(မိုးမခ) အောက်တိုဘာ ၂၊ ၂၀၁၄
ရန်ကုန်မြို့တွင် နှစ်ပေါင်း တရာ့ငါးဆယ်သက်တမ်းရှိ ဗတ္တိဇံဆရာရှင်ယောဟန်၏ အာမေးနီးယန်းတမန်တော် ဘုရားကျောင်းတွင် ရှေး ဟောင်းအမွေအနှစ် အဆောက်အအုံအဖြစ် အထိမ်းအမှတ် အပြာရောင်ကမ္ဗ္ဗ္ဗ္ဗည်းပြားတပ်ဆင်ခြင်းကို ၂၀၁၄ ခုနှစ် အောက်တိုဘာလ (၁) ရက်နေ့ နေ့လည် ၃ နာရီတွင် ပြုလုပ်ခဲ့သည်။
အဆိုပါ အခမ်းအနားသို့ အာမေးနီးယန်းဂိုဏ်းချုပ်ဆရာတော် Karekin II လည်းတက်ရောက်ခဲ့သည်။ ရန်ကုန်မြို့ ကုန်သည်လမ်းနှင့် ဗိုလ်အောင်ကျော်လမ်းထောင့်တွင်တည်ရှိသော အာမေးနီးယန်းဘုရားရှိခိုးကျောင်းသည် အလယ်ခေတ် ဂေါသစ်လက်ရာဟန်ကို ဒေသရာ သီဥတုနှင့်လျာ်ညီအောင် ပေါင်းစပ်ထားသည့် ဗိသုကာလက်ရာဖြင့် တမူထူးခြားလှသည့်ဘုရားကျောင်းဖြစ်သည်။ အဓိက ဆိပ်ကမ်းမြို့ကြီး အဖြစ် စည်ပင်ဝပြောစပြုလုပ်လာသည့် ၁၈ ရာစုတွင် အာမေးနီးယန်းလူမျိုးများ ရန်ကုန်မြို့၌ စတင်အခြေချ နေထိုင်ခဲ့ကြပြီး ပထမဆုံးသော အာမေးနီးယန်းဘုရားကျောင်းကို ၁၇၆၆ ခုနှစ်တွင် ဂရီဂိုရီအဗါ့စ်က မြစ်အနီးတွင် တည်ဆောက်ခဲ့ရာ ထိုအဆောက်အအုံ၏ သစ်သားအမိုး ချွန်ကို အဝေးကပင် မြင်တွေ့နိုင်ခဲ့သည်။
အင်္ဂလိပ်တို့ မြန်မာနိုင်ငံအောက်ပိုင်းကို သိမ်းပိုက်အပြီး ၁၈၅၂ ခုနှစ်တွင် ရန်ကုန်မြို့ကို ကျားကွက်ပုံစံ မြို့ကွက်ချကာ ခေတ်မီမြို့တော် သစ်အဖြစ် တည်ဆောက်ခဲ့သည်။ အခြားသော ဘာသာရေးအဆောက်အအုံများနည်းတူ အာမေးနီးယန်းလူမျိုးများအတွက် ကုန်သည်လမ်း နှင့်စပါ့ခ်လမ်း (ယခု ဗိုလ်အောင်ကျော်လမ်း) ထောင့်တွင် မြေနေရာတစ်ခုကို အခမဲ့ချထားပေးခဲ့သည်။ ၎င်းတို့၏ ဒုတိယမြောက် ဘုရား ကျောင်းကို ဗတ္တိဇံဆရာရှင်ယောဟန်ဟုအမည်ပေးခဲ့ပြီး ၁၈၆၃ ခုနှစ် ဇန်နဝါရီလ ၁၇ ရက်နေ့တွင် လှူဒါန်းခဲ့သည်။
ရန်ကုန်မြို့ပြ အမွေအနှစ်ထိန်းသိမ်းစောင့်ရှောက်ရေးအဖွဲ့တည်ထောင်သူနှင့် ဥက္ကဋ္ဌဖြစ်သူ ဒေါက်တာသန်းမြင့်ဦးက ယုံကြည် ကိုးကွယ်မှု အမျိုးမျိုးရဲ့ ဘာသာရေးဆိုင်ရာအဆောက်အအုံတွေကို အထိမ်းအမှတ် ကမ္ဗည်းပြားတပ်ဆင်ဖို့ရှိတဲ့အနက် အာမေးနီးယန်းဘုရားကျောင်းကို ပထမဆုံးတပ်ဆင်ဖြစ်တာပါ။ ရန်ကုန်မြို့ရဲ့ သမိုင်းဝင်မြို့လယ်မှာရှိတဲ့ ဘာသာပေါင်းစုံအဆောက်အအုံတွေ အတူတကွတည်ရှိနေတာ မျိုး ကမ္ဘာပေါ်က တခြားနေရာတွေမှာ မတွေ့နိုင်သလောက်ပါပဲ။ အဲဒီကအချက်က မြန်မာ့အမွေအနှစ်တင်မဟုတ်ဘဲ ကမ္ဘာ့ အမွေအနှစ် အဖြစ်ပါ ကာကွယ်ထိန်းသိမ်းရမယ့်အချက်ဖြစ်ပါတယ်ဟု ပြောကြားသည်။
ရန်ကုန်မြို့၏ ပထမဆုံးကမ္ဗည်းပြားကို သြဂုတ်လက မြို့တော်ခန်းမတွင် တပ်ဆင်ခဲ့ပြီး ဒုတိယမြောက်ကို လွန်ခဲ့သည့်ရက်သတ္တပတ်က ဧရာဝတီဘဏ်ရုံးချုပ်တွင် တပ်ဆင်ခဲ့သည်။
အာမေးနီးယန်းဂိုဏ်းချုပ် ဆရာတော်ကြီး Karekin II က ၎င်း၏ ခရီးစဉ် တစိတ်တပိုင်းအဖြစ် မြန်မာနိုင်ငံကို လာရောက်ခွင့်ရသည့်အတွက် ဘုရားသခင်၏ ကျေးဇူးတော်ကို ချီးမွမ်းကြောင်း ပြောကြားခဲ့သည်။
ရန်ကုန်မြို့ မှာ ဘုရားကျောင်းတည်ဆောက်ပြီး အာမေးနီးယန်းယဉ်ကျေးမှုနဲ့ ခရစ်ယာန်အသင်းတော်ရဲ့ အမှတ် လက္ခဏာတွေ ထာဝရ တည်ရှိနိုင်ရေး ကြိုးပမ်းခဲ့ကြတဲ့ အာမေးနီးယန်းလူမျိုးတွေကို ကယ်တင်ဆောင်မဖို့ ဆုတောင်းပါတယ်။ သူတို့ရဲ့ ဘိုးဘွားတွေလိုပဲ ဘုရားကျောင်းကို နှစ်ပေါင်း ၁၅၀ ကျော်ကြာသည်အထိ ဆက်လက် ကာကွယ်စောင့်ရှောက်ခဲ့ပြီး အခုလက်ရှိ မြန်မာနိုင်ငံမှာ အနည်းငယ်ပဲ ကျန်ရှိတော့တဲ့ အာမေးနီးယန်းလူမျိုးတွေအတွက်လည်း အဖဘုရားသခင်ရဲ့ ကျေးဇူးတော်ကို ချီးမွမ်းပါတယ်။
မြန်မာနိုင်ငံကို ရောက်ရှိနေတုန်းအချိန်မှာ မြန်မာနိုင်ငံရဲ့ သမိုင်းအထိမ်းအမှတ်အဆောက်အအုံတစ်ခုအဖြစ်နဲ့ အာမေးနီးယန်းဘုရာကျောင်း အပြာရောင်ကမ္ဗည်းပြားတပ်ဆင်ခြင်း အခမ်းအနားကို တက်ရောက်ခွင့်ရတဲ့အတွက် အလွန်ဝမ်းမြောက်မိပါတယ်။ ရန်ကုန်မြို့ပြ အမွေအနှစ်ထိန်းသိမ်းစောင့်ရှောက်ရေးအဖွဲ့ရဲ့ ကြိုးပမ်းအားထုတ်မှုအတွက် ကျေးဇူးတင်ပါတယ်။ အဖွဲ့ရဲ့ မွန်မြတ်တဲ့လုပ်ဆောင်ချက်တွေ ကို လည်း အောင်မြင်ပါစေလို့ ဆုမွန်ကောင်းတောင်းပါတယ်ဟု ဂိုဏ်းချုပ်ဆရာတော်ကြီးက ပြောကြားခဲ့သည်။
အဆိုပါ ကမ္ဗည်းပြားတပ်ဆင်ခြင်းအခမ်းအနားသို့ ရန်ကုန်တိုင်းဒေသကြီး ဝန်ကြီးချုပ် ဦးမြင့်ဆွေ၊ ရန်ကုန်မြို့တော်ဝန် ဦးလှမြင့်၊ သာသ နာဝန်ကြီးဌာနမှ တာဝန်ရှိပုဂ္ဂိုလ်များ၊ နိုင်ငံခြားသံတမန်များတက်ရောက်ခဲ့ကြပြီး ရန်ကုန်မြို့ အနှံ့ရှိ သမိုင်းဝင်နေရာများ တပ်ဆင်နိုင်ရန် အတွက် Royal Philips က အမေရိကန်ဒေါ်လာ ၇၅၀၀၀ကို ထောက်ပံ့ပေးအပ်မည်ဖြစ်ကြောင်းလည်း ထပ်မံသိရှိရသည်။
ကျမတို့ အာမေးနီးယန်းလူမျိုးတွေက ဒီမြန်မာပြည်မှာတော့ တော်တော်ကို နည်းပါးပါတယ်။ အိမ်ထောင်စုဝင်ပေါင်း ၂၀ လောက်ပဲရှိပါတော့ တယ်။ အခုလို ဘုန်းတော်ကြီးလာတဲ့ အတွက် နောက်ဆိုရင် အာမေးနီးယန်းဘုန်းတော်ကြီးအစစ်ကို ဖူးမြော်ရတော့မှာပါ။ ကျမတို့ တနင်္ဂ နွေနေ့တိုင်းဝတ်ပြုကိုးကွယ်ပါတယ်။ အခု ဘုန်းတော်ကြီးလာတုန်း (၄) ရက်နေ့မှာ စုပေါင်းပြီး ဝတ်ပြုကြမှာပါ။ အဲ့ဒီ့နေ့မှာလည်း တခြား သော အာမေးနီးယန်းနွယ်ဝင်မိသားစုများ လာရောက်ဝတ်ပြုကိုးကွယ်ကြပါလို့ ကျမဖိတ်ခေါ်ချင်ပါတယ် ဟု အာမေးနီးယန်းလူမျိုး မြန်မာ ပြည်ဖွား အမျိုးသမီးတစ်ဦးမှ ပြောကြားခဲ့သည်။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
