စဉ်းစားစေချင်တာတွေ (၄)
Un Fat The Nation – တိုင်းပြည် အ၀လျော့ဖို့ စာအုပ်မိတ်ဆက်
မီနီရှဲလ်၊ ဇန်န၀ါရီ ၈၊ ၂၀၁၄
ဒီစနေ၊ တနင်္ဂနွေမှာ အားလပ်ရက်ရတုန်း ဦးဦး၊ ကိုကို၊ ဘဘ၊ မောင်လေးတို့အတွက် ကျန်းမာရေးပညာပေး ဆောင်းပါး ထပ်ရေးမယ်လို့ ကြံစည်ထားပေမယ့် စာရေးသူရဲ့စာအုပ် ထွက်လာတာနဲ့ စာအုပ်အကြောင်းပဲ ဆောင်းပါးရေးမယ်လို့ စိတ်ကူးလိုက်ပါတယ်။ ကြော်ငြာအရင်ဝင်ဦးမယ်။
စာအုပ်ကတော့ အ၀လွန်ခြင်း Obesity အကြောင်းပါ။ ဇူလိုင်လ ၅ ရက်နေ့မှာ စရေးဖြစ်ပြီး သြဂုတ်လလယ်လောက်မှာ ပြီးပါတယ်။ စာအုပ်ကတော့ အောက်တိုဘာ တတိယပတ်ကျော်မှပဲ ထွက်နိုင်တယ် အခုလောလောဆယ် စာအုပ်အနေနဲ့ရော၊ E-Book အနေနဲ့ရော ထွက်နေပါပြီ။ စာအုပ်ဝယ်ရင် တအုပ်ကို ဆယ်နှစ်ဒေါ်လာ၊ စီးကရက် ၂ ဗူးစာ မရှိပါ)၊ အီးဘွတ်ဝယ်ရင် လေးဒေါ်လာ (မက်ဒေါ်နယ်မှာ ကော်ဖီဆိုင်တွေမှာ တခါဝယ်စားတာလောက်ပဲ ရှိပါတယ်)။ www.xlibris နဲ့ www.Amazon.com တွေမှာ ၀ယ်လို့ရပါတယ်။ ၀က်ဆိုက်တွေမှာလည်း ၀ယ်လို့ရမယ် ထင်ပါတယ်။ စာအုပ်နံမယ်က “Unfat the Nation” ကို ထည့်လိုက်ရင် ပေါ်လာပါလိမ့်မယ်။
ဝခြင်းကြောင့် နှလုံးရောဂါ၊ သွေးတိုးရောဂါ၊ ဆီးချိရောဂါ၊ လေဖြတ်ခြင်း၊ အချို့သော ကင်ဆာရောဂါတွေ၊ ဒူးနာတာ၊ အဆစ်နာတာ၊ စိတ်ဓာတ်ကျတာ စတဲ့ ပြသနာတွေ တပုံကြီး ၀င်လာနိုင်ပါတယ်။ အခုဆိုရင် ကလေးတွေမှာ ဆီးချိုရောဂါ ဖြစ်နေတာ တွေ့နေရပါပြီ။ ၀ခြင်းကြောင့် နောက်ဆက်တွဲပြသနာတွေကြောင့် ၂၀၀၈ ခုနှစ်မှာပဲ ၁၄၇ ဘီလျံဒေါ်လာ ကုန်ကျစာရိတ် ရှိခဲ့ပါတယ်။
ဒီတော့ ၀ပြီးသူတွေ ဘယ်လို ပြန်ဝိတ်ချမလဲ။ မ၀သေးတဲ့သူတွေ ဘယ်လိုကျန်းမာအောင် နေကြမလဲ။ ဘယ်လိုဆေးမျိုးတွေ ဈေးကွက်ပေါ်မှာ ရှိသလဲ။ ဆေးတွေရဲ့ ဘေးထွက်ဆိုးကျိုးတွေက ဘာတွေလဲ။ ဘယ်လိုရောဂါတွေက လူတွေကို ၀စေသလဲ။ ဘယ်လိုဆေးမျိုးတွေက လူတွေကို ၀ိတ်တက်စေသလဲ။ ဘယ်အချိန်မှာ ခွဲစိတ်ကုသမှု ခံယူပြီး ၀ိတ်ချသင့်သလဲ။ ၀ိတ်ကျပြီးသူတွေ ဘယ်လို ဆက်ထိန်းသင့်သလဲ။ ကလေးတွေ အရမ်းဝနေရင် ဘာလုပ်သင့်သလဲ။ ၀တာကို လူနာနဲ့ ဆွေးနွေးတဲ့အခါ ဆရာဝန်တွေ ကြုံတွေ့ရတဲ့ အခက်အခဲတွေ စသည်ဖြင့် ရေးထားတဲ့ ကျန်းမာရေးပညာပေးစာအုပ် တအုပ်ဖြစ်ပါတယ်။ ၀လွန်းလို့ ပိန်ချင်တယ် ဆိုတဲ့လူနာတွေအများကြီး တွေ့ဖူးပါတယ်။ အဲဒီလူနာတွေအတွက် ရည်ရွယ်ပြီး ဒီစာအုပ်ကို ရေးတာ ဖြစ်ပါတယ်။
ကျမတို့ ဆရာဝန်တွေကတော့ လူတွေကို ပ်ိန်စေချင်ကြပါတယ်။ မော်ဒယ်တွေလို တအားကြီး ပိန်နေဖို့ မဟုတ်ပါဘူး။ ကိုယ့်အရပ်နဲ့ သင့်တော်မျှတတဲ့ အလေးချိန်ရှိနေဖို့ပါ။ နို့မဟုတ်ရင် (၀ိတ်များနေရင်) ဆန်အိတ်ကြီးတွေ ထမ်းထားရသလို ဖြစ်နေမှာပေါ့။
အထူးသဖြင့် လောကအကျိုးသယ်ပိုးနေတဲ့ (ဥပမာ ဦးကျော်သူတို့လို) ပုဂ္ဂိုလ်တွေဆိုရင် ပိုပြီး ကျန်းမာစေချင်တာပေါ့နော်။ ဒါမှ ပိုပြီး အလုပ်လုပ်နိုင်မယ် မဟုတ်ပါလား။ နိုင်ငံတော်ရဲ့ မသထာရေစာတွေ စားသောက်ပြီး ၀ဖီးနေတဲ့ ပုဂ္ဂိုလ်ကြီးတွေကျတော့လည်း အခုဘ၀ထဲက ကြိုပြီး ပြိတ္တာဖြစ်နေတာပဲလို့ ထင်ရင် ထင်မိမှာပါ။ အဲလေ စကားတွေ ဘယ်ရောက်ကုန်ပြီလဲ မသိဘူး။ တော်ကြာ အနာပေါ်တုတ်ကျတွေ ဖြစ်ကုန်ကြ လိမ့်မယ်။ မှန်တာတွေ ရေးမိလွန်းရင်လည်း လူတွေက မကြားချင်ကြဘူး။
ဝခြင်းကြောင့် ရတဲ့ နောက်ဆက်တွဲ အကျိုးဆက်တွေကတော့ တခုမှ မကောင်းပါဘူး။ အသက်ငယ်ငယ်နဲ့ နှလုံးရောဂါ ရကြသူတွေ၊ ဒူးအစားထိုးရသူတွေ၊ ဆီးချိုကြောင့် ခြေထောက်ဖြတ်ရသူတွေ၊ မလှုပ်နိုင် မရှားနီုင်ဖြစ်ပြီး သွေးခဲတာတွေ၊ စိတ်ဓာတ်ကျ ရောဂါတွေ၊ အလုပ်မလုပ်နိုင်လို့ စီးပွားရေး ထိခိုက်တာတွေ စသည် စသည်ဖြင့် မဆုံးနိုင်ပါ။ စာရေးသူတို့ အလုပ်သင်ဆရာဝန်ဘ၀မှာတုန်းက အရမ်းဝတဲ့ လူနာအဖွားကြီး ရောဂါပေါင်းစုံနဲ့ သေတော့ အခေါင်းကို စပယ်ရှယ်မှာယူရတာမျိုး ကြုံဖူးပါတယ်။ ဒီတော့ ၀ခြင်းဟာ သေပြီးတဲ့အထိတောင် မကောင်းပါဘူး။
Obesity အကြောင်း နည်းနည်းပါးပါး စိတ်ဝင်စားတယ်ဆိုရင် စာအုပ်ကို ဖတ်ကြည့်သင့်ပါတယ်။ မှတ်သားစရာ တခုခုလောက်တော့ ရမှာပါ။ စာအုပ်နာမည်က Unfat the Nation ဖြစ်ပါတယ်။ ၀နေတဲ့ သူငယ်ချင်း၊ မိတ်ဆွေတွေ၊ ဆွေမျိုးထဲက အိုဗာဝိတ် အန်တီကြီး၊ အန်ကယ်ကြီးတွေ၊ အိမ်နီးနားချင်း စည်ပိုင်းရှိတ် ဖိုးဖိုး ဖွားဖွားတွေကို ဒီစာအုပ် လက်ဆောင်ပေးမိလို့ အရိုက်ခံရတယ်ဆိုရင်တော့ စာရေးသူလည်း တာဝန်မယူနိုင်ပါ။
(မိုးမခရဲ့ ပင်တိုင်ကဏ္ဍဖြစ်တဲ့ ‘စဉ်းစားစေချင်တာတွေ’ ရဲ့ မီနီရှဲလ်ရဲ့ စာအုပ်ဖြစ်ပါတယ်။ စာရေးသူအမည်က Nilar U, M.D. ဖြစ်ပါတယ်)
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
