(မိုးမခ) ဇွန်လ ၁၄၊ ၂ဝ၁၇
ခေတ်မီနည်းပညာများဖြင့် တိုးတက်ပြောင်းလဲ သစ်လွင်နေသော ကမ္ဘာကြီးသည် နိုင်ငံရေး၊ စီးပွားရေး၊ လုံခြုံရေး၊ စစ်ရေးဆိုင် ရာ ကိစ္စရပ်များသည် နေ့စဉ်နှင့်အမျှ ဖြစ်ပျက်ပြောင်းလဲနေပေသည်။ ဝါဒရေးရာ အားပြိုင်မှုများနေရာတွင် ပထဝီနိုင်ငံရေး၏ အလှည့်အပြောင်းအောက် နိုင်ငံရေး ချိန်ခွင်လျှာညီမျှမှုကို အဖြေထုတ်နိုင်ရန် ကြိုးစားမည်ဆိုလျှင် အကောင်းဆုံးမှာ ကမ္ဘာ ကြီးနှင့် ထိတွေ့ဆက်ဆံလျှက် သံရေးတမန်ရေးမှာ ရှေ့ကပြေးနိုင်မှ တော်ကာကျမည်ဟု သုံးသပ်ထင်မြင် ယူဆမိပါသည်။
အမေရိကန်တွင် ဒေါ်နယ်ထရန့်သည် သမ္မတအဖြစ်တာဝန်ထမ်းဆောင်ချိန်မှစတင်ပြီး ကနေဒါနိုင်ငံအပါအဝင် မြောက် အမေရိက တိုက်နိုင်ငံများ၏ စီးပွားရေးသဘောတူညီချက်များကို ပြန်လည်ပြင်ဆင်သတ်မှတ်ရန် ကြိုးစားနေသည့် နည်းတူ ရာသီဥတုအပြောင်းအလဲဆိုင်ရာ ပဲရစ်သဘောတူညီချက်ကို အသိအမှတ်မပြု လက်မှတ်မထိုးသည့်နိုင်ငံအဖြစ် အမေရိ ကန်ပြည်ထောင်စုက ရပ်တည်ခဲ့ရာ (G7) ကမ္ဘာ့ထိပ်သီး စက်မှုခေါင်းဆောင်များ အလောသုံးဆယ် ခေါင်းချင်းဆိုင် ဆွေးနွေး နေရပေသည်။ အင်္ဂလန်နိုင်ငံ၏ ရွေးကောက်ပွဲ အနိုင်အရှုံးသည်လည်း ကမ္ဘာ့စီးပွားရေးအပါအဝင် စတော့ရှယ်ယာ ဈေးကွက် နှင့် တိုက်ရိုက်၍သော်လည်းကောင်း သွယ်ဝိုက်၍သော်လည်းကောင်း ပတ်သက်နေပေရာ လက်ရှိဝန်ကြီးချုပ် Theresa May ၏ ကွန်ဆာဗေးတစ်ပါတီသည် ပါလီမန်တွင် ၃၁၈ နေရာမျှသာအနိုင်ရရာ အစိုးရဖွဲ့ဖို့ရာ နေရာအနည်းငယ်လို အပ်နေ ပေသည်။ ယခုလို အင်္ဂလန်ရွေးကောက်ပွဲရလဒ်ကြောင့် ဗြိတိန် ပေါင်ငွေကြေးကျဆင်းမည်ဟု ခန့်မှန်းသူများလည်း ရှိနေပေ သည်။
နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် တရုတ်နိုင်ငံခရီးစဉ်၊ အင်္ဂလန်နိုင်ငံအပါအဝင် ဥရောပခရီး စဉ်နှင့် ယခုလည်း ကနေဒါနိုင်ငံ၊ ဆွီဒင်နိုင်ငံခရီးစဉ်များအနေဖြင့် ကမ္ဘာ့အရှေ့ ခြမ်း အနောက်ခြမ်းနိုင်ငံများကို မမောနိုင် မပမ်းနိုင်ခရီးဆက်နေသည်မှာ မြန်မာပြည်၌ နိုင်ငံရေး၊ စီးပွားရေး၊ ငြိမ်းချမ်းရေး၊ အနာဂတ်ဖယ်ဒရယ်ဒီမိုကရေစီတည်ဆောက်ရေးကိစ္စအဝဝအား ပြည်သူ့အစိုးရမှ တာဝန်ယူဆောင်ရွက်ချိန်မှစတင်ပြီး အပြောင်းအလဲတရပ်ကို ပုံဖော်တည်ဆောက် နေခြင်း ဖြစ်ပေသည် ။
မြန်မာပြည်၏ ငြိမ်းချမ်းရေးဖြစ်စဉ်တွင် တရုတ်၏ အရေးပါမှုရှိသလို နိုင်ငံရေးတည်ငြိမ်းရေးအပါအဝင် စီးပွားရေး အထောက် အပံ့အကူအညီများ၊ စီးပွားရေး ရင်းနှီးမြှုပ်နှံမှုများအတွက် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ ဥရော ပနှင့် ကနေဒါခရီးစဉ်သည်လည်း အရေးပါသည်ဟုဆိုလျှင် မှားမည်မထင်ပါ။
၂ဝ၁၇ ဇန်နဝါရီလတွင် ထုတ်ပြန်ကြေငြာချက်အရ FDI (Foreign Direct Invest) နိုင်ငံခြား ရင်းနှီးမြှုပ်နှံမှု လက်ရှိ ခွင့် ပြုထားသည့် စာရင်းတွင် တရုတ်နိုင်ငံ၏ မြန်မာပြည်တွင် ရင်းနှီးမြုပ်နှံမှုသည် အမေရိကန်ဒေါ်လာ 18534.199 သန်းဖြင့် နိုင်ငံခြား ရင်းနှီးမြုပ်နှံမှု၏ 26.65% ဖြင့် ပထမ ဖြစ်ပြီး တခြားနိုင်ငံများမှ အောက်ပါအတိုင်းမြန်မာပြည်တွင် စီးပွားရေး ရင်းနှီးမြှုပ်နှံနေကြပေသည်။
နိုင်ငံ အမေရိကန်ဒေါ်လာ ( သန်း ) ရာခိုင်နှုန်း ( % )
2 Singapore 16455.417 23.66
3 Thailand 10606.596 15.25
4 Hong Kong 7536.402 10.84
5 U.K * 4122.848 5.93
6 Republic of Korea 3551.321 5.11
7 Viet Nam 2079.462 2.99
14 U.S.A 248.216 0.36
15 Canada 202.234 0.29
အထက်ပါ အတိုင်းမြန်မာပြည်တွင် စီးပွားရေး ရင်းနှီးမြှုပ်နှံမှုစာရင်းကို စီးပွားရေး ရှုထောင့်မှ ကြည့်လျှင် ပုံစံတမျိုးမြင်ရသကဲ့သို့ ငြိမ်းချမ်းရေး၊ တည်ငြိမ်ရေး၊ ပထဝီနိုင်ငံရေး အမြင်ဖြင့်ကြည့်လျှင် တမျိုးတဖုံမြင်နိုင်ကောင်း မြင်နိုင်ပေမည်။ ဆိုလိုသည်မှာ ကနေဒါနိုင်ငံသည် မြန်မာပြည်တွင် စီးပွားရေး ရင်းနှီးမြှုပ်နှံမှု၌ အမေရိကန် ဒေါ်လာ 202.234 သန်းဖြင့် နံပါတ် ၁၅ နေရာ တွင်ရှိသော်လည်း ၂ဝ၁၇ ခုနှစ်တွင် နှစ်ပေါင်း (၁၅ဝ) ရှိပြီဖြစ်သော ခိုင်မာသော ဖယ်ဒရယ်ပြည်ထောင်စုအဖြစ်ရပ်တည်နေ ပေရာ ဖယ်ဒရယ်ဒီမိုကရေစီပြည်ထောင်စုတည်ဆောက်မည့် မြန်မာပြည်အတွက် လေ့လာစရာများ တပုံတပင်ရှိနိုင်ပါသည် ။
ထို့ကြောင့် ကနေဒါနိုင်ငံသို့ရောက်ရှိခိုက် မြန်မာမိသားစုနှင့်တွေ့ဆုံပွဲတွင် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်း စုကြည်က အမှာစကားပြောကြားရာတွင် “ကျွန်မတို့ ဒီမှာလာရတဲ့ အဓိကအကြောင်းရင်းကတော့ Forum of Federations ဆိုတဲ့အဖွဲ့ကနေပြီး ကျွန်မတို့နိုင်ငံရဲ့ ငြိမ်းချမ်းရေးဖြစ်စဉ်ကို ကူညီသောအားဖြင့် ဖက်ဒရယ်ဒီမိုကရေစီနိုင်ငံရေးစနစ်အကြောင်း ပိုမိုပြီးနားလည်အောင် ဖိတ်ခေါ်တာဖြစ်ပါတယ်။ လာတဲ့အဖွဲ့ထဲမှာ တို်င်းရင်းသားလက်နက်ကိုင်အဖွဲ့ ကိုယ်စားလှယ် တွေ ပါတယ်၊ အစိုးရအဖွဲ့ ကိုယ်စားလှယ်တွေ ပါတယ်၊ တပ်မတော်ကိုယ်စားလှယ်တွေ ပါပါတယ်လို့ ထည့်သွင်းပြောကြားခဲ့တာဖြစ်ပါသည် ။
ပြည်သူ့ အစိုး၇မှ ချမှတ်ထားသော မူဝါဒဖြစ်သည့် အမျိုးသားပြန်လည်သင့်မြတ်ရင်ကြားစေ့ရေးကို လုပ်ဆောင်နေသည်မှာ အဆိုပါ ကနေဒါခရီးစဉ်တွင် အစိုးရ၊ တပ်မတော်၊ တိုင်းရင်းသားခေါင်းဆောင်များပါ အတူတကွ သွားရောက်ခဲ့ခြင်းက သက် သေပြနေပေသည်။ နှစ်ပေါင်း ( ၇ဝ) ရေရှည်ပြည်တွင်းစစ်ကြီးကို အဆုံးသတ်ဖို့နှင့် ငြိမ်းချမ်းသော အနာဂတ်ဖယ်ဒရယ် ဒီမို ကရေစီပြည်ထောင်စု တည်ဆောက်မည်ဆိုလျှင် အစိုးရ၊ တပ်မတော်၊ တိုင်းရင်းသားလက်နက်ကိုင်အဖွဲ့ များ၏ သက်ဆိုင်ရာခေါင်းဆောင်များအပါအဝင် တိုင်းရင်းသားပြည်သူလူထုများကပါ ခေတ်မီသောအတွေးအခေါ် အမျှော်အမြင်ရှိရန်မှာ မလွဲမသွေလိုအပ်ပါသည် ။
ဆင်းရဲတွင်းနက်ထဲမှ မြန်မာပြည်သည် ကမ္ဘာကြီးဆီမှ လေ့လာစရာ အတုခိုးစရာများ တပုံတပင်ရှိနေသေးသည်ကို အပြု သဘောဆန်စွာ လေ့လာချဉ်းကပ်ကာ သင်ယူသင့်တာကို သင်ယူ၊ သင်ခန်းစာယူသင့်တာကိုယူလျက် နောက်ပြန်မဆုတ် စတမ်း စိန်ခေါ်မှုများပြည့်နှက်နေသည့် အနာဂတ်အား ရဲရဲဖြတ်သန်းနိုင်ရန် ဝိုင်းဝန်းအားထုတ်ရပေမည်။ ဆိုလိုသည်မှာ ပြည်တွင်းပြည်ပရှိ ပြည်သူလူထုများအနေဖြင့် တတ်နိုင်သည့်ဖက်မှ လူထုမှတင်မြှောက်ထားသော ပြည်သူ့အစိုးရကို ဝန်းရံ ယုံမက ကျန်းမာရေး၊ ပညာရေး၊ နိုင်ငံရေးကိစ္စရပ်များအား ဆွေးနွေးတင်ပြလျက် ပူးပေါင်းဆောင်ရွက်နိုင်ရန် အစိုးရမှ ကမ်း လှမ်းချက်အား ညီညီညွတ်ညွတ်ဆွေးနွေးအဖြေရှာဖို့ရာ အမှန်တကယ်လိုအပ်နေပေသည်။
တချိန်ထဲမှာပင် ၂ဝဝ၈ ဖွဲ့ စည်းပုံအခြေခံဥပဒေအောက်၌ တိုင်းပြည်နှင့်လူမျိုးကောင်းစားရေးကို အစိုးရအနေဖြင့် တင်းပြည့် ကျပ်ပြည့် မလုပ်ဆောင်နိုင်သေးသည်ကိုလည်း ပကတိအခြေအနေ၌ မြင်တွေ့ နေရသည်မှာ အားမလိုအားမရဖြစ်နေမည့်သူများကိုလည်း နားလည်ခံစားမိပါသည်။ အဘယ်ကြောင့်ဆိုသော် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ၏နိုင်ငံကာခရီးစဉ်များတွင် နိုင်ငံတကာမှ ကူညီထောက်ပံ့မှုများရှိသော်လည်း တိုင်းပြည်တွင် တပ်မတော်နှင့်တိုင်းရင်းသားလက်နက်ကိုင် အဖွဲ့အစည်းများ၏ အဆုံးမသတ်နိုင်သော စစ်ပွဲများကြောင့် နိုင်ငံတော်သည် ပလိုင်းပေါက်နှင့် ဖားကောက် လျှက် ဆင်းရဲတွင်း ချောက်နက်နက်ထဲက ရုန်းမထွက်နိုင်ပဲ နူရာဝဲစွဲ လဲရာသူခိုးထောင်းနေသည်မှာ ဆယ်စုနှစ်ပေါင်းများစွာ ကြာမြင့်ခဲ့ပေပြီ ဖြစ်သည် ။
ယခုအခါ သမယ၌ ပြည်သူ့ အစိုးရသည် ကောင်းမွန်သော အစိုးရအသွင်ကူးပြောင်းရေးကို လုပ်ဆောင်နေပေမည့် အတိုက် အခံပါတီသည် ခေတ်နှင့်လိုက်လျောညီထွေ ပြောင်းလဲမှုရှိရဲ့လားဟု ပြည်သူလူထုက မေးခွန်းထုတ်နေပေသည်။ ဆိုလိုသည် မှာ ကနေဒါနိုင်ငံတွင် ၂ဝ၁၅ ရွေးကောက်ပွဲတွင် ရှုံးနိမ့်ခဲ့သည့် အတိုက်အခံ ကွန်ဆာဗေးတစ်ပါတီသည် ပါတီ၏ခေါင်းဆောင် သစ်ရွေးချယ်ခြင်း၊ မူဝါဒအသစ်များရေးဆွဲရာ ၂ဝ၁၇ ဇွန်လထိ အချိန် (၂) နှစ် ယူခဲ့ပေသည်။ မြန်မာပြည်တွင်မူ အတိုက်အခံ ပါတီသည် စနစ်ဟောင်းမှ အတွေးအခေါ်ဟောင်းများဖြင့် စစ်ရေး၊ ဘာသာရေး၊ လူမျိုးရေးပြဿနာကို ကြိုကြား ကြိုကြား ဖန်တီးလုပ်ဆောင်လျက် အစိုးရကို ချောင်ပိတ်ရိုက်ပြီး အာဏာပြန်လည်ရယူဖို့ရန် ကြိုးစားနေသလားဟု တချို့ ကမေးခွန်း ထုတ်နေသည်ကို ဖြေကြားရလျှင် အတိုက်အခံပါတီ၏ မူဝါဒနှင့်လူများကို စောင့်ကြည့်ရပေဦးမည်။
အချုပ်ဆိုရသော် တိုင်းပြည်၏ နိုင်ငံရေးပြဿနာကို နိုင်ငံရေးနည်းဖြင့် စားပွဲဝိုင်း၌ အဖြေရှာသည့် စစ်မှန်သောပြည်တွင်းငြိမ်းချမ်းရေးအားပုံဖော်ကာ ဖယ်ဒရယ်ဒီမိုကရေစီတည်ဆောက်မည့် (၂၁) ရာစုပင်လုံညီလာခံသည် တိုင်းပြည်၏ ထွက်ပေါက်ဖြစ် နိုင်ပေသည်။ သို့သော် တခြားတဖက်တွင်လည်း မိမိ၏တရားသေ ဆုပ်ကိုင်မှုသည်သာ တဖက်သတ် အမှန်တရားဟု အ တွေးအခေါ်ကျဉ်းမြောင်းလျက် ပါတီစွဲ၊ ဒေသစွဲ၊ အဖွဲ့စွဲ၊ လူမျိုးစွဲ ပြင်းထန်နေလျှင်ဖြင့် ကမ္ဘာ့နိုင်ငံရေး ကြိုးဝိုင်းမှာ နောက် ကောက်ကျ အလဲထိုးခံရလျက် တိုင်းပြည်နှင့် လူမျိုးနလံထူဖို့ ရန် အကြောင်းမမြင်ပေ။
ထို့ကြောင့် ပြည်ထောင်စု မြန်မာနိုင်ငံတွင် မှီတင်းနေထိုင်သော တိုင်းရင်းသားပြည်သူလူထု တရပ်လုံး သာတူညီမျှ ကောင်း စားရေး အတွက် စနစ်ဟောင်းမှ ကပ်ပါလာသော အတွေးအခေါ်တော်လှန်ရေးကို တပ်မတော်၊ အစိုးရ ၊တိုင်းရင်းသား ခေါင်းဆောင်များ မည်၍ မည်မျှ ပြောင်းလဲလုပ်ဆောင်နိုင်မှုသည် အရေးပါသလို ငြိမ်းချမ်းရေးနှင့် တိုးတက်ရေးကို လိုလား သော ပြည်သူလူထု၏ အင်အားသည်လည်း အနာဂတ် မြန်မာ့နိုင်ငံရေး အပြောင်းအလဲ၌ အဓိကကျသော အခန်းကဏ္ဍ၌ ရှိနေပေသည် ။
အောင်ခိုင်မြင့်
ဇွန် ၁၁၊ ၂ဝ၁၇
photo credit : Reuters
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
