အောင်ငြိမ်းချမ်း (Myanmar Now) ● နတ်သစ်ရွက် မွေးဖွားရာဒေသ (ဓာတ်ပုံအက်ဆေး)

လက်ဖက်ခြောက်၊ လက်ဖက်စိုတို့ကို  ဒေသအသီးသီးရှိ မိသားစု လက်ဖက်ရည်ကြမ်းဝိုင်း၊ အလှူမင်္ဂလာပွဲ၊ စားသောက်ဆိုင်ကြီးငယ်တို့တွင် မဖြစ်မနေ အသုံးပြုကြသည်။ အရသာမှာ နှစ်သက်ဖွယ်ဖြစ်သောကြောင့် နတ်သစ်ရွက်ဟု တင်စားကြသကဲ့သို့ “အရွက်မှာ လက်ဖက်” ဟုလည်း ဆိုကြသည်။ မကြာသေးခင်က ရှမ်းပြည်နယ်တောင်ပိုင်း ပင်လောင်းမြို့သို့ ရောက်ရှိစဉ် လက်ဖက်ခင်းမှ ပွဲရုံအထိ လက်ဖက်ခြောက် ထုတ်လုပ်ပုံအဆင့်ဆင့်ကို သတင်းထောက် အောင်ငြိမ်းချမ်းက ဤသို့ မှတ်တမ်းတင်ခဲ့သည်။

လက်ဖက်ခူးနေသည့် လဲလှောင်းရွာ ဒေသခံများ။ မိုးတွင်းရောက်ပြီဖြစ်သောကြောင့် ထွက်ရှိလာသည့် လက်ဖက်များကို ကိုယ်တိုင် ခြောက်သွေ့ခြင်း မပြုကြဘဲ အများအားဖြင့် စက်ရုံသို့ရောင်းချကြသည် (ဓာတ်ပုံများ – အောင်ငြိမ်းချမ်း/Myanmar Now)

 လက်ဖက်လှော်နေသည့် လွယ်ပျားရွာသားများ။ လက်ဖက်လှော်ရာတွင် မိရိုးဖလာနည်းအတိုင်း ဒယ်အိုးကိုအသုံးပြုကြရာမှ အလုံပိတ်သံအိုးများကိုလည်း အသုံးပြုလာကြသည်။ အလုံပိတ်အိုးသည် ဒယ်အိုးထက် အားသာချက် အများအပြား ရှိနေသည်။

အလုံပိတ်လှော်အိုး ဘေးဖုံးဖွင့်ပြီး လှည့်လိုက်လျှင် အိုးထဲမှ ပူပူနွေးနွေးလက်ဖက်ရွက်များက အောက်ခံဖျာပေါ်သို့ ကျလာသည်။ လက်ဖက်လှန်း၊ လက်ဖက်အခြောက်ခံရာတွင်အသုံးပြုကြသည့် ဖျာကို သန့်ရှင်းစွာထားရန် ပညာပေးကြသော်လည်း မလိုက်နာသူများလည်း ရှိနေသည်။

လက်ဖက်ခူးရာမှ ပြန်လာသည့် ဒေသခံ ပအိုဝ်းတိုင်းရင်းသူ နှစ်ဦး။ လက်ဖက်ခူးစဉ် ပလိုင်းထဲသို့ အလွယ်တကူ ထည့်သော်လည်း သယ်ယူပို့ဆောင်ရာတွင်မူ လေအဝင်အထွက်ရှိသည့် ဆန်ကာပေါက်အိတ်ကို သုံးခြင်းဖြင့် လက်ဖက်အရည်အသွေးကို ထိန်းသိမ်းကြသည်။

လက်ဖက်ရွက် လှော်ရာတွင် မိရိုးဖလာနည်းအသုံးပြုနေသော ပင်လောင်းဒေသခံတစ်ဦး။  လက်ဖက်လှော်စဉ် လက်ဖက်တွင် မီးခိုးနံ့ မစွဲစေရန် ခေါင်းတိုင်ပါသည့် မီးဖိုကိုသာ အသုံးပြုရန် ပညာပေးအဖွဲ့များက တိုက်တွန်းထားသည်။    လက်ဖက်ရွက်ကို မိနစ်အနည်းငယ်ခန့်လှော်ပြီးပါက အခြောက်လှန်းရန်အသင့်ဖြစ်ပြီဖြစ်သည်။

ပင်လောင်းမြို့ ကျားကမ္ဘာလက်ဖက်ခြောက်ဒိုင်တွင် လက်ဖက်ခြောက် အချော၊ အကြမ်း ရွေးနေသူများ

သင်းပျံ့မွှေးလက်ဖက်စက်ရုံမှ လက်ဖက်အစို၊ အခြောက် ထုတ်လုပ်နေသည့် လုပ်သားများ။

လဲလှောင်းရွာမှ လက်ဖက်လှမ်းနေသည့် ဒေသခံအမျိုးသမီးတစ်ဦး။  အရည်အသွေး၊ ပိုမိုသန့်ရှင်းရေး ရည်ရွယ်ချက်ဖြင့် လက်ဖက်လှန်းလျှင် စင်အသုံးပြုရန် ပညာပေးအဖွဲ့များက တိုက်တွန်းထားသော်လည်း  တောင်သူအများစုက စင်ဆောက်ရန် စိတ်အားထက်သန်မှု နည်းသောကြောင့် နည်းလမ်းဟောင်းအတိုင်း မြေပြင်တွင်သာ ချလှန်းနေကြသေးသည်။

သက်တမ်းရင့် လက်ဖက်ပင်ကြီးအောက်တွင် တွေ့ရသည့်  လဲလှောင်းရွာသား ဦးတီးဝင်း။ ထိုအပင်၏ သက်တမ်းမှာ အနှစ် ၅ဝဝ ဝန်းကျင်ခန့်ရှိပြီဟု သိရသည်။

လက်ဖက်ကို အခြောက်ခံစက်ထဲမထည့်မီ အသွေ့ခံစက်ထဲတွင် အပူပေးကြသည်။ အစိုဓာတ် လျော့ပါးစေရန် ရည်ရွယ်သည်။

နေရောင်လုံလောက်စွာမရသည့် မိုးရာသီတွင်  ပြန့်ကျယ်သော အုတ်ခုံပေါ်တွင် လက်ဖက်ရွက်ဖြန့်ခင်းပြီး အပူပေး အခြောက်ခံကြသည်။ အုတ်ခုံအောက်တွင် လောင်စာအတွက် ထင်းကို သုံးကြသည်။ လက်ဖက်တွင် မီးခိုးနံ့ မစွဲကျန်စေရန်လည်း အခြောက်လှန်းဖိုတွင် မီးခိုးခေါင်းတိုင် တပ်ထားကြသည်။