>
လက်လွှတ်လိုက်တဲ့ ပင်လယ်
ချိူစိမ့်၊ နိုဝင်ဘာ ၃၊ ၂၀၁၁
အပေါက်အပြဲတွေနဲ
ငှက်သိုက်ကလေးကနေ
ငှက်ကလေးတွေ
တကောင်ချင်းပြုတ်ကျသွားသလိုမျိုး … ။
မြစ်ကွေ့ 
တခါတရံ ရပ်တန့် 
ပန်းတွေ ရံခါသွေ့ခြောက်သလိုမျိုး
ကိုယ့်နှလုံးသားကိုယ်
အုတ်အော်သောင်းတင်းဖွင့်ခဲ့သူ… ။
ကိုမုတ်သုန်၊ ကိုအောင်ဗညို
ကိုချစ်နဲ့ အကိုကြီး ကိုသင်းခိုင်
မြိုင်လိုက်တဲ့စံရိပ်ငြိမ် ၅ လမ်း
အခန်းကျဉ်းကျဉ်းလေးတွေမှာ
ကိုယ့်ဆရာကဗျာရွတ်သံတွေ
တအုန်းအုန်းတောက်ပခဲ့
ဇွန်လမှာဇွန်ပန်းလေးတွေ တဖွေးဖွေးလှုပ်သလိုမျိုး … ။
ကိုယ့်ပြဿနာကိုယ်ရှင်း
အားလုံးပြဿနာကတော့ပေါင်းရှင်းကြပေါ့
ဘ၀မှာ
အဲဒီလိုနေထိုင်သွားခဲ့ဘူးသူပါ… ။
ကဗျာတွေရေးထားတဲ့ လက်ဖက်ရည်ဆိုင်
အစကတည်းကမထိုင်ခဲ့မိရင်အကောင်းသား… အခုတော့
ဘာဖြစ်လဲ ပြောလေဆိုတော့
နင်တယ်ဗျာ
ခင်ဗျားတို့ ကလက်ဖက်ရည်နဲ့ 
ကဗျာကို တို့ ကျွေးတာကိုးတဲ့ … ။
ခင်ဗျားအကြောင်းရေးဖို့
ဒီလေဟုန်ထဲ
ပျံဝဲခဲ့ကြရတာကိုး
ဥတုညံ့ရတဲ့အထဲမှာမှ
ရဲဘော်တွေ ကျ ကျကုန်ကြသမို့ 
ဟော့ဒီမှာပြည့်လက်ရုံးတွေ ညောင်းလှပြီ …
ဒီကဗျာဒီမှာတိတ်ဆိတ်
မင်းနဲ့ အတူအေးရိပ်မှာ အိပ်ခွင့်ရပါစေ သူငယ်ချင်း … ။
သေချာတယ်
သက်ရှိမြစ်တစင်း
ညခင်းကိုထိုးဖေါက်
ရောက်သွားလိမ့်မယ် ကမ္ဘာကုန်ကျယ်သရွေ့  …။
ကဲ…
ရဲဘော်
လှော်လေဦး …။
နောက်တခါ
ခင်ဗျားပြန်လာခွင့်ရရင်
ကဗျာဆရာ လှသန်းသက်တော်ရာကျော်ရှည်ပါစေ
ကဗျာဆရာတွေ
သက်တော်ရှည်ကဗျာဆရာတွေ ဖြစ်ခွင့်ရကြပါစေ … ။
(၂၄.အောက်တိုဘာ။၂၀၁၁)
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
