ဆလိုင်းသွှအောင် ၏ ခရစ္စမတ် တေး လက်ဆောင် (၂၀၁၄)

ဆလိုင်းသွှအောင် ၏ ခရစ္စမတ် တေး လက်ဆောင် (၂၀၁၄)
(မိုးမခ) ဒီဇင်ဘာ ၀၉၊ ၂၀၁၄

ရပ်ဝေးရပ်နီး က မိတ်ဆွေ သင်္ဂဟများနှင့် တေးချစ်သူများထံ ဤ “နွားစားခွက်ထဲမှ သိုးသူငယ်” အမည်ရှိ သီချင်း လေးကို ခရစ္စမတ် လက်ဆောင် ပါးလိုပါသည်။ မိမိ၏ သီချင်းရေး သက်တမ်းတွင် ပထမ ဆုံးအကြိမ် ရေးဖြစ်ခဲ့သော ခရစ္စမတ်တေးလည်း ဖြစ်ပါသည်။ ဤသီချင်းကို ယခု ခရစ္စမတ် အချိန်ခါ သမယ တွင် မိတ်ဆွေများ အနေဖြင့် မိမိတို့ ရှိရာ နေရာ အသီးသီး၌ တီးခတ် သီဆို နိုင်ပါကြောင်း သတင်းကောင်း ပါးလိုပါသည်။ မိတ်ဆွေများ အနေဖြင့် မိမိကိုယ်တိုင် သို့မဟုတ် မိမိတို့ ဂီတတီးဝိုင်း များနှင့် တီးခတ်ရန် အလျဉ်းမသင့် ပါကလည်း နောက်ခံ တီးဂီတကို MP3 format ဖြင့် လက်ဆောင် ပေးလိုပါသေးသည်။ သို့ဖြစ်ပါ၍ ဤသီချင်းကို သီဆိုလိုသူများ အနေဖြင့် သီဆိုမည့်သူနှင့် သီဆိုမည့်နေရာ ကို မိမိထံ ဖေစ်ဘွခ် မှ တဆင့် အကြောင်းကြား ဆက်သွယ် စေလိုပါသည်။ နားဆင်သူများ အနေဖြင့် ဤသီချင်း၏ အနှစ်အရသာကို အပြည့်အ၀ ခံစားနိုင်စေရန် သီချင်း၏ နောက် ခံ ဇာတ်လမ်း အနည်းအကျဉ်း ကို ဖေါ်ပြလိုပါသည်။ သီချင်း စာသားကို ဤစာ ၏ နောက် တမျက်နှာ၌ တွေ့ မြင်နိုင်မည် ဖြစ်ပါသည်။

ခရစ်တော် ပေါ်ထွန်းသည့်နောက် နှစ်ပေါင်း (၂၀၀၀) ကျော်သွားပြီ ဖြစ်သော်လည်း ခရစ္စမတ် ဇာတ်လမ်းနှင့် မရင်းနှီးသေးသော သူများ ရှိကောင်း ရှိပါလိမ့်မည်။ ခရစ်တော်ဖွားမြင်သည့် ဇာတ်လမ်းကို ဓမ္မသစ်ကျမ်း၌ မဿဲ အခန်းကြီး (၁) အခန်းငယ် (၁၈) ၌ လည်းကောင်း၊ လုကာ အခန်းကြီး (၂) အခန်းငယ် ၁ ၌ လည်းကောင်း ဖတ်ရှု လေ့လာ နိုင်ပါသည်။

တချို့ က ခရစ်တော်၏ အစသည် နှစ်ပေါင်း (၂၀၀၀) က ဖြစ်သည်ဟု လက်လွတ်စပယ် ထင်ယောင် ထင်မှား ဖြစ်မိကောင်း ဖြစ်မိနိုင်ပေသည်။ အမှန်ကား နှစ်ပေါင်း (၂၀၀၀) ကျော်က အဖြစ်အပျက်သည် ခရစ်တော်၏ အစဟုတ်ဘဲ သူ၏ လူဇာတိ ခံယူသည့် အခန်းအနား အဖြစ်အပျက်သာ ဖြစ်ပါသည်။ ခရစ်တော် ပေါ်ထွန်းမည် ဆိုသည် ကို ကြိုတင်၍ ဟောထားသည် မှာ ရှေးကနဦး ကမ္ဘာတည်စ အာဒံနှင့် ဧ၀ တို့ ခေတ်ကတည်းက ဖြစ်ပါသည်။ ကမ္ဘာဦးကျမ်း အခန်းကြီး (၃) အခန်းငယ် (၁၅) ၌ ရေးသား ပါရှိသော “မိန်းမ၏ အမျိုးအနွယ်” သည် နောင် ပေါ်ထွန်းလာ လတ္တံသော ခရစ်တော်ကို ရည်ညွှန်းထားခြင်းပင်။ ထိုနောက် ဟေရှယ အခန်းကြီး (၇) အခန်းငယ် (၁၄)။ ဟေရှယ အခန်းကြီး (၉) အခန်းငယ် (၉)။ မိက္ခာ အခန်းကြီး (၅) အခန်းငယ် (၂) တို့ အ ပြင် အခြား အခြားသော ကျမ်း ပိုဒ် မြောက်မြားစွာ၌ တွေ့ မြင်နိုင်ပါသေးသည်။

ခရစ်တော်၏ အရင်းအမြစ်ကို ရှာကြည့်သော အခါ သူသည် လူသား အဖြစ် မမွေးဖွားခင် အစ ကနဦးကပင် သူ ကိုယ်တိုင် ဘုရား စင်စစ် ဖြစ်ခဲ့ကြောင်း ရှင်ယောဟန် အခန်းကြီး (၁) ၌ဖေါ်ပြထားသည်။ ထိုကျမ်းပိုဒ်ကို ဖတ်ရှု လေ့လာပါက သူသည် အမှန်ပင် ကမ္ဘာမြေကြီး နှင့်တကွ လောက၌ရှိ အရာခတ်သိမ်းတို့ ကို ဖန်ဆင်းခဲ့သော ဘုရား ဖြစ်ကြောင်းသိရှိနိုင်သည်။ မည်သို့ မည်ပုံ ဤ ကမ္ဘာလောကကို ဖန်ဆင်းခဲ့သည် ဆိုသည်ကိုမူ ကမ္ဘာဦးကျမ်း အခန်းကြီး (၁) မှစ၍ အသေးစိတ် ဖတ်ရှုနိုင်ပါသည်။

ခရစ်တော်၏ ပထမ တခေါက် ဗက်လင်မြို့ ၌ နှိမ့်ချစွာ နွားစားခွက်၌ မွေးဖွားခဲ့ရသည့် ရည်ရွယ်ချက်မှာ ကမ္ဘာ ပေါ်ရှိ (ချင်းလူမျိုးများ သာမက) လူသားများ အားလုံး မျှော်လင့်ခြင်း ပြည့်ဝ ၍ ကယ်တင်ခြင်းရစေလိုသော ဆန္ဒ ကြောင့် ဖြစ်သည်။ ခရစ်တော် ကို အောင်နိုင်သူ၊ ကယ်တင်ရှင်၊ သခင်၊ ဘုရင် အနေဖြင့် ကြွလာ မည်ဟု၍ သာ မျှော် လင့်ကြသောကြောင့် သူ့ ကို လက်မခံလိုသူများ လည်း ရှိသည်။ သို့ ရာတွင် ယင်းကဲ့သို့  ခရစ်တော်သည် ပဌမ အကြိမ်ကြွ လာစဉ်က နှိမ့်ချစွာ ကြွလာမည် ဖြစ်ကြောင်း ယေရှာယ အခန်းကြီး (၅၃) ၌ အတိအ လင်း ဖေါ်ပြထားသည်။ သူ၏ ကိုယ်ခန္မာ တော်ကို အဆုံး စီရင်ကြသော်လည်း ၀ိညာဉ် ဖြစ် သောကြောင့် သူသည် သေခြင်းကို အောင်မြင်ကာ ရှင်ပြန် ထမြောက် သွားခဲ့သည်။ ထိုခရစ်တော်သည် ဒုတိယအကြိမ် တဖန် ကြွ လာလိမ့်ဦးမည် ဖြစ်သည်။ ထိုအခါ၌ မူကား သူသည် အကယ်စင်စစ် ရှင်ဘုရင် အဖြစ်ဖြင့် ကြွလာ လိမ့်မည်ဖြစ်ကြောင်း သတင်း ကောင်းပါးအပ်ပါသည်။

Merry Christmas!

Salai Thuahawng

♬ ♪ ♩ ♭ ♫ ∮….

♫ ♪ ♫ ♪…

နွားစားခွက်ထဲမှ သိုးသူငယ်အချိန်တန်၍ နှစ် လ ရက် စေ့သော အခါ

ဗျာဒိတ်ပေး၊ ပရောဖက် ပြုသည့် အတိုင်း

ကမ္ဘာပေါ်မှာ သက်ရှိနေထိုင်ခဲ့ဖူးသော လူအပေါင်းတို့အား

မျှော်လင့်ခြင်း ပြည့်ဝ ကယ်တင်ခြင်း ရစေသော ငှာ

ကိုယ်တော်တိုင် ကြွဆင်း၊ ချစ်ခြင်း မေတ္တာ ဘုရားလာလေ၊ လာကြလေ ဖူးတွေ့ကြမည်

ဗက်လင်မြို့၏ နွားစားခွက်ထဲမှာ

သူငယ်တော်အား နွေးထွေးစွာ သိပ်ပြီး အဝတ်နှင့် ပတ်ရစ်ထား

တောအရပ်၌ တည်းခိုကြစဉ်၊ သိုးထိန်းများအား

ကောင်းကင် တမန်များ သတင်းကောင်း ဆောင်ယူလာ

မကြောက်ရွံ့ကြနှင့်၊ ထိုခရစ်တော်ကို တွေ့လိမ့်မည်

ကယ်တင်ရှင်သည် ယနေ့ ၌ သင်တို့ အတွက်

နှိမ့်ချစွာ မွေးဖွား၊ လူဇာတိ ခံပြီသင့်ကို ချစ်သောသူ၊

အပြစ်မှ ကယ်မည့်သူ၊

သိုးသူငယ်လေးကို သခင်ဘုရား

ကြိုတင် ပြင်ဆင်ထား

နားရှိသူ ကြားစေ၊

ဝမ်းမြောက်စရာ သတင်းပေ။ဤကမ္ဘာမြေပေါ်မှာ

ပျော်ရွှင်ငြိမ်သက်ခြင်း၊ ယူဆောင်လာပြီ။ထိုသူငယ်တော်ကား

ဧမာနွေလ ဘုရား၊ အမှန်ပေ။