ငါးတန်းသမိုင်းဖတ်စာမှ ရီသံများ …

ကိုသင်းမြိုင်တို့ လင်မယားမှာ ဧကပုတ္တ တစ်ဦးတည်းသောသားလေးရှိသည်။ ကိုသင်းမြိုင်က နိုင်ငံခြားတိုင်းပြည်တွေမှာ နှစ်တွေ အကြာကြီး အလုပ်လုပ်နေခဲ့သောသူ။ သားတော်မောင် ကျောင်းမနေခင်အရွယ်ကတည်းက နိုင်ငံခြားတိုင်းပြည်တွေမှာ လှည့်လည်ပြီး အလုပ် လုပ်နေခဲ့ သည်။ တစ်နှစ်ကို နှစ်ခေါက်၊ အနည်းဆုံးတစ်ခေါက် မြန်မာနိုင်ငံသို့ အလည်ပြန်သည်။ အပါတ်စဉ်တိုင်း သားတော်မောင်နှင့် ဖုန်းဆက်သည်။ သားတော်မောင်အလိုရှိရာ ဖြည့်ဆည်းပေးသည်။ ဒီတော့ သားနှင့်အဖေက တစိမ်းဆန်မသွားခဲ့။

မြန်မာနိုင်ငံသို့ အလည်ပြန်တိုင်း ကိုသင်းမြိုင်က သားတော်မောင်နှင့်ပလူးပလဲနေသည်။ သားကိစ္စ၊ ၀ိစ္စမှန်သမျှကို ကိုသင်းမြိုင်က လိုက်လံ လုပ်ပေးသည်။ ကျောင်းပို့ ကျောင်းကြိုလုပ်သည်။ ရေချိုးပေးသည်။ အ၀တ်အစားလဲပေးသည်။ ကုန်ကုန်ပြောရလျှင် သားတော်မောင် အိမ် သာ တက်နေသည့်အချိန်မှာပင် အပြင်က ထိုင်စောင့်ပြီး စနောက်နေတတ်သည်။ သားက သူ့ကို သူငယ်ချင်းလိုပေါင်းသည်။ သူ့အမေကို မပြောရဲသည့်၊ မပြောဝံ့သည့်စကားများ၊ အမှားများကို အဖေကိုဖွင့်ပြောပြသည်။

ကိုသင်းမြိုင်က အဝေးရောက်နေပေမယ့် သားတော်မောင်ပညာရေးကို အလွန်ဂရုစိုက်သည်။ မိန်းမကိုတောင် “ငါ့သားပညာရေးအတွက် ငါ ငွေရှာနေတာ။ မင်းနဲ့ငါ့အတွက်ဆိုရင် ထမင်းနပ်မှန်စားရအောင် ပြည်တွင်းမှာဘဲ အလုပ်လုပ်မှာကွ” ဆိုသည့်အပြောကြောင့် လင်မယား နှစ်ယောက် ကတောက်ကဆ ဖြစ်ကြရသေးသည်။ အဝေးရောက်နေသော သူ့အတွက် သားတော်မောင် အကျင့်စရိုက် အကောင်းအဆိုးကို မပြုပြင်နိုင်သောကြောင့် ၀င်ရောက်စွက်ဖက်ခြင်းနည်းသည်။ သားက သူ့အမေလို စကားနည်းတာ၊ မပွင့်တပွင့်မြုံစိစိလုပ်တာ၊ လူကြောက် တတ်တာ စသည့်အကျင့်စရိုက်များရှိသည်။ ကိုသင်းမြိုင် မကြိုက်ပေမယ့် ဒီအမေနှင့်ဒီသား နှစ်ယောက်တည်းဘ၀မှာ အမေ့စရိုက် သားဆီ ကူးစက်တာ မဆန်း။ မကြိုက်ပေမယ့် ကိုသင်းမြိုင် တတ်နိုင်သောကိစ္စမဟုတ်။

သို့သော် သူတတ်နိုင်သလောက် သားတော်မောင်ကို ပြုပြင်ပေးဖို့ ကြိုးစားသည်။ သူ့သားကို စာဖတ်ကျင့်ရစေချင်သည်။ ကိုသင်းမြိုင် ငါး တန်းကျောင်သားအရွယ်တုံးက လူထုဦးလှပုံပြင်စာအုပ်တွေနှင့် ကြီးပြင်းခဲ့ရသည်။ ဇာတ်ကြီးဆယ်ဖွဲ့ကို ဖင်ပြန်၊ ခေါင်းပြန် အလွတ်နီးပါးရ အောင် ဖတ်နေပြီ။ ခေတ်တွေက ပြောင်းနေသည်။ သူတို့ခေတ်မှာ PS 2 မရှိ။ TV ရှားသည်။ သားတော်မောင်ခေတ်မှာက အာရုံထွေပြားစရာ များသည်။ ကျောင်းကြီး၊ ကျောင်းကြီး ကျူရှင်၊ အင်္ဂလိပ်စာသင်တန်း၊ ၀ူရှူးသင်တန်း၊ အပြင်ကျူရှင်၊ လူလွန်မသား ကာတွန်းဇာတ်ကောင် များပါသည့် ကာတွန်းဇာတ်လမ်းတွဲများ။ ဒီတော့ သားဖြစ်သူ စာဖတ်ကျင့်မရချင်တာ အပြစ်လို့လဲမမြင်ချင်။ အတတ်နိုင်ဆုံး ကိုသင်းမြိုင် ကြိုးစားသည်။ အလည်ပြန်မည်ဆိုလျှင် သားတော်မောင်စိတ်ဝင်စားမည့် ဒိုင်နိုဆောစာအုပ်များ၊ ကာတွန်းရုပ်ပြများ စသည့် စာအုပ်အများ အပြားဝယ်သည်။ သားတော်မောင်ကို ပုံပြင်တွေဖတ်ပြသည်။ သားဖြစ်သူကို ပုံပြင်ဖတ်ပြခိုင်းသည်။ ဒါတောင်မှ သားအဖနှစ်ယောက်စာ ဖတ်ချိန်ကို သားဖြစ်သူအချိန်ဇယားထဲမှလုပြီး ဖတ်ကြရခြင်းဖြစ်သည်။

အခုတစ်ခေါက်ခွင့်ရစဉ် မြန်မာနိုင်ငံသို့ ကိုသင်းမြိုင်အလည်ပြန်တော့ မိန်းမဖြစ်သူကိုတောင် “ငါ့သားအတွက် အလည်ပြန်လာတာကွ။ ခွင့်သိပ်မရဘူး။ မင်းအတွက် အလည်ပြန်လာတာမဟုတ်ဘူး” ဟုကြွေးကြော်ကာ ပြန်သွားခဲ့သည်။ သားဖြစ်သူအတွက် အင်္ဂလိပ် ရုပ်ပြစာ အုပ် လွယ်လွယ်လေးတွေကိုရှာဖွေပြီး အများကြီးဝယ်ယူသွားခဲ့သည်။ အိမ်ရောက်တော့ စာအုပ်တွေကို သားတော်မောင်ကိုပေးရင်း “စာ ဖတ်ရတယ် ငါ့သားရ။ စာဖတ်မှ အများကြီးသိမှာ။ အများကြီးသိမှ အများကြီးတတ်မှာ။ အများကြီးတတ်မှ လူတွေကို အများကြီးကူညီနိုင်မှာ” ဟု ပြောသည်။ သားဖြစ်သူက မျက်လုံလေးတွေ အရောင်တောက်ပြီး သူဝယ်လာသည့်စာအုပ်တွေ ဖွနေတာကိုကြည့်ပြီး ပီတိဖြာနေခဲ့ရသည်။

ကိုသင်းမြိုင် သားဖြစ်သူကို မသိမသာ စောင့်ကြည့်မိရင်းရင်မောရသည်။ သူတို့လေးတို့၏ ကုသိုလ်ကံ အဆိုး၊ အကောင်း ဘယ်လိုခွဲခြားရမှန်း မသိလောက်အောင် ဖြစ်လာရသည်။ သားတော်မောင် ကျောင်းက မနက်ကျောင်းတဲ့လေ။ ကလေးတစ်ယောက်အတွက် အိပ်ကောင်းချိန်ဖြစ် သည့် မနက်ခြောက်နာရီလောက်မှာ အိပ်ရာမှ အိပ်ချင်မူးထူး ထရသည်။ သူ့အမေပြင်ပေးသည့် နို့တစ်ခွက်နှင့်ကိတ်မုန့်လေးတစ်ချပ်ဝင်ဖုိ့ ကလေးပီပီ မစားချင် စားချင်ဖြင့် စားသွားရသည်။ သူ့အမေပေးလိုက်သည့် မုန့်ဖိုးငါးရာကို ထည့်သွားသည်။ လ္ဘက်ရည်တစ်ခွက် သုံးရာ ဖြစ် နေချိန်မှာ ငါးရာဆိုသည့်ငွေဖြင့် သားက အဆာခံ ဘာများစားမှာပါလိမ့်။ မုန့်ဖိုးပိုပေးဖို့ပြောပေမယ့် သူများကလေးတွေလဲ ဒီလောက်ဘဲ ဆိုသည်နှင့် မိန်းမဖြစ်သူကို အထွန့်မတက်မိတော့။ သားကို ငွေအရမ်းသုံးတတ်လာမှာကို သူ့အမေ စိုးရိမ်သလို ကိုသင်းမြိုင်လဲစိုးရိမ်မိသည်။

ကိုသင်းမြိုင်တို့ ကလေးဘ၀တုံးက မနက် ၈ နာရီခွဲမှ ကျောင်းတက်သည်။ မနက် ၇ နာရီခွဲလောက်ထိ အိပ်သည်။ မနက်စာအဆာခံ ထမင်း ကြမ်းကြော်နှင့် အကြော် တစ်မျိုးမျိုးစားသွားရသည်။ မုန့်ဖိုးက တစ်ကျပ်။ မုန့်စားကျောင်း နာရီဝက်ဆင်းချိန်မှာ သုံးချင်ရာသုံးစမ်းပါလိမ့်။ ကြာဆံကြော်ဝယ်စားမလား။ မုန့်ဟင်းခါး အကြော်စုံနှင့်စားမလား။ ငှက်ပြောသီးကြော် စားမလား။ ဗိုက်ကြီးတင်းကားနေအောင် စားလို့ရ သည်။ နေ့ခင်း ထမင်းစားကျောင်းဆင်းချိန်ဆိုလျှင် အိမ်ကိုပြန်ပြီး ထမင်းစားသည်။ တစ်ခါတစ်ရံ အိမ်ကထုပ်လာသော ထမင်းထုပ်နှင့် သူ ငယ်ချင်းတွေနှင့်အတူတူ တစ်နာရီ ထမင်းစားကျောင်းဆင်းချိန်မှာ အေးအေးဆေးဆေး လေပေါရင်း စားကြသည်။ ပြီးတော့ ချွေးသံတွေ စိုရွှဲ နေအောင် ဘောလုံးကန်၊ စိန်ပြေးတမ်း စသည်ဖြင့် ကမြင်းကြောထကြသည်။

ကိုသင်းမြိုင်သားခေတ်ကြတော့ ဒီလိုမဟုတ်တော့။ မနက်ခင်း ၇နာရီဆို ကျောင်းတက်ပြီ။ ၇နာရီ ကျောင်းမှီဖို့ အိပ်ချင်မူးတူးဖြင့် အိပ်ရာ ထသော သားကိုကြည့်ရင်း စိတ်မချမ်းသာ။ မုန့်စားကျောင်း ဆင်းချိန်က ၁၅ မိနစ်တဲ့။ ကျောင်းဆင်းချိန်က မနက် ၁၁ နာရီခွဲ။ ဖယ်ရီစီးချိန်၊ ကျောင်းလွှတ်ချိန်၊ ကားကြပ်ချိန်များ ပေါင်းလိုက်သော အခါ ဒီကောင် အိမ်ပြန်ရောက်တော့ ၁၂ နာရီ ၁၀ မိနစ်လောက်ရှိနေပြီ။ ထမင်းစား။ ခဏတစ်ဖြုတ်နားရင်း တစ်နာရီထိုးသွားသည်။ တစ်ရေးတစ်မောအိပ်ဖို့ သူ့အမေက တိုက်တွန်းပေမယ့် သားက ကလေးပီပီ အဆော့မက် သည်။ တီဗွီဂိမ်းဆော့ချင်သည်။ တီဗွီကြည့်ချင်သည်။ စာလေး နည်းနည်းပါးပါး ဖတ်ခိုင်းရင်း နားခိုင်းလို့ ရလို့သာ တော်တော့သည် ဆိုရမည်။ ၃ နာရီလောက်ရောက်တော့ ကျောင်းကြီးအိမ်စာဆိုပြီး အိမ်စာတွေ ထိုင်လုပ်နေသည်။ ကျောင်းကြီး အိမ်စာပြီးတော့ ကျူရှင်တွေအိမ်စာ။ အချိန်အတော်ဆင်းရဲရှာသည်။

ကိုသင်းမြိုင်တို့တုံးက ကျောင်းကြီး အိမ်စာ၊ အိမ်က အမေသင်ပေးသော အပိုဆောင်း အိမ်စာလုပ်ပြီးလျှင် ကျက်စာနည်းနည်ပါးပါး ကျက် ရန်သာ ကျန်တော့သည်။ အိမ်စာတွေပြီးသည်နှင့်ကိုသင်းမြိုင်တို့ မောင်နှမတွေတစ်စု အမေ့ဆီခွင့်တောင်းပြီး ကွင်းပြင်ကျယ်ကြီးတွေထဲမှာ ငှက်ပြစ်ထွက်သည်။ ရေခိုးကူးကြသည်။ သစ်ပင်တက်သည်။ အမေ မအော်မချင်း၊ တုတ်ဖြင့်လိုက်မလာမချင်း အိမ်မပြန်ကြေး။ အမေ့အခြေ အနေကြည့်ပြီး အိမ်ပြန်။ ရေချိုး။ ကျက်စာတွေကျက်။ အမေနှင့်အတူ အပိုဆောင်း ကျူရှင်တက်။ ပြီးလျှင် ပုံပြင်စာအုပ်ဖတ်ရင်း၊ အမေ့ရင် ခွင်မှာ ၀င်ခွေ့ရင်း။

သားဖြစ်သူကျတော့ အိမ်စာတွေပြီးတာတောင် တိုက်ခန်းကျဉ်းကလေးထဲမှာ။ အနီးအပါး ကွင်းပြင်ကျယ်ကျယ် တစ်ခုမှမရှိ။ ကိုသင်းမြိုင်တို့တုံး က ညနေဘက်တွေမှာ ကျောင်းဝန်းထဲရှိ ဘောလုံးကွင်းပြင်ကြီးထဲမှာ စွန်လွှတ်မလား။ ဘောလုံးကန်မလား။ မောသွားလျှင် မိုးဆွေငှက်တွေ အထက်ကို ဒေါင်လိုက် တက်သွားလိုက်၊ အောက်ကို ကမူးရူးထိုး ထိုးဆင်းလာလိုက် ဖြစ်နေကြသည်ကို ကြည့်ကြသည်။ ကိုသင်းမြိုင် စိတ် မချမ်းသာပေမယ့်သားဖြစ်သူကို တောဘက် ပို့ထားပြီး ကျယ်ကျယ်လွင့်လွင့်နေစမ်းကွာလို့ ပို့ထားချင်လာသည်။ သို့သော် သူ့အမေက ဘယ်လိုမှ ခွင့်ပြုမည်မထင်။ “ကလေးသနားစရာကွာ။ ငါတို့တုံးကနဲ့ ကွာလိုက်တာ” လို့ ညည်းမိတာလေးနဲ့ကို “အို..ခေတ်ကြီးက တူတာ မဟုတ်ဘူး။ သူတစ်ယောက်တည်း မဟုတ်ဘူး။ ကလေးတွေအကုန်လုံး အတူတူဘဲ။ ရှင့်သားတစ်ယောက်တည်း ကျိတ်သနားမနေနဲ့” ဆို တာနှင့် ပါးစပ်ပိတ်သွားသည်။

ကိုသင်းမြိုင်က သားတော်မောင် ကျောင်းစာအပေါ်မှာ ဘယ်လို တုံ့ပြန်သလဲဆိုတာကို မသိမသာ သတိထားကြည့်မိသည်။ မြန်မာကဗျာကျက် ရင်း “ပီလောဆိုတာ ဘာလဲဖေဖေ” ဆိုပြီး မေးလာသည်။ မြန်မာ-အင်္ဂလိပ် အဘိဓာန်ကိုကြည့်ပြီး “အင်္ဂလိပ်လိုက ဒီလိုခေါ်တယ်ကွ။ မ မှတ်မိလဲ ရပါတယ်ကွာ။ ကျက်မနေပါနဲ့။ ဒီအင်္ဂလိပ်စာလုံးနဲ့ ငါ့သား google မှာရှာကြည့်ရင်ရတယ် ငါ့သားရဲ့” ဆိုပြီး သားအဖနှစ်ယောက် အင်တာနက်ဆိုင်သို့ ချီတက်သွားကြသည်။ ဆိုင်က “လိုင်းကျနေလို့ ညနေမှ ပြန်လာပါ” ဆိုသဖြင့် သားအဖနှစ်ယောက် လ္ဘက်ရည်သောက်ကာ ပြန်လာခဲ့ကြသည်။ သားတော်မောင်၏ သိချင်သော စိတ်လဲလျော့နည်းသွားဟန်ရှိ၏။

ပထ၀ီကျက်ရင်း ကုန်းပြင်မြင့်ဆိုတာဘာလဲ၊ တောင်တန်းကြီးတွေဆိုတာ အကြီးကြီးလား၊ ဧရာဝတီမြစ်ဝကျွန်းပေါ်ဆိုတာ ဘာကြီးလဲ စ သည်ဖြင့် မေးတော်မူသဖြင့် ကိုသင်းမြိုင်တို့ လင်မယားနှစ်ယောက် အတတ်နိုင်ဆုံး ရှင်းပြကြသည်။ မြန်မာနိုင်ငံမြေပုံကြီးကို ထောက်ပြရင်း ရှင်းပြဖို့ ကြိုးစားသည်။ ကလေးနားလည်မည့် စကားလုံးများဖြင့် လင်မယားနှစ်ယောက် စကားများရင်း ရှင်းပြကြသည်။ Google Earth ဆိုတဲ့ ကွန်ပြူတာစနစ်နဲ့ ငါ့သားကိုရှင်းပြမယ်ဆိုပြီး အင်တာနက်ဆိုင်သို့ အမှတ်မရှိ ချီတက်ကြပြန်သည်။ google home page ပေါ်ဖို့ အချိန်အကြာကြီးစောင့်ရင်း မဟန်တာကိုသတိထားမိသည့် ကိုသင်းမြိုင်က သားဖြစ်သူကို မလှိမ့်တပတ်လုပ်ကာ ဓာတ်ပုံလေးတစ်ပုံ၊ နှစ်ပုံ ဘဲ ပြလိုက်ရသည်။

ကိုသင်းမြိုင် အံ့အသြဆုံးက သားဖြစ်သူ သမိုင်းပုံတွေဆွဲခြင်းဖြစ်သည်။ ဖတ်စာအုပ်ထဲက မံမီရုပ်အလောင်းပုံ၊ ပိရစ်မစ်ကြီးပုံတွေကို သား တော်မောင်ဆွဲနေတာတွေ့တော့ ဟ တယ်ဟုတ်ပါလား။ ဒုတိယ ပေါ်ဦးသက်တို့၊ ဒုတိယပီကာဆိုတို့ဖြစ်တော့မယ့်ငါ့သားကွဆိုပြီး ဂုဏ်ယူနေ ခဲ့သည်။ စာရွက်ပါးပါး၊ အဖြူအမည်း မညီမညာ ဘယ်လိုမှဆွဲဆောင်မှုမရှိသည့် ကျောင်းဖတ်စာအုပ်က ပုံတွေတောင် ဒီကောင်ကူးဆွဲနေမှတော့ နောင်ဆိုရင် သူ့မျက်လုံးကကျက်မိတဲ့ရုပ်ပုံတွေ၊ အရောင်တွေ ချဆွဲတော့မှာ အသေအချာဘဲ။ ငါ့သားစစ်တယ်။ အနုပညာဗီဇတော့ ရှိသား ဟလို့ တွေးလို့မှမဆုံးခင် သားဖြစ်သူက ငိုသံပါကြီးနှင့် “မေမေလာဆွဲပေးအုံး မဆွဲတတ်တော့ဘူး။ တူလဲ မတူဘူး” ဆိုသည့် သူ့အမေကို အ ကူအညီတောင်းသည့်အသံကြားမှ ကိုသင်းမြိုင် စိတ်ရှုပ်သွားရသည်။ သူ့မိန်းမက အရောင်ဆိုလျှင် ငါးထောင်တန်အရောင် နှင့်တစ်ထောင်တန် အရောင်လောက်ဘဲ စိတ်ဝင်စားသူ။ အနုပညာဆိုလို့ “ကိုလေး (လေးဖြူ) ရယ် တကယ်ဘဲဆိုတတ်လိုက်တာ” ဆိုပြီး အဆိုတော် လေးဖြူ သီချင်းများ ကြိုက်တာဘဲ ရှိသည်။

ဘာတွေ ဘယ်လိုမှားယွန်းကုန်ပြီလဲဆိုတာကို သိချင်လာသည်။ ကိုသင်းမြိုင် စာဖတ်ချင်ယောင်ဆောင် နေရာမှထပြီး စုံစမ်းမှ ကိုယ့်နှဖူးကိုယ် တူနှင့်ထုပြစ်ချင်လာမိသည်။ သမိုင်းဖတ်စာအုပ်ထဲမှပုံများကို ကျောင်းက ဆရာမက ပုံတူဆွဲခိုင်းသတဲ့လေ။ သမိုင်းသင်တာ မအအောင်လို့ ဆိုသည့် ဒေါက်တာသန်းထွန်းနှင့် ထိုဆရာမတွေ ပေးတွေ့လိုက်ချင်စိတ် ပေါက်လာသည်။ ကောင်းကြသေးရဲ့လားဆရာရဲ့။ သေရွာက ထ ကြည့်ပါအုံး။ နတ်ပြည်က ဆင်းကြည့်ပါအုံးလို့ ကိုသင်းမြိုင် ငိုပြစ်ချင်စိတ်တွေပေါက်လာသည်။ ကိုသင်းမြိုင် ဗီတိုအာဏာသုံးရတော့သည်။ “နောင်ဆို မင်းမှာ ဒီလိုသမိုင်းပုံတွေဆွဲရမယ်ဆို မင်းအမေကိုဆွဲခိုင်း။ မင်းလုံးဝဆွဲစရာမလိုဘူး။ အိမ်က မင်းအမေဆွဲပေးလိမ့်မယ်။ အေး မင်းဆွဲချင်သပ..အချိန်ရတယ်ဆိုရင်တော့ ဆွဲပေါ့” ဟု သားဖြစ်သူကို မျက်နှာထားခပ်တင်းတင်းဖြင့် ပြောရသည်။

မိန်းမဖြစ်သူကိုတော့ “မင်းက အမေမှာတဲ့ ဆန်တစ်ခွဲ သုံးစိတ်နဲ့ မလဲဆိုတဲ့စကားပုံလို လုပ်မနေနဲ့။ သားကိစ္စတွေ သိပ်မကူနဲ့ ကိုယ့်အားကိုယ် ကိုးပစေလို့ ပြောပေမယ့်ဒီလို အဓိပ္ပါယ်မရှိတာတွေတော့ ကူလေကွာ။ လုပ်ပေးလေကွာ။ မင်းကွာ ငါပြောပြန်ရင်လဲ ရန်ဖြစ်ရအုံးမယ်” ဆိုပြီး ပြောခါရှိသေး “ပြီးရော တော်ဘဲ တော့်သားကို ကိုယ့်အားကိုယ်ကိုးတဲ့လူတစ်ယောက် ဖြစ်စေချင်တယ်ဆိုလို့လေ” ဟု ပြန်ပြောတာ ခံလိုက်ရ သည်။

သားဖြစ်သူကတော့ သက်သာတာ ကြိုက်ဟန်တူသည်။ အိမ်စာပါလာသည့် သမိုင်းပုံဆွဲစရာများကို သူ့အမေ ပန်းချီဆရာမကြီးကို လွှဲအပ် လိုက်လေတော့သည်။ သမိုင်းကျက်စာများကို ကျက်တော့သည်။ ဘေးမှ အာဗြဲကြီးနှင့်အော်ပြီး သမိုင်းကျက်စာများကို အလွတ်ကျက်နေသော သားဖြစ်သူကြောင့် ကိုသင်းမြိုင် ဖတ်လက်စစာကို အာရုံစိုက်လို့မရ။ သားဖြစ်သူ၏ သမိုင်းကျက်စာတစ်ပုဒ်ကြောင့် ကိုသင်းမြိုင်စာအုပ်ကို ဗုံးခနဲ့ ပြစ်ချလိုက်ရသည်။ သားဖြစ်သူ သမိုင်းကျက်နေပုံက ….

ယိုးဒယားလူမျိုးတို့၏ စရိုက်လက္ခဏာများအကြောင်းရေးပါ။ ယိုးဒယားလူမျိုးတို့သည် ပင်ကိုယ်အရ အလှအပနှင့်အပျော်အပါးကို ခုံမင်သူ များဖြစ်ပြီး မိမိကိုယ်ကို အားကိုးလိုစိတ်နည်းပါးပြီး ကြမ်းတမ်းစွာလုပ်ကိုင်ရသောလုပ်ငန်းများကို စိတ်ဝင်စားမှုနည်းပါးသည်။

အနောက်နိုင်ငံသားတို့၏ နယ်ချဲ့မှုကို စစ်မက်မဆင်နွှဲ၍ တွန်းလှန်လိုစိတ်မရှိဘဲ နယ်ချဲ့တို့ အလိုကျ လိုက်လျောညီထွေ ပေါင်းသင်းဆက်ဆံ ပြီး လိမ္မာပါးနပ်စွာ ရှောင်တိမ်းနိုင်ခဲ့သည်။

“မင်းသမိုင်း ဖတ်စာအုပ် ငါ့ကိုပေးစမ်းဆိုပြီး သားဖြစ်သူ ငါးတန်းကျောင်းသား၏ သမိုင်းဖတ်စာအုပ်လေးကို ဖင်ပြန်ခေါင်းပြန် အမြန်ဖတ်လိုက် သည်။ ဒီကောင်ကျက်နေသည့် ယိုးဒယားလူမျိုးတို့၏ စရိုက်လက္ခဏာဆိုတာ မပါ။ ဒါဖြင့် ဘယ်ကနေ ဘယ်လို ဒီမေးခွန်းနဲ့အဖြေကို ဒီ ကောင်ကျက်နေရတာတုံး။ ကိုသင်းမြိုင် စိတ်ရှုပ်သွားသည်။

ကိုသင်းမြိုင်၏ ဆရာကဲ့သို့ ချစ်ကြောက်ရိုသေရသူမိတ်ဆွေမှာလဲ ငါးတန်းကျောင်းသား သားတစ်ယောက်ရှိသည်။ ဆရာ့မိန်းမက အလယ် တန်းပြဆရာမ။ ဆရာ့အိမ်ကိုဖုန်းဆက်တော့ ဆရာကတော်ဖုန်းကိုင်သည်။ ဒီတော့မှ ဇာတ်ရည်လည်တော့သည်။ ဖတ်စာအုပ်ထဲတော့ မပါ။ သင်ရိုးညွှန်းတန်းထဲမှာ တော့ ပါသည်။ ၂၀၀၂ ခုနှစ် ယိုးဒယားတွေနဲ့ ရန်ဖြစ်မယ်ဆိုတော့ ဒေါက်တာနာမည်ခံ ဆရာမကြီးလက်ချက်တွေဆို တာ သိလာရသည်။ အခုအချိန်ထိ မပြင်ဖြစ်ကြသေးတာတဲ့လေ။ ဒါကြောင့် သမိုင်းသင်သော ဆရာမတွေက ကျက်ခိုင်းဟန်ရှိသည်။ က လေးတွေကို ကျက်ခိုင်းကြသည်။ ဒီကိစ္စမှာတော့ ကိုသင်းမြိုင် တစ်ချက်လွှတ်အာဏာသုံးလို့မဖြစ်တော့။ မကျက်နဲ့ကွာ။ စာမေးပွဲမှာ ပါလဲ မဖြေနဲ့ဟုပြောလိုက်လျှင် သူ့အမေနှင့် ထိပ်တိုက်တိုးပေတော့မည်။

သားဖြစ်သူကို စာကျက်တာရပ်ခိုင်းပြီး ရှည်ရှည်ဝေးဝေးရှင်းပြရသည်။ “သမိုင်းသင်တယ်ဆိုတာ ငါ့သားရယ် အတိတ်ကိုသိအောင်။ သင်ခန်း စာယူနိုင်အောင်ပေါ့။ ငါ့သား သုံးတန်းတုံးက အချဉ်ပေါင်းတွေ အရမ်းစားလို့ အီးတွေ အရမ်းပါတယ်မို့လား။ ငါ့သားက အဲဒီဖြစ်ခဲ့တာကို မေ့လိုက်ပြီး အချဉ်ပေါင်းတွေ အရမ်းထပ်စားရင် ငါ့သား အီးတွေထပ်ပန်းမှာပေါ့။ အဲဒီလိုပေါ့သားရယ်။ သမိုင်းဆိုတာ သိလေကောင်းလေ။ ဒါပေမယ့်သင်ခန်းစာမယူတတ်ရင်၊ မှားပြီးသားကို ထပ်ထပ် ထပ်ထပ်မှားရင် သမိုင်းသင်ရတာ အလကားပါသားရယ်။ ပြီးတော့ ဘယ်လူမျိုး မဆို၊ ဘယ်နိုင်ငံသားမဆို အားနည်းချက်၊ အားသာချက် အနည်းနဲ့ အများရှိကြတာပါဘဲ။ သူများအားနည်းချက်ကို လက်ညှိုးထိုး၊ အပြစ်ရှာပြီး ပြောနေမလား။ သူတို့ ဘာအားသာသလဲ၊ သူတို့ ဘာတော်သလဲဆိုတာကြည့်ပြီး သူတို့လိုတော်အောင် ကြိုးစားမလား.. ငါ့သားဆို ဘာလုပ်မ လဲ” ဆိုပြီးမေးတော့ သားတော်မောင်က အဖေဖြစ်သူအကြိုက် တော်အောင်လိုက်ကြိုးစားမှာပေါ့ဟု ဖြေပေးရှာသည်။ ဒီကောင့်စိတ်ထဲမှာ သူတစ်ဖက်သားကို နှိမ်ချင်တဲ့စိတ်တွေများ ၀င်ကုန်မှာလားမသိဟုတွေးမိကာ ကိုသင်းမြိုင် ရင်တွေကျပ်လာသည်။ ပါးရိုက်ရင် နားကိုက်မယ် ဆိုသည့် စိတ်အစုတ်အပဲ့တွေ မ၀င်ပါစေနဲ့လို့ ဆုတောင်းမိသည်။

ခွင့်ပြည့်လို့ ကိုသင်းမြိုင် နိုင်ငံခြားကိုပြန်တော့ သားအမိ မျက်နှာငယ်လေးဖြင့် မင်္ဂလာဒုံလေယာဉ်ကွင်းကို လိုက်ပို့ရှာကြသည်။ သားအမိကို ဟာသတွေပြော၊ စနောက်ပြီး ပေါ့ပေါ့ပါးပါးဖြစ်စေဖို့ ကိုသင်းမြိုင်ကြိုးစားပေမယ့်သူ့ရင်ထဲမှာတော့ ဘယ်တော့မှ ဟောင်းနွမ်းမသွားသော ငိုချင်စိတ်တွေ ပေါက်လာသည်။ PLB (passenger loading bay) လေးခုသာရှိသောလေယာဉ်ကွင်းမှာ ကိုသင်းမြိုင်တို့ မိသားစုအပြင် နိုင်ငံခြားသွားမည့်သူများဖြင့် လောကကြီးက အစီအစဉ်မကျမနစွာ ရှိနေခဲ့သည်။ အနံ့အသက် မကောင်း၊ ကွမ်းတံထွေးတွေ စွန်းထင်နေသည့် အိမ်သာထဲသို့ဝင်ကာ မျက်ရည်လည်လာတာကိုဖုံးကွယ်ဖို့ မျက်နှာသစ်လိုက်ရသည်။

ကိုသင်းမြိုင်သွားမည့် အရှေ့အလယ်ပိုင်းနိုင်ငံငယ်လေးကို ရောက်ဖို့ ထိုင်းနိုင်ငံ၏ သုဝဏ္ဏဘူမိ လေယာဉ်ကွင်းမှာ လေယာဉ်ပြောင်းစီးရသည်။ သုဝဏ္ဏဘူမိရောက်တော့ ပြောင်းစီးမည့်လေယာဉ်ရှိရာသို့ မျက်စိမလည်ဘဲရောက်အောင် အတော်ကြီးသတိထားလိုက်ရသည်။ ရေမွှေးနံ့ သင်းသင်း၊ တောက်ပြောင်ဝင်းလက်နေသော အိမ်သာထဲသို့ဝင်ပြီး ကိုသင်းမြိုင် အပေါ့အပါးသွားစဉ်မှာ သားဖြစ်သူ၏ သမိုင်းကျက်စာကို သတိရလာသည်။ ရင်ဘတ်တွေ အောင့်လာ၏။ ထို့နောက် အားရပါးရရီချင်လာ၏။ ကိုသင်းမြိုင် အသံထွက်အောင်ရီမိသည်။ အိမ်သာမှ ပြန် အထွက် တစ်ယောက်တည်း အသံထွက်ရီနေသောအခါ လေယာဉ်ကွင်း ၀န်ထမ်းဖြစ်ဟန်တူသည့် ထိုင်းတစ်ယောက်က ကွက်ကြည့်၊ ကွက် ကြည့် ကြည့်သွားသည်။ ရီခြင်းမှာ ဘာသာစကားအတူတူဖြစ်သဖြင့် ကိုသင်းမြိုင်တွန့်ဆုတ်မနေတော့ဘဲ တဟားဟားအော်ရီရင်း လေ ယာဉ်ရှိရာဂိတ်သို့ လျှောက်လာမိတော့သည်။

---

သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ