မောင်မောင်စိုး – ရွေးကောက်ပွဲနိုင်ရုံမျှနှင့် မပြီးသေး
(မိုးမခ) ဇန်န၀ါရီ ၁၂၊ ၂၀၁၆
၂၀၁၅ နိုဝင်ဘာရွေးကောက်ပွဲတွင် NLD ပါတီ အပြတ်အ သတ်အောင်ပွဲခံနိုင်ခဲ့သည်။လူထုက စစ်ဖက်ခေါင်းဆောင်များ၏ အုပ်စိုးမှုကို ဆက် လက်မလိုလားတော့ကြောင်းကို ရွေးကောက်ပွဲ တွင်မဲဆန္ဒပေး၍ ပြသလိုက်ခြင်းလည်းဖြစ်သည်။ ရွေးကောက်ပွဲ ရလဒ်အရ NLD အနေနှင့် အစိုးရဖွဲ့စည်းနိုင်မည်ဖြစ်သည်။ လက်ရှိ ဦးသိန်းစိန်အစိုးရကလည်း အစိုးရတာဝန်လွှဲပြောင်းပေးမည်ဟု ယခုအချိန်ထိဆိုထားသည်။ သို့ဖြစ်ရာ လက်ရှိအနိုင်ရ NLD ပါတီအနေနှင့် အစိုးရတာဝန်အား ငြိမ်းချမ်းစွာလွှဲပြောင်းရယူနိုင်ရေး အတွက် လက်ရှိအချိန်ကာလတွင် ဦးတည်လုံးပမ်းနေ သည်မှာလည်း သဘာဝကျသည်ဟု ဆိုနိုင်ပါသည်။ ရွေးကောက်ပွဲအနိုင်ရ NLD ပါတီအတွက် ပထမခြေလှမ်းအဖြစ် အသိမှတ်ပြု ရပေမည်။ ထို့အတူ မကြာမှီကျင်းပတော့မည့် လွှတ်တော်အသစ် အတွက်လည်း အစိုးရသစ် ဖွဲ့စည်းနိုင်ရေးအတွက် ဒုသမတ ၃ ယောက်တင်မြှောက်ရေး ထိုမှ သမတသစ်တင်မြှောက်ရွေးချယ် ရေး သည် ဦးစားပေးတာဝန်ဖြစ်ပေလိမ့်မည်။
သို့သော် ထို NLD အစိုးရသစ်တွင် စစ်တပ်မှရွေးချယ်သည့် ဒုသမတ တစယောက်နှင့် ကာ ကွယ်ရေး ပြည်ထဲရေး နယ်စပ်ရေးရာ စသည့်အ ရေးပါသည့် ဝန်ကြီး ၃ နေရာအားလည်း စစ်ဖက်မှရွေးချယ်ခန့်အပ်မည်ဖြစ်သည်။ ထို့ပြင် လက်ရှိဖွဲ့စည်းပုံအရ ကက်ဘိနက်ဟုခေါ်နိုင်သည့် ကာလုံဟုခေါ်ကြသည့် အမျိုးသားကာကွယ်ရေးနှင့်လုံခြုံရေးကောင်စီဝင် ၁၁ ဦး တွင် စစ်ဖက်မှ ဒုသမတ ၁ ဦး ဝန်ကြီး ၃ ဦးနှင့် ကာချုပ် ဒုကာချုပ်အပါ ၆ ဦးအထိ ရယူထားသည်။ ထိုသို့ စစ်ဖက်မှအသာစီးယူထားသည့် မဲအရေအတွက်ဖြင့် ကာလုံဆုံးဖြတ်ချက်များကို ချမှတ်နိုင်ရန် အတွက် ကာလုံဥပဒေကို ပြဌာန်းနိုင်ရန် ပြင်ဆင်လုပ်ဆောင်နေ သည်များကိုလည်းတွေ့ရသည်။
ထို့ပြင် လွှတ်တော်တွင်လည်း စစ်ဖက်မှ ကိုယ်စားလည် ၂၅ % ရယူထားသည်။ အရပ်ဖက်ရွေးကောက်ပွဲတွင်လည်း မဲပေးခွင့် ရခဲ့ကြသော မြန်မာ စစ်ဖက်သည် လွှတ်တော်အခန်းကဏ္ဏ တွင် နှစ်ထပ် ကွမ်းအခွင့်အရေး ရယူထားဆဲဖြစ်သည်။လွှတ်တော်၏ ကိုယ်စားလည်း ၂၅ % ကို အင်အား ၅ သိန်းရှိသောမြန်မာ စစ်ဖက်မှ ရယူထားပြီး ကျန်၇၅ % ကို လူဦးရေ သန်း ၅၀ ကျော်ကရရှိသည်ဟုဆိုရမည်။ ထို့ပြင် ထိုအချိုးအစားကြောင့် ရွေးကောက်ပွဲတွင် အပြတ်အသတ် ၈၀ % ဖြင့်အနိုင်ရခဲ့သော NLD ပါတီသည် လွှတ်တော်ထဲတွင် ၆၀% သာရှိပေတော့သည်။
သို့ဖြစ်ရာ ရွေးကောက်ပွဲတက်လာသည့် အရပ်သားအစိုးရ သမတသည် ၂၀၀၈ ခြေဥအရ မြန်မာစစ်ဖက်က နေရာအများစု ယူထားသည့် ကာလုံဆုံးဖြတ်ချက်ကို နာခံရမည့်သဘောဖြစ်နေ သည်။ ကာလုံတွင်ပါဝင်ရမည့်သူ ၁၁ ဦးအား ၂၀၀၈ အခြေခံ ဥပဒေ အခန်း ၅ ပုဒ်မ ၂၀၁ အရပြဌာန်းထားသည်။ ထိုပုဒ်မသည် အခန်း ၁၂ ပုဒ်မ ၄၃၆( က ) အရ ပုဒ်မ ၂၀၁ အားပြင်ဆင်လိုပါက လွှတ်တော်ကိုယ်စားလည် ၇၅ % အထက်သဘောတူရမည် ဖြစ်ပြီး လူထုဆန္ဒခံယူပွဲပြုလုပ်အတည်ပြုရန်လိုအပ်သည်။ အနှစ်သာရအရ မြန်မာစစ်ဖက်မှသဘောမတူလျင် ပြင်မရသည့် ဥပဒေဖြစ်နေသည်။သို့သော် ကာလုံအဖွဲ့ဝင် အများစု သဘောထား ဆုံးဖြတ်ချက်ဖြင့် သမတအား နာခံရမည်ဆိုသည်ပင်လျင် ၂၀၀၈ အခြေခံဥပဒေနှင့်မညီဟုဆိုရမည်။ ၂၀၀၈ အခြေခံဥပဒေ အခန်း ၃ ပုဒ်မ ၅၈ တွင် နိုင်ငံတော်သမ္မတသည် ပြည်ထောင်စုမြန်မာနိုင်ငံတော် တစ်ဝန်းလုံးတွင် နိုင်ငံသားအားလုံး၏ အထွတ်အထိပ်နေရာ ရရှိသည် ဟုဖေါ်ပြရာ သမတ သည်ကာလုံဆုံးဖြတ်ချက်နာခံရမည် ဆိုသည်မှာ မဆီလျော်ပေ။ သမတသည် ကာလုံတွင် အဆုံး အဖြတ် ပေးနိုင်သည့်အခွင့်အာဏာ ဝါ ဗီတိုအာဏာ ရရှိရန် လိုအပ်ပေသည်။
ပုဒ်မ ၅၈ အရ နိုင်ငံသားအားလုံး၏ အထွတ်အထိပ်နေရာတွင် ရှိသည်ဟုဆိုသော သမတသည်အခန်း ၇ ပုဒ်မ ၃၄၂ အရ အမျိုးသားကာကွယ်ရေးနှင့်လုံခြုံရေးကောင်စီ၏ အဆိုပြုထောက်ခံ ချက်ဖြင့် တပ်မတော်ကာကွယ်ရေးဦးစီးချုပ်ကို ခန့်အပ်တာဝန်ပေးရမည်ဖြစ်သည်။ အခန်း ၇ ပုဒ်မ ၃၄၃ အပိုဒ် ( ခ) အရ စစ်ဖက် တရားစီရင်ရေးတွင် ကာချုပ်၏အဆုံးအဖြတ်သည် အပြီးအပြတ်ဖြစ်သည်ဟု ဖေါ်ပြထား၍ သမတတွင်မည်သည့်အခွင့် အာဏာမှ မရှိချေ။ ထို့ပြင်သမတသည် လွတ်ငြိမ်းချမ်းသာခွင့် ပေးလိုလျင်ပင်အခန်း ၅ ပုဒ်မ ၂၀၄ ( ခ ) အရ ကာလုံ၏ ထောက်ခံချက်နှင့်အညီဖြစ်ရန် လိုနေပေသည်။
တိုင်းဒေသကြီးနှင့် ပြည်နယ်များ၌ လုံခြုံရေးနှင့်နယ်စပ်ရေးရာ ဝန်ကြီးတာဝန်ပေးရန် ပုဒ်မ ၂၆၂( က ) ( ၂ ) အရ သမတသည် ကာချုပ်ထံမှ တပ်မတော်သားအမည်စာရင်းတောင်းခံရမည်ဖြစ်သည်။ ထို့ပြင် ကိုယ်ပိုင်အုပ်ချုပ်ရေးတိုင်းနှင့် ဦးစီးအဖွဲ့များ ဖွဲ့စည်းရာတွင် ပုဒ်မ ၂၇၆ ( ဈ ) အရဦးစီးအဖွဲ့ဝင် လေးပုံတပုံကို တပ်မတော်သားများဖြင့် ကာချုပ်ကလိုအပ်သလိုဖြည့်စွက် တာဝန်ပေးနိုင်သည်ဟု ဆိုပါသည်။
အစိုးရအဖွဲ့တွင်လည်း ကာချုပ်ကအဆိုပြုခန့်အပ်သည့် ပြည်ထဲရေးဝန်ကြီး၏ လက်အောက်တွင် မြို့နယ် ခရိုင် တိုင်း အထွေထွေထွေအုပ်ချုပ်ရေးဦးစီးဌာနများပြည်သူရဲနှင့်မီးသတ်တပ်ဖွဲ့တို့ပါဝင်ပြီး အုပ်ချုပ်ရေးယန္တယားတခုလုံးအား ချုပ်ကိုင်ထား သည်ကို တွေ့ရသည်။
ထို့ပြင် ၂၀၀၈ အခြေခံဥပဒေ အခန်း ၇ ပုဒ်မ ၃၃၇ တွင် တပ်မတော်သည် နိုင်ငံတော်ကာကွယ်ရေးအတွက် အဓိက အကျဆုံးလက်နက်ကိုင်တပ်ဖွဲ့ဖြစ်သည်ဟူ၍၎င်း ပုဒ်မ ၃၃၈ တွင် လက်နက်ကိုင်အဖွဲ့အစည်းအားလုံးသည် တပ်မတော်အောက်တွင်ရှိရမည်ဟူ၍၎င်း ပုဒ်မ ၃၃၉ တွင် နိုင်ငံတော်၏ ပြည်တွင်း ပြည်ပအန္တရယ်များကို ကာကွယ်ရန်တပ်မတော်က ဦးဆောင်ရမည် ဟူ၍၎င်း ဖေါ်ပြထားသော်လည်း တပ်မတော်အား မည်သူက ဦးဆောင်ရမည်ဟု မဖေါ်ပြချေ။ တပ်မတော်သည်လက်ရှိ ၂၀၀၈ ဖွဲ့စည်းပုံအရ သီးခြားကင်းလွတ်စွာတည်ရှိသည့် အဖွဲ့အစည်းဖြစ်သည်။ နိုင်ငံတော်သမ္မတ သည် တိုင်းပြည်၏အထွတ်အထိပ်ဖြစ် သည်ဟု ၂၀၀၈ အခြေခံဥပဒေတွင်ဖေါ်ပြထားသော်လည်း တပ်မတော်အားကား သီးခြားအဖွဲ့အစည်းကဲ့သို့ဖြစ်နေသည်။ အိမ်ကြီးထဲတွင် အိမ်ငယ်ဆောက်ထားသကဲ့သို့ဖြစ် နေသည်ဟုဆိုရပေမည်။
ဥပဒေပြုလွှတ်တော်နှစ်ရပ်တွင်လည်း မြန်မာစစ်ဖက်မှ ကိုယ်စားလည် ၂၅% ရယူထားသည်။အရေးကြီးသောအခြေခံ ဥပဒေပြင်ဆင်ချက်များပြုလုပ်လုပ်ရာတွင် မြန်မာစစ်ဖက်၏ သဘောတူညီချက်မပါဘဲပြုလုပ်၍ မရစေရန် ပုဒ်မ ၄၃၆ (က) ပြဌာန်းထားသည်ကိုတွေ့ရသည်။
ပုဒ်မ ၄၃၆( က) အရမြန်မာစစ်ဖက်မှ သဘောတူမှ ပြင်ဆင်ခွင့်ရမည့်ပုဒ်မများမှာ
အခန်း ၁ နိုင်ငံတော်အခြေခံမူများတွင် ပါဝင်သည့် ပုဒ်မ ၁ မှ ပုဒ်မ ၄၈ ထိ ( အခန်း ၁ ပါ ပုဒ်မ အားလုံး )
အခန်း ၂ နိုင်ငံတော်ဖွဲ့စည်းတည်ဆောက်ပုံ တွင် ပါဝင်သည့် ပုဒ်မ ၄၉ မှ ပုဒ်မ ၅၆ ထိ ( အခန်း ၂
ပါ ပုဒ်မအားလုံး )
အခန်း ၃ နိုင်ငံတော် သမ္မတနှင့် ဒုသမ္မတများမှ ပုဒ်မ ၅၉ နိုင်ငံတော်သမ္မတ အရည်အချင်းနှင့် ပုဒ်မ ၆၀ သမ္မတရွေးချယ်တင်မြှောက်ပုံ
အခန်း ၄ ဥပဒေပြုရေးမှ ပုဒ်မ ၇၄ ပုဒ်မ ၁၀၉ ၊ ပုဒ်မ ၁၄၁ အမျိုသားလွှတ်တော် ပြည်သူ့လွှတ်တော် ပြည်ထောင်စုလွှတ်တော်များတွင် မြန်မာစစ်ဖက်မှ ကိုယ်စားလည် ၂၅% ပါဝင်ခွင့် နှင့် ပုဒ်မ ၁၆၁ ပြည်နယ်နှင့်တိုင်းဒေသကြီး လွှတ်တော်များတွင် မြန်မာစစ်ဖက်မှကိုယ်စား လည် သုံးပုံတပုံပါဝင်ခွင့်ကိုဖေါ်ပြသည့် ပုဒ်မများ
အခန်း ၅ အုပ်ချုပ်ရေးတွင် ပါဝင်သည့် ပုဒ်မ ၂၀၀ ပြည်ထောင်စုအစိုးရဖွဲ့စည်းပုံ ပုဒ်မ ၂၀၁ ကာလုံ ဖွဲ့စည်းပုံ ပုဒ်မ ၂၄၈ တိုင်းဒေသကြီးနှင့် ပြည်နယ်အစိုးရဖွဲ့စည်းပုံ ပုဒ်မ ၂၇၆ကိုယ်ပိုင်အုပ်ချုပ်ရေး တိုင်း ဒေသ ဦးစီးအဖွဲ့များဖွဲ့စည်းပုံ
အခန်း ၆ တရားစီရင်ရေးမှ ပုဒ်မ ၂၉၃ တရားရုံး ဖွဲ့စည်းပုံ၊ ပုဒ်မ ၂၉၄ တရားလွှတ်တော်ချုပ်ဖွဲ့စည်းခြင်း ပုဒ်မ ၃၀၅ တိုင်းဒေသကြီး ပြည်နယ် တရားလွှတ်တော်ဖွဲ့စည်းခြင်း ပုဒ်မ ၃၁၄ တရားလွှတ်တော်အောက်ရှိ အဆင့်ဆင့်တရားရုံးဖွဲ့စည်းခြင်း။ ပုဒ်မ ၃၂၀ အခြေခံဥပဒေခုံရုံးဖွဲ့စည်းခြင်း
အခန်း ၁၁ အရေးပေါ်ကာလဆိုင်ရာပြဌာန်းချက် များတွင်ပါဝင်သည့် ပုဒ်မ ၄၁၀ မှ ပုဒ်မ ၄၃၂ ထိ ပုဒ်မအားလုံး
အခန်း ၁၂ ဖွဲ့စည်းပုံအခြေခံဥပဒေပြင်ဆင်းခြင်းပါ ပုဒ်မ ၄၃၆ တို့ဖြစ်သည်။
ပုဒ်မ ပေါင်း ၄၅၇ ခုရှိသည့် ၂၀၀၈ အခြေခံဥပဒေတွင်ပါရှိသည့် အုပ်ချုပ်ရေး တရားစီရင်ရေး ဥပဒေပြုရေးတို့တွင်အချက်အခြာ ကျသော ပုဒ်မ ၉၅ ခုအား မြန်မာစစ်ဖက်၏ သဘောတူညီချက် မရဘဲ ပြုပြင်ပြောင်းလဲခွင့်မရှိဟူ၍ ပြဌာန်းထားပေသည်။ ထိုသို့ပြုပြင်ပြောင်းခွင့် မပြုသည့်ပုဒ်မများအနက် အချက်အခြာ ကျသည့်ပုဒ်မကတော့ ပုဒ်မ ၄၃၆ ဖြစ်ပေသည်။
ထို့ပြင် အရပ်လွှတ်တော်ကိုယ်စားလည်သက်တမ်းသည် ၅ နှစ် ဖြစ်သည်။ ထိုသက်တမ်းအတွင်း အကြောင်းအမျိုးမျိုးကြောင့် လစ်လပ်ပါက ပြန်လည်ရွေးကောက်တင်မြှောက်ရန်လိုအပ်သည်။ စစ်ဖက်ကိုယ်စားလည်များကတော့ အထူးအခွင့်အရေး ယူထားသည်ကိုတွေ့ရသည်။ မြန်မာစစ်ဖက်မှ စေလွှတ်သည့် ကိုယ်စား
လည်များအား လွှတ်တော်သက်တမ်း ၅ နှစ်အတွင်း ကာချုပ် အရေအတွက်အကန့်အသတ်မရှိ အကြိမ်ရေအကန့်အသတ်မရှိ လဲလှယ်ခွင့်ရှိနေပါသည်။
သို့ဖြစ်ရာလက်ရှိ ၂၀၀၈ ဖွဲ့စည်းအုပ်ချုပ်ပုံအခြေခံဥပဒေအရ အုပ်ချုပ်ရေး ဥပဒေပြုရေး တရားစီရင်ရေးနယ်ပယ်အားလုံးတွင် မြန်မာစစ်ဖက်ကထိမ်းချုပ်ထားပြီး ရွေးကောက်ပွဲတွင် အနိုင်ရလာသော အရပ်သားအစိုးရသည် စစ်ဖက်၏ထိမ်းချုပ်မှုအောက်တွင် မြန်မာစစ်ဖက်နှင့် ညှိနှိုင်းလုပ် ဆောင်သွားရမည်ဖြစ်သည်။ ထို့ကြောင့်လည်း မြန်မာစစ်ဖက်မှ ၂၀၀၈ အခြေခံဥပဒေကို ကာ ကွယ် စောင့်ရှောက်သွားမည်ဆိုသည်မှာ ထူးဆန်းသည့်အချင်း အရာ မဟုတ်ပေ။သို့ဖြစ်ရာ ရွေးကောက် ပွဲနိုင်၍အစိုးရ ဖွဲ့နိုင်ပြီဆိုသော်လည်း မြန်မာပြည်တွင်ဒီမိုကရေစီစနစ်တရပ် အောင်မြင်စွာ ထူထောင်နိုင် ရန် ၂၀၀၈ အခြေခံဥပဒေ ပြင်ရေးသည် မလွဲမသွေလိုအပ်နေပေသေးသည်။
ထို့ကြောင့်လည်း ၂၀၁၃/၂၀၁၄ ကာလများက အခြေခံဥပဒေ ပြင်ဆင်ရေး ၄၃၆ ပြင်ရေး လူထုဟောပြောပွဲများကို တနိုင်ငံ လုံးအနှံ့၌ NLD နှင့်၈၈ ငြိမ်းပွင့်တို့ ပုးပေါင်းလုပ်ဆောင်ခဲ့ကြသည်။ ၄၃၆ ပြင်ဆင်ရေးအတွက် လူ ငါးသန်းနီးပါး လက်မှတ်ထိုး ဆန္ဒပြုခဲ့ကြသည်။
ထို့ပြင် လက်ရှိ တိုင်းရင်းသားလက်နက်ကိုင်များနှင့် ငြိမ်းချမ်းရေးလုပ်ငန်းစဉ်အရ ဖက်ဒရယ်မူပြသနာ တိုင်းရင်းသားပြည်နယ်များ၏ အခွင့်အ ရေး ပြသနာများကို ဆွေးနွေးဖြေရှင်းရာတွင် ၂၀၀၈ အခြေခံဥပဒေအား ပြင်ဆင်ရန် လိုအပ်လာပေဦးမည်။
၂၀၀၈ အခြေခံဥပဒေပြင်ဆင်ရေးအတွက် မတူကွဲပြားသော နည်းလမ်းများရှိနေသည်။ NLD နှင့် ANP စသည့်တိုင်းရင်းသား ပါတီများကတော့ လွှတ်တော်တွင်းမှ အခြေခံဥပဒေပြင်ဆင်ရေးကို ကြိုးပမ်းဖွယ်ရှိသည်။ SNLD ပါတီအနေနှင့် ရွေးကောက်ပွဲ ဝင်ခဲ့သော်လည်း ခွန်ထွန်းဦးနှင့်အဓိကခေါင်းဆောင် ၅ ဦးသည် ရွေးကောက်ပွဲတွင် ဝင်ရောက်ခြင်းမရှိပေ။ လွှတ်တော်ပြင်ပနိုင်ငံရေးတွင်လုပ်ဆောင်နိုင်ရန်ဟုဆိုသည်။ တိုင်းရင်းသားအရေး ဖက်ဒရယ်အရေး ဖွဲ့စည်းပုံအခြေခံဥပဒေပြင်ဆင်ရေးတို့ကို လွှတ်တော်ပြင်ပမှ လှုပ်ရှားဆောင်ရွက်မည်ဟု အဓိပ္ပါယ်ရသည်။
တိုင်းရင်းသားလက်နက်ကိုင်အဖွဲ့များပြသနာအဖြေရှာရန် ကျင်းပသည့် ပြည်ထောင်စုငြိမ်းချမ်းရေးညီလာခံသည် ဖက်ဒရယ်ပြသနာ တိုင်းရင်းသားပြည်နယ်များပြသနာ ၂၀၀၈ အခြေခံဥပဒေ ဆိုင်ရာ ပြသနာများကို ဆွေးနွေးအဖြေရှာနိုင်သည့် လွှတ်တော်ပြင်ပမှ တနေရာဟုဆိုရပေမည်။
သို့သော် ၂၀၁၆ ဇန္နဝါရီ ၁၂ ရက်နေ့စတင်မည့် ငြိမ်းချမ်းရေး ညီလာခံသည် တိုင်းရင်းသားလက် နက်ကိုင်အဖွဲ့အားလုံး မပါဝင်နိုင်သေး။အစ၏အစမျှသာရှိသေးသည်ဟု ဆိုရမည်။ ၂၀၁၆ ဖေဖဝါရီ ၁ ရက်နေ့တွင် စတင်မည့် လွှတ်တော်သည်လည်း လွှတ်တော် ဥက္ကဌများ ရွေးချယ်ခြင်း ကော်မတီများဖွဲ့စည်းခြင်း သမတရွေးချယ်တင်မြှောက်ခြင်း အစိုးရသစ်ဖွဲ့စည်းခြင်း အစိုးရတာဝန်လွှဲပြောင်းယူခြင်းတို့ဖြင့် အလုပ်ရှုပ်နေဖွယ်ရှိသည် ။
ဤသို့ဖြင့် နောက်သုံးလခန့်ကတော့ အခြေခံဥပဒေပြင်ဆင်ရေး ၄၃၆ ပြင်ဆင်ရေးသည် ဘေးရောက်နေဖွယ်ရှိသည်။ သို့သော် မြန်မာပြည် ဒီမိုကရေစီလူ့အဖွဲ့အစည်းသို့ရောက်ရှိရေး တိုင်းရင်းသားပြသနာ ဖက်ဒရယ်ပြသနာဖြေရှင်းရေးအ တွက် ၂၀၀၈ ဖွဲ့စည်းအုပ်ချုပ်ပုံအခြေခံဥပဒေပြင်ဆင်ရေး ၄၃၆ ပြင်ဆင်ရေးသည် မျက်ကွယ်ပြု၍မရနိုင်သော ရှောင်လွှဲ၍ မရသော အချက်ဖြစ်ပေသည်။ သို့ဖြစ်ရာ ရွေးကောက်ပွဲနိုင်ရုံမျှနှင့်ိမပြီးသေးဟု ဆိုရပေမည်။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ