ရသဆောင်းပါးစုံ

သွားတွေစုံတုန်း ပြုံးထားလုိုက်ပါ

အရှင်ဉာဏိကာ ဘိဝံသ (ကာလဖုိုးနီးယားတက္ကသုိုလ်)
ဖေဖော်ဝါရီ ၈၊ ၂၀၁၄

 

အများအကျိုး၊ သယ်ပိုးပါရ၊
ဤပုညကြောင့်၊ အများ၏သာ၊
ကြီးပွားရာကို၊ ဘ၀ထိုထို၊
ပြီးစေလို၏ . . .
ဝုတ္တောဒယဆုိုတဲ့ ဆန်းကျမ်းကုို ပြုစုတော်မူခဲ့တဲ့ သံဃရက္ခတမဟာသာမိ အရှင်သူမြတ်ရဲ့ ဆုတောင်း စကားလေးပါ။ မူရင်းက-

ပရတ္ထ သမ္ပာဒနတော ၊ ပုညေနာဓိဂတေန ဟံ။

ပရတ္ထ သမ္ပာဒနကော ၊ ဘဝေယျံ ဇာတိ ဇာတိယံ။ ။ -တဲ့။

 

အဟံ = ငါသည်၊ ပရတ္ထသမ္ပဒနတော = သူတစ်ပါးတို့၏အကျိုးစီးပွားဖြစ်သော ၀ုတ္တောဒယအမည်ရှိသော ဆန်းကျမ်းကို ပြီးစေသောကြောင့်၊ အဓိဂတေန = ရအပ်သော၊ ပုညေန = ကောင်းမှုကြောင့်၊ ဇာတိ ဇာတိယံ = ဖြစ်တိုင်းဖြစ်တိုင်းသောဘ၀၌၊ ပရတ္ထသမ္ပာဒနတော = သူတစ်ပါးတို့၏အကျိုးစီးပွားကို ပြီးစေနိုင်သည်၊ ဘဝေယျံ = ဖြစ်ရပါလို၏။

 

ကုိုယ်ကျိုးစီးပွားအလေးထားတတ်ကြတဲ့ သာမန်လူများကြားမှာ ကုိုယ့်အကျိုးစီးပွားကုို ငဲ့ကွက်မှုမရှိတဲ့ ဆန်းကျမ်းဆရာတော်ရဲ့စိတ်ထားက လေးစာအားကျစရာပါ။ မြတ်နုိုးဖွယ်သူ့စကားက ရင်မှာငြိစေတာမုို့ “အရာရာမှာ အများအတွက်သာရယ်လုို့ အမြဲသဘောမထားနုိုင်ကြသည့်တုိုင်အောင် အများစုက အများအကျိုးအတွက်သာဆုိုတဲ့ ဒီသဘောမျိုး တခါခါမှာသာပဲ ထားနုိုင်ရင်ကုိုပဲ လောကကြီးက သာတောင့် သာ ယာဖြစ်လေမှာပဲ” ရယ်လုို့ တွေးမိခဲ့ဖူးပါတယ်။

 

မကြာမီက မိတ်ဆွေဆရာတော်တစ်ပါးကုိုသွားဆေးခန်းလုိုက်ပုို့ဖြစ်တော့ ဆေးခန်းမှာ ထုိုင်စောင့်နေရင်း ဟုိုဟုိုဒီဒီ စဉ်းစားမိတယ်။ ကုိုယ် တုိုင်လည်းပဲ သွားဒုက္ခပေးလုို့ မကြာခဏ သွားဆေးခန်းရောက်ရတဲ့အကြောင်းနဲ့ ကျိုးသွားလုို့ အစားထုိုးခဲ့ရတဲ့ သွားတစ်ချောင်းအကြောင်း လည်းပါတယ်။ အမာတွေ ၀ါးမိလို့ နာတတ်တဲ့သွားတွေ၊ မမာပေမယ့် နာစေတတ်တာတွေ ၀ါးမိလုို့ မမာနုိုင်တော့တဲ့ သွားတွေ၊ အမာမဖက်၊ အနာမစွက်ပေမယ့် ဇရာလက်ချက် သက်သက်ကြောင့် ဇီဝိန်ကြွေရတဲ့သွားတွေ …စသဖြင့် သွားတွေအကြောင်း စဉ်းစားနေမိပါတယ်။

 

ကြော်ငြာအဖြစ် သွားဆေးခန်းနံရံမှာချိတ်ဆွဲထားတဲ့ ပြုံးနေတဲ့ပုံက သွားတွေစုံတုန်း ပြုံးထားလုိုက်ပါလုို့ ပြောပြနေသလုို ခံစားမိတယ်။ ငယ်ရွယ်စဉ်က ခုိုင်မာသန်စွမ်းခဲ့တဲ့သွားတွေက ခုတော့ အားနည်းချည့်နဲ့ လုို့လာပြီ။ သွားတွေတင်လားဆုိုတော့ ဘယ်ဟုတ်ပါ့မလဲ။ ကုိုယ့် ကုိုယ်မှာရှိတဲ့ အရာအားလုံးက သွားတွေလုိုပဲပေါ့။ ခုိုင်မာမှုတွေအစား မခုိုင်မာမှုတွေ၊ နုပျိုမှုတွေအစား ရင့်ရော်မှုတွေ၊ တောက်ပမှုတွေအစား  မှေးမှိန်မှုတွေ၊ လန်းဆန်းမှုတွေအစား နွမ်းလျမှုတွေ။ အရာအားလုံးနီးပါးက အကျဖက်ဆီ၊ ယုတ်လျော့မှုဖက်ဆီသုို့သာ။ အချိန်ရဲ့တုိုက် စားမှုက ကုိုယ်မှာ ဒဏ်ရာအနာတရများစွာ။

 

ပျောက်ဆုံးသွားတဲ့အချိန်ဆုိုတာ ပြန်ရှာလုို့ မရနုိုင်တဲ့အရာလေ။ အနာဂတ်မှာ ပျော်ရွှင်မှုရနုိုင်တဲ့သူတွေဟာ ပစ္စုပန်မှာ သူတုို့ပုိုင်ဆုိုင်တဲ့ အချိန်တွေကုို မဖြုန်းတီးတတ်ကြတဲ့သူတွေဖြစ်တယ်။ သဘာဝက ပေး ထားတဲ့အရာတွေဟာ အမြဲရှိမနေဘူး။ဒီတော့ ကုိုယ့်ဆီမှာရှိနေခုိုက်မှာ အကျိုးရှိရှိ အသုံးချဖုို့လုိုပါတယ်။

 

သွားတွေမစုံတော့ရင် အလှလည်း မစုံတော့ဘူး။ ဘ၀ဆုိုတာ သိပ်တုိုတောင်းပါတယ်။ သွားတွေစုံတုန်း ပြုံးထားလုိုက်ပါ။ သင့်နာမည်က သူများရဲ့ပါးစပ်ထဲမှာ။ အဲဒီပါးစပ်မှာ သွားတွေရှိတယ်ဆုိုတာ မမေ့ပါနဲ့ စတဲ့ ဖတ်ဖူးမှတ်ဖူးတဲ့ ဟုိုတစ်စ ဒီတစ်စ စကားတွေက စိတ်ထဲ ပေါ်လာတယ်။ ဟုိုဟုိုဒီဒီ စဉ်းစားမိတာတွေထဲက သွားတွေစုံတုန်း ပြုံးထားလုိုက်ပါဆိုတဲ့ စကားလေးက မှတ်မှတ်သားသားဖြစ်ခဲ့တယ်။

 

အဲဒီကတည်းက သွားတွေစုံတုန်း ပြုံးထားလုိုက်ပါဆုိုတဲ့ခေါင်းစဉ်နဲ့ စာတစ်ပုဒ်ရေးမယ်လုို့လည်း စိတ်ကူးမိခဲ့တာ။ တကယ်ရေးဖြစ်တဲ့အထိ မရောက်ဖြစ်ခဲ့ဖူး။ ဒီနေ့တော့ ရေးဖြစ်ဖုို့ တွန်းအားပေးဖုို့ အကြောင်းပေါ်လာတယ်။

 

လွန်ခဲ့တဲ့တစ်ပတ်က ဆုံးပါးသွားတဲ့ မခင်စန္ဒာကုိုအကြောင်းပြုပြီး ညီမဖြစ်သူ မကေခုိုင်နဲ့ခင်ပွန်းဖြစ်သူ ကုိုသာဓုတုို့မိသားစုက ရက်လည် ဆွမ်းကပ်လှူပါတယ်။ အသက်အရွယ်ကြီးရင့်သူများရဲ့ကြွေချိန်တန် လုို့ကြွေရတာမျိုးဆုိုရင်တော့ ဒီစာကုိုရေးဖြစ်ချင်မှ ရေးဖြစ်ဦးမှာ။ ခုတော့ ကွယ်လွန်သူ မခင်စန္ဒာက အသက်သုံးဆယ်ငါးနှစ်အရွယ်ဆုိုတော့ အသက်အရွယ်က တော်တော်ငယ်ရွယ်သေးတဲ့အရွယ်။

 

အသက်သုံးဆယ်ငါးနှစ်ကုို တော်တော်ငယ်သေးတယ်ဆုိုတော့ ကလေးငယ်တွေ၊ ဆယ်ကျော်သက်တွေကတော့ ရီချင်ကောင်း ရီချင်မ လားပဲပေါ့။ သုို့ပေမယ့် သုံးဆယ့်ငါးနှစ်အရွယ်ကုို တော်တော်ကြီး ကျော်လွန်လာတဲ့ ကုိုယ့်အရွယ်အရဆုို သုံးဆယ့်ငါးနှစ်ဆုိုတာက တကယ့် ကုိုမှ ချာတိတ်သာသာ အရွယ်။ လူ့သက်တမ်းအရပြောရရင် ဒီအရွယ်က ကြွေချိန်စောနေသေးတဲ့အရွယ်။

 

ဆွမ်းအနုမောဒနာ၊ ကုသုိုလ်အမျှဝေတရား ဟောကြားတဲ့အခါမှာ အရွယ်နဲ့စပ်တဲ့အကြောင်းအရာ တရားစကားပြောဖြစ်ပါတယ်။ ဘ၀ဆုို တာက တကယ့်ကုိုမှ ကြွေလွယ် ပျက်လွယ် သဘောတရား။ အပူထိလုို့ကြွေတတ်သလုို အအေးမိလုို့လည်း သေတတ်ပြန်တာ။ ခုိုင်မာ မှုမရှိလှတဲ့ဘ၀။ အာမခံချက်လုံးဝမပေးနုိုင်တဲ့အရာ။ သေချာတာဆုိုလုို့အချိန်မရွေး အရွယ်မရွေး သေတတ်တယ်ဆုိုတာပဲ ရှိတာမျိုး။

 

လူ့ဘ၀သက်တမ်းဆုိုတာ ခုနယ်ဆယ်၊ ရှစ်ဆယ်၊ ကိုးဆယ်၊ တစ်ရာ သက်တမ်းစေ့နေရလုို့ အသက်တော်တော်ရှည်တယ်၊ ဖုိုးသက်ရှည်     ဖွား သက်ရှည်လုို့ အခေါ်ခံရရင်တောင် သံသရာထ မှာ အစမထင် ကျင်လည်နေရတဲ့ ဖြစ်စဉ်များနဲ့နှိုင်းစာလုိုက်ရင် ဘာမှပြောပလောက်အောင် မကြာတဲ့အကြောင်း ပြောဖြစ်တယ်။

 

လူ့သက် လူ့အိမ်၊ လူ့စည်းစိမ်ကား၊ မုိုးတိမ်လျှပ်နယ်၊ ပျံသောကြယ်မျှ၊ ကြာနွယ်ရေခြောက်၊ သေမီးတောက်သုို့၊ ချုပ်ပျောက်ခန္ဓာ၊ ကွယ်ရရှာ သည်၊ မှန်စွာအနိစ္စပါတကား။ မှန်စွာဒုက္ခပါတကား၊ မှန်စွာ အနတ္တပါတကား။

 

လူ့အသက် လူ့စည်းစိမ်ဆုိုတာ မုိုးတိမ်ကြားက ရုတ်တရက် လင်းလက်လုိုက်တဲ့ လျှပ်စီးပမာ ခဏတာမျှ။ တကယ့်ကုိုမှ ကောင်းကင်မှာ မြင်လုိုက်ရတဲ့ ကြေကြွယ်ခုိုက်မျှသာ။ မတည်မြဲတဲ့ဘ၀။ ရေပွက်ပမာ။

 

လုပ်သင့်လုပ်ထုိုက်တဲ့အလုပ်ကုို နေ့ညရွှေ့မနေပါနဲ့။ ချက်ခြင်းလက်ငင်းပြုလုပ်လုိုက်ပါ။ ဘယ်ချိန် ဘယ်ခါ သေရမယ်ဆုိုတာ ဘယ်သူမှ တပ်အပ်သေချာ မသိနုိုင်ဘူး ဆုိုတဲ့ တုိုက်တွန်းစကားကုို ဗုဒ္ဓက မိန့်မှာတော်မူခဲ့တယ်။ ကောင်းတာလုပ်ရမှာ တွန့်ဆုတ်နေတတ်တဲ့သူတွေကုို မြန်မြန်ဆန်ဆန်လုပ်ဖြစ်အောင် တုိုက်တွန်းတဲ့နေရာမှာ ဒီစကားလေးကုို ယူသုံးတတ်ကြပါတယ်။

 

“သင့်နာမည်က သူများတွေရဲ့ပါးစပ်ထဲမှာရှိတယ်။ အဲဒီပါးစပ်ထဲမှာ သွားတွေရှိတယ်ဆုိုတာ မမေ့ပါနဲ့” ။ လူ့ပတ်ဝန်းကျင်မှာ နေထုိုင်နေရတာ။ နာမည်ကောင်းမကောင်းကုို ပတ်ဝန်းကျင်က ဆုံးဖြတ်လိမ့်မယ်။ အဲဒီလုိုဆုံးဖြတ်ကြရာမှာ အန္တရာယ်ပေးတတ်တဲ့ စူးချွန်ထက်မြက်တဲ့ သွားလုိုအရာတွေရှိနေတယ်ဆုို တာ အမြဲတမ်း အမှတ်ရနေစေဖုို့လည်း လုိုပါတယ်။ စိတ်ဓာတ်ရင့်ကျက်သူ၊ စိတ်ထားမွန်မြတ်သူတုို့ကတော့ တဖက်သားရဲ့အားနည်းချက်ကုို တွေ့ခဲ့ရင်တောင် အဲဒီအားနည်းချက်ကုို ဖြည့်စွက်လုို့ မြင်တတ်ကြတယ်။ နောက်ပြီး ကုိုယ့်အထင်နဲ့ လွယ် လွယ် ကောက်ချက်မဆွဲတတ်ကြပဲ သူ့ယုံကြည်ချက် သူ့အမြင်က ဘယ်လုိုရှိလေမလဲလုို့လည်း တွေးဆတတ်ကြတယ်။ ကုိုယ့်အမြင် ကုိုယ့် အယူနဲ့မတူခဲ့လျင်တောင် ကောင်းကွက်ကုိုကြည့်ကာ နားလည်ပေးနုိုင်ကြတယ်။

 

နိမ့်ကျတဲ့စိတ်ထားရှိသူများကတောာ့ တဖက်သားရဲ့အားနည်းချက်ကုိုသာလျင် အပေါက်ရှာပြီး အပြစ်တင်ဖုို့ စိတ်ကူးတတ်ကြတယ်။ သင့် တင့်တဲ့နှလုံးသွင်းနဲ့ ကုသုိုလ်ဖြစ်စေရေးထက် အကုသုိုလ်တုိုးပွားစေရေးဖက်ကုိုသာ ဦးတည်တတ်ကြတယ်။

 

ပတ်ဝန်းကျင်နဲ့နေနေရတာ။ ပြစ်တင်စကားဆုိုမည့်သူတွေနဲ့အမြဲထိတွေ့နေရတာ။ ဒါကြောင့် သင့်နာမည်က သူများတွေရဲ့ပါးစပ်ထဲမှာရှိ တယ်။ အဲဒီပါးစပ်ထဲမှာ သွားတယ်ရှိတယ်ဆုိုတာ မမေ့ပါနဲ့လုို့ သတိပေးစကားဆုိုထားခဲ့တာ ဖြစ်ပေလိမ့်မယ်။ သွားသတိ၊ စားသတိ၊ နေ သတိ၊ ထုိုင်သတိ၊ ဘယ်သော အခါမှာမှ မေ့မေ့လျော့လျော့မဖြစ်စေဖုို့လုိုတယ်ရယ်လုို့လည်း သတိပေးသလုိုဖြစ်စေပါတယ်။

 

ကုိုယ်တွေးမိတာတွေကုို ပြန်သုံးသပ်ကြည့်တော့ ဟောဒီလုိုပဲ အဖြေရပါတယ်။ လုပ်နုိုင်ကုိုင်နုိုင် သန် သန်မာမာရှိတဲ့အရွယ်မှာ လုပ်သင့်လုပ်ထုိုက်တဲ့အလုပ်ကုို အချိန်မဆုိုင်းပဲ လုပ်ဖုို့လုိုတယ်။ လုပ်တဲ့အခါမှာလည်း ဝေဖန်မှုတွေကုိုခံနုိုင်အောင် ကြိုတင်ပြင်ဆင်ထားဖုို့လုိုတယ်။ လုပ်ကုိုင် ရာမှာလည်း ပျင်းရိ ပျင်းတွဲ့ တွန့်တွန့်ဆုတ်ဆုတ် မဟုတ်ပဲ ထက်ထက်သန်သန်လုပ်ဖုို့နဲ့ပျော်ပျော်ရွှင်ရွှင် လုပ်ဖုို့လုိုတယ်။

 

ကုိုယ့်အဖုို့တော့ ကုိုယ်လုပ်မည့် အလုပ်ဟာ ဆန်းကျမ်းဆရာတော်ရဲ့ ဆုတောင်းစကားထဲကလုို အများ ကောင်းကျိုးအတွက်သာ ဖြစ်စေခဲ့ရင် ပုိုကောင်းပေလိမ့်မယ်။ အဲဒီလုို အများကြီးဆောင်ရွက်ရတဲ့ အတွက်ကြောင့် ရရှိလာမည့် ကုသုိုလ်ကျိုးဟာလည်း အများအကျိုးကုို ပုို၍ပုို၍ သာဆောင်ရွက်နုိုင်ရစေ ခြင်းအကျိုးသာ ဖြစ်စေဖို့ မျှော်လင့်မိပါတယ်။ ။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
My Friend Tin Moe By Maung Swan Yi - Selection of MoeMaKa Articles

Similar Posts