မောင်မောင်စိုး – အနိုင် အရှုံးနှင့် ကစားကွက်များ

June 27, 2015



မောင်မောင်စိုး – အနိုင် အရှုံးနှင့် ကစားကွက်များ

(မိုးမခ) ဇွန် ၂၇၊ ၂၀၁၅

၂၀၁၅ ဇွန်လ ၂၅ ရက် မွန်းလွဲပိုင်း ပုဒ်မ ၄၃၆ ပြင်ရေးနှင့်
ပတ်သက်ပြီး လုံလောက်သော ထောက်ခံမဲမရသဖြင့် ၄၃၆ ပြင်
ဆင်ရေးအဆိုရှုံးနိမ့်သည်ဟု ပြည်ထောင်စုလွှတ်တော်တွင်း
ကြေငြာလိုက်သောအခါ စစ်တပ်ကိုယ်စားလည်များ၏ လက်ခုတ်
သံများ ဖြင့်ဆူညံသွားသည်။ ကျန်ရွေးကောက်ခံအမတ်များမှာ
ငြိမ်သက်နေကြပြီး လက်ခုတ်သံများ ရပ်သွားသည်နှင့် လွှတ်တော်
တခုလုံး တိတ်ဆိတ်သွားသည်ဟု သတင်းထောက်တစ်ဦးက မှတ်တမ်းတင်ထားပါသည်။

ရှေးလူကြီးများပြောကြသည့် မရှိတာထက် မသိတာက
ပိုခက်သည်ဟု မြန်မာစကားကို ပြေးသတိရမိသည်။

အနိုင် 

တကယ်တော့ ၂၀၀၈ ခြေဥပြင်ရေးကို NLD နှင့် ၈၈ ငြိမ်းပွင့်
တို့ပူးပေါင်းလှုံ့ဆော်ခဲ့ကြခြင်းဖြစ်သည်။ ပြည်သူ ငါးသန်းထောက်ခံ
လက်မှတ်ထိုးခဲ့ကြသည်။ ဒေါ်စုက လေးပွင့်ဆိုင်ကိုတောင်းဆို
သည်။ တွေ့ဆုံ၍ ညှိနှိုင်းမှု ပြုရန်ဖြစ်သည်။ ဦးသိန်းစိန် တုတ်တုတ်
မှမလှုပ်။ ဦးရွှေမန်းက လွှတ်တော်မှ ၆ ပွံင့်ဆိုင်ဖြင့် ဈေးဆစ်သည်။
 ဒေါ်စုကလက်ခံခဲ့သော်လည်း ဦးသိန်းစိန်မှ နေ့ရွှေ့ညရွှေ့လုပ်သည်။ မဖြစ်မနေတွေ့ကြသော်လည်း ဘာဖြစ်လို့ တွေ့ကြမှန်း မသိသလို
ယောင်ဝါးလုပ်လိုက်သေးသည်။
ဤတွင် လွှတ်တော်တွင်း ခြေဥပြင်ရေး ဖြစ်လာသည်။ သို့သော်
NLD တောင်းဆိုသည့်အတိုင်းတော့ဖြစ်မလာ။ လွှတ်တော်တွင်
အများစုဖြစ်နေသည့် ကြံ့ဖွံ့၏ ခြေဥပြင်ရေးဖြစ်လာသည်။

သို့သော်
ကြံ့ဖွံ့တို့သည် NLD နှင့်ပြည်သူများပြင်ချင်သည့် ပုဒ်မ ၄၃၆ ပုဒ်မ
၅၉ စ တို့ကိုတော့ ပြင်ဘို့ထဲထည့်သည်။ သို့သော်သူတို့ပြင်တာ
အပေါ်ယံမျှသာဖြစ်သည်။ NLD လိုချင်သည့်အတိုင်းအတာနှင့်
အလှမ်းဝေးသည့်ပြင် မူလ ၂၀၀၈ ခြေဥနှင့် ဘာမှမထူးခြားပေ။
ထို့အတွက် NLD သဘောထားကို သီးခြားမှတ်တမ်းတင်ပြီး
ကြံ့ဖွံ့၏ ခြေဥပြင်ရေးကို မဲခွဲကြသည်။ ပုဒ်မ ၆ ခုပြင်ဆင်ရန် မဲခွဲ
ကြရာ ပုဒ်မ တခုသာ လိုအပ်သည့်မဲရပြီး ပြင်ဆင်ခွင့်ရသည်။
 ကျန်ပုဒ်မ ၅ ခုအဆိုရှုံးနိမ့်သည်။ ပြောရလျင် စစ်တပ်ထွက်
ဗိုလ်ချုပ်ဟောင်းများ ၏ကြံ့ဖွံ့ပါတီအရေးနိမ့်ပြီး လက်ရှိ စစ်ဗိုလ်
များအနိုင်ရသွားသည်ဟုဆိုရမည်။

အရှုံး 

NLD အဖို့ပြောရလျင် မဲမခွဲခင် ကထဲက ရှုံးပြီးသားဖြစ်သည်။
မဲခွဲဘို့ ကြံ့ဖွံ့တို့တင်လိုက်သော အဆိုသည် NLD တို့အလိုကျ
မဖြစ်သဖြင့် မည်သည့်ရလဒ် ထွက်ထွက် NLD ၏ ခြေဥပြင်ရေး
မအောင်မြင်သေးဟုသာ ဖြစ်သည်။
ပြည်သူတွေပြင်ချင်လျင် ပြင်ရမှာပေါ့ဆိုကာ အပေါ်ယံကြော
ပြင်ဘို့လုပ်သော ကြံ့ဖွံ့တို့တော့ မဲရလဒ်အရတော့ ရှုံးသွားသည်
ဟုဆိုရမည်။

တကယ့်ရလဒ် 

နိင်ငံတကာနှင့် ပြည်တွင်းအမြင်မတော့ ပြုပြင်ပြောင်းလဲရေး
၏ အဓိကအတားအဆီး အဖြစ်၎င်း နဲနဲလေးမှတောင် ပြောင်းလဲ
ချင်စိတ်မရှိသူများအဖြစ်၎င်း စစ်တပ်ကိုမြင်သွားတော့သည်။
စစ်တပ်ကိုမြင်သည်ထက် စစ်တပ်ကိုချုပ်ကိုင်ထားသော သမတ
ဦးသိန်းစိန်နှင့် ကာချုပ်မင်းအောင်လှိုင်တို့သည် ပြုပြင်ပြောင်း
လဲလိုစိတ်မရှိသူများအဖြစ် မြင်ကြတော့သည်။

ဤနေရာတွင် လွှတ်တော်ထဲရှိ စစ်တပ်ကိုယ်စားလည်များသည်
ဒီမိုကရေစ်ီကျ ရွေးကောက်ခံကိုယ်စားလည်များ မဟုတ်ဘဲ ကာချုပ်
စေလွှတ်မှုဖြင့်လာထိုင်နေခြင်းဖြစ်သလို ကာချုပ်အမိန့်နာခံပြီး
မဲပေ့းနေသည်ကို လူတိုင်းသိကြသည်။ အများ လိုလားမှုမရှိကြ။

ထို့ပြင် ထိုပုဒ်မများပြင်ဆင်မရသည်ဆိုသော်လည်း လွှတ်တော်
ကိုယ်စားလှယ် အားလုံးပေါင်း၏ ၆၀% ဝန်းကျင်နှင့် ရွေးကောက်ခံ
ကိုယ်စားလှယ် အားလုံးပေါင်း၏ ၆၉%မှ ၈၃% ထိရခဲ့သည်။ မဲအရလည်း 50% အထက်မှာ အားလုံးရှိသညိ။ ရွေးကောက်ခံ
မဟုတ်သော စစ်တပ်ကိုယ်စားလည်များအနေနှင့် ဤသို့သော
အခြေအနေအောက် တွင် ဘာမှဂုဏ်ယူစရာမရှိပေ။

၇၅ %အထက်မှ စစ်တပ်ကသဘောတူမှ ဘာလုပ်လုပ် လုပ်လို့
ရမည်ဆိုတာ လက်တွေ့ အကောင်ထည်ဖေါ်ပြခြင်းမျှသာဖြစ်သည်။
၂၀၀၈ ခြေဥ ဒီမိုကရေစီ မကျသည်ကို ဖေါ်ပြခြင်းမျှသာဖြစ်သည်။

ထိုပြင် နိုင်ငံတကာရော ပြည်တွင်းကပါအာရုံစိုက်ကြည့်နေချိန်တွင်
စစ်တပ်ကိုယ်စားလည်များ၏ လက်ခုတ်သံသည် မီးလောင်ရာလေ
ပင့်သလိုဖြစ်သည်။ လူကြီးလူကောင်းမဆန်ရာလည်းကျသည်။ 
သံခင်းတမန်ခင်း နားမလည်ရာလည်းကျသည်။ မယဉ်ကျေးရာ
လည်းရောက်သည်။ ဗဟုရော သုတပါ မရှိရာရောက်သည်။ 
တပည့်တွေမကောင်းတော့ ဆရာ့တွေခေါင်းပိုရောက်တော့သည်။

သိုသော်လည်း ဦးရွှေမန်းနှင့် ကြံ့ဖွံ့ ခေါင်းဆောင်အချို့မှာတော့
ပြင်ဆင်ရေးအဆိုရှုံးသော်လည်း ပြုပြင်ပြောင်းလဲရေးကို လိုလား
သူများအဖြစ် ပုံရိပ်ထင်ကျန်ခဲ့သည်။ နဲနဲလေးဖြစ်ဖြစ် အပေါ်ယံ
လေးဘဲဖြစ်ဖြစ် ပြောင်းချင်စိတ် တော့ရှိကြသားဟု အသိမှတ်ပြု
ခံလိုက်ရသည်။ ဦးရွှေမန်းနှင့်ဦးသိန်းစိန် ရလဒ်ပြောင်းပြန်ထွက်
သွားသည်။
လွှတ်တော်နှင့်ကြံ့ဖွံ့
နောက်နေ့တွင် ကြံ့ဖွံ့ နာယက ဦးအောင်သောင်းက ပြည်သူ
တွေကခြေဥက်ိုပြင်ချင်ရင် ပြင်လို့ရပါတယ်ဟုဆိုလိုက်သေးသည်။ 
ပြင်ရေးကို သူတို့ ကြံ့ဖွံ့လူကြီးပိုင်းက ဆွေးနွေးသဘောတူပြီးသား
ပါဟုပင်ဆိုလိုက်သေးသည်။ စစ်တပ်မပါသည်ကတော့ ထပ်ကြိုး
စားရမည်ဟု ပြောလိုက်သေးသည်။

တကယ်တော့ ခြောက်ပွင့်ဆိုင်တွင် သမတနှင့်ကာချုပ်တို့
ညှိနှိုင်းသဘောတူမှု ပါမှသာ ခြေဥပြင်၍ရမှန်းသိသော ဦးရွှေမန်း
သည် ခြောက်ပွင့်ဆိုင်တွင် သမတမှ လှိုက်လှိုက်လှဲ မရှိသော
အခါ ခြောက်ပွင့်ဆိုင်ကိုမစောင့်ဘဲ လွှတ်တော်တွင်း ခြေဥပြင်ရေး
ကိုတွန်းလုပ်သည်။ မဲခွဲမည့်နေ့က ပန်ကြားလွှာပင်ထည့်လိုက်
သေးသည်။ထိုပြင် မဲခွဲသည့်နေ့ မတက်သူများကို ကန့်ကွက်မဲတွင်း
သို့ပင်ထည့်လိုက်သေးသည်။ မဲခွဲသည့် အနိုင်အရှုံးနှင့် ထွက်ပေါ်
လာမည့် ရလဒ်ကို ကြိုသိနေသလိုပင်။

ဒေါ်အောင်ဆန်းစုကြည်
ထိုနေ့တွင် ဒေါ်စုက သတင်းစာ ရှင်းလင်းပွဲ ပြုလုပ်ပြီး ပြည်သူ
လူထုကို စိတ်ဓါတ်မကျဘို့ ပြောဆိုပြီး ပြုပြင်ပြောင်းလဲဘို့ နဲနဲလေး
တောင် သဘောထားမရှိတာကို ပြစ်တင်ရှုံ့ချလိုက်သည်။ ရွေး
ကောက်ပွဲဝင်ဘို့ကို ခြေဥပြင်ရေးနှင့် ချိတ်ဆက်မထားဟုဆိုလိုက်
သည်။ ခြောက်ပွင့်ဆိုင်ကိုကိုသိပ်စိတ်ထဲမှာ မထားတော့ဟု ဆို
လိုက်သည်။ ပြုပြင်ပြောင်းလဲလိုစိတ်မရှိသူများနှင့် ဆက်လက်
မညှိနှိုင်းတော့ဟူသည့် အဓိပ္ပါယ်ရသည်။

အဆုံးသတ်

ရွေးကောက်ပွဲကား သူအစီအစဉ်တိုင်းပုံမှန်ဆိုပါက လေးလခန့်
သာလိုတော့သည်။ မြန်မာ့နိုင်ငံရေး အရွေ့များကား စိတ်ဝင်းစား
ဘို့ကောင်းလှသည်။

ဒါတောင် သခွတ်ပင်က မီးတကျည်ကျည်
များမလာသေး။

ပြည်တွင်း ပြည်ပတွင် ပြုပြင်ပြောင်းလဲရေး၏ အဟန့်အတား
အဖြစ် ပုံရိပ်ထင်သွားသော ဦးသိန်းစိန်နှင့် ကိုမင်းအောင်လှိုင်တို့
မည်သို့တန်ပြန်မည်ဆိုသည်မှာလည်း စိတ်ဝင်စားစရာပင်။

ဒေါ်စု
ကစိတ်ထဲ သိပ်မထားတော့ဟု ဆိုသော်လည်း ခြောက်ပွင့်ဆိုင်
ကားပြီးပြတ်သေးသည်မဟုတ်။ နောက်ဆုံးအဖြေထွက်နိုင်သော
နေရာလည်း ဖြစ်နိုင်သေးသည်။ သို့မဟုတ်ရေစုန်လည်းမြောနိုင်
သည်။

ဒေါ်အောင်ဆန်းစုကြည်ကတော့ သူတို့အနေနှင့် ဘာလုပ်ရမှန်း
ပြတ်ပြတ်သားသားဖြစ်သွားစေခဲ့ပြီဟုဆိုသည်။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
MoeMaKa English Site

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:သူတို့အာဘော်, မောင်မောင်စိုး

Comments are closed.

Archives