ကျွန်တော်သည် ကျောင်းသားအရွယ် စတင်ပညာသင်ကြားနေစဉ်ကပင် အညံ့ဆုံး စာရင်းဝင်တဦး မဟုတ်ခဲ့ပါ။ အတန်းထဲတွင် သင်တန်း သား ငါးဆယ်ရှိပါက အဆင့်လေးဆယ့်ကိုး ရရှိတာကြောင့် အညံ့ဆုံးမဟုတ်တော့ပါ။ ကျွန်တော်ထက် ညံ့ဖျင်းသူ၊ ဆိုးရွားသူတယောက် ထပ်ရှိနေပါသေးတယ်။
ကျောင်းများတွင် အဆင့်ဆိုသည်မှာ စာမေးပွဲတွင် ရရှိသော အမှတ်ပေါင်းများကို ကြည့်ကာ အမှတ် အများဆုံးရသူကို အဆင့်တ ပထမ၊ ဒုတိယ အများ ဆုံးရသူကို အဆင့်နှစ် စသဖြင့် အစဉ်လိုက် သတ်မှတ်ပေးသွားပါတယ်။ အတန်းထဲတွင် အဆင့် လေးဆယ့်ကိုးရသော ကျွန်တော်ဟာ ကျွန်တော်ကိုယ် ကျွန်တော် အညံ့ဆုံးလို့ မသတ် မှတ်ထားခဲ့ပါ။
ကျောင်းမှအိမ်သို့ မိဘများဆီကို မှန်မှန်ပို့ပေးနေသော ပညာရေးအဆင့် အစီရင်ခံစာ ကဒ်ပြား လေးရောက် လာသောအခါ အမေက သား ရယ် ညံ့လှချည်းလားလို့ ညည်းညူ လိုက်တဲ့အခါမှာ ကျွန်တော် နောက်မှာ မောင်မောင်တာ ရှိပါသေးတယ်လို့ ကမန်းကတန်း ဖြေလိုက်ရပါတယ်။ မောက်မောင်တာ က အတန်း ထဲမှာ အဆင့်ငါးဆယ် ရတဲ့သူပါ။ သူက အညံ့ဆုံးဆိုတော့ ကျွန်တော်က အညံ့ဆုံး မဟုတ်တော့ပါ။ ကျွန်တော်ရဲ့ နောက်မှာ ကျွန်တော်ထက် ညံ့သော မောင်မောင်တာ ရှိသေးကြောင်း ရဲရဲဝံ့ဝံ့ ပြောကြားလိုက်ပါတယ်။
အခြေခံပညာ အထက်တန်း စာမေးပွဲ အောင်စာရင်း ထွက်လာသောအခါ၌လည်း ပညာရေး ထူးချွန်သူများက ဆေးတက္ကသိုလ်၊ စက်မှုတက္ကသိုလ် ဆိုတာတွေကို ရွေးချယ်ခံရတာကြောင့် ခေါင်းတမော့မော့နှင့် ပျော်မဆုံးဖြစ်နေကာ မိဘတွေကလည်း ကြွားလို့ မဝဖြစ်နေသော ကာလများမှာ ကျွန်တော်ကတော့ အညံ့ဆုံး မဟုတ်တာကြောင့်မိမိ ၏ အမှတ်အဆင့်နှင့် ထိုက်တန်သော ဘာသာရပ်ကို သာသင်ကြားခွင့်ရခဲ့ပါတယ်။ မိတ်ဆွေ သူငယ်ချင်းများ၊ ဆွေမျိုးများကို ကျွန်တော် သင်ကြားခွင့်ရသော ဘာသာဟာ အညံ့ဆုံး ဘာသာမဟုတ်ကြောင်း၊ ထိုဘာသာရပ်ထက် အမှတ်နည်းသော ဘာသာရပ်များရှိသေးကြောင်း ရှင်းပြရသည်မှာလည်း အလုပ်တခုဖြစ်လာပါ တယ်။
တချို့ကတော့ အင်မတန် ဝါသနာပါလို့ပဲ ဒီဘာသာရပ်ကို ရွေးလိုက်သလို ကြွားပြောလေး၊ ပြောနေကြပါသေးတယ်။ ဒီလိုပြော နေတဲ့ ကျောက်းသားတွေထက်တော့ ကျွန်တော်က နဲနဲသာနေတာ သိရတော့ ကျွန်တော် အညံ့ဆုံး မဟုတ်ကြောင်းကို ရဲရဲကြီး ပြောဆိုလိုက်ပါတယ်။
တက္ကသီလာ နယ်မြေမှာ လေးနှစ်ရာသီကုန်ဆုံးအောင် ပညာသင်ကြား ပြီးသောအခါ အညံ့ဆုံး မဟုတ်ခဲ့သော ကြောင့် ကျွန်တော့် အမည်သည် စာမေးပွဲ အောင်စာရင်းများတွင် သုံးကြိမ်ပါဝင်ခဲ့ပါတယ်။ တကြိမ်ကမူ ကျောင်း လခကို အကြေ မသွင်းပါသောကြောင့် အကြွေးကျန်ပါသဖြင့် အောင်စာရင်းတွင် ပါဝင်ခွင့်မရခဲ့ပါ။ ငွေစာရင်းဋ္ဌာနတွင် ကြွေးကျန်လခကို သွားသွင်းပြီးသောအခါမှ စာမေးပွဲအောင်မြင်သည် ဆိုသော ဝမ်းမြောက်ဖွယ်ရာ သတင်းပါသော စာရွက်ကလေးကို လက်ခံရရှိခြင်းဖြင့် တက္ကသိုလ် ကျောက်းသားဘဝတွင် အညံ့ ဆုံး စာရင်း ဝင်သူမဟုတ် ကြောင်းကို သက်သေပြနိုင်ခဲ့ပါတယ်။
သူများတွေ ဘွဲ့ ရရှိရန် စာမေးပွဲကို နောက်ထပ် တကြိမ် ကြိုးစား ဖြေနေချိန်မှာ ကျွန်တော်က ဌာနဆိုင်ရာ လုပ်ငန်း ခွင် စာမေးပွဲဖြေဆိုရန် လုပ်ငန်းခွင်ဆိုင်ရာ သိမှတ်ဖွယ်ရာများကို လေ့လာဆည်းပူးနေရပါတယ်။ ကျွန်တော် ဖြေဆိုခဲ့သော လုပ်ငန်းဆိုင်ရာ စာမေးပွဲတွင် ကျွန်တော်ထက် ညံ့ဖျင်းသူများ ရွေးချယ်ခြင်း မခံရသော ကာလ၌ အညံ့ဆုံး မဟုတ်သော ကျွန်တော်က အရွေးချယ်ခံရသော စာရင်းထဲတွင် တဦး အပါအဝင် ဖြစ်ခဲ့ရပါ တယ်။ ဒီလို အောင်မြင်တာကြောင့် ဝန်ထမ်းဆိုင်ရာ သင်တန်းတွေ တက်ရောက်ရပြီး ဝန်ထမ်းစည်းမျဉ်းတွေကို သင်ကြားကာ ဝန်ထမ်းဖြစ်လာပါတော့တယ်။
ဝန်ထမ်းဘဝရောက်တော့လည်း ဝန်ထမ်းတို့၏ သဘာဝအရ ဝန်ထမ်းဆိုင်ရာ သင်တန်းများကို ဌာနဆိုင်ရာ သင်တန်း တည်ရှိသောနေရာများ၌ သွားရောက် သင်ကြားဆည်းပူးရပြန်ပါတယ်။ ထုံးစံအတိုင်းပင် ဌာန ဆိုင်ရာ သင်တန်းများတွင်လည်း အောက်ဆုံး မဟုတ်သော အဆင့်၊ အညံ့ဆုံးမဟုတ်သော အဆင့်နေရာမှ ပြီးဆုံးအောင် မြင်ကြောင်း အသိအမှတ်ပြု လက်မှတ်များ လက်ခံရရှိခဲ့ပါတယ်။
မိမိကိုယ်တိုင် ရွေးချယ်ခဲ့သော ဘဝလမ်းကြောင်း အသက်မွေးဝမ်းကြောင်းရန် လုပ်ငန်းဖြစ်သောကြောင့်
တတ်နိုင်သမျှ ကြိုးစားလုပ်ကိုင်ခဲ့ပါတယ်။ မိမိထက် ညံ့ဖျင်းသူများကြောင့် မိမိမှာ တာဝန်ရှိသည်ဆိုကာ အထက် အရာရှိသူများ၏ ဆုံးမ ဆူပူခြင်းကို အကြိမ်ကြိမ်ခံခဲ့ရဖူးပါတယ်။ မိမိကိုယ်တိုင် အသုံးမကျ ညံ့ဖျင်းမှုကြောင့် လုပ်ဖေါ်ကိုင်ဖက်များ၏ ဝေဖန်ခံရမှုများ၊ အထက် အရာရှိသူများ၏ သွန်သင်ဆုံးမရင်း ဆူပူခံရသံများကိုလည်း မကြာခဏ ခံစားဖူးခဲ့ပါတယ်။ အဆူခံရပြီးသောအခါများမှာ ဝန်ထမ်းလောက ကနေ နုတ်ထွက်ပြီး အခြားလုပ်ငန်းကို ပြောင်းလုပ်ရန် တွေးတောမိတတ်လာပါတယ်။
ဤကဲ့သို့ အဆူခံလိုက်၊ မိမိလုပ်သောလုပ်ငန်းအဆင်ပြေသွားသောအခါ ရှောရှောရှူရှူအောင်မြင်သွားသောအခါ အထက်အရာရှိ တာဝန်ရှိသူများက ချီးကျူးသံ အားပေးသံများကို ကြားရသောအခါများမှာ ဝန်ထမ်းဘဝမှာ အားတက် လာ ပျော်ရွှင်လာတတ်ပါတယ်။ အငြိမ်းစားယူသည်အထိ ချီးကျူးသံများ၊ အားပေးသံများကို စိတ်ကူးနှင့် တမ်းတ တတ်လာပါတယ်။ အဆူခံလိုက်၊ ချီးကျူးခံလိုက်နှင့် သံသရာလည်နေသော ဝန်ထမ်းဘဝမှ ကျွန်တော် ဟာ ကျွန်တော်ထက် ပိုတော်သူများက ရာထူး အသီးသီးတက်သွားပြီး အရာရှိကြီးများအဖြစ် ပျော်ရွှင်စွာတာဝန် ထမ်းဆောင်နေကျချိန်မှာ ကျွန်တော်ကတော့ ရာထူးတိုး စာမေးပွဲ ထပ်ဖြေရဦးမလား၊ လက်လျှော့ လိုက်ပြီး ဒီအဆင့်နဲ့ပဲ အငြိမ်းစား ယူရမလား စဉ်းစား လာရပါတော့တယ်။
မိမိနဲ့ အရည်အချင်းတူတွေ ရာထူးတိုး သည်အထဲ ပါလာပြီလား ဆိုတာကို ရင်တထိတ်ထိတ်နှင့် စောင့်မျှော်နေရတာ နှလုံးရောဂါတောင် ရနိုင်ပါတယ်။ မိမိနှင့် အရည်အချင်းတူသူတွေ ရာထူးတိုးပြီဆိုပါက မိမိပါမပါ စုံစမ်းရတာလည်း အလုပ်တခု ဖြစ်လာပါတယ်။
ထုံးစံအတိုင်း မိမိ ထက် ငယ်ရွယ်သူတွေ ရာထူးမတိုးမီ မိမိနဲ့ ညံ့ဖျင်းသူ တယောက်၊ နှစ်ယောက်လောက် ကျန်ချိန်မှာ ရာထူး တဆင့်တိုးကြောင်း အမိန့် ထွက်လာပါတယ်။ ကိုယ်ထက် ညံ့လို့ ရာထူး တိုးတဲ့ အထဲ မပါတဲ့ သူတွေကို ကြည့်ပြီး အဖေ အညံ့ဆုံး မဟုတ်ဘူး ဆိုတာကို သားသမီးတွေကို ကြွားရသေးတယ်။ မမျှော်လင့်ထားတဲ့ အမိန့် ဖြစ်နေလို့ တမိသားစုလုံး ပျော်ရွှင်နေကြတာပေါ့။
နယ်ကို ပြောင်းရွှေ့လိုက် မိမိ ရပ်ရွာမှာ တာဝန်ပြန်ကျလိုက်နဲ့ သံသရာ လည်နေပါတယ်။ ဆွေမျိုး မိတ် သင်္ဂဟ များရှိသော ရပ်ရွာမှာ နေရာချထားခြင်းခံရပါက ပျော်ရွှင်မိပြီး မရောက်ဖူးသော နေရာတွင် တာဝန်ကျသောအခါ အားငယ်စိတ်များ ဖြစ်ခဲ့မိပါတယ်။ ဒေသခံများ လုပ်ဖော်ကိုင်ဖက် အပေါင်းအသင်းများကြောင့် အဆင်ပြေကာ ပျော်ရွှင်မှု စချိန်မှာ အသက်အရွယ်အရ အငြိမ်းစား ယူခဲ့ရပါတယ်။
အငြိမ်းစား ဝန်ထမ်းများ ထုံးစံအတိုင်း မြေးထိန်းချိန်မှာ မြေးကိုထိန်း၊ အားလပ်တဲ့ အချိန်မှာ သက်တူရွယ်တူများ စုဝေးကာ အတိတ်က ပျော်စရာများ၊ ကြုံခဲ့ဖူးသော သောကများ၊ ဝန်ထမ်းဘဝက ဂုဏ်ယူစရာများနှင့် မကျေနပ်မှု များကို အပျင်းပြေ ပြောကြ ဆိုကြ ငြင်းခုန်ကြနှင့် အချိန်ကုန်အောင် ဖြုန်းလာတတ်ပါတယ်။ ထိုစကားဝိုင်းမှာ တခါတတရံ ကျွန်တော်က ဦးဆောင် ဆွေးနွေးသူ ဖြစ်နေတတ်ပါတယ်။ ကျွန်တော်ကို ငယ်စဉ်က စာ အင်မတန်တော် သူအဖြစ် ချီးမွမ်းသူက ချီးမွမ်းနေတတ်ပါတယ်။ အတန်းထဲတွင် ဒုတိယ နောက်ဆုံး၊ ဒုတိယ အညံ့ဆုံး နေရာတွင် ရှိ ခဲ့သော ကျွန်တော့်ကို စာတော်သူအဖြစ် မြှောက်ပင့် ပြောဆိုသံများကို သာယာလာမိပါတယ်။
ကျောင်းသားဟောင်းများ စုဝေးပြီး ဆရာကြီးများကို ပူဇော်ကန်တော့ ကြသော အာစရိယ ပူဇော်ပွဲ အခမ်းအနားများ တွင်လည်း ဆရာကြီးများက ဒီသူငယ်လေး ငယ်ငယ်လေး ကတည်းက လူအေးလေးစာလည်း ကြိုးစားတယ်၊ စာတော်တယ် စသည်ဖြင့် ချီးကျူး ပြောဆိုကြသောအခါ ငါ ငယ်ငယ်တုန်းက အသုံးမကျ အလီမရ ညံ့ဖျင်းခဲ့တာ တွေ ဟုတ်ပါ့မလားလို့ မိမိကိုယ် မိမိ ပြန်တွေးနေရပါတယ်။
ဝန်ထမ်းဟောင်းများ ပြန်ဆုံတော့လည်း အစ်ကိုကြီး ဘယ်တုန်းက ဘယ်ကိစ္စကို ဘယ်လို ဖြေရှင်းပေးလိုက်တာ၊ ဘယ်သူကို ဘယ်လိုကူညီပေးလိုက်တာ စသဖြင့် မြှောက်ပင့် ပြောသံများကိုလည်း စိတ်ထဲတွင်ကြည်နူးမိကာ ယခင်က အဆူခံခဲ့ရတာတွေ၊ အပြောအဆိုခံခဲ့ရတာတွေ အားလုံးကို မေ့ပျောက်သွားပါတော့တယ်။ ထိုအချိန်များတွင်ငါ အညံ့ဆုံးမဟုတ်ပါလား ဆိုတဲ့ အတွေးပြန်ဝင်လာကာ အားတက်လာမိပါတယ်။
မိမိကိုယ်တိုင်က စာမကြိုးစားခဲ့၊ စာမတော်ခဲ့သော်လည်း သားသမီးများ လက်ထက်မှာတော့ စာတော်သူတွေရဲ့ မိဘ ဖြစ်ချင်ပါတယ်။ ဂုဏ်ထူးရှင်၏ ဖခင်ဖြစ်လိုပါတယ်။ သူငယ်ချင်းတွေ ဆုံတဲ့အခါ မင်းကလေးတွေ ဘယ် အရွယ်ရောက်ပြီလဲ၊ ဘယ်အတန်း ရောက်ကြပြီလဲလို့ ကိုယ့်ကို ပြန်မေးရအောင် နိမိတ်ပြမေးခွန်းလေးတွေ မေးရင်း သားသမီးတွေ တော်ကြောင်း၊ တတ်ကြောင်း ကြွားတတ်လာပါတယ်။ ထိုအခါ မင်းက စာတော်တော့ မင်းကလေးတွေလည်း စာတော်မှာပေါ့ကွာလို့ ကျွန်တော်ငယ်စဉ်က စာညံ့တာကို မ မှတ်မိတော့တဲ့ တယောက်ယောက်က ပြောလိုက်လျှင် အတန်းထဲမှာ ဒုတိယ အညံ့ဆုံး ဖြစ်ဖူးတာတွေကို သတိမရတော့သလို ဖြစ်လာတတ်ပါတယ်။
ရာထူးတွေ မကြာခဏ တိုးကာ နေရာ ခဏခဏ ပြောင်းရွေ့ နေရတာကြောင့် သားသမီးများကို ဂရုမစိုက်နိုင်တော့ဘဲ စားဝတ်နေရေးအတွက် ရုန်းကန်နေရသော စာအင်မတန်တော်သည့် လုပ်ဖေါ်ကိုက်ဖက် သူငယ်ချင်းကို တွေ့ရသောအခါ ဒုတိယ အညံ့ဆုံး သူထက် ပိုဆိုးနေတဲ့ သူပါလားလို့ သနားမိနေမိပါတယ်။
ငယ်စဉ်က မတက်ရောက်ခဲ့ရသော ပညာတော်သူများ ဆုတက်ယူရာ စင်မြင့်ပေါ်သို့ အသက်ကြီးသော ကျောင်း သားဟောင်း တယောက်အနေဖြင့် တက်ရောက်ခွင့်ရခဲ့ပါတယ်။ ထိုစင်မြင့်ပေါ် တက်ရသည်ကိုက ကျွန်တော် ဟာ အညံ့ဆုံး တယောက်မဟုတ်တာကို ယုတ္တိဗေဒနည်းအရ သက်သေ အတင်းပြခဲ့မိပါတယ်။
စာတော်သူများသာ စင်မြင့်ပေါ်ကို တက်ရောက် ခွင့်ရတယ်။ ကျွန်တော်သည် စင်မြင့်ပေါ် ရောက်နေပါတယ်။ ထိုကြောင့် ကျွန်တော်သည် စာတော်သူတယောက်ဖြစ်နေပါတယ် ပေါ့ဗျာ။
စင်မြင့်ပေါ် ရောက်နေသော ဒုတိယ အညံ့ဆုံး ကျွန်တော်သည် ကျွန်တော်ထက် ညံ့သော မောင်မောင်တာ တယောက် ဘယ်ရောက်လို့ ဘာလုပ်နေ ပါလိမ့်။ သားသမီးတွေကြောင့် ကြွားဝါနိုင်သော အဆင့် ရောက်နေပြီလား။ စိတ်ဖိစီးမှု ဝေဒနာခံစားနေသော သူ များထဲမှာ ပါဝင်နေပြီလား။ အတွေးအမျိုးမျိုး တွေးရင်း မိမိအညံ့ဆုံး မဟုတ်ကြောင်း သက်သေပြနိုင်ရန် ငယ်သူငယ်ချင်းများ ဆုံစည်းသော ပွဲများကို မှန်မှန်လာရောက်ကြပါ။ တွေ့ဆုံပွဲများလည်း မကြာခဏ ပြုလုပ် ကြပါလို့ အညံ့ဆုံး စာရင်းထဲမှာပါနေပေမဲ့ အညံ့ဆုံးတယောက် မဖြစ် ချင်တဲ့ကျွန်တော်က အကြံပြုတင်ပြလိုက်ပါတယ်။
ထင်အောင်
(၂၀၀၅ ခုနှစ်၊ စက်တင်ဘာလထုတ် မြို့တော်မဂ္ဂဇင်းတွင် ပုံနှိပ်ခဲ့ပြီးသောဆောင်းပါးကို ပြန်လည်တည်းဖြတ် တင်ဆက်ခြင်းဖြစ်သည်။)
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
