ရန်လိုကျွဲ – အတိုင်ပင်ခံ (အပိုင်း ၂)
ဒီဇင်ဘာ ၆၊ ၂၀၁၄
ရန်လိုကျွဲ၏ မီဒီယာပိုင်းဆိုင်ရာ အတိုင်ပင်ခံအလုပ်သည် အောင်မြင်စပြုလာသည်။ရန်ကုန်အခြေစိုက် မဂ္ဂဇင်းအယ်ဒီတာတို့က အကြံဥာဏ် ရယူလိုကြောင်း တဒီးဒီး အပူကပ်လွန်းသောကြောင့် နေသာလေသာသော တစ်နေ့တွင် သူတို့ကို အချိန်ပေး တွေ့ဆုံရလေသည်။အယ်ဒီတာတို့က ရန်လိုကျွဲကို မြန်မာမဂ္ဂဇင်းများ အရောင်းထိုင်းရသည့်အကြောင်း ဆွေးနွေးစဉ်ကတည်းက လေးစားသဘောကျနေကြခြင်းဖြစ်၏။ (ထိုဆွေးနွေးပွဲအကြောင်းကို မော်ကွန်း မဂ္ဂဇင်းတွင်ယခင်လက ဖော်ပြခဲ့ပြီးဖြစ်သည်)တွေ့ဆုံစဉ် ဝိုင်းဖွဲ့ပြောဆိုသည့် အကြောင်းအရာက အရောင်းထိုင်းနေသည့်မဂ္ဂဇင်းများ အရောင်းသွက်ရေး နှင့် ရေရှည်ရပ်တည်ရေး နည်းဗျူဟာအကြောင်း ဖြစ်သည်။စကားဝိုင်းသို့ မဂ္ဂဇင်းအယ်ဒီတာများသာမက လေ့လာသူတချို့လည်း တက်ရောက်ကြသည်။ထုံးစံအတိုင်း လေပေါသော သောကြာသား ရန်လိုကျွဲက အများဆုံး ဆွေးနွေးသူ၊ အဓိက ပြောဆိုသူဖြစ်၏။”ကနေ့ခေတ် ရန်ကုန်က လက်ဘက်ရည်ဆိုင်တွေကိုကြည့်ဗျာ၊ အင်မတန့် အင်မတန် အရောင်းသွက် လူအုံလွန်းတာကို တွေ့ရလိမ့်မယ်။
အရောင်းသွက်ဆို သူတို့က စုံနေအောင် ဖန်တီးထားတာ မဟုတ်လား။ စားသောက်စရာ မျိုးစုံအောင် တင်ထားတယ်၊ ဘောလုံးပွဲ၊ ကိုရီးယားဇာတ်လမ်းတွဲဖွင့်ပေးတယ်”တက်ရောက်လာသူတို့က ခေါင်းတငြိမ့်ငြိမ့်နှင့် ထောက်ခံကြ၏။”ဒါကြောင့် မိတ်ဆွေတို့ရဲ့ မဂ္ဂဇင်းများမှာလည်း ကလေးအငိုတိတ်စေတဲ့ ဂါထာ၊ ၁၄ ရက်အတွင်း အရပ်ရှည်နည်း၊ ၁၅ မိနစ်အတွင်း ရည်းစားရနည်း ဆိုတာမျိုးတွေ ပုံမှန် ဖော်ပြသွားမယ်ဆိုရင် ပရိသတ် အင်မတန် စိတ်ဝင်စားပြီး ဝယ်ဖတ်ကြပါလိမ့်မယ်”မော်ကွန်းမဂ္ဂဇင်း အယ်ဒီတာ ဇေယျာလှိုင်က သူ၏ မှတ်စုစာအုပ်တွင် “ကလေးအငိုတိတ်စေမည့်ဂါထာ ရှာဖွေ ဖော်ပြရန်” ဟု ရေးမှတ်လိုက်သည်။
လိုင်းတားပြီး ကြယ်သုံးပွင့် ပြလိုက်သေးသည်။ကနဦးမိတ်ဆက်ပေးသော ဗျူဟာတစ်ခုနှင့်ပင် ပရိသတ်ကြားထဲ လှုပ်လှုပ်ရွရွ ဖြစ်သွားကြ၏။
ထပ်ပြောလာဦးမည့်ဗျူဟာများအကြောင်းကို ဆက်လက်ပြီး စိတ်ဝင်တစား နားစွင့်လိုကြကြောင်း သိသာလှသည်။နည်းလမ်း နောက်တစ်ခုကို ရန်လိုကျွဲက ဆက်လက် မိတ်ဆက်ပေးလိုက်ပြန်သည်။”အမျိုးသားတွေဟာ ဘီယာတို့ အရက်တို့ မသောက်ဘဲ မနေနိုင်ပါဘူး။ ဘယ်လောက်ပဲ စီးပွားပျက်ပျက်၊ ဘယ်လောက်ပဲ ကမ္ဘာပျက်ပျက် ဒီအရည်တွေကို မသောက်ဘဲ မနေနိုင်ပါဘူး။ ဒီတော့ တလကို ရက် ၃ဝ အရောင်းသွက်နေတာ အဲဒီ သူရာရည်တွေပါပဲ”ဘုရားသခင်တိုင်း အားပေးတော်မမူသည့် အနှီအရည်အကြောင်း ပြောသဖြင့် ပရိသတ်တချို့ အနည်းငယ် စိတ်ပျက်သွားသည်။ အယ်ဒီတာတချို့က သူတို့ကို စောင်းပြောလေပြီဟု အထင်ရောက်ကြ၏။မိုးမခမဂ္ဂဇင်းအယ်ဒီတာ မောင်ရစ်က …”အဲဒီတော့ ကျုပ်တို့က ဘီယာချက်နည်း နိဿရည်း ဆိုပြီး အခန်းဆက်ဆောင်းပါး ရေးထည့်ရတော့မှာလား” ဟု ဘုတောလေသည်။”ဘီယာချက်နည်း ရေးဖို့ မဟုတ်ပါဘူး။ ဘီယာချက်စက်ရုံထောင်တာမျိုး၊ ပြီးတော့ အရင်းအနှီး အဲဒီလောက် မရှိရင်လည်း ဘီယာဆိုင်လေးတွေ ဖွင့်တာမျိုးလုပ်သင့်တယ်လို့ ဆိုလိုတာပါ”ပရိသတ်တချို့ ဇဝေဇဝါဖြစ်သွား၏။ ယမကာ သုံးဆောင်သူတို့ကမူ ဘီယာသံကြောင့် တက်တက်ကြွကြွ ဖြစ်လာကြ၏။”တနိုင်ငံလုံး သောက်ကြပြီ ဆိုတော့ ဒါဟာ စီးပွား အင်မတန်ဖြစ်မယ့်လုပ်ငန်းမှန်း သိကြမှာပါ။ ဝင်ငွေကောင်းပြီ ဆိုရင်… မဂ္ဂဇင်းကို ရှုံးချင် ရှုံးပါစေ၊သတင်းစာတွေလိုမျိုး ပုံရောင်းလိုက်ပါ။
ဘီယာလုပ်ငန်းကနေ သောက်သောက်လဲ ဝင်ငွေကောင်းတာကြောင့် မဂ္ဂဇင်းမှာ တစ်လ တစ်ကြိမ် မဆိုစလောက် ရှုံးရခြင်းအတွက် ဘာမှ စိတ်ညစ်ဖို့ မလိုတော့ဘူးပေါ့”ဤဗျူဟာအကြောင်း ရှင်းလင်းချက်ကြောင့် ငွေကြေးတတ်နိုင်၊ ငွေရလမ်းရှိသော အယ်ဒီတာတို့ တွေးစရာ ဖြစ်သွား၏။
နှင်းဆီဖြူမဂ္ဂဇင်းအယ်ဒီတာ နှင်းခါးမိုးကမူ သူ၏အမည်ဖြင့် ဘီယာစက်ရုံထောင်လျှင် ကောင်းမည်ဟု တွေးနေလေ၏။သူရာရည်ကို ဘာသာရေး၊ ယဉ်ကျေးမှုအရ တားမြစ်ထားသောအရာဟု သတ်မှတ်ထားလိုသူများ ရှိတတ်သဖြင့် ရန်လိုကျွဲက အနည်းငယ် အသေးစိတ်လိုက်သည်။”ဝင်ငွေကောင်းတဲ့ လုပ်ငန်းတွေ ရှိပါသေးတယ်။
အမျိုးသမီးသုံးပစ္စည်းတွေ ထုတ်လုပ်ဖို့၊ ရောင်းဖို့ပါ။ တခြား မတွေးကြပါနဲ့… မိတ်ကပ်ဘူးတို့ ဘာတို့ကို ကျွန်တော် ဆိုလိုခြင်းပါပဲ။
အာရှစီးပွားပျက်ကပ်ဆိုက်ချိန်၊ အရေးအခင်းကြီး မငြိမ်မသက်မှုကြီးတွေ ဖြစ်နေချိန်မှာ ဘယ်ပစ္စည်း အရောင်းကျကျ … အလှကုန်ပစ္စည်းတွေကတော့ အရောင်းမကျပါဘူး။
ဆံပင်ဆိုးဆေးလည်း အင်မတန် အလုပ်ဖြစ်သဗျ။ ကလေးလူကြီး ယောက်ျားမိန်းမ အကုန်လုံး ခေါင်းရောင်စုံခြယ်သတဲ့ခေတ် ရောက်နေပါပြီ”စုံနံ့သာ မဂ္ဂဇင်းမှ ဘုန်းသက်ပိုင်နှင့် ဇော်လူစိမ်းတို့ဆီမှ တိုင်ပင်သံ တိုးတိုး ထွက်လာသည် -‘အဲဒါတွေ ထုတ်ရောင်းပြီး ပိုက်ဆံက သပိတ်ဝင် အိတ်ဝင် ဖြစ်ပြီဆိုရင် မဂ္ဂဇင်းကို အခမဲ့ ဖြန့်လို့တောင် ရမယ်ဗျို့….”ဟုတ်တယ်၊ ရန်ကုန်မှာ အခမဲ့ဖြန့်တဲ့သတင်းစာတောင် ရှိသဗျ။ ယိုးဒယားငွေနဲ့ထုတ်တယ်ဆိုလားပဲ…’ခေတ်ရနံ့အယ်ဒီတာတို့လည်း ခေတ္တမျှ ခေါင်းချင်းရိုက်ကုန်သည်။’သစ်ခုတ်ပြီး တရုတ်ပြည်ပို့ရောင်းရင် ကောင်းမလား”ဆရာလေးကလည်း အတွေးခေါင်လိုက်တာ။ သစ်ပင်က တောထဲမှာ ကုန်သလောက်ရှိနေပြီဗျ။
ဘဏ်ဓားပြတိုက်တာကမှ အလုပ်ဖြစ်မယ်ထင်တယ်’တခြားသော အယ်ဒီတာအပေါင်းတို့လည်း ဝင်ငွေ သောက်သောက်လဲရသော လုပ်ငန်းများအကြောင်း အနည်းနှင့်အများ တီးတိုး တိုင်ပင်ကြလေ၏။ဆက်လက်ပြီး…ရန်လိုကျွဲက ဗျူဟာတစ်ခုအကြောင်း ရှင်းရန် စကားဦးသမ်းလိုက်သဖြင့် ဘဏ်ဓားပြတိုက်ခြင်း၊ ပုလင်းထဲ ရေထည့်ကာ ဆံပင်သန်ဆေးဟု လိမ်ရောင်းခြင်း စသည့် လုပ်ငန်းများအကြောင်း စဉ်းစားနေသူတို့ နားရွက်ထောင်သွားကြသည်။”တခြားလုပ်ငန်းတစ်ခုခု မလုပ်ဘဲနဲ့ ကိုယ့်မဂ္ဂဇင်း ရေရှည်ရပ်တည်နိုင်အောင်လည်း စီစဉ်လို့ ရပါတယ်။ အဲဒါကတော့ လက်ရှိမဂ္ဂဇင်းကိုလည်း ဆက်ထုတ်၊ တပြိုင်နက်တည်းမှာ လူကြိုက်များပြီး သေချာပေါက် အဝယ်လိုက်မယ့် မဂ္ဂဇင်းတစောင်ကိုလည်း ထုတ်ဖို့ပါပဲ။
ဥပမာ … Playboy, Playgirl မဂ္ဂဇင်းတွေကို မြန်မာဗားရှင်းနဲ့ထုတ်ဗျာ။
ကိုယ့်တိုက်ကနေ အရောင်းထိုင်းမဂ္ဂဇင်းတစ်ခုတည်း မဟုတ်ဘဲ ရောင်းမလောက်မဂ္ဂဇင်းကိုပါ ထုတ်တယ်ဆိုရင် ရေရှည် ရပ်တည်နိုင်ပြီဗျာ”မော်ကွန်းအယ်ဒီတာတစ်ဦးဖြစ်သည့် ဥာဏ်လင်းက သူ၏မှတ်စုစာအုပ်တွင် “Playboy မြန်မာဗားရှင်း” ဟု တို့ထားလိုက်သည်။လူသိများပြီး မေ့နေကြသည့် ဗျူဟာတစ်ခုကိုလည်း ရန်လိုကျွဲက မပျက်မကွက်ထည့်သွင်း ပြောကြားပါ၏။”စားသုံးသူကိုကျေးဇူးဆပ်တယ်ဆိုတဲ့ ကံစမ်းမဲ အစီအစဉ်ကလည်းအလုပ်ဖြစ်ကောင်းဖြစ်နိုင်ပါတယ်။ ရွှေတစ်ပိဿာပေးမယ်တို့ ဘာတို့ပေါ့ဗျာ။
လူတွေက တကယ်ထင်ပြီး ကံစမ်းမဲပေါက်လိုဇောနဲ့ ကိုယ့်မဂ္ဂဇင်းကို ဝယ်ကြ….”ထိုသို့ပြောနေစဉ် မော်ကွန်းအယ်ဒီတာ ကျော်ဇေယျာထွန်း ရုတ်တရက်ထခုန်လိုက်ပြီး… “ရွှေတစ်ပိဿာတို့ ဘာတို့ တကယ်ပေးလို့ဖြစ်ပါ့မလားဗျ။
နှမျောစရာကြီးဗျာ”ရန်လိုကျွဲက … အဟုတ် တကယ် ပေးလို့ ဖြစ်ကြောင်း၊ ကံစမ်းမဲဆုကြီးများကို ကိုယ့်အချင်းချင်း၊ ကိုယ့်မိသားစုအတွင်း လှည့်ပတ်ပေးနိုင်ကြောင်း၊ မည်သူကမျှ တရားစွဲလို့ မဖြစ်နိုင်ကြောင်း ဖြေရှင်းပေးလိုက်သည်။မော်ကွန်း အယ်ဒီတာအုပ်စု တီးတိုးတီးတိုး ပြောဆိုပြီး လာမည့်လမှ စတင်ကာ ကံစမ်းမဲအစီအစဉ် အကောင်အထည်ဖော်ရန် တစ်ထိုင်တည်း ဆုံးဖြတ်လိုက်ကြသည်။ထမင်းအိုး ၂ လုံးချက်ခန့် ကြာသောအချိန်တွင် ရန်လိုကျွဲက ဗျူဟာ ၉ ခု ရှင်းပြပြီးသွားပြီဖြစ်သည်။
နောက်ဆုံးဗျူဟာအကြောင်း ပြောပြပြီး နိဂုံးချုပ်ရန်သာ ကျန်တော့သည်။”ဒသမမြောက်ဗျူဟာကတော့ ကိုယ့်မဂ္ဂဇင်းကို ကွန်ရက်အခြေပြုဈေးကွက်ထဲ ထည့်လိုက်ဖို့ပါပဲ။ ဒါဟာ မိတ်ဆွေတို့ရဲ့ မဂ္ဂဇင်း စောင်ရေက သန်းနဲ့ချီသွားစေမယ့် ဗျူဟာပါပဲ”လေ့လာသူအဖြစ်တက်ရောက်သူများလည်း လှုပ်လှုပ်ရှားရှား ဖြစ်သွားလေသည်။
အဘယ့်ကြောင့်နည်း။
မဂ္ဂဇင်းစောင်ရေ သန်းနှင့်ချီ ဆိုသည်မှာ မြန်မာစာပေလောကတွင် မရှိခဲ့ဖူးသော စောင်ရေပမဏဖြစ်၏။ ထို့ကြောင့် လှုပ်လှုပ်ရှားရှား ဖြစ်သွားခြင်းပင်။စောင်ရေ သန်းချီမည် ဆိုသော အပြောကြောင့် အယ်ဒီတာအများအပြားက မှတ်စု လိုက်ရေးရန် စာအုပ်ဖွင့် ဘောပင်ကိုင်ထားလိုက်ကြသည်။”ကိုယ့်မဂ္ဂဇင်း ဝယ်ဖတ်မယ့်သူတွေကို ကြိုတင်ကြေညာထားရမယ် … ငွေအရင်းအနှီး စိုက်ထုတ်စရာ မလိုဘဲ ငွေတွေ ဟောတိုက် ဝင်မယ့်လုပ်ငန်း ဆိုတဲ့ စကားလုံးမျိုးနဲ့ မက်လုံးပေးရမယ်”တက်ရောက်လာသူအားလုံး ရန်လိုကျွဲကို မျက်တောင်မခတ် ကြည့်ပြီး နားထောင်နေကြ၏။”ဒီဗျူဟာကို သုံးရင် မိတ်ဆွေတို့ရဲ့ မဂ္ဂဇင်းကို စာအုပ်ဆိုင်တွေမှာ တင်ရောင်းစရာ မလိုတော့ဘူး။ အဲဒီဆိုင်တွေကို မေ့လိုက်တော့။
ကိုယ့်တိုက်မှာပဲ လာဝယ်ကြပါစေ။
ကွန်ရက်လေးတွေ ဖွဲ့ပြီး မဂ္ဂဇင်းကို ဝယ်ကြအောင် ဖန်တီးရမယ်။
ကွန်ရက်ရဲ့ စည်းကမ်းချက် အများကြီး မရှိဘူး။ အားလုံးက လူသစ် ၂ ယောက် ရှာရမယ်။
လစဉ် မဂ္ဂဇင်း အနည်းဆုံး တစ်အုပ်စီ ဝယ်ရမယ် … ဒါပဲ။ ဒီ ၂ ချက်ပဲ”ဘယ်သူက အသင်းဝင်ပြီး ၀ယ်မှာလဲ ဟု အယ်ဒီတာတစ်ယောက်က လှမ်းမေးသည်။”စောစောက ကျွန်တော် ပြောပြီးပြီလေ….ငွေအရင်းအနှီး စိုက်ထုတ်စရာ မလိုဘဲ ငွေတွေ ဟောတိုက် ဝင်မယ့်လုပ်ငန်း ဆိုပြီး မက်လုံးပေးရမယ်။
ဒါ…အများကြိုက်မက်လုံးခင်ဗျ။
ကွန်ရက်ကို အဆင့်ဆင့်ဖွဲ့သွားလိုက်ကြတာ ကိုယ့်အောက်မှာ လူငါးဆယ်ဖြစ်နိုင်သလို ငါးရာ၊ ငါးထောင်လည်း ဖြစ်သွားနိုင်တယ်။
လူရှာနိုင်သူက စာအုပ်ရောင်းရငွေရဲ့ ရာခိုင်နှုန်း တချို့ကို ရမယ်။
ရာခိုင်နှုန်းများများ၊ ပိုက်ဆံများများ ရချင်ရင် လူများများရအောင်နဲ့ကွန်ရက်တွေ ဖွဲ့ဖြစ်အောင် သူ ကြိုးပမ်းတော့မှာပေါ့။ လူပဲဗျာ…လောဘသားကောင်းတွေချည်းပဲ။ ငွေဆိုတာ အားလုံးရဲ့ သည်းခြေကြိုက်ဗျာ”အားလုံး အသက်ပင် ဖြောင့်အောင်မရှူဘဲ စိတ်ဝင်တစား နားထောင်နေကြ၏။”အပြင်မှာ ၀ယ်ရင် ခံစားခွင့် မရဘူး။ ကွန်ရက်ထဲဝင်ပြီး တိုက်မှာ လာဝယ်မှ ခံစားခွင့် ရှိမယ် ဆိုတဲ့ အနေအထားကိုလည်း ဖန်တီးထားရမယ်။
ဒါဟာ ဈေးရောင်းတာ မဟုတ်ဘူး၊ အားလပ်ချိန်မှာ ပေါ့ပေါ့ပါးပါးနဲ့ ကိုယ်ပိုင်လုပ်ငန်းသဘောမျိုးလုပ်တာဖြစ်တယ်၊ ခံစားခွင့် အရမ်းကောင်းတယ်၊
ငွေရှိမှ လုပ်ငန်းရှင်ဖြစ်တဲ့ခေတ် ကုန်ပြီ၊ အလုပ်သမားချည်းပဲ တချိန်လုံးလုပ်ဖို့ မစဉ်းစားနဲ့ စသဖြင့် ပြောဆိုပြီး လူသစ်တွေကို စည်းရုံးအောင် ဖန်တီးပေးရမယ်”ဇော်လူစိမ်းက ‘ပေါ့ပေါ့ပါးပါး ကိုယ်ပိုင်အလုပ် ဆိုတော့ စိတ်ဝင်စားတဲ့သူများမှာပဲ’ ဟု မှတ်ချက်ချသည်။”ဆရာဇော်လူစိမ်းရေ… ပေါ့ပေါ့ပါးပါး ထိုင်စားရုံပဲဆိုတာ သူတို့ ယုံအောင် ပြောရတာပေါ့ဗျာ။ တကယ်တော့ ကွန်ရက်ထဲက အဆင့်ဆင့်သော အသင်းဝင်တွေ တိုးပွားအောင်၊ ၀ယ်အောင် လိုက်လုပ်ရတယ်။ ကွင်းဆင်းရတယ်၊ မနားရဘူး။
ကွန်ရက်ထဲ ကုမဏီဝန်ထမ်းတွေ၊ အစိုးရ ဝန်ထမ်းတွေ အများကြီး ဝင်လာလိမ့်မယ်။
ဝန်ထမ်းတွေလည်း ရုံးအလုပ်လုပ်တာ နည်းနည်း၊ ကိုယ့်အတွက် ကော်မရှင်များများရရေးအတွက် ကွန်ရက်ထဲ လူတိုးအောင် လုပ်လာကြလိမ့်မယ်။
ကျွန်တော်ပြောတာ ရှင်းလား”ဤတွင် မိုးမခ အယ်ဒီတာမင်း မောင်ရစ်က စိတ်မရှည်စွာဖြင့် လိုရင်းကို မေးလေ၏။ ‘တကယ်အကျိုးရှိမှာက ဘယ်သူလဲ၊ မဂ္ဂဇင်းတိုက်လား၊ ကွန်ရက်ထဲ လူများများသွင်းနိုင်တဲ့သူလား'”မဂ္ဂဇင်းတိုက်က အများဆုံး အကျိုးရှိမှာပေါ့ဗျ။ ကွန်ရက်ထဲမှာတော့ ၁၀၀ မှာ ၁ ယောက်လောက်ပဲ အောင်မြင်ရင် ကံကောင်းပေါ့ခင်ဗျာ။ နိုင်ငံတကာမှာ လေ့လာတဲ့ စစ်တမ်းတွေက ဒီလိုပဲ အဖြေထွက်လာတယ်။ less than one percent ဗျာ၊ ၁ ရာခိုင်နှုန်းထက် နည်းတယ်ဗျာ။
သူတို့ ယုံပြီး လျှောက်လုပ်ကြပါစေ၊ ဒါမှ ကိုယ်အကျိုးအမြတ် ရမှာပေါ့။
ဒီမယ် အယ်ဒီတာမင်းတို့… အခု ကျွန်တော်ပြောနေတာက မဂ္ဂဇင်းစောင်ရေ သန်းနဲ့ချီ ရိုက်နှိပ်ဖြန့်ဝေ အစွံထုတ်နိုင်တဲ့ နည်းလမ်းပါ။
မဂ္ဂဇင်းရောင်းတယ်… ကုန်ပစ္စည်းတစ်ခုခုကို ရောင်းတယ် ဆိုတာဟာ စီးပွားရေးလုပ်ငန်းပါ။
အဲ….လူတွေကို အလှူဒါန ပြုချင်ရင်၊ ပရဟိတ လုပ်ချင်ရင်တော့ ဦးကျော်သူတို့ ဘာတို့ကို ဆက်သွယ်ပေါ့ဗျာ။ အင်း… ဘယ်ရောက်သွားပါလိမ့် စောစောက ပြောနေတာ…”ကွန်ရက်ထဲ လူအင်အားများလာအောင် လုပ်ရေး ဆိုတဲ့နေရာ ရောက်ပြီ ဟု အယ်ဒီတာတစ်ယောက်က ဆို၏။”ဟုတ်တယ်၊ အင်အားများအောင် သူတို့ အဆင့်ဆင့် လုပ်ကြလိမ့်မယ်၊ ကိုယ်က မက်လုံးကောင်းကောင်း ပြူးတူးပြဲတဲပေးရုံပဲ။
ကွန်ရက်ထဲ ၀င်ငွေကောင်းတဲ့သူတွေကို မကြာခဏ ဟောပြောခိုင်းတာမျိုးနဲ့လည်း လူတွေကို စည်းရုံးရမယ်။ ၀င်ငွေကောင်းတဲ့သူ မရှိရင်လည်း လုပ်ကြံပြီး ပွဲလုပ်ပေါ့ဗျာ။
သူတို့က .. မဂ္ဂဇင်းတိုက်မှာ အဆက်မပြတ် လာဝယ်ကြလိမ့်မယ်၊ အဲ…ကိုယ့်တိုက်ကို အထင်ကြီးအောင် သားသားနားနား ပြင်ထားဖို့တော့ လိုမယ်ခင်ဗျ”ရန်လိုကျွဲ၏ စကားအဆုံးတွင် ကျော်ဇေယျာထွန်းက … ‘ဒီအတွက်တော့ ကျွန်တော်တို့ ပြင်ထားပြီးပါပြီ။
မော်ကွန်းမဂ္ဂဇင်းတိုက်ဝင်ပေါက်တံခါးကို ဖွင့်လိုက်တာနဲ့ နိုင်ငံခြားဖြစ်အရက်ပုလင်းခွံတွေကို အရင်ဆုံး မြင်ရမှာပါ။
ဒါ … လူအထင်ကြီးအောင် ကျွန်တော်တို့ စီစဉ်ထားတာပါ’ ဟု ဆို၏။အလေးအနက် စဉ်းစားဟန်ဆောင်လေ့ရှိသော မော်ကွန်မဂ္ဂဇင်းမှ ဥာဏ်လင်းက
‘စဉ်းစားမိတာ တစ်ခု ရှိတယ်၊ ညီလေး ပြောတဲ့ ကွန်ရက်ဈေးကွက်နဲ့ မဂ္ဂဇင်းဖြန့်တဲ့နည်းဟာ လူတွေကို လိမ်ညာသလို ဖြစ်မနေဘူးလား’ ဟု မေးခွန်းထုတ်၏။”သြော်…ဆရာဥာဏ်ရယ်…လိမ်တာလို့ ဘယ်သူပြောရဲမလဲ၊ ဘယ်တရားရုံးကို ဘယ်ပုဒ်မနဲ့ သွားတိုင်မလဲ။
ဒါက အကြမ်းပြောပြတာ။ စားသုံးသူကို ဥပဒေနဲ့အညီ လည်ပင်းညစ်တဲ့နည်းတွေ ရှိပါသေးတယ်။
ကျွန်တော် အခု ရှင်းပြတဲ့ မဂ္ဂဇင်း ရေရှည် ရပ်တည်နည်း၊ အရောင်းသွက်နည်းဗျူဟာတွေထဲက ကြိုက်တာကို သုံးပါ။
အသေးစိတ်အချက်အလက်တွေ ကျွန်တော် ရှင်းပြကူညီလို့ ရပါတယ်”အယ်ဒီတာမင်းတို့လည်း ရန်လိုကျွဲ၏ ပြောဆိုချက်များကို လွန်စွာနှစ်ထောင်းအားရ ရှိကြချေ၏။
ဆက်လက်၍ အကြံဥာဏ်ကောင်းများရရှိရေးအတွက် အတိုင်ပင်ခံရန်လိုကျွဲနှင့် သီးသန့် တွေ့ဆုံရေးအတွက် ရက်ချိန်း အလုအယက် ယူကြလေ၏။ဆွေးနွေးပွဲလေ့လာသူအဖြစ် တက်ရောက်သော စီးပွားရေးတက္ကသိုလ်မှ တာဝန်ရှိသူများက ယနေ့ ကြားနာလိုက်ရသည့် စီးပွားရေးဆိုင်ရာ နည်းဗျူဟာများကို သဘောကျ နှစ်သက်လွန်းသောကြောင့် ရန်လိုကျွဲကို ဂုဏ်ထူးဆောင်ဒေါက်တာဘွဲ့ ပေးအပ်လိုပါကြောင်း ကမ်းလှမ်းလေ၏။နိဂုံးချုပ်ရလျှင်… ဂျာနယ်တိုက်တစ်ခုပြီးတစ်ခု ပြောင်းရွှေ့ အလုပ်လုပ်နေသော သတင်းထောက်သည် ဤဆွေးနွေးပွဲအပြီး တစ်လ အကြာတွင် ဒေါက်တာရန်လိုကျွဲ ဖြစ်သွားလေသတည်း။(မော်ကွန်းမဂ္ဂဇင်းတွင် ပုံနှိပ်ဖော်ပြပြီးသော သရော်စာ ဖြစ်သည်။)
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
