ရေခြားမြေခြား မြန်မာများ

ဇာတ်စင်ကျိုးမှ ကကြိုးရပ်ကြမှာလား

ဦးနန္ဒဝံသ (ကာရိုလိုင်းနား)
ဇန်န၀ါရီ ၁၁၊ ၂၀၁၄
နော့သ်ကာရိုလိုင်းနားဆောင်းရဲ့  နံနက်ခင်းတိုင်းလိုပင် အပြင်မှာ အပူဒီဂရီ ၅ဝ ဖာရင်ဟိုက် လောက်ရှိရင်   ကျောင်းဆောင်တွင်း အပူပေးစက်မှလာသော အနွေးဓာတ်များဖြင့် ကြာကြာနေ လာသောအခါ ခန္ဓာကိုယ်ထိုင်းမှိုင်းပြီးလာလို့  အပြင်ဘက် မေပယ်သစ်ပင်များမှ ကြွေထားသော သစ်ရွက်တို့ ကို လိုက်စုပြီး မြေနိမ့်ရာသို့  ဖို့ တဲ့အလုပ်ကို ကျန်းမာရေးလေ့ကျင့်ခန်းဖြစ်သည်လို့ ယူဆပြီး ဒီရာသီ ရောက်တိုင်း မိမိကတော့ ပုံမှန်လုပ်သည်။ အတော်လေး အေးလာသောအခါမှသာ ကျောင်းပေါ်ပြန် တက်လာခဲ့သည်။ ဇန်နဝါရီလဆောင်းတစ်နေ့ အေးလာလို့ ကျောင်းပေါ်တက်လာ တော့ တယ်လီဖုန်းရဲ့ မက်ဆေ့ဂ်ျ မီးအပြာလေးက မှိတ်တုတ်မှိတ်တုတ်နှင့်  အချက်ပြနေသည်။ ဒီနေ့ ကျောင်းမှာလာပြီး ဆွမ်းပို့  မည့်ရက်မဟုတ်၍ မြို့ ခံဒကာတွေလဲ ဖုန်းဆက်ပြီး ဆွမ်းလာမပို့ နိုင် ကြောင်း ပြောထားတာလဲ မဖြစ်နိုင်။ မိမိရဲ့မိတ်ဆွေရဟန်းတော်တွေထဲက တစ်ပါးပါးသာလျှင် ဖြစ်လိမ့်မည်ဟုယူဆပြီး ဖုန်းကို စစ်လိုက်သည်။ ထင်သည့်အတိုင်း မှန်နေသည်။ ပြည်နယ်ခြားနေသည့် ကိုယ့်အရှင်မိတ်ဆွေတစ်ပါး။ 

 

ကိုယ့်အရှင်ပြောချင်သည့် အရာအများစုသည် သူ့ ကိုယ်ပိုင်နှင့် ပတ်ဝန်းကျင်တို့ ၏ တွေ့ နေ သည့် အခက်အခဲများနှင့် ပြဿနာများ။ နောက်တစ်ခု သူကကျောင်းတက်နေသူဆိုတော့ ဘာသာရပ် တွေ ဂရိဒ်ကောင်းလို့  သူ့ ကို ဆရာတွေက ချီးမွမ်းခန်းတွေ ဖွင့်ကြောင်းတို့ သာလျှင်များသည်။ သူနှင့် စကားကြာကြာပြောမိတိုင်း အသေးအဖွဲကိစ္စပြီးမြောက်မှုများကို ကြီးမားသောအောင်မြင်မှုကြီးများ ကဲ့သို့ ပြောသောစကားတွေကို အနည်းငယ်တော့ နားထောင်ရ၏။ ထိုသောအခါ ပြုံးမိပြီး မိမိရဲ့ရှေးကုသိုလ်အကြောင်း မလှပသည်တို့ ကို သတိသွားထားမိသည်။ အားနာတတ်ခြင်းနှင့် နားမထောင်လိုဘဲ နားထောင်နေရခြင်းတို့ သည်လည်း ကံဆိုးခြင်းပဲပေါ့။  ကံအကြောင်းက စပ်ခဲ့ပြီမို့  ဘယ်တတ်နိုင်ပဆိုပြီး ဖုန်းပြန်ဆက်ဖို့  မက်ဆေ့ဂျစ် ပေးထားတော့ သူ့ မိုဘိုင်းဖုန်းကို ပြန်ဆက် လိုက်သည်။ သူ့ ပြဿနာတွေကို ကူညီဖြေရှင်းပေးချင်လို့ ၊ တတ်နိုင်က အကြံဉာဏ်လေးများပေးလိုလို့ ၊ သူရဲ့ပူလောင်သောစိတ်တွေ သက်သာပါစေတော့လို့ ဆိုပြီး ပြောသမျှကို အချိန်ရရင် စိတ်ရှည်စွာ နားထောင်ပေးသည်။ ဒီတစ်ခါ သူ၏ပြောစကားထဲတွင် ပြီးခဲ့တဲ့နိုဝင်ဘာလက သူတို့ ကျောင်းရဲ့ကထိန်ပွဲ ဒကာအချို့  ဒိုးပတ်တီးပြီး သီချင်းတွေဆိုကြလို့  ပုလိပ်လာတားကြောင်းနှင့် တရားရုံးက ဒီကိစ္စဖြေရှင်းဖို့  ရုံးတော်ကိုလာဖို့  ဆင့်ခေါ်ထားကြောင်းတွေပါနေသည်။

 

မိမိစိတ်တွင် သူပြောပြနေသော ပြဿနာတွေဆိုတာတွေကို အံ့သြမှုမဖြစ်ပါ။ တစ့် နေ့ မှာ ကိုယ်တို့ ထံတောင် ရောက်လာနိုင်သည်လို့ ထင်ခဲ့တဲ့ ပြဿနာတွေ။ ကိုယ့်လူထံ အခုဆိုက် ရောက် လို့ လာနေပြီ တကားလို့စိတ်တွင်မှတ်ချက်ချပြီး သူ့ ကိုပြန်ပြောလိုက်သည် “လောက တစ်ချို့ လူတွေ ဟာ ဇာတ်စင်ကျိုးမှ ကကြိုးတွေ ရပ်မှာကွ”လို့ ။ အခုကိုယ့်လူတို့ တွေ ပျော်ချင်လို့ စင်ပေါ်တက်ကတာ စင်ကျိုးတော့ ပွဲပြီးပြီပေါ့လို့ ပြန်ပြောလိုက်သည်။ တပည့်တော် ဒိုးပတ်ဝိုင်းနဲ့ ပတ်သက်လို့ ဘာမှ မပါပါဘူးတဲ့ ခေါင်းကရှောင်လိုက်သေး။ ကိုယ်တော်တခါက ပြောဘူးတယ်။ တစ်နေ့ တခြား ကျောင်းက စည်ကားလာပြီ။ ကထိန်လှည့်လဲ ဒိုးပတ်ဝိုင်းနဲ့ ၊ ထမင်းနှဲထိုးလဲ ဒိုးပတ်ဝိုင်းနဲ့ ဆို။ အားလုံးပျော် လို့ မြူးလို့ ဆို။ အဲဒါ ကိုယ်တော်ပါတာပေါ့လို့ ဆိုပြီး ပြောချလိုက်သည်။ သူနဲ့ ပတ်သက်လို့ သာ ပြောနေပေမဲ့ ကိုယ်ကိုယ်တိုင်ကလဲ ဒိုးပတ်ဝိုင်းနဲ့ မကင်း။ အတင်းသူ့ ကို နင်းပြောလို့ ကလဲ မဖြစ်သေး။ ကိုယ့်ကျောင်းမှာလဲ အိမ်နီးနားချင်း အမေရိကန်တွေ ကောင်းနေ သည်းခံနေသေးလို့ သာပ။ သို့ မဟုတ်က ကိုယ့်ဇာတ်စင်လဲ ကျိုးကျမည်မှာ မလွဲ။ အခုတော့ ကိုယ့်လူတွေကလဲ ကမြဲသာ။ ကိုယ့်လူတို့ ရဲ့  ကကြိုးတွေကလဲ မရပ်သေးပါ။ ဇာတ်စင်ကျိုးမှ ကကြိုးရပ်ကြမည့် သဘောများ။

 

အမေရိကန်နိုင်ငံကြီးသည် ဥပဒေအလွန်များပြားလှ၏။ သူ့ ဒီမိုကရေစီနှင့် လွတ်လပ်မှုသည် ဥပဒေတွေနှင့် ပြည့်နက်နေ၏။ ဥပဒေမဲ့ လွတ်လပ်ချင်သူတို့ က အမေရိကကြီးနေရသည်ကို သိပ်မနှစ်သက်။ အမေရိကန်တို့ ရဲ့ လွပ်လပ်မှုသည် သူတစ်ပါးကို နဲနဲမှ သွားထိခိုက်လို့ မရ။ မိမိအိမ်ထဲမှာ ဆူညံနေတာကို ဘေးအိမ်နီးချင်းများကြားပါက ပုလိပ်တိုင်သည်။ ပုလိပ်က လာ၍ သတိပေးသည်။ ခဏခဏ အတိုင်ခံရလျှင် တရားရုံးကို အမှုဖွင့်ပို့ သည်။ မလိုက်နာသူတို့ ကို အဆင့်ဆင့်သော ဥပဒေများဖြင့် အပြစ်ပေးသည်။ ကျောင်းဝိုင်းထဲတွင် လူဘယ်နှစ်ယောက်သာ စုဝေးရမည်၊ ကားဘယ်နှစ်စီးသာ ရပ်ရမည် စသည့်ဥပဒေများအပြင် ငွေဒဏ် သို့ မဟုတ် မလိုက်နာပါက သက်ဆိုင်သူများကို ထောင်ဒဏ်တွေ အပြစ်ပေးသည်။ ငါ့အိမ်ဝင်း ငါ့ကျောင်းဝင်း ငါ့အခွင့်အရေးဆိုပေမဲ့ ကိုယ်ထင်ရာကိုယ်လုပ်မရ။ အမေရိကမှာ ရုပ်ဝါဒတိုးတက်ထွန်းကားပြီး လူတွေဟာ ကာမဂုဏ် ၅ပါးကို မျိူးစုံအောင် လွတ်လပ်စွာ ခံစားကြတယ်ဆိုပေမဲ့  ကိုယ့်အမြင်အာရုံ ကိုယ့်အကြားအာရုံ ကိုယ့်အနံအာရုံ ကိုယ့်အရသာအာရုံ ကိုယ့်အတွေ့ အထိအာရုံတွေအားလုံး ကိုယ့်ဟာကို လုံအောင်ထိန်း သိမ်း။ သူတို့ ဘက်ကျော် မလာစေနဲ့ ။ ဥပမာ ငပိစားချင်လို့  ငပိကြော်ရင် သူတို့ အိမ်ဘက်ကျော်ပြီး အနံ့ ရောက်လာရင် မကြိုက်တော့။ မိမိကျောင်းနားမှ လူငယ်လေးများ သူတို့ အိမ်ဝင်းထဲမှာ ဆိုင်ကယ်အမြန်စီးပြိုင်ကြသည်။ အိမ်နီးနားချင်းတစ်ဦးဦးမှ ဆိုင်ကယ်သံများဆူလို့  ပုလိပ်တိုင်သည်။ ပုလိပ်က ဆိုင်ကယ်သမားတွေကို လာတားလိုက်သည်။ မိမိတို့ မြို့ မှ လာအိုလူမျိုးတစ်ယောက် ကြက်ဥစားချင်၍ ကြက်တွေအိမ်မှာမွေးထားသည်။ အိမ်နီးနားချင်းမှ ကြက်သံဆူ၍ ပုလိပ်တိုင်သည်။ ပုလိပ်က လာပြီးကြက်တွေ မမွေးဖို့ ပြောသည်။ ငါ့ခြံဝင်းထဲငါ ကြက်မွေးတာ ဘာဖြစ်လဲဆိုပြီး ဆက်မွေးသည်။ ၃ခါလောက်ပြောပြီးနောက် ဒဏ်ငွေ ၂၅၀-ကျော်ရိုက်လိုက်သည်။ အဲဒီတော့မှ ဈေးကကြက်ဥဝယ်စားရင် အကောင်းသားတဲ့။

 

မိမိကိုယ်တိုင်ကလဲ ဥပဒေတွေသိပ်ကြပ်တာကို မကြိုက်ပါ။ မကြိုက်သော်လဲ လိုက်ကိုလိုက်နာ ရသည်။ တစ်ခါက မိမိကျောင်းဝင်းအတွင်းရှိ ရေတွင်းက ရေမလောက်၍ ရေးတွင်းအသစ်တူးဖို့  ခွင့်ပြုချက်တောင်းသည်။ ရေတွင်းအသစ်တူးမည့် နေရာကို အစိုးရပတ်ဝန်းကျင်ထိန်း သိမ်းရေးဌာန (Environmental Dept.)မှလာပြီးကြည့်သည်။ ပြီးတော့ ဒီတွင်းသစ်တူးပြီးရင် တွင်းအဟောင်းကို ပိတ်ပေးရမည်ဖြစ်ကြောင်းပြောသည်။ ရေတွင်းအဟောင်းကို သစ်ပင်ရေလောင်းဖို့ ထားမယ်လို့  ပြောတော့ မရဘူး ပိတ်ကိုပိတ်ရမည်လို့ ပြောသည်။ ဒါ ပြည်နယ်ရဲ့ဥပဒေတဲ့။ မိမိက ဒါဆိုရင် ငါ့ကျောင်းက သစ်ရွက်တွေနဲ့  အမှိုက်တွေကို အဲဒီတွင်းထဲထည့်ပြီး ဖို့ မယ်လို့ ပြောလိုက်တော့ မရဘူးတဲ့။ မြေအောက်ရေတွေ ညစ်ညမ်းကုန်မယ်တဲ့။ ကွန်ကရစ်နဲ့ ဖို့ ပေးရမယ်၊ ဒေါ်လာတစ်ထောင် လောက် ကုန်လိမ့်မယ်တဲ့။ ငွေကုန်မယ့်ဆိုတဲ့ စကားကြားရတော့ မိမိစိတ်ထဲတွင် ငါ့ဝင်းထဲမှာ ငါထားချင်ထားလို့ ရရမှာပေါ့၊ အမေရိကဘဲလို့ တွေးပြီး ငါကရေတွင်းကို မပိတ်ဘဲထားရင် မင်းတို့  အစိုးရက ဘာလုပ်မှာလဲပြန် မေးလိုက်သည်။ ဒီပြည်နယ်မှာ အဲဒီလိုလူပေါင်း ၄၀၀ကျော်ရှိတယ်၊ တစ်ချို့ က တရားရုံးတက် နေရတယ်။ တစ်ချို့ ကြတော့ ပတ်ဝန်းကျင်ထိန်းသိမ်းရေးဥပဒေအရ ထောင်ထဲရောက်နေကြတယ်တဲ့။ မကြိုက်ပေမဲ့ တရားရုံးနဲ့  ထောင်ကိုတော့ လန့် သည်။ မရောက် ချင်ပါ၊၊ ဒဏ်ငွေတစ်ထောင်သာ ကုန်ပါစေတော့ဗျာဟုပြောပြီး ရေတွင်းဟောင်းကို ကွန်ကရစ်ကား ခေါ်ပြီး ပိတ်ပေးလိုက်ရသည်။ ပိတ်သောနေ့ တွင် အစိုးရပတ်ဝန်းကျင်ထိန်းသိမ်းရေးဌာနအရာရှိ တစ်ယောက်ကိုယ်တိုင် လာကြည့်သည်။ ရေတွင်းရေကို ရေသန့် ရှင်းဆေးများနှင့် ထည့်ပြီးမှ ကွန်ကရစ် ကို လောင်းထည့်ပိတ်ရသည်။ ဥပဒေက အဲဒီလိုတွေ။ မလိုက်နာလျှင် တစ်နေ့ မှာ ပြဿနာတွေ့ ရမည်။

 

ဥပဒေတင်းကြပ်တာ မကြိုက်သော မိမိကိုယ်တိုင်က မိမိကျောင်းနဲ့ ဆိုင်တဲ့ကိစ္စတွေမှန်လျှင် ဥပဒေတွေထုတ်ရသည်။ မိမိကျောင်းတွင်အမြဲအတူနေမည့် ရဟန်းတော်တို့ အတွက် ကျန်းမာရေးနှင့် ပတ်ဝန်းကျင်ကို ထိခိုက်စေမည့် ဆေးလိပ်သောက်ခြင်း၊ ကွမ်းစားခြင်း စသည်စသည်တို့  မပြုလုပ်ရလို့  ဥပဒေထုတ်ထားသည်။ ဆေးလိပ်သောက်က အဆုပ်ရောဂါဖြစ်နိုင်သည်။ ကွမ်းစားက သွား၊ ပါးစပ်နှင့် ပတ်သက်သောရောဂါများဖြစ်နိုင်သည်။ မိမိကလဲ ဆေးအနံကို မခံနိုင်။ သူ့ ရဲ့ကွမ်းထွေးထားတဲ့ခွက်တွေ မှောက်က ကျောင်းညစ်ပတ်မည်။ စသည် စသည်တို့ ကြောင့် ဥပဒေပြုလုပ်ထားသည်။ ကျူးလွန်က ဒီကျောင်းမှာ မနေရလို့ အပြတ်ဥပဒေထုတ်သည်။ ခေတ္တဝတ်သော ဒုလ္လဘရဟန်းတို့အခက် တွေ့ ကြ သည်။ ဒုလ္လဘရဟန်းတို့ကို ခေတ္တဝတ်တဲ့အချိန်မှာ လောဘ ဒေါသ မာနတွေ မပြတ်တောင် ဆေးလိပ်နဲ့ ကွမ်းတော့ဖြတ်ရမယ်လို့ အပြတ်ပြောရသည်။ အတူယှဉ်တွဲနေထိုင်ဖို့ က အတူတူလိုက် နာနိုင်ပြီး ကောင်းကျိုးများမည့် ဥပဒေများကတော့ ရှိရမည်မှာမုချ။ သူများတွေက ကောင်းမွန်ပြီး တရားမျှတသောဥပဒေကို လိုက်နာနေချိန်မှာ ကိုယ်ကလဲ ဥပဒေမဲ့နေလို့ မရ။  ဥပဒေကို တတ်နိုင် သမျှလေ့လာပြီး စောင့်ထိန်းနိုင်ပါမှ ကိုယ့်အလုပ်ကို ကောင်းကောင်းလုပ်နိုင်မည်သာ။

အမေရိကသို့  ကမ္ဘာအရပ်ရပ်မှ ပြောင်းရွှေ့ ၍ အခြေချနေထိုင်လာကြသောလူများ နှစ်စဉ် များပြားလှသည်။ သူတို့ နှင့်အတူ ဘာသာတရားများ ပါလာကြပြီး သူတို့ ရဲ့ဘာသာတရားကို စုပေါင်းကာ လုပ်ဆောင်ကြလေ့ရှိသည်။ ကိုယ့်နိုင်ငံမှာတော့ ကိုယ့်ဘာသာရေးအလုပ်က အဆင်ပြေသည်။ ဒီအမေရိကမှာက ကိုယ်နိုင်ငံများနှင့်မတူ။ ဥပဒေရှိသွားပြီးဆိုလျှင် ထိုဥပဒေကို ဘယ်အရာကမှ ကျော်မလုပ်ရ။ အခြေချလာသူ လူအသစ်များသည် ဥပဒေနှင့်ညီသော ဘာသာရေးအဆောက်အဦးများ မဆောက်လုပ်နိုင်ကြ၍ မိမိတို့ နေထိုင်ရာ အိမ်နှင့် အခန်းများတွင် စုပေါင်းပြီး ဘာသာရေးပြုလုပ်ကြသည်လည်းရှိသည်။ ဥပဒေနှင့်ညီသော ဘာသာရေးအဆောက် အဦးများ ဆောက်လုပ်ဖို့ ကလဲ အလွန်တန်ဖိုးကြီးလှသည်။   မြန်မာပြည်မှ ရောက်ရှိနေကြသော ရဟန်းတော်များနှင့် ဒကာဒကာမများတို့ သည်လည်း အမေရိကန်ရှိ ဥပဒေများနှင့်ညီအောင် ဗုဒ္ဓဘာသာဘုန်းတော်ကြီးကျောင်းများ တည်ထောင်ပြီး ဘာသာရေးများကို ကြိုးစားပြီး လုပ်ဆောင်ကြ ပါသည်။ သို့ ရာတွင် အခက်အခဲမျိုးစုံ တွေ့ ရပါသည်။ ပံ့ပိုးကြသော ဒကာ ဒကာမတို့ ရဲ့ စီးပွားရေး၊ သဒ္ဓါတရား၊ ဒကာဆရာ ညီညွတ်မှုတို့ စုံညီကြသောကြောင့်၎င်း၊ ကျောင်းတိုက်တည်ထောင်လာခဲ့ သည်မှာ နှစ်ကြာသည်က တစ်ကြောင်းတို့ ကြောင့် အချို့ အချို့ သော ကျောင်းတိုက်တို့ သာ အခက်အခဲ များနှင့် ပြဿနာများ သိပ်မရှိကြ။ အဆင်ပြေသည်ဟုပြောနိုင်သည်။ ပံ့ပိုးကြသူ ဒကာဒကာမနဲနဲနှင့် အသစ်တည်ထောင်နေကြသူ ရဟန်းတော်တို့ ၏ ကျောင်းများကတော့ အခက်အခဲတွေ ပြဿနာတွေ များစွာ တွေ့ နေရဆဲ။

 

တကယ့်ကို ခမ်းနားလှသော ဗုဒ္ဓဘာသာဘုန်းတော်ကြီးကျောင်း တည်ဆောက်ကြပြီဆိုလျှင် ဥပဒေပညာရှင်များနှင့် တိုင်ပင်ပြီးလုပ်ရ မည်ဖြစ်သည်။ ဥပဒေပညာရှင်များနှင့် တိုင်ပင်ပြီးလုပ်မှသာ အမှားနည်းပြီး ပြဿနာများကင်းနိုင်သည်။ ဥပဒေပညာရှင်ရှေ့ နေ ငှားခ များကလဲ ဈေးကြီးလှ၏။ ဥပဒေပညာရှင်တို့ နှင့် မတိုင်ပင်နိုင် မငှားနိုင်၍ မိမိတတ်နိုင်သမျှကြိုးစားကာ ကျောင်းတိုက်လေးများ တည် ထောင်ပြီး ဘာသာရေးလုပ်နေကြသော မိတ်ဆွေရဟန်းတော်များနှင့် တွေ့ ဆုံရင်း အတွေ့ အကြုံ လေးများကို ဖလှယ်ကြသောအခါ အောက်ပါ ပြဿနာများကို ကြားသိခဲ့ရသည်…

 

-ကျောင်းတိုက် ဘာသာရေးပွဲတော်များတွင် အသံများဆူညံသဖြင့် အိမ်နီးချင်းများမှ ပုလိပ်တိုင်၍   ငှားနေသောနေရာမှ ပြောင်းရွှေ့ ပေးခံရခြင်း – ကန့် သတ်ထားသော လမ်းမပေါ် တွင် ကားရပ်ထားမိ၍ ပုလိပ်မှ ဒဏ်ရိုက်ခြင်း -ကျောင်းတိုက်ပွဲတော်အတွင်း ဟင်းချက်ရာမှ ထွက်လာသော အနံ့ အသက်များ ကြောင့် အိမ်နီးချင်းများ ပုလိပ်တိုင်ရာမှ ကျန်းမာရေးဌာနမှ လာရောက်စစ်ဆေးခံရခြင်း -စားသောက် ပြီးသားအရိုးများကို အမှိုက်ပုံးထဲမထည့်ဘဲ မြေကြီးပေါ်တွင် ပစ်ကြ၍ ထိုအရိုးများကို ငှက်များမှ ချီသွားကာ အခြားအိမ်ဝင်းအတွင်းကျသည့်အတွက် ကန့် ကွက်ခံရခြင်း -ရေအိမ်သာများ မလုံလောက် ၍ ဒကာတို့  မအောင့်နိုင်ဘဲ ကျောင်းခြံစည်းရိုးတွင် အပေါ့သွားရာမှ အိမ်နီးနားချင်းများမြင်၍ ကန်ကွက်ခံရခြင်း -အိမ်နီးနားချင်းအိမ်ရှေ့ ကားရပ်ရာမှ ကန့် ကွက်ခံရခြင်း စသည်စသည်တို့ ။

 

မိမိကျောင်းတည်ထောင်လာခဲ့သည်မှာ ၉နှစ်ကျော်ခဲ့ပါပြီ။ အမေရိကန်နိုင်ငံသား အိမ်နီးချင်းတို့့ နှင့် အဆင်ပြေအောင်နေဖို့  ကြိုးစားပြီး သတိနဲ့ နေပါ၏။ ကိုယ်က သတိနဲ့ ပေမယ့် ကိုယ်နဲ့ ပတ်သက် နေသူတို့ က သတိမရှိလျှင်လဲ နေသူနှင့် ကျောင်းတိုက်သာလျှင် လာထိခိုက်၏။ သတိမူနေသည့်ကြားမှ တွေ့ ရသည့်ပြဿနာတွေက မနည်း။ မိမိထံလာကြသူ(အချို့ )ရဲ့ (ဥပဒေကို လိုက်နာရကောင်းမှန်းမသိ) စည်းမဲ့ကမ်းမဲ့နိုင်မှုများသည် ပြဿနာတို့ ၏ အဓိကအကြောင်းရင်း။ မိမိတွေ့ ရသော အတွေ့ အကြုံ များမှာ  -ငှားနေသော အိမ်မှာတုန်းက ကထိန်ပွဲ စနေနေ့ မနက်စောစော ဂး၃၀နာရီလောက် ဒိုးပတ် စမ်းတော့ ပုလိပ်က လာတားသည်။ -ယခုလက်ရှိနေရာရောက်တော့လဲ ကျောင်းဝင်းအကျယ်ကြီးထဲမှာ ကားရပ်စရာ နေရာရှိပေမဲ့  လမ်းမပေါ်ကားရပ်၍ အိမ်နီးနားချင်း တစ်ဦးဦးက ပုလိပ်တိုင်၍ ပုလိပ်က ကားပိုင်ရှင်ကို ဒဏ်တပ်သည်။ သင်္ကြန်ပွဲတွင် အသံအလွန်ကျယ်သော စပီကာများ မလိုအပ်ဘဲသုံး၍ သိပ်ဆူညံသံကို မခံနိုင်သော အိမ်နီးနားချင်းတစ်ဦးဦးက ပုလိပ်တိုင်လို့  ပုလိပ်က လာတားသည်။ စားပြီးသောက်ပြီးသော ဘူးခွက်များ ကို လမ်းမပေါ်ပစ်၍ အိမ်နီးနားချင်းမှ အမှိုက်များကောက်ပြီး မိမိကို လှမ်းခေါ်ကာ မိမိလက်ထဲ အမှိုက်တွေ ထည့်ပေးသွားသည်။

 

အခုကိုယ့်မိတ်ဆွေတွေ့ ရသလို ဒိုးပတ်သံရဲ့ဆိုးကျိုး နောင်မှာ မိမိလဲ မတွေ့ ရဘူးမပြောနိုင်။ ကိုယ့်လူတို့ ကလဲ ဒိုးပတ်ကို အသံချဲ့စက်နှင့်မှ တီးရတာအားရတဲ့ပုံမျိုး။ မိမိကိုယ်တိုင်က ဂီတနဲ့ မဝေးပါ။ ကျောင်းသားလေးဘဝကပင် ဒိုးသီချင်းစာသားအပိုဒ်တို့ ကို အလွတ်ရခဲ့ မှတ်မိခဲ့သည်။ ရွာက ဒိုးပတ်ဝိုင်းခေါင်းဆောင် ကိုဘခင်တစ်ယောက် ခေါင်းမှာ လက်ကိုင်ပုဝါစလေးစည်းပြီး ရွာကထိန်ပွဲ ပဒေသာပင်လှည့်ရင်း ဒိုးပတ်ကို အားရပါးရတီး သီချင်းဆိုတာကို မျက်စိထဲ ခုထိမြင်ယောင်မိသည်။ ၁၉၇၁ခုနှစ် မိမိ ၁၁နှစ်သား ဘုန်းကြီးကျောင်းသားလေး ဘဝက။ မှတ်မိသလောက် ရွာမှာ ဂီတသမားဆိုလို့ ကိုဘခင်တစ်ယောက်သာ။ တစ်ခါသာကြားခဲ့ရသော ကိုဘခင်ရဲ့ ဒိုးပတ်သံသည် မိမိနှလုံးသားဝယ် မြန်မာ့ဂီတကိုခံစားတတ်သည့်နှလုံးသား ဖြစ်သွားစေခဲ့သည်တော့ အမှန်ပင်။ ဒါကြောင့်မို့ ထင်ပ။ ကိုယ့်ကျောင်းကပွဲတွေမှာ ဒိုးပတ်ဝိုင်းပါတိုင်း မိမိမှာ ဒိုးသံကို သည်းခံနိုင်စွမ်း ရှိနေသည်။ နုနယ်သော နှလုံးသားရှိစဉ်က ဒိုးသံစဉ်ကို ကြားခဲ့ ခံစားခဲ့ဘူးသည်ကိုး။

 

မြန်မာတို့ ငါးပိ ကျော်အနံ့ သည် မကြိုက်သူတို့ အတွက် ရွံရှာဖွယ်ရာဖြစ်သလို ဒိုးပတ်သံဟာ မိုးပျံအောင်ကောင်းပါစေ၊ မနှစ်သက်သူတို့ နားဝယ် ကွဲသွားမတတ် ဆူညံနေပါလိမ့်မည်။ မိမိသည် ခေတ်ကိုလက်ခံနိုင်သည့်သူသာ။ ရှေးရိုးကိုလဲ မပျောက်ချင်သူ။ ပကာသနကိုတော့ မခုံမင်။ ဂါရဝ ဆန်သော ပကာသနကိုတော့ လုပ်ချင်သည်တော့အမှန်။ မိမိကျောင်းအတွင်း ဒိုးပတ်တီးခြင်းသည် ကလေးလူကြီးပျော်ရွှင်ကြသည်ကို နားလည်ပါ၏၊၊ မိမိကို မရိုမသေစော်ကားမော်ကားလုပ်နေကြသည် မဟုတ်ဘူးဆိုတာလဲ သိပါ၏။ ဂါရဝဆန်သော ဒိုးသီချင်းများကို သီဆိုကြသူတို့ ကိုလဲ လေးစားမိပါ၏။ သို့ ရာတွင် အသံတွေကို အိမ်နီးချင်းများ နားမခံသာအောင်တော့ မလုပ်သင့်။ အသံတွေ လျှော့ချရမည်။ ဒိုးသံကြောင့်တော့ မိမိလက်ရှိကျောင်းမှာ ဘာပြဿနာမှ မပေါ်သေးပါ။ ကိုယ်ငယ်ငယ်က ခံစားတတ် လာသော ဒိုးပတ်ဂီတသံဟာ ဘေးလူတွေအတွက် ဆူညံနေလို့ ကိုယ့်မိတ်ဆွေကိုတော့ စတင်ဆိုးကျိုး ပေးနေပြီ။ ကိုယ်ဆီလဲ ဒီလိုဆိုးကျိုး ဘယ်တော့ ရောက်လာမည်လဲလို့  စိတ်တွင်ပူပန်သွားမိသည်။

 

နစ္စဂီတကို ဥပုသ်သီလထဲထည့်ပေးနေသောရဟန်းတော်မိမိ၏ ဘုန်းတော်ကြီးကျောင်းမှာ ကခုန်သီဆိုတီးမှုတ်ခြင်းတို့ ကို မနှစ်ခြိုက်လှသော ဒကာဒကာမတို့ ကလဲ မိမိကိုအားနာလို့ သာ မပြောသာပ။ ကြိုက်ကြမည်တော့ မဟုတ်ပေ။ ကျောင်းကို အလယ်ကြွလာတဲ့ ဆရာတော်ကဆို ကိုယ့်လူလဲ (ဒို့ )ဆရာတော်မဖြစ်ဘဲ (ဒိုး)ဆရာတော်ဖြစ်နေပြီလို့  ရယ်စရာ စသွားခဲ့သည်။ ဘယ်တတ် နိုင်ပ။ သူကြွလာစဉ်က ဒိုးပတ်ဝိုင်းနဲ  တိုးသွားသကိုး။

 

အမေရိကန်နိုင်ငံသည် မိမိတို့ အတွက် ဥပဒေတွေက လိုက်နာဖို့ အပုံပင်။ အပြစ်ကို မသိလို့ လုပ်လဲ ခွင့်လွတ်မည်မဟုတ်။ ဥပဒေတွေကို ထိခိုက်လာလျှင် ဘာသာရေးဘုန်းကြီးကျောင်းပဲ ထားလိုက်ပါလို့ ပြောမရ။ သူတို့ သုံးတဲ့ အသုံးက ဥပဒေအရ အရေးယူရမှာတဲ့။ ဒါကြောင့် သူတို့ ကပြောလေ့ရှိသည် မသိခြင်းအတွက် ခွင့်လွတ်ခြင်းမရှိ (There is no excuse for ignorance.) တဲ့။ အမေရိကမှာ ဥပဒေနဲ့  အညီမလုပ်နိုင်ကြဘူး၊ ဥပဒေကို မလေးစားကြဘူးဆိုရင် တစ်နေ့ မှာ မိမိတို့ ရဲ့ ပျော်ရွှင်စရာကောင်းတဲ့ ဘဝဇာတ်စင်လေးဟာ သေချာပေါက် ကျိုးကျမှာ မလွဲ။ ဘုန်းကြီး ကျောင်းတွေမှာ စုပေါင်းပြီး ဘာသာရေးတွေ လုပ်နေကြတာဟာ ဘဝဇာတ်ခုံပေါ် ပျော်ရွှင်ချမ်းမြေ့ချင် လို့ တက်ကနေကြတာပဲလေ။ ဒီဇာတ်ခုံလေးတွေခိုင်မြဲဖို့ က အရေးကြီးတယ်။ သက်ဆိုင်သူ ဇာတ်ဆရာတို့ ကို မမေးချင်လဲ မေးရတော့မယ် ဇာတ်စင်ကျိုးမှ ကကြိုးရပ်ကြမှာလားလို့ ။

 

အော်မေးမိတာ မှားမြန်းသွားလားမသိဘူး။ သတိပြုလိုက်တော့… ဟေ့ ဒီဇာတ်တွေရပ်ကြလို့  မပြောဘဲ နေနေတဲ့ကိုယ်လဲ ဇာတ်ဆရာတွေထဲ ပါနေတာဘဲ။ 


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Similar Posts