 |
| မင်းကွန်:ရွှေပြည် Mingun Ancient Land,Myanmar Oil on Canvas by U Mar Lar |
(မိုးမခ) ဖေဖော်ဝါရီ ၂၁၊ ၂၀၁၅
မင်းကွန်းသို့ ရုံးက အကိုတွေအမတွေနှင့် မင်းကွန်းဘိုးဘွားရိပ်သာကို သွားရောက်လှူဒါန်းရင်း လျှောက်လည်ဖြစ်ခဲ့သည်။ မန္တလေးမှမင်းကွန်းသို့အသွားတွင် စက်လှေကို တစ်နာရီနှင့် မိနစ်သုံးဆယ်တိတိ စီးရလေသည်။ ကျွန်တော်အနေနှင့် ဗဟု သုတတွေနှင့် စာရေးဖို့ခရီးသွားဆောင်းပါးတစ်ပုဒ်ရရှိခဲ့သည်။ ပထမဆုံး မင်းကွန်းဘိုးဘွားရိပ်သာမှ ဘိုးဘွား (၈၀) ခန့်ကို လှူဒါန်းရင်း “ကမ္ဘာအာဇာနည်ကြီး” လို့ အမည်တပ်ထားသော ဖွားဦးဇွန်းအကြောင်းကိုသိရှိခဲ့ရလေသည်။
 |
| ဒေါ်ဦးဇွန်း |
• ကမ္ဘာအာဇာနည်ကြီး ဖွားဦးဇွန်း
မန္တ လေးမြို့ဖွားရာဇာတိဖြစ်သော အဘ ပိုးကုန်သည်ကြီး ဘိုးအိ ၊ အမိ ဖွားမြင့် တို့၏ တစ်ဦးတည်းသော သမီးဖြစ်လေသည်။ ကမ္ဘာအာဇာနည်ကြီးဖွားဦးဇွန်းသည် မိမိတစ်ဦးတည်းပိုင်ငွေဖြင့် ၁၂၇၆ ခုနှစ်တွင် မင်းကွန်း ဗုဒ္ဓဘာသာ လူအိုရုံကြီးကိုတည်ဆောက်ပြီးနောက် သထုံ၊ ပေါင်းတည်၊ ရန်ကုန် နှင်းဆီကုန်း၊ ပခုက္ကူ စသည် လူအိုရုံ (၅)ရုံကို မိမိပိုင်ပစ္စည်းများဖြင့် လှူဒါန်းဆောက်လုပ်ခဲ့ပြီး ၁၃၀၆ ခုနှစ်၊ ကဆုန်လဆုတ် (၅) ရက်နေ့တွင် အဖွားဦးဇွန်းသည် လူ့ပြည်ငြီး၍ နတ်နန်းစံမြန်းသွားလေသည်။ ထို့နောက် ကျွန်တော်တို့သည် မင်းကွန်းခေါင်းလောင်းကြီးဘက်သို့ ကြည်ရှုရန် လျှောက်လှမ်းခဲ့လေသည်။
• မင်းကွန်းခေါင်းလောင်းတော်ကြီး
မင်းကွန်းခေါင်းတော်ကြီးကို ဘိုးတော်ဘုရားကပုထိုးတော်ကြီးတွင်ထာရှိရန်မြန်မာသက္ကရာဇ် ၁၁၇၀ ပြည့်နှစ် ကဆုန်လ၊ ခရစ်နှစ် ၁၈၀၈ ခုနှစ် ဧပြီလတွင် သွန်းလုပ်စေခဲ့သည်။ ပုထိုးတော်ကြီးကိုမူကား အပြီးသတ်တည်ဆောက်နိုင်ခြင်းမရှိခဲ့ပေ။ အလေးချိန်ပိသာမှာ “မင်းဖြူ မှန်မှန်ပြော” {၅၅၅၅၅}၊ တန်ချိန်အားဖြင့် {၉၀} ရှိသည်။ ၎င်းထက် (၃) ဆခန့်ကြီးသော မော်စကိုမှခေါင်းလောင်းကြီးပြီးလျှင် ကမ္ဘာပေါ်တွင် ဒုတိယအကြီးဆုံးခေါင်းလောင်းကြီး ဖြစ်လေသည်။ မင်းကွန်းခေါင်းလောင်း ကြီး၏ အတိုင်းတာမှာ …
နှုတ်ခမ်းဝအချင်း (အပြင်ဖက်မှ တိုင်းတာလျှင်) ၁၆ ပေ ၊ ၃ လက္မ
အတွင်းပိုင်းအချင်း (နှုတ်ခမ်းဝအထက် (၄) ပေ (၈) လက္မအမြင့်မှ တိုင်းတာလျှင်) ၁၀ ပေ ရှိသည်။
အမြင့် (အတွင်းပိုင်းမှတိုင်းတာလျှင်) ၁၁ ပေ ၊ ၆ လက္မ
အမြင့် (အပြင်ပိုင်းမှတိုင်းတာလျှင်) ၁၂ ပေ
အတွင်းပိုင်းအချင်း (ထိပ်ပိုင်းတိုင်းတာလျှင်) ၈ ပေ နဲ့ ၆ လက္မရှိလေသည်။
ခေါင်းလောင်းကြီးကို ဧရာဝတီမြစ်အရှေ့ဘက်ကမ်း သွန်းလွန်းရွာတွင် ပန်းတည်းဝန် မဟာနန္ဒကျော်စွာ ကြီးမတ်၍ ကြေးနီ၊ ကြေးဝါ၊ ဘော်၊ သံကြွပ်တို့ဖြင့် သွန်းလုပ်စေခဲ့သည်။ ခေါင်းလောင်းကြီးသွန်းလုပ်ရာအရပ်မှ ယခုထားရှိရာအရပ်သို့ သယ်ယူရန် ရေကျချိန်တွင် ခေါင်းလောင်းကြီးအောက်ရှိ မြေသားများကိုတူးထုတ်ပြီး ဆင့်တန်းများဖြင့် ကရိတ်ဖောင်နှစ်စင်းကို ခိုင်ခံစွာပြုလုပ်ပြီး ခေါင်းလောင်းကြီးချထားရာနေရာမှ ဧရာဝတီမြစ်ထဲအရောက်ပေ (၂၀) ကျယ် မြောင်းကြီးတစ်ခုတူးဖော်လိုက်သည်။ ဝါဆို၊ ဝါခေါင်ရေကြီးချိန်ဖြစ်၍ မြောင်းထဲသို့ရေများဝင်လာပြီး ကရဝိတ်ဖောင်ကြွတက်လာပြီး သွန်းလွန်းရွာ ဘက်မှ မင်းကွန်းဘက်သို့ သယ်ယူနိုင်ခဲ့သည်။
မင်းကွန်းဘက်တွင်လည်း ဧရာဝတီကမ်းစပ်မှ ယနေ့ခေါင်းလောင်းကြီးထားရှိရာ နေရာသို့လည်း ရှေ့နီးအတိုင်းသယ်ယူနိုင်ခဲ့ကြသည်။ ခရစ်နှစ် ၁၈၃၉၊ မြန်မာသက္ကရာဇ် ၁၂၀၀ ပြည့်နှစ်တွင် မင်းကွန်းမြေငလျင်ကြောင့် ခေါင်းလောင်းကြီးမြေသို့ကျခဲ့ရ သည်။ အင်္ဂလိပ် – မြန်မာစစ်ပွဲအပြီး ဆယ်နှစ်အကြာ ခရစ်နှစ် ၁၉၀၄ ခုနှစ်တွင် ဧရာဝတီသဘောင်္ကုမ္ပဏီမှ C.E.John ဦးဆောင်ပြီး သံရက်မ၊ သံတိုင် အမိုးပြသာဒ်ဘုံသုံးဆင့်နှင့် တိုင်ပေါင်း ၁၆ တိုင်ရှိ ဗိမာန်တော်ကြီးအတွင်းတွင် ပြန်လည်ချိတ်ဆွဲပေးခဲ့သည်။ ထို့နောက် ပုထိုးတော်ကြီးဘက်သို့ ချီတက်လာပြန်သည်။
• မင်းကွန်း ပုထိုးတော်ကြီး
မပြီးပြတ် ခဲ့သော မင်းကွန်းပုထိုးတော်ကြီးကို ၁၁၅၂ ခုနှစ်၊ တပို့တွဲလဆန်း ၅ ရက်နေ့တွင် ဘိုးတော်မင်းတရားတည်ခဲ့သည်။ဘိုးတော်ဘုရားသည် အမြင့်ပေ ၅၀၀ အထိတည်ထားရန်ရည်ရွယ်ခဲ့သော်လည်း ပထမပစ္စယံသာပြီးစီးခဲ့လေသည်။ ပတ်လည် အကျယ်ပေပေါင်း ၄၅၀၊ မြေပြင်မှအထက် ၁၆၅ ပေသာ မြင့်သည်။ မျက်နှာလေးဘက်တွင် မုခ်ပေါက်ငယ်တစ်ခုစီရှိသည်။ ဘိုးတော်ဘုရားသည် ပုထိုးတော်ကြီးအား အပြီးသတ်တည်ဆောက်နိုင်ပါက ကမ္ဘာပေါ်တွင် ဉာဏ်တော်အမြင့် ဆုံးနှင့် အကြီးဆုံးဖြစ်မည့် ပုထိုးတော်ကြီးပင်ဖြစ်လေသည်။ ပုထိုးတော်ကြီးပေါ်မှ ဆင်းလာပြီး မောမောနှင့် အကြော်ဆိုင်မှာ အဖွဲ့ထိုင်ကာ ဧရာဝတီမြစ်ကမ်း အရှေ့မုခ်စောင်းတန်းထိပ်၌တည်ထားတဲ့ ခြင်္သေ့ကြီးတွေအကြောင်း ပြောဖြစ်ခဲ့သည်။
• ခြင်္သေ့ကြီး
ထို ခြင်္သေ့ ရုပ်ကြီးများကိုလည်း ဘိုးတော်ဘုရားကတည်ဆောက်ခဲ့လေသည်။ ခြင်္သေ့နောက်ပိုင်းမှ ဦးခေါင်းစွန်းထိ အတောင်ခြောက်ဆယ်ရှိသည်။ မြန်မာပြည်တွင် အကြီးဆုံးခြင်္သေ့ရုပ်ဖြစ်သည်။ အမြင့်ပေ ၉၅ ပေရှိပြီး မျက်လုံးအဝန်း ၉ ပေ၊ ခြေသည်း လက်သည်းတစ်ချောင်းစီ၏အလျားမှာ ၅ ပေခွဲရှိသည်။ မျက်လုံးများကို စကျင်ကျောက်နှင့်ပြုလုပ်ထားသည်။ သက္ကရာဇ်၁၂၀၀ ပြည့်နှစ် မြေငလျင်ကြောင့် မင်းကွန်းပုထိုးတော်ကြီးနှင့် ခြင်္သေ့ကြီးတို့ အက်ကွဲပျက်စီးခဲ့ရလေသည်။
အဲဒီနောက်တော့ မြသိန်းတန်ဘုရားဘက်ကို ဆက်လက်မသွားတော့ပဲ စက်လှေမမှီမှာစိုးသဖြင့် ပြန်လာခဲ့သည်။ အပြန်တွင် မင်းကွန်းမှ မန္တလေးသို့ မိနစ်သုံးဆယ်ကြာမြင့်လေသည်။ ကျွန်တော့်အတွက်တော့ ပျော်ရွှင်ဖွယ်ရာ ဗဟုသုတ ရစရာ ခရီး တစ်ခုဖြစ်လေသည်။
လေးစားစွာဖြင့်
နေဝန်းနီ{မန္တလေး}
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
