မောင်မောင်စိုး – တရုတ်ပေါ်လစီအရွေ့နှင့် မြန်မာ့ပြည်တွင်းရေး (၅)
(မိုးမခ) ဇွန် ၂၅၊ ၂၀၁၅
( င ) နယ်စပ်ဒေသ တည်ငြိမ်းအေးချမ်းရေး
၁။ တရုတ်တို့အလေးထားမှု –
တရုတ်တို့ မြန်မာနှင့်ပတ်သက်သည့် ပေါ်လစီရေးဆွဲသည့်အခါ မိုင်ထောင်ချီရှည်လျားသော တရုတ်မြန်မာနယ်စပ်ဒေသ တည်ငြိမ် အေးချမ်းရေး အလေးထား ထည့်သွင်းစဉ်းစားလေ့ရှိသည်။ဤသို့ ထည့်သွင်းစဉ်းစားခြင်းမှာ နယ်စပ်လုံခြုံရေး နယ်စပ်ကုန်သွယ်မှု ဖွံ့ဖြိုးရေးသက်သက် အခြေခံပေါ်က ကြည့်ပုံမရပေ။ မိုင်ထောင်ချီ သော တရုတ်မြန်မာနယ်စပ်တလျောက် တရုတ်ဘက်ခြမ်းတွင် နေသူအများစုမှာလည်း တိုင်းရင်းသားများဖြစ်ကြပြီး မြန်မာဖက်ရှိ တိုင်းရင်းသားများနှင့် ဆွေမျိုးတော်စပ်မှု ကူးလူးဆက်ဆံမှုရှိရာ မြန်မာဖက်ခြမ်းမှ တိုင်းရင်းသားပြသနာများ တရုတ်ပြည်တွင်းသို့ ကူးစက်မည်ကိုလည်း အထူးစိုရိမ်စွာဖြင့် ထည့်သွင်းတွက်ချက် ထားပုံရသည်။
၁၉၉၀ ဝန်းကျင် အရှေ့မြောက်တွင် ဗကပ ပြိုကွဲပြီး တိုင်းရင်း သားလက်နက်ကိုင် အဖွဲ့ငယ်များကွဲသကဲ့သုိ့ မြန်မာပြည်တွင်း၌ လည်း မဆလ ပြုတ်၍ နဝတ တက်သည်ဖြစ်ရာ မြန်မာပြည်နှင့် ပတ်သက်သော ပေါ်လစီပြောင်းလဲချမှတ်ရာတွင် နယ်စပ်အရေး အထူးထည့်သွင်းတွက်ချက်ခဲ့သည်ကိုတွေ့ရသည်။ တရုတ်ဗဟို စစ်ကော်မရှင် ချင်တူးစစ်ဒေသမှ ခေါင်းဆောင်များ မြန်မာပြည်နယ် စပ်မြောက်ဖျား ကချင်ပြည်နယ် ခေါင်လန်ဖူး ဖီမော်ဒေသမှစ၍ တောင်ဖက်အစွန်မဲခေါင်မြစ်အထိ တရုတ်ပြည်တွင်းမှ လှည့်၍ နယ်စပ်အခြေအနေကို စူးစမ်းသုံးသပ်မှုပြုလုပ်ခဲ့သည်။
နယ်စပ်ရှိ ဗကပ မှခွဲထွက်လာသော တိုင်းရင်းသားလက်နက် ကိုင်အဖွဲ့အားလုံး နဝတ စစ်အစိုးရနှင့် ငြိမ်းချမ်းရေးယူထားသည်။ ဗကပကို ဖြိုခွဲနိုင်သည့်ဆုလာဘ်အနေနှင့် ထိုတိုင်းရင်းသား လက်နက်ကိုင်အဖွဲ့များအား အထူးအခွင့်အရေးများပေးထားရာ မြန်မာစစ်ခေါင်းဆောင်များနှင့် တိုင်းရင်းသားအဖွဲ့များဆက်ဆံရေး အထူးကောင်းနေသည်။ ကျန်နေသော KIA မှာလည်း မကြာမှီ အပစ်ရပ်မည့်အလားလားရှိနေသည်။ ထိုသို့သော အခြေအနေ အောက်တွင် မြန်မာစစ်ခေါင်းဆောင်များ မည်မျှဆိုးသည်ဖြစ်စေ နှစ်နိုင်ငံ နယ်စပ် တည်ငြိမ်ရေးကို ရှေ့ရှုကာ နဝတ စစ်အစိုးရ အား ထောက်ခံဆက်ဆံရန် ဆုံးဖြတ်ခဲ့ကြသည်။
၂။ ငြိမ်းချမ်းရေးနှစ် ၂၀ –
အဆိုပါ ငြိမ်းချမ်းရေး နှစ်၂၀ တိုင်၍ ၂၀၀၉ ရောက်ခဲ့သည်။ နယ်စပ်ဒေသ တိုင်းရင်းသားလက်နက်ကိုင်တပ်ဖွဲ့ပြသနာကို တဆင့်တက် ဖြေရှင်းနိုင်ခြင်း မရှိသေး။ ၂၀၀၈ ခြေဥ အတည်ပြု ပြီးနောက် တိုင်းရင်းသားလက်နက်ကိုင်အဖွဲ့များအား နယ်ခြား စောင့်တပ်များအဖြစ် ပြောင်းလဲဖွဲ့စည်းရန် မြန်မာစစ်ခေါင်းဆောင် များက အဆိုပြုလိုက်သည်။ အင်အားသေးငယ်သော အဖွဲ့အချို့ လက်ခံခဲ့သော်လည်း အင်အားကြီးအဖွဲ့များ လက်မခံ ငြင်းဆန်ခဲ့ ကြသည်။ လက်မခံသော အဖွဲ့ထဲတွင် ကိုးကန့် အထူးဒေသ ၁ MNDAA လည်းပါသည်။ မြန်မာစစ်အစိုးရက ၎င်းတို့အား မူးယစ်ဆေးဝါး လက်နက်စက်ရုံ စသည့်ခေါင်းစဉ်အောက်တွင် အင်အားသုံးဖယ် ရှားခဲ့သည်။ ပြင်ဆင်မှုမရှိသော ဖုန်ကြားစင်းတို့ ကိုးကန့်ဒေသမှ လျင်မြန်စွာ စွန့်ခွါ ထွက်ပြေးရတော့၏ ။
ကိုးကန့်စစ်ဆင်ရေးကို ဦးစီးသည့် ကစထ မှူး မှာဗိုလ်မင်းအောင်လှိုင်ဖြစ်သည်။ ဖုန်ကြားစင်းအဖွဲ့အား တိုက်ခိုက်ရန် အစိုးရတပ်မများ ကိုးကန့် ဒေသသို့ ဝင်ရောက်လာသည်။ ကိုးကန့်ဒေသခံများလည်း အိမ်များ ကိုပိတ်၍ စစ်ဘေးရှောင်ရန် ထွက်ပြေးကြရသည်။
ထိုစစ်ဘေး ရှောင် ကိုးကန့်ဒေသခံတို့၏ တံခါးပိတ်ထားခဲ့သော အိမ်များ အ ဖေါက်ခံရ ပြီး ပစ္စည်းများဆုံးရှုံးသည်ဟူသော သတင်းများထွက် ပေါ်လာခဲ့သည်။ ထိုအခါ တရုတ်နိုင်ငံခြားရေးဝန်ကြီးဌာနမှ မြန်မာ ပြည်တွင်းရှိ တရုတ်အမျိုးသားများ၏ အသက်အိုးအိမ် ပိုင်ဆိုင်မှု များနှင့်ပတ်သက်၍ မြန်မာအစိုးရက တာဝန်ယူစောင့်ရှောက်ပေး ရန် ကြေငြာချက်ထုတ်ခဲ့သည်။ ၁၉၈၉ မှစသည့် နယ်စပ်ဒေသငြိမ်းချမ်းရေးများ အနှစ် ၂၀ ပြည့် သည့် ၂၀၀၉ တွင် နယ်စပ်ပြသနာ ပြန်လည်စတင်သည်ဟု ဆိုရ ပေမည်။
၃။ တကျော့ပြန် ကချင်စစ်ပွဲ –
နယ်ခြားစောင့်တပ်ဖွဲ့ရေးကို KIA လည်းလက်မခံခဲ့။ ၂၀၀၉ ၂၀၁၀ နှစ်များအတွင်း KIA အားမြန်မာစစ်ဖက်ခေါင်းဆောင်များမှ အကြိမ်ကြိမ်သတိပေးခဲ့ပြီး ဦးသိန်းစိန်အစိုးရလက်ထက်တွင် တိုက်ပွဲများ ပြင်းပြင်းထန်ထန်ပြန်လည် ဖြစ်ပွါးခဲ့သည်။ လ်ိုင်ဇာ ဌာနချုပ်အပါ ကချင်ပြည်နယ်အတွင်း သာမက ရှမ်းမြောက် တရုတ်နယ်စပ်တဝိုက်ပါ တိုက်ပွဲများဖြစ်ပွါးခဲ့သည်။ ၁၀၅ မမ ဟော်ဝစ်ဇာများ လေကြောင်းပစ်ကူများဖြင့် ကြီးမား သည့် တိုက်ပွဲများဖြစ်သည်။ နှစ်ဖက်အကျအဆုံးတိကျစွာ ထုတ် ပြန်ခြင်းမရှိသော်လည်း နိုင်ငံတကာစစ်ရေးအကဲခတ်များအဆိုအရ နှစ်ဖက်ကျဆုံ ဒဏ်ရာ ၅၀၀၀ နီးပါးရှိသည်ဟုဆိုသည်။
စစ်ပွဲ၏ တရုတ်ပြည်ပေါ်တိုက်ရိုက်သက်ရောက်မှုမှာ လိုင်ဇာ အနီး တရုတ်ပိုင်နက် အတွင်းသို့ မြန်မာစစ်ဖက်မှ ၁၀၅ မမကျည် များ ကျခြင်း မြန်မာလေတပ် လေကြောင်းပျံသန်းမှု တရုတ် ပိုင်နက်ထဲသို့ အကြိမ်အချို့ကျွံဝင်ခြင်း မြန်မာပြည်မှ ကချင်စစ်ဘေး ဒုက္ခသည်များ တရုတ်ပိုင်နက်အတွင်းသို့ပြေးဝင်လာခြင်း တရုတ်နိုင်ငံသား ကချင်လူမျိုးများ လိုင်ဇာသို့လာရောက်စုဝေးပြီး မြန်မာစစ်အစိုးရ၏ ထိုးစစ်ကို ကန့်ကွက်ကြခြင်း စသည်တို့ဖြစ် ကြသည်။
၎။ မငြိမ်မသက်သောကာလများ –
၂၀၁၂ တွှင်း KIA နှင့် ဆွေးနွေးပွဲများပြန်လည်ပြုလုပ်လာသော် လည်း တိုက်ပွဲများကား ကြိုကြားကြိုကြား ဖြစ်နေဆဲဖြစ်သည်။ နှစ်ဖက် အပြန်အလှန် စွပ်စွဲပစ်တင်ရင်း တိုက်ပွဲများကား ရပ်တန့် မသွားပေ။ ထို့ပြင် ၂၀၁၃ နှစ်ကုန်ပိုင်းမှစ၍ KIA နှင့်ပူးတွဲပြီး TNLA ခေါ် ပလောင်အဖွဲ့များ MNDAA ခေါ် ကိုးကန့်အဖွဲ့များ ရှမ်းမြောက် တရုတ်နယ်စပ်တွင် စတင်ပူးတွဲလှုပ်ရှားလာကြသည်။ တိုက်ပွဲငယ်များ မကြာခဏ ဖြစ်ပွါးလာသည်။ ဤသို့ဖြင့် တရုတ်နယ်စပ်တလျောက် မငြိမ်မသက်သောကာလ များ ကြာရှည်လာခဲ့သည်။၂၀၀၉ မှစသောမီးပွါးသည် ၂၀၁၁ မှ စပြီး ပြင်ပြင်ထန်ထန် တောက်လျောက် လောင်ကျွမ်းသည်ဟု ဆိုရပေမည်။
၅။ ကိုးကန့်စစ်ပွဲ –
၂၀၁၅ ဖေဖဝါရီ ၉ ရက်မှစပြီး ကိုးကန့်ဒေသတွင်း ယခင် ကိုးကန့် ဖုန်ကြားစင်း၏MNDAA တပ်များပြန်လည်ဝင်ရောက်လာ ပြီး တိုက်ပွဲများ ပြင်းထန်စွာပြန်လည်ဖြစ်ပွါးသည်။ အစိုးရစစ်တပ် မှလည်း တပ်အင်အားအလုံးအရင်း လက်နက်ကြီး လေကြောင်း ပစ်ကူအလုံးအရင်းဖြင့် ပြန်လည်ထိုးစစ်ဆင်ဆင်သည်။ သို့သော် ယခု၂၀၁၅ ဇွန်လ တိုင် လေးလကြာသည်ထိ ပြီးပြတ်ခြင်းမရှိပေ။
ဤစစ်ပွဲက တရုတ်ပြည်အပေါ် သက်ရောက်မှုပိုကြီးသည်။ တရုတ်ပြည်တွင်းသို့ လေယဉ်ဗုံး အမြောက်ဆံ ပိုမိုကျသည်။ တရုတ်နိုင်ငံသားများ ထိခိုက်သေဆုံး ဒဏ်ရာရမှုများရှိလာသည်။ တရုတ်ပြည်ဘက်သို့ စစ်ဘေးဒုက္ခသည်များ အများအပြားရောက် ရှိသည်။ ကိုးကန့်ဒေသတွင်းအရပ်သားများသေဆုံးမှု ဒေသခံတို့ ၏ စီးပွါးရေးလုပ်ငန်းများ အိုးအိမ်များ ဆုံးရှုံးမှုနှင့်ပတ်သက်ပြီး တရုတ်ပြည်တွင်း အခြားဒေသမှာဖြစ်သည်ထက်ပိုမို ဂယက်ထ သည်။ အဘယ်ကြောင့်ဆိုသော် ကိုးကန့်တို့သည် မြန်မာနိုင်ငံသား များ ဖြစ်နေကြသော်လည်း လူမျိုးမှာ တရုတ်များဖြစ်နေကြ၍ဖြစ် ပေသည်။ ထို့ကြောင့် စစ်ပွဲနှင့်ကပ်ရက် လင်စန်းခရိုင်တွင်းသာမက တရုတ်ပြည်တွင်းထိပါ ပျံ့နှံ့ဂယက်ရိုက်သည်။ တရုတ်တို့အတွက် နယ်စပ်မတည်ငြိမ်မှု၏ ကြီးမားသော ရိုက်ခတ်မှုကိုခံရသည်။ တရုတ်အမျိုးသားရေးလှုံ့ဆော်မှုကိုကြုံရသကဲ့သို့ တရုတ်နိုင် ငံခြားရေးပေါ်လစီနှင့်ပတ်သက်ပြီး မေးခွန်းများပေါ်လာသည်။
၆။ ဝ နှင့် မိုင်းလား –
တရုတ်မြန်မာ နယ်စပ်တလျောက် စစ်ပွဲမဖြစ်သည့်နေရာဆို၍ ဝ နှင့် မိုင်းလားသာကျန်တော့သည်။ သို့သော် ထိုဒေသရှိ အဖွဲ့များ နှင် ကိုးကန့် ဖုန်ကြားစင်းတို့ နက်နက်ရှိုင်းရှိုင်း ပတ်သက်မှု ရှိနေ သည့်အပြင် မြန်မာပြည်၏ တိုင်းရင်းသားဆွေးနွေးပွဲအလားလာ မှာ မှေးမှိန်လျက်ရှိသဖြင့် ထိုဒေသများတွင်လည်း တိုက်ပွဲများ ဖြစ်လာနိုင်သည်ကိုလည်း တရုတ်တို့စိတ်ပူနေရသည်။ ၂၀၁၅ ဇွန်လအတွင်း ထိုင်းနယ်စပ် မိုင်းတုံ မိုင်းဆတ် ပုံပါကျင် တဝိုက် UWSA ဝ တပ်နှင့် အစိုးရတပ်များကြား တင်းမာမှုဖြစ် သည်။ နှစ်ဖက်ညှိနှိုင်း၍ အဆင်ပြေသွားကြသော်လည်း နှစ်ဖက်တပ်များကား ရင်ဆိုင်အသင့်ပြင်ထားကြသည်ကတော့ ရပ်မသွားချေ။ အမှားမခံသော အခြေအနေ ဖြစ်သည်။ တရုတ်မြန်မာ နယ်စပ်တလျောက်လုံး မငြိမ်မသက် ဖြစ်သွား နိုင်သည်။ ဤကား တရုတ်တို့စိတ်အပူဆုံးကိစ္စ ဖြစ်သည်။ တရုတ်တို့၏ ပေါ်လစီကို လှုံ့နိုးစေသောကိစ္စဖြစ်သည်။ တရုတ်တို့ ဤ ဖြစ်လာနိုင်ချေများကို တွက်ချက်၍ ပြင်ဆင်မှုများကို့  လုပ်လာနေသည်ကတော့ အသေအချာဖြစ်ပေသည်။
ဆက်လက်ဖေါ်ပြပါမည်
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
