၊ ပြည်သူ့အရေး၊ ပြည်သူတွေ ကျန်းမာရေးအတွက်၊ တဖက်တလမ်းက၊ ကိုယ်နိုင်သလောက် ကူညီဆောင်ရွက် ပေးရတာမို့၊ ကဲ … အိမ်ရှင်မတွေရေ … တဖက်တလမ်းက နိုင်ငံရေး လုပ်ရင်း၊ ကုသိုလ် ယူကြပါစို့။ ။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ