တူမောင်ညို – လက်ပံတောင်းအရေး ချောမွေ့ပြေလည်စွာ ဖြေရှင်းလိုလျှင်

ဓာတ်ပုံ – ဒီဇိုင်း မျိုးဆွေသန်း

၂၀၁၄ ခုနှစ်အတွင်း ကျနော်ရေးခဲ့သမျှ ဆောင်းပါးများအနက် နောက်ဆုံးဆောင်းပါး၏ အကြောင်းအရာသည် လက်ပံတောင်း အရေး ဖြစ်ပါသည်။ ထိုဆောင်းပါးထဲတွင် အောက်ပါအချက် (၃) ချက်ကို အဓိကထားရေးသားတင်ပြခဲ့ပါသည်။

ယင်းအချက်များမှာ …
(၁) လက်ပံတောင်းအရေး ဖြေရှင်းလျှင် ဒေသခံပြည်သူများ၏ အကျိုးစီးပွားသည် အဓိကနှင့်ပထမဖြစ်ရမည်။
(၂) လက်ပံတောင်းအရေးသည် လက်ပံတောင်းဒေသခံပြည်သူများ၏အရေးကိစ္စ သက်သက်မျှမဟုတ် ပြည်သူတစ်ရပ်လုံးနှင့် သက်ဆိုင်သည့်အရေးဖြစ်သည်။
(၃) လက်ပံတောင်းအရေး ပြေလည်အောင်ဖြေရှင်းမည်ဆိုလျှင် “နိုင်ငံရေးသမားများ၏ သွေးထိုးမှုပယောဂကြောင့်” ဟူ သော အမြင်မှားနှင့်အစွဲမှားကို အုပ်စိုးသူအစိုးရ၊ ဦးပိုင်လီမီတက်နှင့် ဝမ်ပေါင်ကုမ္ပဏီတို့ဘက်မှ ချက်ချင်း စွန့်လွှတ်ရမည်။

ဖော်ပြပါအချက် (၃) ချက်ကိုသာ ကိုင်တွယ်ဖြေရှင်းမည်ဆိုလျှင် လက်ပံတောင်းအရေးသည် ရလဒ်ကောင်းများ မုချပေါ်ထွက် လိမ့်မည်။ လက်ပံတောင်းဒေသခံပြည်သူများ ဝမ်းမြောက်ဝမ်းသာဖြစ်ပြီး ပြည်သူတစ်ရပ်လုံးက ကျေနပ်နှစ်ခြိုက်နိုင်ကြလိမ့်မည်ဖြစ်ကာ အုပ်စိုးသူအစိုးရ၊ ဦးပိုင်ကုမ္ပဏီနှင့် ဝမ်ပေါင်ကုမ္ပဏီတို့လည်း လုပ်ငန်းအကျိုးခံစားရပေလိမ့်မည်။

မြန်မာပြည်၏မြေပြင်၊ ရေပြင်၊ ဝေဟင်ပိုင်နက်နယ်ပယ်များထဲမှအရာကိစ္စမှန်သမျှကို ဖြေရှင်းကြရာတွင် မြန်မာနိုင်ငံတွင်စု ပေါင်းနေထိုင်ကြပြီး စုပေါင်းပိုင်ဆိုင်ကြသည့် လူမျိုးပေါင်းစုံပြည်သူများ၏ ရှေရှည်နှင့်လက်ငင်း အကျိုးစီးပွားဘက်မှသာ အစဉ် အမြဲရပ်တည်ကြရမည်။

အုပ်စိုးသူအစိုးရ အကြိုက်၊ ပြည်တွင်းပြည်ပ သယံဇာတမုဆိုးကုမ္ပဏီများအကြိုက် ကိုယ်ကျိုးစီးပွား အမြတ်အစွန်းရရှိရေးအ တွက် သာရည်ရွယ်သော တစ်ဖက်သတ်ဖြေရှင်းမှုကို လုံးဝလက်မခံနိုင်ပါ။ သမ္မတ (ဗိုလ်) ဦးသိန်းစိန်ကြံ့ဖွံ့အစိုးရသည် လက် ပံတောင်းဒေသခံ ပြည်သူများ၏ ရေရှည်/ရေတိုအကျိုးစီးပွားကို မျက်ကွယ်ကျောခိုင်းလျက်၊ ၎င်းတို့ “ကျေးဇူးရှင်” ၏ အကျိုး စီးပွားဖြစ်ထွန်းရေးကိုသာ အစဉ်ရှေ့ရှု့အလေးထားကာကွယ်ပေးနေပါသည်။ မြေပေါ်မြေအောက်သယံဇာတများကိုသာမက လက်ပံတောင်းဒေသခံပြည်သူများ၏ အသက် သွေးများကိုပါ မိုက်မိုက်မဲမဲ ပူဇော်ဆက်သနေပါသည်၊ အညှာအတာကင်းမဲ့စွာ စတေးပစ်နေပါသည်။

ထိုနည်းတူပင် လက်ပံတောင်းအရေးကို အကြောင်းပြုပြီး မိမိတစ်ကိုယ်ရေတစ်ကာယနာမည်ကြီးထင်ပေါ်ရေး၊ လက်ပံ တောင်းအရေးကို တရုတ်လူမျိုးနဲ့ တရုတ်ပြည်ဆန့်ကျင်ရေးအဖြစ် သရုပ်ဖျက်ပုံဖေါ်၊ ခုတုံးလုပ်၍ လူမျိုးရေးရန်တိုက်ပေးမှု အဖြစ် ကျဉ်းကျဉ်းမြောင်း မြောင်းလုပ်ဆောင်လာမှုများကိုလည်း အားပေးခြင်း၊ သည်းခံခြင်း လုံးဝမပြုနိုင်ပါ။

တတိုင်းတပြည်လုံးနှင့်ပြည်သူတစ်ရပ်လုံး၏ အကျိုးစီးပွားကိုဖြစ်စေ၊ တစ်စိတ်တဒေသ အကျိုးစီးပွားကိုဖြစ်စေ ထိပါး၊ ပျက် ပြား နစ်နာစေမည့်အရေးကိစ္စမှန်မျှကို ကျယ်ပြန့်သောအမြော်အမြင်၊ မှန်ကန်ပြည့်ဝသောတိုင်းချစ်ပြည်ချစ်စိတ်ဖြင့် ပြတ် ပြတ်သားသား ကန့်ကွက် ဆန့်ကျင်သွားကြရမည်သာဖြစ်သည်။

၂၀၁၅ ခုနှစ်၊ ဇန်နဝါရီလ ၅ ရက်နေ့တွင်လက်ပံတောင်းတောင် ကြေးနီစီမံကိန်းနှင့်ပတ်သက်သည့်စုံစမ်းစစ်ဆေးရေး အစီရင် ခံစာအပေါ် အကောင်အထည်ဖော်ဆောင်ရွက်မည့်ကော်မတီမှ သတင်းထုတ်ပြန်ချက် အမှတ် (၁/၂၀၁၅) ကို ထုတ်ပြန် လာပါသည်။

ယင်းကိစ္စနှင့်ပတ်သက်၍ သမ္မတပြောခွင့်ရပုဂ္ဂိုလ်၊ ပြန်ကြားဝန်ကြီး ဦးရဲထွဋ်နှင့် (RFA) အင်တာဗျူးလည်း နားထောင်ရပါ သည်။

ထိုသတင်းထုတ်ပြန်ချက် (၁/၂၀၁၅) နှင့် သမ္မတပြောခွင့်ရ ဦးရဲထွဋ်တို့၏ ပြောကြားချက်များ၊ သဘောထားအမြင်များသည် လွန်ခဲ့သည့် နှစ် ဒီဇင်ဘာလ (၂၉) နေ့က (RFA) သတင်းဌာနမှ မေးမြန်းရာတွင် “မြန်မာဝမ်ပေါင်ကြေးနီထုတ်လုပ်ရေးကုမ္ပဏီ၊  စီမံခန့်ခွဲမှုမန်နေဂျာ  Mr. Dong Yunfei ” ၏ ဖြေကြားပြောဆိုမှုများနှင့်  တစ်စိတ်တည်း တစ်ဝမ်းတည်း၊ တစ်ကျိတ်တည်းတစ်ဉာဏ်ထဲဖြစ်နေသည်ကို တွေ့ရှိရပါသည်။

သမ္မတပြောခွင့်ရ ဦးရဲထွဋ် အနေဖြင့်  “လက်ရှိအစိုးရ၊ စစ်တပ်(ဦးပိုင်ကုမ္ပဏီ) နှင့် တရုတ်နိုင်ငံ (ဝမ်ပေါင်ကုမ္ပဏီ) တိုို့အား ထိခိုက်နေသည့်အပေါ် အတော်ပင်မကျေနိုင်မချမ်းနိုင်၊ မခံမရပ်နိုင်ဖြစ်နေပြီး၊ ကိုဟန်ဝင်းအောင်အပေါ်လည်း အညှိုး အာ ဃာတကြီးမားနေပုံပေါ်ပါသည်။ တကယ်တော့လက်ပံတောင်ဒေသခံပြည်သူများ ဤသို့နိုးထတိုက်ပွဲဝင်လာကြရသည်မှာ မည်သည့်ပြင်ပ ပယောဂကြောင့်မျှမဟုတ်။ လက်ပံတောင်းဒေသခံပြည်သူများ၏ ရေရှည်နှင့်လက်ငင်းအကျိုးစီးပွားကို လက်ရှိအစိုးရ၊စစ်တပ်ပိုင်ဦးပိုင်ကုမ္ပဏီနှင့် ဝမ်ပေါင်ကုမ္ပဏီတို့က တစ်ဖက်သတ်အနိုင်ကျင့်၊ လှည့်ဖြား၊ လုယက်မှုများ၏ တိုက်ရိုက်အကျိုးဆက် ရလဒ်သာလျှင်ဖြစ်ပါသည်။

လယ်မြေယာမြေသည် လယ်သမား၏ဘဝနှင့်အသက်ရှင်ရပ်တည်မှုဖြစ်သည်၊ လယ်မြေ၊ ယာမြေကို အဓမ္မလုယက် သိမ်း ပိုက်ခြင်းသည်၊ လယ်သမား၏ ဘဝနှင့်အသက်ကိုရန်ပြုခြင်း၊  ဖျက်သိမ်းခြင်းသာဖြစ်ပြီး “တံဇဉ်” ကိုင်သောလယ်သမားများအား “ဓါးလွတ်” ကိုင်၍ တော်လှန်အံတုစေခြင်း လမ်းမကြီးပေါ်သို့ တွန်းပို့ပေးလိုက်ခြင်းသာဖြစ်ပါသည်။ အဓမ္မလုယက်သိမ်းပိုက်မှု ကို ခုခံတိုက်ပွဲဝင်ခြင်း သည် တရားမျှတ၍ ထာဝစဉ်မှန်ကန်သောတရားလည်းဖြစ်ပါသည်။ သို့ဖြင့် လက်ပံတောင်းဒေသခံ တောင်သူမကြီး ဒေါ်ခင်ဝင်းသည် မတရားမှုကို ငုံ့မခံသော စိတ်ဓါတ်ဖြင့်  အသက်ပေးရင်ဆိုင်သွားခဲ့သည်။

ဝမ်ပေါင်ကုမ္ပဏီအား အထူးသတိပေးလိုက်ပါသည်။

မိမိတို့ပြည်တွင်းရေးကိစ္စဝင်ရောက်စွက်ဖက်ခြင်း၊  မိမိတို့ပြည်သူများ၏အရေးကိစ္စများတွင်သွားပုပ်လေလွင့် ဝင်ရောက်ပြော ဆို ခြင်း၊ ရိုင်းပြစော်ကားခြင်း၊ တရုတ်လူမျိုးကုမ္ပဏီဝန်ထမ်းများကိုယ်တိုင်ဝင်ရောက်စွက်ဖက်ခြင်း လုံးဝမပြုလုပ်ပါနှင့်။

(RFA) သတင်းဌာနသို့ပြောကြားခဲ့သည့် ဝမ်ပေါင်ကုမ္ပဏီတာဝန်ရှိသူ၏ ပြောကြားချက်များသည် မိမိတို့ပြည်တွင်းရေး၊ မိမိတို့ ပြည်သူများအရေးတွင် ရမ်းရမ်းကားကား ဝင်ရောက်စွက်ဖက်ခြင်းဖြစ်ပါသည်။ ဤကဲ့သို့သော လုပ်ရပ်များကို ရပ်တန်း က ရပ်လိုက်ပါ။ သင်တို့စိုက်ထုတ်ထားသည့် အရင်းအနှီးများ မဆုံးရှုံးရေး၊ သင်တို့ကုမ္ပဏီအမြတ်အစွန်း ရရေးကိစ္စများကို ဆောင်ရွက်ခြင်းသည် သင်တို့နှင့်စာချုပ်ချုပ်ဆိုထားသော အစိုးရနှင့်တိုက်ရိုက်သက်ဆိုင်သောကိစ္စများဖြစ်သဖြင့် ထိုသူများနှင့်သာပြီးပြတ်ပြေလည်အောင်ဆောင်ရွက်ကြပါ။ သို့ပါ၍နောက်နောင်တွင်  မိမိတို့ ပြည်တွင်းရေးကိစ္စ၊ မိမိတို့ပြည်သူများ၏အရေးကိစ္စများ၌ ဝမ်ပေါင်ကုမ္ပဏီအနေဖြင့် မည်သည့် နည်းလမ်း၊ မည်သည့်ပုံစံနှင့်မျှ ဝင်ရောက် ပါဝင်စွက်ဖက်ခြင်းမပြုပါနှင့်။

ထို့အပြင် သမ္မတ (ဗိုလ်) ဦးသိန်းစိန် ကြံ့ဖွံ့အစိုးရအနေဖြင့် “တွေ့ဆုံဆွေးနွေးရေး – နိုင်ငံရေးယဉ်ကျေးမှုသစ်” ဟူ၍ ပါးစပ်မှ ပြောနေသော်လည်း၊ လက်တွေ့ဖြေရှင်းမှုမှာ သေနတ်နှင့် အကြမ်းဖက်နေခြင်းသာဖြစ်နေသည်။ ယခုလည်း သမ္မတပြော ရေးဆိုခွင့်ရှိသူမှ တဆင့်ထုတ်ဖော်ပြောကြားနေသည့် အစိုးရ၏သဘောထားရပ်တည်ချက်နှင့်ဖြေရှင်းမည့်နည်းလမ်းသည်လည်း “နိုင်ငံရေးသမားများ၏ သွေးထိုးမှု ပယောဂကြောင့်” ဟူသော အမြင်မှား၊ အစွဲမှားပဲဖြစ်နေသည်။

သို့ပါ၍ အစိုးရ၊ အကောင်အထည်ဖော်ရေးကော်မတီနှင့် ဝမ်ပေါင်ကုမ္မဏီတို့၏ လက်ပံတောင်းအရေး ဖြေရှင်းလိုသည့် လက်ရှိ သဘောထားနှင့်အစီအမံအကြံအစည်သည်အမြင်တိုသော၊ ကိုယ်ကျိုးစီးပွားတစ်ခုတည်းကို တစ်ဖက်သတ်ကြည့်မြင် သော၊ အကြမ်းဖက် သွေးထွက်သံယိုမှုကို အစဉ်ဖိတ်ခေါ်ဦးတည်နေသည့် ထိပ်တိုက်ရင်ဆိုင်ဖြေရှင်းနည်းလမ်းသာဖြစ်နေပါသည်။

ဤအမြင်နှင့်သဘောထားရပ်တည်ချက်များကို သမ္မတ (ဗိုလ်) ဦးသိန်းစိန်ကြံ့ဖွံ့အစိုးရ စွဲကိုင်ထားသမျှ လက်ပံတောင်းပြ ဿနာ သာမက အခြားမည်သည့်ပြဿနာကိုမျှပြေလည်အောင် ဖြေရှင်းနိုင်လိမ့်မည်မဟုတ်ချေ။ မရှင်းလင်းနိုင်သည့်အပြင် ပိုမိုကြီးမား၊ နက်ရှိုင်း ကျယ်ပြန့်သည့် ပြဿနာများကိုပါ ပင့်ဖိတ်ခေါ်ဆောင်နေသကဲ့သို့ ဖြစ်နေပေလိမ့်မည်။

အကြံပြုချက်

● အစိုးရနှင့်ကုမ္ပဏီများဘက်မှ ဆောင်ရွက်ရန်
– ဒေသခံပြည်သူများအကျိုး တကယ်တန်းရှေ့ရှုပြီး၊ ချောမွေ့ပြေလည်စွာဖြေရှင်းလိုလျှင် အောက်ပါအချက် (၂) ချက်ကို တိတိ ကျကျလိုက်နာရန်လိုအပ်ပါသည်။
– ဒေသခံပြည်သူများ၏ ရေရှည်နှင့်လက်ငင်းအကျိုးစီးပွားသည် အဓိကနှင့်ပထမဖြစ်ရမည်ဟူသောအခြေခံပေါ်တွင် ရပ် တည်ကြရမည်။
– အကြမ်းဖက်ဖိနှိပ်ဖြေရှင်းရေးကို အစဉ်ဦးတည်နေသည့် “နိုင်ငံရေးသမားများ၏ သွေးထိုးမှုပယောဂကြောင့်” ဟူသော အမြင်မှားနှင့်အစွဲမှား သဘောထားရပ်တည်ချက်ကို အုပ်စိုးသူအစိုးရ၊ ဦးပိုင်လီမီတက်နှင့်ဝမ်ပေါင်ကုမ္ပဏီတို့ဘက်မှ ချက် ချင်းစွန့် လွှတ်ရမည်။

● လက်တလော ဆောင်ရွက်ရန်
– လက်ပံတောင်းစုံစမ်းစစ်ဆေးရေးအစီရင်ခံစာ၏ အကြံပြုချက်များအပေါ် အကောင်ထည်ဖော်ရေးကော်မတီက တိတိကျ ကျ လုပ်ကိုင်ဆောင်ရွက်ခြင်းမရှိခဲ့သည့် အချက်များကို ဖော်ထုတ်ရန်။
– ဤသို့ဆောင်ရွက်နေစဉ်ကာလအတွင်း လက်ရှိပဋိပက္ခကို ပေါ်ပေါက်စေခဲ့သည့်ကုမ္ပဏီဘက်မှ  ခြံစည်းရိုး အတင်းအဓမ္မ ကာရံနေခြင်းကို ချက်ချင်း ရပ်ဆိုင်းထားရန်။
– ယင်းသို့ ဒေသခံပြည်သူများ နစ်နာဆုံးရှုံးနေရသည့်အချက်အလက်များ ဖော်ထုတ်ရေးတွင် ဒေသခံလွှတ်တော် ကိုယ်စား လှယ်၊ လက်ပံတောင်းဒေသခံပြည်သူများမှ တိုက်ရိုက်ရွေးချယ်ထားသူများ၊ သက်ဆိုင်ရာပညာရပ်နယ်ပယ်အလိုက် ကျွမ်း ကျင်သူများ ပါဝင်စေရန်။

● ဒေသခံပြည်သူများဘက်မှ ဆောင်ရွက်ရန်
– လက်ပံတောင်းဒေသခံပြည်သူများသည်“ဒေသခံပြည်သူများ၏ အကျိုးစီးပွားကာကွယ်ရေးနှင့် ထိန်းသိမ်းရေးကော်မတီ” တစ်ရပ် ဖွဲ့စည်းရမည်။
– ထိုကော်မတီသည် လက်ပံတောင်းဒေသခံများ၏ နစ်နာဆုံးရှုံးရမှုများ၊ လျော်ကြေးငွေနှင့်အခြားနစ်နာမှုများနှင့်ပတ်သက်၍ ပြောရေးဆိုခွင့်၊ ညှိနှိုင်းဆောင်ရွက်နိုင်ခွင့်ရှိရမည်။
– ထိုကော်မတီသည် ဒေသခံပြည်သူများ၏နစ်နာမှုအရပ်ရပ်ကို ပြုစု၍ ဆုံးရှုံးနစ်နာရသည့် လယ်မြေ၊ ယာမြေ၊ ခြံမြေ၊ ဥယျာဉ် မြေ၊ စားကျက်မြေနှင့် သီးပင်စားပင်များ၊ ရေတွင်းရေကန်များ၏ အဖိုးစားနားကို ဒေသခံပြည်သူများလိုလားသည့်နှုန်းထား သတ်မှတ်ရေး စသည့်လုပ်ငန်းများ ဆောင်ရွက်ရမည်။
– ရဲတပ်ဖွဲ့၏အကြမ်းဖက်ပစ်ခတ်မှုကြောင့် ဒေါ်ခင်ဝင်းသေဆုံးရမှုနှင့်ဒေသခံများထိခိုက်နာကျင်ရမှု အပေါ် နောက်နောင်မဖြစ် ပေါ်စေရေး သီးခြားကိစ္စရပ်အဖြစ် ဆွေးနွေးရန်

ညွှန်း

– လက်ပံတောင်းတောင် ကြေးနီစီမံကိန်းနှင့်ပတ်သက်သည့် စုံစမ်းစစ်ဆေးရေးအစီရင်ခံစာအပေါ် အကောင်အထည်ဖော် ဆောင်ရွက်မည့် ကော်မတီသတင်းထုတ်ပြန်ချက်အမှတ် (၁/၂၀၁၅)၊ မြန်မာ့အလင်းသတင်းစာ (၆-၁- ၂၀၁၅)
– သမ္မတပြောခွင့်ရပုဂ္ဂိုလ်၊ ပြန်ကြားရေးဝန်ကြီး ဦးရဲထွဋ်နှင့် (RFA) အင်တာဗျူး (၆-၁-၂၀၁၅)
– မြန်မာဝမ်ပေါင် ကြေးနီထုတ်လုပ်ရေးကုမ္ပဏီရဲ့ စီမံခန့်ခွဲမှုမန်နေဂျာ  Mr. Dong Yunfei နှင့် RFA သီးသန့်ဆက်သွယ်မေး မြန်းခန်း (အပိုင်း ၁ ၊ ၂)  (၂၉/၃၀ –  ၁၂ -၂၀၁၄)

---

သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ