>“ပြောပြစရာတွေလည်း တပုံကြီးရှိသေးတယ်” အမှတ် (၃၆၁)
သောတရှင်များ ကျန်းမာတော်မူကြပါစရှင် …
မာအေးချစ်တဲ့ သောတရှင်တွေ ဂီတဝါသနာရှင်တွေ အားလုံး မာအေးရဲ့ အသံလေး ကြားရတဲ့အခါမှာ ကိုယ်ရောစိတ်ပါ ချမ်းသာကြပါစေလို့ ဆုမွန်ကောင်း တောင်းလိုက်ပါတယ်……
သောတရှင်တို့ရေ … အရင်တပါတ်ကလေ ဒီသီချင်းလေးတွေ နားထောင်ထားပါ၊ နောက်မှ ဆက်ပြောမယ် လို့ အစီအစဉ်ကို နားခဲ့ပါတယ်၊ အဲ့ဒီတေးတွေဟာ ကိုယ့်နိုင်ငံဖြစ် သီချင်းတွေ စာတွေ မဟုတ်ဘူး ဆိုတာ သိမှာပါ၊ အိန္ဒိယ သီချင်းရယ် ဆိုဗီယက် ရုရှသီချင်းရယ်၊ အမေရိကန်သီချင်းရယ်ပေါ့၊ မာအေးတို့ ဂီတ ကောင်စီဝင် အဆိုတော်တွေဟာ အရေးကြုံရင် သက်လုံကောင်းတယ် ဆိုတာမျိုး၊ နိုင်ငံတကာ သီချင်းများ သီဆိုပေးကြပါလို့ ပြောလာတော့လည်း တင့်တယ် လျှောက်ပတ်စွာ ကိုယ့်နိုင်ငံ မျက်နှာ မငယ်ရအောင် ကြိုးစားဆိုခဲ့တယ်၊ လေ့ကျင့်ခဲ့ရပါတယ် လို့ ပြောပြချင်တာနဲ့ ကြိုပြီး ပျိုးထားခဲ့တာပါ၊ သူများသီချင်းတွေမို့ နားမလည်နိုင်ဖြစ်သွားတယ် ဆိုရင်လဲ ခွင့်လွှတ်တော့နော။
မာအေးတို့တွေ လေးစား ကြည်ညိုကြတဲ့ ဂီတဆရာကြီးတဆူ အလင်္ကာကျော်စွာဘွဲ့ နှင်းခံရသူ ဆရာရွှေပြည်အေး ရှိနေစဉ်တုန်းက ခေတ်မှီဂီတတို့ရဲ့ လမ်းပြကြယ်လို့ တင်စားနေရာထားခဲ့ကြပါတယ် ရှင်၊ ဆရာရွှေပြည်အေး ခေတ်ပေါ် တေးဂီတ ကောင်စီ ဥက္ကဌ တာဝန် ယူထားတုန်းအချိန်မှာ အရှေ့တောင် အာရှ ကျွန်းဆွယ် အားကစားပွဲတော်ကြီးကို မာအေးတို့နိုင်ငံမှာ လက်ခံ ကျင်းပခဲ့တာကိုးရှင့်၊ ထုံးစံအတိုင်း ဂီတ ကောင်စီက ဖျော်ဖြေရေးကိစ္စ တာဝန်ယူရပါလေရော။
အားကစားပွဲတော်အတွက် အဖွင့်သီချင်း၊ အပိတ်သီချင်းတွေနဲ့ ဂုဏ်ပြုတေးတွေ ရေးသားပေးကြ၊ သီဆိုပေးကြရတာပေါ့ရှင်၊ ဒီအားကစားပွဲကို အာရှသားတွေ၊ နိုင်ငံခြားသားတွေ ပါဝင် ရောက်ရှိကြမှာမို့ နိုင်ငံတကာက သီချင်းတွေ ဆိုတဲ့ တကဏ္ဍ ထည့်သွင်းပေးပါလို့ ဆိုလာတော့ ပြဿနာပဲပေါ့၊ အင်္ဂလိပ်သီချင်း၊ ဂျပန်သီချင်းလောက်ကတော့ နားယဉ်ပြီးသားမို့ တော်ပါရဲ့။ ကျန်တဲ့ဘာသာစကားတွေက အသံ ထွက်ရတာ ခတ်ပါဘိသနဲ့၊ အဲ့ဒီအချိန်က မြန်မာ သီချင်းတို့ရဲ့ ရွှေခေတ်၊ ငွေခေတ်၊ ပတ္တမြားခေတ်မို့လား၊ ပြည်ပက သီချင်းများ တယ်ပြီး လေ့လာမထားကြပါဘူး၊ ဆိုပေးကြပါဟ ဆိုတော့မှ ဖြစ်အောင် ရအောင် လုပ်ကြတာဘဲ၊ အဲ့ဒီခေတ်က ဂီတလောကမှာ လာလုပ်စားတဲ့ အကြံအဖန်တွေ မိုးကျရွှေကိုယ်တွေ၊ ငွေထုတ်စိန်တွေ မရှိသေးပါဘူး၊ ဘိုလို ဆိုတာ အင်္ဂလိပ်ဘာသာ အသံလွှင့်အစီအစဉ်က ‘လိုကယ်တဲလင့်’ မှာ အပျော်တမ်း ဆိုကြတာလောက်ပဲ ရှိပါတယ်။
ဘယ်လိုဘဲဖြစ်ဖြစ်၊ ဖြစ်အောင် ဆိုပေးကြပါ၊ ပီတာ မပီတာလဲ တွေးပူမနေကြနဲ့ပေါ့၊ ကိုယ့်မိခင် ဘာသာမှ မဟုတ်တာ၊ ဂျပန်တို့ အင်ဒိုနီးရှားတို့ ပြန်ဆိုထားတဲ့ ‘ဘို’သီချင်းတွေ မင်းတို့ နားထောင်ကြည့်၊ တိတိကျကျ ပီသတယ်လို့ ပြောမရပါဘူး၊ သူ့ဘာသာနဲ့သူ ဝဲတဲတဲလေးဘဲ ကြားရမှာပါ၊ တမျိုးတောင် နားထောင်လို့ကောင်းတယ် ဖြစ်သွားပါတယ်၊ ပရိသဒ်က ကိုယ့်ကြိုးစားမှုကို နားလည်ပေးတတ်ပါတယ်” လို့ ဆရာရွှေပြည်အေးက တပည့်တွေကို အားပေးတတ်ပါတယ်၊ သီချင်းတွေက နိုင်ငံတကာက ဖြစ်တာမို့ ‘ကမ္ဘာ့ဂီတ’ အစီအစဉ်လို့ ခေါ်ခဲ့ပါတယ်။
အဲ့ဒီတော့ မာအေးက ကိုယ်ကျတဲ့ သီချင်းကို ဖွင့်တယ်၊ ဗမာလို အသံထွက်လိုက်ရေး၊ အင်္ဂလိပ် စာလုံးနဲ့လည်း အသံထွက်အတိုင်း လိုက်ရေးတယ်လေ၊ ငယ်တုန်းက အတိုင်း သီချင်း ကျက်ဖို့ပေါ့၊ ဒီပွဲကိစ္စမှာတော့ သက်ဆိုင်ရာ သံရုံး အမှုထမ်းတွေကလဲ လာပြီးတော့ ကူပါတယ်၊ သီချင်းမှန်၊ မမှန် စာအသံ ထွက်မှန်၊ မမှန် နားထောင်ပေးတယ်၊ ပြင်ပေး သင်ပေးကြပါတယ်။ မာအေး မှတ်မိသလောက် ဓနုဖြူစိုးသိန်းနဲ့ အဆိုတော် ဝေဝေက အင်္ဂလိပ်ဘာသာနဲ့ ဆိုကြတယ်၊ တင်တင်မြက အင်ဒိုနီးရှားဘာသာကို ဆိုပါတယ် မင်းသားကြီးဝင်းဦးတို့ ခင်မောင်လွင် တို့ကတော့ ဗီယက်နမ်လား၊ လာအိုလား မပြောတတ်တော့ဘူးရှင်။ မာအေးက ထိုင်းဘုရင်မင်းမြတ် ရေးစပ်တဲ့ ထိုင်းသီချင်းနဲ့ စင်္ကာပူသီချင်း ဆိုရတယ်ရှင့်၊ အရင်တပတ်က ဆိုဗီယက် ရုရှသီချင်းကို နုနုလွင်နဲ့ အဖွဲ့သူတဦးက ဆိုခဲ့တာပါ။ နောက်ပြီး အိန္ဒိယဘာသာကို ဆိုတဲ့သူက ကိုကျော်ညွှန့်ပါ။ သူဟာ သီချင်းလည်း ဆိုတယ် သီချင်းလည်း ရေးပါတယ်၊ ပရိသဒ်အကြိုက် သူ့သီချင်းက ‘ချစ်သူ့ကိုယ်စား’ တဲ့၊ ‘ကိုယ်မရောက်လာလို့ကွယ် မောလှတယ်လို့ ဆိုလာသူရယ်၊ ချစ်သူ့ကိုယ်စားနှင်းပါမယ်၊ ငှက်ကလေးတွေ တေးဆိုတဲ့အခါဝယ်’၊ ဒီသီချင်းလေးလေ မာအေးကတော့ ‘အုန်းစတ်ပါ ဘုန်းလကျာင်္ဝယ်’ ဆိုတဲ့ သီချင်းကို ပိုကြိုက်ပါတယ်။ သူ့အသံကလဲ ရှားရှားပါးပါး ထူးခြားတဲ့ အနွေးဓါတ်တခုခု ရှိနေသလို ခံစားရပါတယ်။ ဂီတလောကမှာ သူလဲ မောင်ရင်းလိုနေတဲ့ သူငယ်ချင်းမျိုးပါဘဲ၊ ကျားကြီးကျော်ညွှန့်၊ နှစ်ဆယ်ရာစုကျော်ညွှန့် နာမည်တွေနဲ့ ခေတ်ပေါ်လူငယ်သီချင်းမျိုးတွေလဲ စပ်တယ်ရှင့်။ ဘာလဲ ‘မောင့်အချစ်ဟာ ဖရဲသီး’ ဆိုလား အဲ့ဒါမျိုးတွေပေါ့၊
အဲတော့ … ဂီတတောနဲ့ သူငယ်ချင်းတွေအကြောင်း ပြောကောင်းနေလိုက်တာ နှစ်သစ်ကျရင် ကိုယ့်သောတရှင်တွေအတွက် ‘မေတ္တာစုန်ရေ’ တေးမျှဝေဘို့ရာ မေ့တော့မလို့တောင် ဖြစ်သွားတယ်၊ ကဲကဲ … နားဆင်ကြပေတော့၊ ကျန်းမာသက်ရှည် အဆင်ပြေကြပါစေလို့ ဆုတောင်းလိုက်ပါတယ်ရှင်။
တူသည့်အကျိုး လူမျိုးမရွေးရနိုင်ပါသည်၊ လဲသူကိုထူမ၊ မွဲသူဆို လှူကြ၊ တယောက်ကစ တရာ ဆိုစကားပမာညီ… သနားညှာတာ ကိုယ်ချင်းစာ စေတနာထားရိုး အဖွားအဖိုးလဲ စောင့်ရှောက်ကြင်နာ အစဉ်မကွာ မင်္ဂလာ အမိ မြန်မာပြည်…
သည်သို့အလှူတည် ကူညီ အမျိုးသားရေး သွေးစွေးနီ၊ ရီရီပြုံးပြုံး ပြန်ပြည်အလုံး အုံးအုံးကြွက်ကြွက် တခဲနက် အောင်သံချီ… သွေးချင်းတို့ မာပါစီ၊ ဘေးကင်းလို့ ဘယာမသီ၊ ကျောက်စက်ကျ မေတ္တာစုန်ရည် စမ်းရည်၊ မျှဝေပါသည်၊ ရစေတာရှည် ဒါနသဒ္ဓါကြည် ထာဝရပါရမီ၊ မှန်းရည် ပန်းကမ္ဘာတည်…
ဤသီချင်းကို ၂၀၁၀ ဒီဇင်ဘာ (၁၄) ရက် တွင် ရေးသားပြီးစီးပါသည်။
၂၀၁၀ ဒီဇင်ဘာ (၁၅) ရက် mini recorder နှင့် ဆိုခဲ့ အသံဖမ်းခဲ့ပြီး ကျော်ကျော်နိုင်ထံ e-mail ဖြင့်ပို့၍ တီးလုံးပြုလုပ်စေရာ (၂၅) ရက် နံနက် 8:14 AM တွင် ပြန်လည်ပေးပို့ခဲ့ပါသည်။
၂၀၁၀ ဒီဇင်ဘာ (၂၈) ရက် ညနေ (၆) နာရီတွင် Q DEEZ ENT. Studio မှ DENNIS WATSON က အသံဖမ်းပေးပါသည်။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
