မြန်မာနိုင်ငံ၏ ပြည်ထောင်စု လွှတ်တော်ကို အနီးကြည့် အဝေးကြည့် – ၅၄

 အောင်ဒင်၊ ဖေဖော်ဝါရီ ၂၂၊ ၂၀၁၄

 အပိုင်း (၅၄) လွှတ်တော်နှင့် အစည်းအဝေးမတက်သော လွှတ်တော်ကိုယ်စားလှယ်များ (က)

 ဖေဖော်ဝါရီလ ၁၀ ရက်နေ့မှာ The Eleven Media က သတင်းတစ်ပုဒ်ကို ဖတ်လိုက်ရပါတယ်၊ ပြည်ထောင်စုလွှတ်တော် နာယက သူရဦးရွှေမန်းက အစည်းအဝေးတက်ရန် ပျက်ကွက်တဲ့ လွှတ်တော်ကိုယ်စားလှယ်များကို “ပြည်သူလူထုရဲ့ ဆန္ဒမဲပေးပိုင်ခွင့်ကို မဆုံးရှုံးစေဖို့” သတိပေးစကားပြောကြားတဲ့ သတင်းပါ၊ အဲဒီနေ့က ကျင်းပတဲ့ ပြည်ထောင်စုလွှတ်တော်အစည်းအဝေးမှာ တက်ရောက်ခွင့်ရှိသူ ပြည်သူ့လွှတ်တော်နဲ့ အမျိုးသားလွှတ်တော်ကိုယ်စားလှယ်ပေါင်း (၆၄၂) ဦးရှိတဲ့အထဲက (၄၆၅) ဦးသာ တက်ရောက်ပြီး (၁၇၇) ဦး ခွင့်ယူပျက်ကွက်တယ်လို့ သိရပါတယ်၊ လွှတ်တော်အစည်းအဝေးတွေမှာ လွှတ်တော်ကိုယ်စားလှယ်တွေ ခွင့်ယူပျက်ကွက်တတ်တာကို သတိပြုမိပေမည့် ဒီလောက်တောင်များလိမ့်မယ် မထင်ခဲ့ပါ၊ ဒီပျက်ကွက်မှုဟာ တက်ရောက်ခွင့်ရှိသော ကိုယ်စားလှယ်စုစုပေါင်းရဲ့ (၂၈) ရာခိုင်နှုံးပါ၊ တကယ်လို့ ပျက်ကွက်သူအားလုံး (သို့မဟုတ်) အားလုံးနီးပါးဟာ တပ်မတော်သားကိုယ်စားလှယ်တွေမဟုတ်ပဲ ရွေးချယ်ခံကိုယ်စားလှယ်များဖြစ်ကြမယ် ဆိုရင် ပျက်ကွက်သူ (၁၇၇) ဦးဟာ ပြည်ထောင်စုလွှတ်တော်က ရွေးချယ်ခံကိုယ်စားလှယ် (၄၉၈) ဦးရဲ့ (၃၆) ရာခိုင်နှုံးဖြစ်ပါတယ်၊ တပ်မတော်သားကိုယ်စားလှယ်များဟာလည်း ခွင့်ယူခဲကြပါတယ်၊

ပိုပြီး ဆိုးဝါးတဲ့ သတင်းကို ဖေဖော်ဝါရီလ (၁၅) ရက်နေ့၊ Eleven Media ရဲ့ သတင်းမှာ ကြားသိရပါတယ်၊ ဖေဖော်ဝါရီလ (၁၄) ရက်နေ့က ကျင်းပတဲ့ ပြည်သူ့လွှတ်တော်၊ (၁၄) ရက်မြောက်အစည်းအဝေးမှာ တက်ရောက်သူက (၂၇၈) ယောက်၊ (၆၆) ရာခိုင်နှုံးသာရှိပြီး ပျက်ကွက်သူကိုယ်စားလှယ်ပေါင်းက (၁၄၄) ဦးတောင် ရှိပါတယ်၊ ဒါ ပြည်ထောင်စုလွှတ်တော်နာယက သတိပေးပြီးနောက်မှာ ဖြစ်တာပါ၊ အင်မတန်စိုးရိမ်စရာ ကောင်းလှပါတယ်၊

ဖွဲ့စည်းပုံအခြေခံဥပဒေက တက်ရောက်ခွင့်ရှိသူ လွှတ်တော်ကိုယ်စားလှယ်များ၏ ထက်ဝက်ကျော်ဦးရေ တက်ရောက်ရင် အစည်းအဝေးများ အထမြောက်တယ်လို့ ပြဋ္ဌန်းထားတာမို့ လွှတ်တော်ကိုယ်စားလှယ် (၂၇) ရာခိုင်နှုံး သို့မဟုတ် (၃၆) ရာခိုင်နှုံး တက်ရောက်ဖို့ ပျက်ကွက်လည်း လွှတ်တော် အစည်းအဝေးများ ဆက်လက်ကျင်းပပြီး ဆုံးဖြတ်စရာရှိတာကို ဆုံးဖြတ်ကြမှာပါ၊ ပျက်ကွက်သူများအဖို့သာ တိုင်းပြည်ရဲ့ အရေးကြီးတဲ့ ကိစ္စတွေကို ပါဝင်ဆွေးနွေးခွင့်၊ မဲပေးခွင့်၊ သူတို့ကိုယ်စားပြုရာ မဲဆန္ဒရှင်တွေရဲ့ ဆန္ဒကို ထုတ်ဖော်ခွင့်တွေ ဆုံးရှုံးရမှာပါ၊ ဒါဟာဖြင့် ဒီပျက်ကွက်သူ လွှတ်တော်ကိုယ်စားလှယ်များ ကိုယ်စားပြုတဲ့ မဲဆန္ဒရှင်ပြည်သူ သန်းပေါင်းများစွာအတွက်ပါ ကြီးမားတဲ့ ဆုံးရှုံးမှုလည်း ဖြစ်ပါတယ်၊

ဒါကြောင့်မို့ လက်ရှိကျင်းပနေဆဲ ပထမအကြိမ် ပြည်ထောင်စုလွှတ်တော်၊ နဝမအစည်းအဝေး မှတ်တမ်းများကို ရနိုင်သလောက်ရှာဖွေပြီး လွှတ်တော်ကိုယ်စားလှယ်များ ခွင့်ယူပျက်ကွက်မှုအခြေအနေကို လေ့လာသုံးသပ်ကြည့်ပါတယ်၊ နဝမအစည်းအဝေးကို ၂၀၁၄ ခုနှစ်၊ ဇန်နဝါရီလ (၁၃) ရက်နေ့က စတင်ပြီး ကျနော့်ရဲ့ လေ့လာမှုက ဖေဖော်ဝါရီလ (၁၄) ရက်နေ့အထိ (၃၃) ရက်တာ ကာလဖြစ်ပါတယ်၊ ဒီကာလအတွင်းမှာ ပြည်သူ့လွှတ်တော်အစည်းအဝေးပေါင်း (၁၄) ရက် ကျင်းပခဲ့ပြီး ပြည်သူ့လွှတ်တော်ကိုယ်စားလှယ်များ တက်ရောက်မှုနဲ့ ပျက်ကွက်မှု အရေအတွက်ကို အောက်ပါဇယားမှာ ကြည့်ပါ၊

# ပထမအကြိမ် ပြည်သူ့လွှတ်တော်၊ နဝမ ပုံမှန်အစည်းအဝေး

စုစုပေါင်းပြည်သူ့လွှတ်တော်ကိုယ်စားလှယ် = ၄၄၀ ဦး

လစ်လပ်နေသော ပြည်သူ့လွှတ်တော်ကိုယ်စားလှယ်= ၁၈ ဦး

အစည်းအဝေး တက်ခွင့်ရှိသော  ပြည်သူ့လွှတ်တော်ကိုယ်စားလှယ်= ၄၂၂ ဦး

အထက်ပါစာရင်းအရ (၃၃) ရက်တာ ကာလအတွင်းမှာ အစည်းအဝေးကျင်းပတဲ့ နေ့တိုင်းမှာ အနည်းဆုံး ပြည်သူ့လွှတ်တော်ကိုယ်စားလှယ် (၃၉) ဦးကနေ အများဆုံး ပြည်သူ့လွှတ်တော်ကိုယ်စားလှယ် (၁၄၄) ဦးအထိ ခွင့်ယူပျက်ကွက်ခဲ့ပါတယ်၊ ဆက်လက်ပြီး ဒီ (၃၃) ရက်တာ ကာလအတွင်းမှာ ဘယ်ကိုယ်စားလှယ်တွေ ပျက်ကွက်မှုအများဆုံးလဲလို့ လေ့လာ ကြည့်ပါတယ်၊ တွေ့ရှိချက်က အစည်းအဝေးကာလတလျှောက်လုံး မတက်ဖို့ ခွင့်တင်ပျက်ကွက်သူ (၅) ဦး၊ (၁၀) ရက်နှင့် အထက် ပျက်ကွက်သူ (၂၇) ဦး၊ (၅) ရက်မှ (၁၀) ရက်အတွင်း ပျက်ကွက်သူ (၅၅) ဦးဖြစ်ပါတယ်၊ အောက်ပါဇယားကို ကြည့်ပါ၊ အစည်းအဝေးမှတ်တမ်း လေးရက်စာကို ရှာမတွေ့လို့ ဒီစာရင်းဟာ အတိအကျတော့ မမှန်နိုင်ပါ၊

# ပထမအကြိမ် ပြည်သူ့လွှတ်တော်၊ နဝမ  ပုံမှန်အစည်းအဝေး  ပထမနေ့ (၁၃/၀၁/၂၀၁၄) မှ (၁၄) ရက်မြောက်နေ့ (၁၄ /၀၂/၂၀၁၄) အထိ (၃၃) ရက်တာကာလ အတွင်း (၁၀) ရက်နှင့်အထက် ခွင့်ယူပျက်ကွက်သူများ။ (၃၂) ဦး

# ပထမအကြိမ် ပြည်သူ့လွှတ်တော်၊ နဝမ  ပုံမှန်အစည်းအဝေး  ပထမနေ့ (၁၃/၀၁/၂၀၁၄) မှ (၁၄) ရက်မြောက်နေ့ (၁၄ /၀၂/၂၀၁၄) အထိ (၃၃) ရက်တာကာလအတွင်း (၅) ရက် မှ (၁၀) ရက် ထိ ခွင့်ယူပျက်ကွက်သူများ။ (၅၅) ဦး

(၁) ဒေါ်မြင့်မြင့်စန်း (ဝါးခယ်မ)၊ (၂) ဦးတင်ဝင်း (ဒေးဒရဲ)၊ (၃) ဦးကျော်စိုးလေး (မိုးညှင်း)၊

(၄) ဒေါ်နန်းနွံ (ရှားတော)၊ (၅) ဦးဆားမူ (လဟယ်)၊ (၆) ဦးရှိသီး (လေရှီး)၊ (၇) ဦးလှထွန်း (ခနီး္တ)၊

(၈) ဦးတင်မြင့် (တန့်ဆည်)၊ (၉) ဦးပုမ်ခန့်အင် (တီးတိန်)၊ (၁၀) ဦးဇော်ထွန်း (မိုးမောက်)၊

(၁၁) ဦးသောင်းဟန် (ယင်းမာပင်)၊ (၁၂) ဦးစိန်မြင့် (ဗိုလ်တထောင်)၊ (၁၃) ဦးဆားမူ (လဟယ်)၊

(၁၄) ဦးစောဘသိန်း (သထုံ)၊ (၁၅) ဒေါက်တာခင်မောင်ဆွေ (ကျောက်တံခါး)၊

(၁၆) ဦးအောင်ကျော်စိုး (နတ်မောက်)၊ (၁၇) ဦးအောင်မြင့်သိန်း (ပေါင်းတည်)၊ (၁၈) ဦးစတီဖန် (ကျိုင်းတုံ)၊ (၁၉) ဦးဋ္ဌေးလွင် (ခ) ဦးခွန်လိန်း (ဖလမ်း)၊ (၂၀) ဦးအောင်သိန်းလင်း (တောင်ဥက္ကလာ)၊

(၂၁) ဦးစောသိန်းအောင် (လှိုင်းဘွဲ့)၊ (၂၂) ဦးခင်မောင်ညို (လွိုင်ကော်)၊ (၂၃) ဦးဟော်ရှောက်ချမ်း (ကွမ်းလုံ)၊ (၂၄) ဦးအူးရယ် (ဖရူဆို)၊ (၂၅) ဦးကျန်တယ်ဝင် (ကုန်းကြမ်း)၊ (၂၆) ဦးကျော်နီနိုင် (လောက်ကိုင်)၊

(၂၇) ဦးမြင့်လွင် (ကျိက်ထို)၊ (၂၈) ဦးသန်းစိုး (သာစည်)၊ (၂၉) ဦးစောထွဋ်ခေါင်လွင် (ကြာအင်းဆိပ်ကြီး)၊ (၃၀) ဦးရဲထွဋ်တင် (ဖားဆောင်း)၊ (၃၁) ဦးစိုင်းငေါင်းဆိုင်ဟိန်း (မောက်မယ်)၊

(၃၂) ဦးအောင်သန့် (ပုသိမ်ကြီး)၊ (၃၃) ဦးခင်မောင်မြင့် (ရပ်စောက်) ၊ (၃၄) ဒေါက်တာအောင်သန်း (ရွှေဘို)၊ (၃၅) ဦးစိုးပိုင် (ဝန်းသို)၊ (၃၆) ဦးအောင်ကျော်ဦး (ရေဦး)၊ (၃၇) ဦးခင်မောင်ရွှေ (ခင်ဦး)၊

(၃၈) ဦးသာစိန် (ကျောက်တော်)၊ (၃၉) ဦးစိုင်းကျော်မြင့် (မိုးနဲ)၊ (၄၀) ဦးစိုင်းအွမ်ဆိုင်မိုင်း (ကျေးသီး)၊

(၄၁) ဦးစိုင်းမောင်တင် (လဲချား)၊ (၄၂) ဦးထွန်းမြင့်ဦး (မိုင်းပန်)၊ (၄၃) ဦးစိုင်းသိန်းအောင် (တာချီလိတ်)၊

(၄၄) ဦးစောနေကော်ကြီး (သံတောင်ကြီး)၊ (၄၅) ဦးခမိုင်မုန်ကွမ် (ခ) ဦးခမိုင်တန် (ဆွမ်ပရာဘွမ်)၊

(၄၆) ဦးစိုင်းစောတင် (မိုင်းယောင်း)၊ (၄၇) ဦးကျော်သန်း (ဗန်းမောက်)၊ (၄၈) ဦးကျော်နိုင်ဋ္ဌေး (အင်းတော်)၊ (၄၉) ဦးစံလင်း (တောင်ကြီး)၊ (၅၀) ဦးစဲကီကော် (မိုင်းခတ်)၊ (၅၁) ဦးဘဋ္ဌေး (မိုးကုတ်)၊

(၅၂) ဦးအောင်ကြိုင် (ညောင်ဦး)၊ (၅၃) ဦးစီခန်ရမ် (ခေါင်လန်ဖူး) ၊ (၅၄) ဒေါ်လဲ့လဲ့ဝင်းဆွေ (တာမွေ)၊

(၅၅) ဦးဝင်းကျော် (သရက်)၊

ဒီပျက်ကွက်မှုတွေဟာ ပြည်သူ့လွှတ်တော်အစည်းအဝေးတင်မပဲ လွှတ်တော်နှစ်ရပ်ပေါင်းအစည်းအဝေးဖြစ်တဲ့ ပြည်ထောင်စုလွှတ်တော်အစည်းအဝေးများ၊ ပူးပေါင်းကော်မီတီအစည်းအဝေးများ၊ သက်ဆိုင်ရာ ရေးရာကော်မီတီ၊ ကော်မရှင် အစည်းအဝေးများပါ ပါဝင်ပါလိမ့်မယ်၊ အစည်းအဝေး သုံးရက်စာ မှတ်တမ်းတွေ ရှာမတွေ့လို့ ဒီစာရင်းမှာ မထည့်သွင်းနိုင်ခဲ့ပါ၊အဲဒီ သုံးရက်စာ ကိန်းဂဏန်းတွေပါပါရင် ပိုပြီး ပြည့်စုံမှာပါ၊

ဆက်ပါဦးမယ်၊

လေးစားစွာ၊

အောင်ဒင်

ဖေဖော်ဝါရီ ၁၄၊ ၂၀၁၄