ဆိတ်ခေါင်းကိုချိတ်၍ ခွေးသားရောင်းမည့် ပုံနှိပ်မီဒီယာဥပဒေ နှင့် အမြုတေစာနယ်ဇင်းကောင်စီ
သန်းဝင်းလှိုင်၊ သြဂုတ် ၂၄၊ ၂၀၁၂
၂၀၁၀ ပြည့်နှစ် ရွေးကောက်ပွဲအပြီး ပေါ်ပေါက်လာသော အရပ်သားအရေခြုံ အစိုးရသစ်မှ နိုင်ငံတော် သမ္မတဦးသိန်းစိန်သည် ပြီးခဲ့သည့် ၂၀၁၂ ဇွန်လ ၁၉ ရက်နေ့တွင် ပြည်ထောင်စုအစိုးရ၊ ပြည်နယ်နှင့်တိုင်းဒေသ ကြီး အစိုးရအဖွဲ့ရှိ ဝန်ကြီးများ၊ ဒုတိယဝန်ကြီးများအား နိုင်ငံတော်အခြေပြ မိန့်ခွန်းတစ်ရပ်အပါအဝင် အမှာစကား နှင့် မိန့်ခွန်း (၁၇)ကြိမ်ခန့် ပြောကြားရာ၌ မဏ္ဍိုင်ကြီးသုံးရပ်အနေဖြင့် ဖွဲ့စည်းပုံအခြေခံဥပဒေနှင့်အညီ ဥပဒေပြု၊ စီမံခန့်ခွဲအုပ်ချုပ် စီရင်ဆုံးဖြတ်ခြင်း ရှိမရှိ၊ အဂတိတရားလိုက်စားမှု ရှိမရှိ၊ အကျင့်ပျက်ခြစားမှု ရှိမရှိ နိုင်ငံတော် နှင့် နိုင်ငံသားများအကျိုးအလို့ငှာ စောင့်ကြည့်တည့်မတ်ပေးရမည့် စတုတ္ထမဏ္ဍိုင်က ဥပဒေနှင့်အညီ လွတ်လပ် စွာ တာဝန်ထမ်းဆောင်နိုင်မှသာ သွားလိုသောပန်းတိုင်သို့ ဖြောင့်ဖြူးစွာ ရောက်ရှိနိုင်မည့်အပြင် ပြည်သူလူထု တရပ်လုံးက ယုံကြည်အားကိုးအပ်သော မဏ္ဍိုင်သုံးခုအဖြစ်သို့လည်း ရောက်ရှိနိုင်မည်ဟု ပြောကြားသွားခဲ့ သည်။
သို့သော် စတုတ္ထမဏ္ဍိုင်နှင့်ပတ်သက်၍ အလေးပေးပြောကြားနေသော်လည်း တစ်နှစ်ကျော် သာရှိသေးသော အစိုးရသစ်သက်တမ်းအတွင်း ပြည်တွင်းမီဒီယာများကို ဝန်ကြီးဌာနအချို့နှင့် အစိုးရအဖွဲ့များက ပုဒ်မအမျိုးမျိုးတပ်ကာ တရားစွဲမှုများ ပြုလုပ်လျက်ရှိပေသည်။
ထို့ပြင် အစိုးရသစ်က ၂၀၁၂ သြဂုတ် ၁၀ ရက်နေ့ထုတ် နိုင်ငံပိုင်သတင်းစာများမှတဆင့် စာနယ်ဇင်းသမားများကို အမိန့်ကြော်ငြာစာ (အမှတ် ၆၁/၂၀၁၂) ဖြင့် မြန်မာနိုင်ငံ အမြုတေစာနယ်ဇင်းကောင်စီ ဖွဲ့စည်းကြောင်း ထုတ်ပြန်ခဲ့ပြီးနောက် ပြည်သူလူထု၏ ဆန့်ကျင်ကန့်ကွက် ဝေဖန်သံများ ပွက်ပွက်ညံအသံများ ပေါ်ထွက်လာခဲ့သည်။
အစိုးရ၏ ကြေညာချက် အပြည့်အစုံမှာ –
နိုင်ငံတော်ဖွဲ့စည်းပုံ အခြေခံဥပဒေပုဒ်မ ၃၅၄ အပုဒ်ခွဲ(က)အရ နိုင်ငံတော်သည် နိုင်ငံတော်လုံခြုံရေး၊ တရားဥပဒေ စိုးမိုးရေး၊ ရပ်ရွာအေးချမ်းသာယာရေး သို့မဟုတ် ပြည်သူတို့၏ ကိုယ်ကျင့်တရားအလို့ငှာ ပြဋ္ဌာန်း ထားသည့် ဥပဒေနှင့် မဆန့်ကျင်လျှင် မိမိယုံကြည်ချက်၊ ထင်မြင်ယူဆချက်များကို လွတ်လပ်စွာ ထုတ်ဖေါ်ပြော ဆိုခွင့်၊ ရေးသားဖြန့်ချိခွင့် ရမည်ဆိုသည့် နိုင်ငံသားများ၏ မူလအခွင့်အရေးနှင့် တာဝန်ဆိုင်ရာပြဋ္ဌာန်းချက်ကို ခံ စားနိုင်ရန် ပြည်ထောင်စုလွှတ်တော်မှ ပုံနှိပ်မီဒီယာ ဥပဒေသစ်အား မပြဋ္ဌာန်းနိုင်မီအတောအတွင်း စာနယ်ဇင်း သမားများကို အာကာအကွယ်ပေးနိုင်ရန် အတွက်လည်းကောင်း၊ စာနယ်ဇင်းကျင့်ဝတ်များ ပြုစုရေးဆွဲရန် အ တွက်လည်းကောင်း၊ အကြီးသော စာနယ်ဇင်းဆိုင်ရာ ဝိရောဓိပြဿနာများ ပေါ်ပေါက်လာပါက စည်းမျဉ်းစည်း ကမ်း၊ လုပ်ထုံးလုပ်နည်းနှင့်အညီ ကိုင်တွယ်ဖြေရှင်းပေးနိုင်ရန် အတွက်လည်းကောင်း ရည်ရွယ်၍ အောက်ပါ ပုဂ္ဂိုလ်များအပါအဝင် မြန်မာနိုင်ငံ အမြုတေစာနယ်ဇင်းကောင်စီကို ဖွဲ့စည်းလိုက်သည်။
မြန်မာနိုင်ငံ အမြုတေစာနုယ်ဇင်းကောင်စီ
(က) ဦးခင်မောင်အေး၊ တရားရုံးချုပ် တရားသူကြီး(ငြိမ်း) – ဥက္ကဋ္ဌ
(ခ) ဒေါက်တာအောင်ထွန်းသက်၊ ကျောင်းအုပ်ကြီး (ငြိမ်း) – ဒုဥက္ကဋ္ဌ(၁) (United Nations System College)
(ဂ) ဒေါက်တာခင်အေး (မောင်ခင်မောင် – ဓနုဖြူ) – ဒုဥက္ကဋ္ဌ(၂) မြန်မာစာ ပါမောက္ခ(ငြိမ်း)
(ဃ) ဒေါက်တာမျိုးသန့်တင် (စာပေ ပညာရှင်) – အဖွဲ့ဝင်
(င) ဒေါက်တာတင်လှိုင် (ဘိုးလှိုင်) စာပေ ပညာရှင် – အဖွဲ့ဝင်
(စ) ဦးခင်မောင်လေး (ဖိုးသောကြာ) – အဖွဲ့ဝင်
(ဆ) ဦးစိုးသိမ်း (မောင်ဝံသ) – အဖွဲ့ဝင်
(ဇ) ဦးသီဟစော (သီဟစော) – အဖွဲ့ဝင်
(ဈ) ဦးအောင်လှထွန်း (ရိုက်တာသတင်းဌာန) – အဖွဲ့ဝင်
(ည) ဦးတင်လှိုင် (လယ်တွင်းသားစောချစ်) – အဖွဲ့ဝင်
(ဋ) ဦးခင်မောင်ထွန်း (ခင်မောင်ထွန်း၊ လမ်းမတော်) – အဖွဲ့ဝင်
(ဌ) ဦးအုန်းမောင် (မြင်းမူမောင်နိုင်မျိုး) – အဖွဲ့ဝင်
(ဍ) ဒေါ်ချိုချိုတင် (မစန္ဒာ) – အဖွဲ့ဝင်
(ဎ) ဒေါက်တာတင်ထွန်းဦး – အဖွဲ့ဝင်
(ဏ) ဒေါက်တာသာထွန်းဦး (တူဒေးမီဒီယာ) – အဖွဲ့ဝင်
(တ) ဦးမြင့်မောင် – အဖွဲ့ဝင်
(ထ) ဦးမောင်မောင်မြင့်အေး – အဖွဲ့ဝင်
(ဒ) ဦးကိုကို (ကိုကို – စက်မှုတက္ကသိုလ်) – အတွင်းရေးမှူး
(ဓ) ဦးမောင်မောင်ဦး (ဟိန်းလတ်) – တွဲဖက်အတွင်းရေးမှူး(၁)
(န) ဒေါက်တာကျော်ဇောနိုင် (မူပိုင်ခွင့်ဆိုင်ရာ ဥပဒေပညာရှင်) – တွဲဖက်အတွင်းရေးမှူး(၂)
အမြုတေစာနယ်ဇင်းကောင်စီနှင့် ပတ်သက်၍ ဝါရင့်သတင်းစာဆရာကြီး ဟံသာဝတီဦးဝင်း တင်က –
“၁၉၆၉ မှာ လုပ်ခဲ့တဲ့ စာနယ်ဇင်းကောင်စီ ဖွဲ့တဲ့အချိန်တုန်းက စစ်အစိုးရ အဲဒီအချိန်တုန်းက တော်လှန်ရေးအစိုးရလို့ခေါ်တဲ့ စစ်အစိုးရက စာနယ်ဇင်းကောင်စီ ဖွဲ့တဲ့အခါမှာ သတင်းစာသမားတွေ၊ စာနယ်ဇင်းသမားတွေရဲ့ ဆန္ဒနဲ့အညီ ဖွဲ့နိုင်သေးရင် အခုဒီမိုကရေစီလို့ အမည်ခံတဲ့ ဒီစစ်တစ်ပိုင်းအစိုးရ ကနေပြီးတော့ ဘာဖြစ်လို့ လူတွေရဲ့ဆန္ဒ၊ စာနယ်ဇင်းလောကကလူတွေ ဦးဆောင်ဦးရွက်ပြီး ဖွဲ့တာမ ဟုတ်ဘဲနဲ့ ဘယ်သူမှမသိတဲ့၊ စာနယ်ဇင်းနဲ့လည်း ဘယ်လိုမှ ပတ်သက်နိုင်စရာအကြောင်းမရှိတဲ့လူတွေ ဘာလို့ထည့်ဖွဲ့တယ်ဆိုတာ ကျနော်နားမလည်ဘူး။ သတင်းစာလောကမှာ လုပ်ခဲ့ဖူးတဲ့လူတစ်ယောက် အနေနဲ့ ပြောရရင်တော့ သတင်းစာလောကရဲ့ အနေအထား၊ အခုသွားနေတဲ့ သုံသဏ္ဌာန်အရတော့ သတင်းစာသမားတွေကို ချုပ်ကိုင်ဖို့ ဒုတိယစာပေစီစစ်ရေးပေါ့ဗျာ။ စာပေကို စီစစ်ရုံတင်မကတော့ဘဲနဲ့ စာပေကို ထိန်းချုပ်ဖို့၊ စာနယ်ဇင်းတွေကို စီစစ်ဖို့မကတော့ဘဲ ထိန်းချုပ်ဖို့ နောက်တခါ စာနယ်ဇင်းသ မားတွေကို ထိန်းချုပ်ဖို့ လုပ်တဲ့ရည်ရွယ်ချက်တွေ ဖြစ်နေတယ်လို့ ကျနော်ကတော့ မြင်တယ်။ အဲဒီလို အဖွဲ့အစည်းမျိုးကို စောစောစီးစီးကနေပြီးတော့ ကန့်ကွက်သင့်တယ်။ စောစောစီးစီးကတည်းက စော ဒကတက်သင့်တယ်လို့ ကျနော် အဲဒီလိုပဲ မြင်တယ်” ဟူ၍ ပြောကြားခဲ့သည်။
ထိုနည်းတူစွာ ကြေးမုံသတင်းစာ ဆရာကြီးကိုကိုကြီးကလည်း –
“ကျနော်ကတော့ ဒီအဖွဲ့ကို လုံးဝ(လုံးဝ) သဘောမတူဘူးဗျာ။ တကယ်ဆိုရင် အသက်မွေးဝမ်း ကြောင်းလုပ်နေတဲ့ စာရေးဆရာတွေ၊ သတင်းစာဆရာတွေ ကိုယ်စားပြုတယ်လို့ ကျနော်မထင်ဘူးဗျာ။ အဲဒီမှာပါနေတာက ကျနော် ရှင်းရှင်းပြောမယ်ဗျာ။ ခရိုနီဂျာနယ်လစ်တွေပဲဗျာ။ အဲဒီလူတွေပဲ။ အဲဒီတော့ ကျနော် လုံးဝ မထောက်ခံဘူး။
နောက်ပြီး အစိုးရ ဖွဲ့စည်းတယ်ဆိုတာကိုက သဘောမကျဘူး။ ဟိုတုန်းကလည်း အစိုးရဖွဲ့ပေး တဲ့စာပေ စာနယ်ဇင်း ဘာညာဆိုတာတွေ ရှိခဲ့တာပဲ။ အစိုးရဖွဲ့တော့ အစိုးရပုသဏ္ဌာန်နဲ့ အစိုးရအလိုကျ လိုက်လုပ်မယ့်သူတွေလိုဗျ။ သတင်းစာဆရာ၊ စာနယ်ဇင်းလောကအတွက် အကျိုးပြုပြီးတော့ လုပ်ပေး တာထက် သူတို့အကျိုးစီးပွားနဲ့ အစိုးရမျက်နှာရဖို့အတွက် လုပ်ကြံမယ့်သူတွေပဲလေ။ ကျနော်တို့က တော့ ဘယ်လိုမှ လက်မခံနိုင်ပါဘူးဗျာ။” ဟူ၍ ဖွင့်ဟခဲ့သည်။
Eleven Media Group ၏ အမှုဆောင်အရာရှိချုပ် ဒေါက်တာသန်းထွဋ်အောင်ကလည်း –
“မြန်မာစာနယ်ဇင်းကောင်စီရော မီဒီယာဥပဒေတွေပါ ဂျာနယ်လစ်တွေကို သေသေချာချာ မပြ ဘဲ အစိုးရဘက်က ဇွတ်အတင်းလုပ်တဲ့အတွက် ပြဿနာတွေအများကြီး ရှိပါတယ်။ ဥပမာ နိုင်ငံ တစ်ချို့မှာ ကောင်စီဥက္ကကိုဋ္ဌ တရားသူကြီးတစ်ယောက်ခန့် ထားတယ်။ အဲဒီနိုင်ငံမှာ တရားစီရင်ရေး စနစ်က ကောင်းမွန်တယ်။ တရားသူကြီးတွေက လူလေးစားခံရသူတွေ၊ သြဇာတိက္ကမရှိသူတွေ ဖြစ် တယ်။ ဒီမှာတော့ တရားစီရင်ရေးစနစ် ချို့ယွင်းနေတာ နှစ် ၄၀ လောက်ရှိပြီး တရားသူကြီး အတော် များများကလည်း ဒီလိုအနေအထားမှာ မရှိဘူး။ ဒီလိုပုံတူကူးချတော့ တလွဲတွေ ဖြစ်ကုန်တာပေါ့။ မီဒီ ယာဥပဒေလည်း ဒီလိုဇွတ်အတင်းလုပ်ရင် ဒီလိုမျိုးပြဿနာတွေ ဖြစ်လာမှာပါပဲ။
စာနယ်ဇင်းကောင်စီဆိုတာ အမိန့်အာဏာနဲ့ ရပ်တည်တာမဟုတ်ဘူး။ ခိုင်မာတဲ့မူဝါဒနဲ့ ပါဝင်တဲ့ သူတွေရဲ့ ကိုယ်ကျင့်သိက္ခာ နာမည်ကျော်ကြား လေးစားခံရမှုတွေနဲ့ သြဇာတိက္ကမရှိရှိ ရပ်တည်တာ။ ကျနော်တို့ ဝင်မလုပ်နိုင်ပေမယ့် စာနယ်ဇင်းလွတ်လပ်ခွင့်ကို အာမခံပြီး လေးစားယုံကြည်လောက်တဲ့ ပုဂ္ဂိုလ်တွေနဲ့ ဖွဲ့စည်းသွားရင် ထောက်ခံဖို့ဝန်မလေးပါဘူး။ အခုလို အစိုးရနဲ့ သတင်းမီဒီယာတွေကြားမှာ မပြေမလည်ဖြစ်ရတာ မီဒီယာဥပဒေရေးဆွဲတဲ့ခေတ် နောက်ပြန်ဆွဲလိုတဲ့ အရာရှိကြီးတချို့ကြောင့် ဖြစ် ပါတယ်။” ဟူ၍ ထောက်ပြခဲ့သည်။
အမြုတေစာနယ်ဇင်းကောင်စီ နှင့်ပတ်သက်၍ ၂၀၁၂ သြဂုတ် ၁၅ ရက်နေ့ထုတ် Weekly Eleven News ဂျာနယ်တွင် Eleven Media Group ၏ သဘောထားကိုလည်း အောက်ပါအတိုင်း ဖေါ် ပြခဲ့သည်။
အမြုတေစာနယ်ဇင်းကောင်စီနှင့်ပတ်သက်သည့် Eleven Media Group ၏ သဘောထား
၁။ စာနယ်ဇင်းအမြုတေကောင်စီတွင် ပါဝင်သောသူများနှင့်ပတ်သက်ပြီး အောက်ပါအချက်များကို သဘောမတူ ပါ။
(က) ဦးဆောင်မည့် ဥက္ကဋ္ဌနှင့် ဒုက္ကဋ္ဌတို့သည် စာနယ်ဇင်းလုပ်ငန်းများနှင့် ဂျာနယ်လစ်များ၏ အရေး ကိစ္စများကို နားလည်ကျွမ်းကျင်သူများ မဟုတ်ပါ။ မြန်မာနိုင်ငံ၏ တရားစီရင်ရေးစနစ်သည်လည်းကောင်း၊ တရားသူကြီးများ၏ ကိုယ်ကျင့်တရားနှင့် ဂုဏ်သိက္ခာပိုင်းသည်လည်းကောင်း၊ ယုံကြည်လက်ခံနိုင်မှုနှင့်ပတ် သက်၍ အများပြည်သူကြား မေးခွန်းထုတ်စရာများရှိနေသည်မှာ အထင်အရှားဖြစ်ပါသည်။ ၎င်းအခြေအနေမျိုး တွင် အငြိမ်းစားတရားသူကြီးတစ်ဦးအား စတုတ္ထမဏ္ဍိုင်အား ထိန်းကွပ်ပေးမည့် ဦးဆောင်ဦးရွက်နေရာတွင်ထား ခြင်းမှာ လုံးဝမလုပ်ဆောင်သင့်သောအရာဟု Eleven Media Group မှ ရှုမြင်ပါသည်။
(ခ) ပါဝင်သောသူအများစုမှာ ယခင်အစိုးရလက်ထက်က စာပေလောကနှင့် အများပြည်သူ၏ ယုံကြည် ကိုးစားမှုမခံရသော စာပေစာနယ်ဇင်းအဖွဲ့မှ အဖွဲ့ဝင်အများစု ဖြစ်နေပါသည်။
(ဂ) ပါဝင်သောသူအချို့မှာ စာနယ်ဇင်းကျင့်ဝတ်နှင့်ပတ်သက်ပြီး လေးစားလိုက်နာခြင်းမရှိဘဲ ကျင့်ဝတ် ကို ဖောက်ဖျက်သော သမိုင်းကြောင်းရှိနေသူများဖြစ်နေသဖြင့် စာနယ်ဇင်းအမြုတေကောင်စီ၏ အဓိကရည်ရွယ် ချက်ဖြစ်သော စာနယ်ဇင်းကျင့်ဝတ်နှင့်ဆိုင်သည့် ထိန်းကွပ်မှုကို လုပ်ဆောင်နိုင်မည်ဟု မယူဆနိုင်ပါ။
(ဃ) စာနယ်ဖင်းကောင်စီတွင် ပါဝင်သောသူများမှာ ဤလောက၌ အလုပ်လုပ်ကိုင်နေထိုင်သော သူ များဖြစ်သဖြင့် Conflict of interest အကျိုးစီးပွားတူပြဿနာများ ဖြစ်ပေါ်လာနိုင်သော အခြေအနေတွင် ရှိနေပါ သည်။ အတွင်းရေးမှူး ဦးကိုကို၊ အဖွဲ့ဝင်များဖြစ်ကြသော ဒေါက်တာသာထွန်းဦး၊ ဦးမောင်မောင်မြင့်အေး၊ ဒေါက်တာတင်ထွန်းဦး၊ ဦးစိုးသိမ်း(မောင်ဝံသ)၊ ဦးသီဟစော(သီဟစော) တို့မှာ ထုတ်ဝေသူများဖြစ်သဖြင့် အကျိုးစီးပွားဆိုင်ရာပြဿနာများ ရှိနိုင်ပါသည်။
၂။ အမြုတေစာနယ်ဇင်းကောင်စီ၏ တာဝန်ဝတ္တရားများနှင့် ပတ်သက်၍ ကြေညာချက်ပါအပိုဒ်(၂)မှ အောက်ပါ အပိုဒ်ခွဲများကို သဘောမတူပါ။
“(ခ) စာနယ်ဇင်းနယ်ပယ်အတွင်းမှ ပုဂ္ဂိုလ်များ၏ ရေးသားဟောပြော ဆောင်ရွက်မှုများသည် တိုင်းရင်း သားပြည်သူများ အကျိုးစီးပွားအား မထိပါအောင် ကာကွယ်စောင့်ရှောက်စေရေး၊ နိုင်ငံတော်၏ဂုဏ်သိက္ခာ မထိ ခိုင်စေရေးနှင့် နိုင်ငံတော်၏အချုပ်အခြာအာဏာ မထိခိုက်စေရေးတို့အတွက် ကြီးကြပ်ဆောင်ရွက်ရန်၊”
အထက်ပါအချက်သည် စာပေစိစစ်ရေးမှ ရေးသားခြင်းကိုသာ စိစစ်ခဲ့သော်လည်း ယခုအမြုတေစာနယ် ဇင်းကောင်စီသည် ရေးသားခြင်းသာမက ဟောပြောခြင်းကိစ္စများကိုပင် ကြီးကြပ်ဆောင်၇ွက်ရန် အခွင့်အာဏာ ကို အလွန်အကျွံပေးထားကြောင်း တွေ့ရှိရပါသည်။ လွတ်လပ်စွာ ရေးသားခွင့်ကိုသာမက ပြောဆိုခွင့်ကိုပါ ထိပါး ထားသည့်အတွက် ၎င်းအဖွဲ့၏တာဝန်တ္တရားသည် စာပေစိစစ်ရေးထက်ပိုဆိုးသော တာဝန်ဝတ္တရားများဖြစ် ကြောင်း တွေ့ရှိရပါသည်။
“(င) စာနယ်ဇင်းကျင့်ဝတ်များကို ရေးသားပြုစုပြဋ္ဌာန်းရန်။
(စ) စာနယ်ဇင်းဆိုင်ရာ အတတ်ပညာနှင့် ကျင့်ဝတ်သိက္ခာများကို စာနယ်ဇင်း နယ်ပယ်အတွင်းမှ ပုဂ္ဂိုလ်များ သိရှိနားလည် လိုက်နာကျင့်သုံးရေးအတွက် လေ့ကျင့်ပညာပေးရန်။”
စာနယ်ဇင်းကျင့်ဝတ်များကို ပြဋ္ဌာန်းရန်အတွက် ပါဝင်သော ပုဂ္ဂိုလ်အချို့၏ ကိုယ်ကျင့်တရားနှင့် စာရိတ္တ များမှာ သံသယဖြစ်ဖွယ်ရှိပါသည်။ မည်သည့်ပုဂ္ဂိုလ်များဖြစ်သည်၊ မည်သည့်အချက်များဖြင့် အကျင့်စာရိတ္တပိုင်း၊ စာနယ်ဇင်းကျင့်ဝတ်ပိုင်း ငြိစွန်းမှုရှိသည်မှာ စိစစ်သင့်သောအရာများ ဖြစ်ပါသည်။
၃။ အမြုတေစာနယ်ဇင်းကောင်စီ၏ လုပ်ပိုင်ခွင့်များမှာ လိုအပ်သည်ထက် ပိုပေးထားသော လုပ်ပိုင်ခွင့်များဖြစ် ကြောင်း အောက်ပါအချက်များအရ တွေ့ရှိရပါသည်။ ၎င်းကြေညာချက်ပါ အပိုဒ်(၃)မှ အပိုဒ်ခွဲများမှာ –
“(က) စာနယ်ဇင်းကောင်စီ၏ စည်းမျဉ်းနှင့် လုပ်ထုံးလုပ်နည်းများ (Regulation & Procedure of the Press Council) ကို ရေးဆွဲပြဋ္ဌာန်းခြင်း။
(င) စာနယ်ဇင်းကျင့်ဝတ်နှင့် မကိုက်ညီသော သတင်းသမားများအား ခေါ်ယူဆွေးနွေးညှိနှိုင်းခြင်း။”
ကျင့်ဝတ်ဟူသော စကားလုံးကို ပိုင်းခြားဆုံးဖြတ်ရာ၌ Bias အဂတိတရားမပါမှုမှာ အလေးထားရမည် ဖြစ်ပါသည်။ ၎င်းအဖွဲ့၌ ပါဝင်သောသူအချို့၏ အဂတိတရားနှင့်ပတ်သက်၍ သံသယဖြစ်ဖွယ်ရှိသော အချက်အ လက်များစွာ ရရှိထားပါသည်။
“(စ) အထက်ဖေါ်ပြပါလုပ်ပိုင်ခွင့်များကို ကျင့်သုံးဆောင်ရွက်ရာ၌ သက်သေခံဥပဒေ၊ ပြစ်မှုဆိုင်ရာကျင့် ထုံးဥပဒေ၊ တရားမကျင့်ထုံးဥပဒေနှင့် တရားမနစ်နာမှုဥပဒေ Tort တို့ပါ ပြဋ္ဌာန်းချက်များနှင့်အညီ ကျင့်သုံး ဆောင်ရွက်ခြင်း။”
ယင်းဥပဒေများ ထည့်သွင်းထားခြင်းမှာ သတင်းဆိုင်ရာဖြစ်ပွားသော ပဋိပက္ခများတွင် လိုအပ်ပါက သက်သေခံစာရွက်စာတမ်းများကို တောင်းယူကြည့်ရှုရန် သက်သေခံဥပဒေကိုလည်းကောင်း၊ သတင်းရေးသား ခြင်းနှင့်ပတ်သက်၍ တရားမကြောင်းအရ တရားစွဲဆိုခြင်းဆိုင်ရာများကို ဖြေရှင်းရာတွင် အထောက်အကူပြုရန် တရားမနစ်နာမှုဥပဒေနှင့် တရားမကျင့်ထုံးဥပဒေတို့ကိုလည်းကောင်း ထည့်သွင်းထားခြင်းဖြစ်သည်။ ထို့ပြင် ဖြစ် ပေါ်လာသည့် သတင်းဆိုင်ရာဖြစ်ပွားသော ပဋိပက္ခများတွင် သမ္မာန်စာထုတ်ဆင့်ခြင်းနှင့် ပြစ်မှုဆိုင်ရာလုပ်ထုံး လုပ်နည်းများ လုပ်ဆောင်ခြင်းတို့ ဆောင်ရွက်နိုင်ရန် ပြစ်မှုဆိုင်ရာကျင့်ထုံးဥပဒေကို ထည့်သွင်းထားသည်ဟု သုံးသပ်ရပါသည်။
“(ဆ) ပေးအပ်သော တာဝန်နှင့် လုပ်ပိုင်ခွင့်များကို သဘောရိုးဖြင့် ဆောင်ရွက်မှုများအတွက် စာနယ် ဇင်းကောင်စီ၊ ကောင်စီအဖွဲ့ဝင်များ သို့မဟုတ် ကောင်စီတာဝန် ပေးအပ်ခြင်းခံရသူများအား ပြစ်မှုကြောင်းအရ သော်လည်းကောင်း၊ တရားမကြောင်းအရသော်လည်းကောင်း တရားစွဲဆိုခြင်းမှ ကင်းလွတ်ခွင့်ရရှိခြင်း။”
ဤအဖွဲ့တွင် ပါဝင်သူအများစုသည် စာရေးဆရာနှင့် ဂျာနယ်လစ်များ ဖြစ်သည်။ ၎င်းတို့အား ပြစ်မှု ကြောင်းအရသော်လည်းကောင်း တရားစွဲဆိုခြင်းမှ ကင်းလွတ်ခွင့်ပေးထားခြင်းသည် ဥပဒေ၏အထက်သို့ ရောက်ရှိနေသည့်အတွက် လက်မခံနိုင်ပါ။
“(ဈ) စာနယ်ဇင်းကျင့်ဝတ် ချိုးဖောက်မှုများနှင့်စပ်လျဉ်း၍ အသိပညာပေးခြင်းနှင့် လိုပ်အပ်သလိုအရေး ယူဆောင်ရွက်ခြင်း။”
စာနယ်ဇင်းကျင့်ဝတ်ဆိုသည်မှာ Moral Values စိတ်ပိုင်းဆိုင်ရာ တန်ဖိုးဖြတ်မှုများသာဖြစ်သည်။ ကျင့် ဝတ်ဖောက်ဖျက်၍ မည်သည့်ဥပဒေနှင့် မည်သည့်အဖွဲ့အစည်းကမှ အပြစ်ပေး၍မရပါ။ ဤသည်ကို ယခုအဖွဲ့မှ အသိပညာပေး၍လိုအပ်သလို အရေးယူဆောင်ရွက်မည်ဆိုသည်မှာ လုံးဝလုပ်ဆောင်သင့်သည့် ကိစ္စမဟုတ်ပါ။ အဆိုပါအဖွဲ့ဝင်များကိုယ်တိုင် ကျင့်ဝတ်နှင့်အညီ နေထိုင်ပါသလားဆိုသည်မှာ ပြန်လည်မေးခွန်းထုတ်စရာဖြစ် နေပါသည်။
၎။ “မြန်မာနိုင်ငံအမြုတေစာနယ်ဇင်းကောင်စီ၏ အဖွဲ့ဝင်များသည် ပြည်သူ့ဝန်ထမ်းတစ်ဦး၏ အခွင့်အာဏာများ ကို ရရှိစေရမည်” ဆိုသည့်အချက်မှာလည်း အာဏာကို လိုအပ်သည်ထက် ပိုပေးထားသလိုဖြစ်နေသည်။ ပြည် သူ့ဝန်ထမ်းများကဲ့သို့ ၎င်းတို့၏တာဝန်ဝတ္တရားများကို နှောင့်ယှက်မှုဟုဆိုပြီး တရားစွဲဆိုခွင့်များ စသည်ဖြင့် အခွင့်အရေးကို မလိုအပ်ဘဲ ပေးထားခြင်းဖြစ်ပြီး စာနယ်ဇင်းကောင်စီအား သတင်းမီဒီယာများက ပြန်လည်ချေပ ရေးသားခြင်း မပြုနိုင်ရန်လည်းကောင်း၊ ပါဝင်သောအဖွဲ့ဝင်များအား ဝေဖန်ခြင်းမပြုနိုင်ရန်ဖြစ်သည်။
မကြာသေးမီက မီဒီယာများအား တရားစွဲဆိုမှုများ၊ ထုတ်ဝေခွင့်ပိတ်ပင်မှုများ၊ စာနယ်ဇင်းသမားများ အား ခေါ်ယူသတိပေးမှုများကို တွေ့ကြုံခဲ့ကြရပါသည်။ ထိုအခြေအနေမျိုးတွင် အမြုတေစာနယ်ဇင်းကောင်စီ အား ဖွဲ့စည်းခဲ့ခြင်းဖြစ်ပါသည်။ ယင်းအဖွဲ့ဖွဲ့စည်းခြင်းကို စာနယ်ဇင်းများအား တိုင်ပင်ခြင်းမရှိဘဲ အစိုးရမှတိုက် ရိုက်ခန့်ထားခြင်းဖြင့် ဖွဲ့စည်းခဲ့ခြင်းဖြစ်ပြီး ယင်းအဖွဲ့သည် စာနယ်ဇင်းလွတ်လပ်ခွင့်ကို အာမခံနိုင်ခြင်းမရှိဟု ယူ ဆပါသည်။ ထို့ပြင် စာနယ်ဇင်းလွတ်လပ်ခွင့်အား နောက်ပြန်သွားစေနိုင်သည့် လုပ်ဆောင်မှုဟုလည်း Eleven Media Group မှ ယူဆပါသည်။ ယခုကဲ့သို့ လုပ်ဆောင်မှုသည် သတင်းမီဒီယာလွတ်လပ်ခွင့်နှင့်ပတ်သက်ပြီး မလလိုလားအပ်သော ရှုပ်ထွေးမှုများဖြစ်ပေါ်စေနိုင်သလို ကန့်သတ်ချုပ်ချယ်ခြင်းများသည် ဒီမိုကရေစီအပြောင်း အလဲအား နောက်ပြန်သွားစေခြင်းများဖြစ်စေနိုင်ပါသည်။ ထို့ကြောင့် အစိုးရအနေဖြင့် ဒီမိုကရေစီအပြောင်းအလဲ အား ရှေ့သို့သွားမည်ဆိုပါက ယခုကိစ္စအား ပြန်လည်စဉ်းစားသုံးသပ်ပေးပါရန် တိုက်တွန်းအပ်ပါသည်။
ယခုကဲ့သို့ အစိုးရမှဦးဆောင်ပြီး စာနယ်ဇင်းအမြုတေကောင်စီ ဖွဲ့စည်းကြောင်း ကြေညာခြင်းနှင့်ပတ် သက်၍ စာနယ်ဇင်းမီဒီယာသမားများ၊ စာနယ်ဇင်းအဖွဲ့အစည်း အသီးသီးကလည်း လက်မခံနိုင်ကြောင်း ဝိုင်း ဝန်းကန့်ကွက်ခဲ့ကြသည်။
စာနယ်ဇင်းကောင်စီတွင် ပါဝင်ကြသူအချို့မှာ ယခင်အစိုးရလက်ထက်က စာပေလောကနှင့် အများ ပြည်သူ၏ယုံကြည်ကိုးစားမှု မခံရသောစာပေနှင့် စာနယ်ဇင်းအဖွဲ့မှ အဖွဲ့ဝင်အများစုဖြစ်ပြီး ဥက္ကဋ္ဌနှင့် ဒုဥက္ကဋ္ဌမှာ လည်း စာနယ်ဇင်းလောက၏ အရးအရာများကို လုံးဝနားလည်သူများ မဟုတ်ကြောင်း ဝေဖန်ထောက်ပြကြ သည်။ ထို့အပြင် ပါဝင်သူအချို့မှာ စာနယ်ဇင်းကျင့်ဝတ်နှင့်ပတ်သက်၍ လေးစားလိုက်နာခြင်းမရှိဘဲ ကျင့်ဝတ်ကို အကြိမ်ကြိမ်ဖောက်ဖျက်ခဲ့သော သမိုင်းနောက်ခံသူများဖြစ်နေခြင်း၊ အချို့စာပေလောကတွင် အစိုးရနှင့်ဝေစား မျှစား လုပ်ကိုင်စားသောက်နေသော စီးပွားရေးသမားများဖြစ်နေခြင်း စသောအချက်များ ထောက်ပြခဲ့ကြသည်။
မြန်မာနိုင်ငံအမြုတေစာနယ်ဇင်းကောင်စီဖွဲ့စည်းနှင့် ကြေညာချက်အပိုဒ်(၃)တွင် ဖေါ်ပြထားသော လုပ် ပိုင်ခွင့်များကို အောက်ပါအတိုင်းပြဋ္ဌာန်းထားသည်။
(က) စာနယ်ဇင်းကောင်စီ၏ စည်းမျဉ်းနှင့် လုပ်ထုံးလုပ်နည်းများ (Regulation & Procedure of The Press Council) ကို ရေးဆွဲပြဋ္ဌာန်းခြင်း။
(ခ) စာနယ်ဇင်းလောက ဖွံ့ဖြိုးရေးကိစ္စများအတွက် လွတ်လပ်စွာဆောင်ရွက်ခြင်း။
(ဂ) နိုင်ငံတကာအဖွဲ့အစည်းများနှင့် အပြန်အလှန် ချိတ်ဆက်ဆောင်ရွက်ခြင်း။
(ဃ) သတင်းသမားများ သတင်းရယူခြင်းနှင့် သတင်းရေးသားရာ၌ ဖြစ်ပွားလာသော ပဋိပက္ခများကို စေ့စပ်ညှိ နှိုင်းပေးခြင်း။
(င) စာနယ်ဇင်းကျင့်ဝတ်နှင့် မကိုက်ညီသောသတင်းသမားများအား ခေါ်ယူဆွေးနွေးညှိနှိုင်းခြင်း။
(စ) အထက်ဖေါ်ပြပါ လုပ်ပိုင်ခွင့်များကို ကျင့်သုံးဆောင်ရွက်ရာ၌ သက်သေခံဥပဒေပြစ်မှုဆိုင်ရာ ကျင့်ထုံးဥပ ဒေ၊ တရားမကျင့်ထုံးဥပဒေနှင့် တရားမနစ်နာမှုဥပဒေ (Tort) တို့ပါ ပြဋ္ဌာန်းချက်များနှင့်အညီ ကျင့်သုံးဆောင် ရွက်ခြင်း။
(ဆ) ပေးအပ်သောတာဝန်နှင့် လုပ်ပိုင်ခွင့်များကို သဘောရိုးဖြင့်ဆောင်ရွက်မှုများအတွက် စာနယ်ဇင်းကောင်စီ၊ ကောင်စီအဖွဲ့ဝင်များ သို့မဟုတ် ကောင်စီတာဝန်ပေးအပ်ခြင်းခံရသူများအား ပြစ်မှုကြောင်းအရသော်လည်း ကောင်း၊
(ဇ) စာနယ်ဇင်းဆိုင်ရာ ကိစ္စရပ်များအတွက် နိုင်ငံတော်အစိုးရသို့ အကြံပြုတင်ပြခြင်း။
(ဈ) စာနယ်ဇင်းကျင့်ဝတ် ချိုးဖောက်မှုများနှင့်စပ်လျဉ်း၍ အသိပညာပေးခြင်းနှင့် လိုပ်အပ်သလိုအရေးယူ ဆောင်ရွက်ခြင်း။
(ည) စာနယ်ဇင်းကောင်စီ၏ လုပ်ငန်းတာဝန်များနှင့် သက်ဆိုင်ရာကိစ္စများအတွက် ပြည်ထောင်စုအစိုးရ အဖွဲ့မှတဆင့် ဆက်သွယ်ညှိနှိုင်းဆောင်ရွက်ခြင်း။
(ဋ) စာနယ်ဇင်း အဆင့်အတန်းမြှင့်တင်ရေးနှင့် လူသားအရင်းအမြစ် ဖွံ့ဖြိုးတိုးတက်ရေးအတွက် အမျိုးသား နိုင်ငံရေးကို ရှေးရှုသည့်သတင်းများ ဖွင့်လှစ်ခြင်းဟူ၍ ဖေါ်ပြထားသည်။
ကြေညာချက်အပိုဒ်(၃)မှ အပိုဒ်ခွဲများဖြစ်သော အပိုဒ်က(က) (င) (စ) (ဆ) (ဈ) တို့နှင့်ပတ်သက်ပြီး စာနယ်ဇင်းသမားများ ဝေဖန်ထောက်ပြကြသည်။
အပိုဒ်(ဆ)တွင် ဖေါ်ပြထားချက်အရ ဤအဖွဲ့တွင်ပါဝင်သူများအား တရားစွဲခြင်းမှ ကင်းလွတ်ခွင့်ပေး ထားခြင်းသည် ဥပဒေအထက်တွင် ရောက်ရှိနေခြင်းကြောင့် လက်မခံနိုင်ကြပေ။
အပိုဒ်(၃)၏ (ဈ)၌ စာနယ်ဇင်းကျင့်ဝတ် ချိုးဖောက်မှုများနှင့်စပ်လျဉ်း၍ အသိပညာပေးခြင်းနှင့် လိုအပ် သလို အရေးယူဆောင်ရွက်ခြင်းဆိုသည်မှာ ယင်းအဖွဲ့သည် အရေးယူအပြစ်ပေးမှုသည် အာဏာပိုင်အဖွဲ့အ စည်းဖြစ်နေရာ အများစုက လက်မခံနိုင်ကြပေ။
Messenger သတင်းဂျာနယ် တာဝန်ခံအယ်ဒီတာ ကိုသူရအောင်က –
“လက်ရှိမှာ ဘယ်အဖွဲ့အစည်းပဲပေါ်ပေါ် စာနယ်ဇင်းလောကကို အကျိုးမပြုရင် မပေါ်ပေါက်စေချင်ဘူး။ ကျွန်တော်တို့ရဲ့ လွတ်လပ်စွာ ထုတ်ဖေါ်ရေးသားခွင့်၊ ပြောဆိုခွင့်တွေကို အကာအကွယ်ပေးမယ့်အဖွဲ့မျိုးကိုပဲ ကျွန်တော်တို့ လိုချင်ပါတယ်။ အရင်အဖွဲ့အစည်းတွေကို အသွင်ပြောင်းထားတဲ့ အဖွဲ့အစည်းမျိုး ကျွန်တော်တို့ မလိုချင်ပါဘူး။ ဘာပဲဖြစ်ဖြစ် ကျွန်တော်တို့ရဲ့ လွတ်လပ်စွာထုတ်ဖေါ်ရေးသားခွင့်ကို အကာအကွယ်ပေးမယ့် အ ဖွဲ့အစည်းဖြစ်စေချင်တယ်။ မဟုတ်ရင် လက်ခံမှာမဟုတ်ဘူး” ဟူ၍ ဝေဖန်ခဲ့သည်။
၈၈ မျိုးဆက်ကျောင်းသားခေါင်းဆောင် ကိုပြုံချိုကလည်း –
“စာနယ်ဇင်းဆိုင်ရာလွတ်လပ်ခွင့်၊ သတင်းလွတ်လပ်ခွင့်တွေ အားနည်းတယ်ဆိုလို့ရှိရင် နိုင်ငံတကာက စောင့်ကြည့်နေတဲ့၊ ပြည်သူတွေက စောင့်ကြည့်နေတဲ့ ပြုပြင်ပြောင်းလဲမှု ထင်သာမြင်သာမှုတွေက အားနည်း လာမှာပဲ။ အဲဒီတော့ အရေးကြီးတဲ့ မဏ္ဍိုင်တစ်ခုရဲ့လှုပ်ရှားမှုကို လွတ်လပ်စွာပေးသင့်သလို အဲဒီမဏ္ဍိုင်က အ ထောက်အကူဖြစ်စေမယ့် အဖွဲ့အစည်းတွေ ဖွဲ့ပြီဆိုလို့ရှိရင်လည်း အားလုံးရဲ့ကိုယ်စားပြုမှု ပါဝင်နိုင်အောင် အရေးတကြီး စဉ်းစားသင့်တယ်။ သတင်းစာလွတ်လပ်ခွင့်၊ သတင်းလွတ်လပ်ခွင့်ဟာ ဒီမိုကရေစီ အသက်သွေး ကြောဖြစ်တယ်။ အင်မတန်မှအရေးကြီးတဲ့ အခန်းကဏ္ဍပ်ဖြစ်တဲ့အတွက် ဒီနယ်ပယ်မှာ ဟန့်တားမှုတွေ၊ ပိတ်ဆို့ မှုတွေနဲ့ ကိုယ်စားပြုမှုတွေ အားနည်းမယ်ဆိုလို့ရှိရင် ကျွန်တော်တို့ ရှေ့ဆက်သွားမယ့် ပြုပြင်ပြောင်းလဲရေးကိစ္စ လမ်းကြောင်းမှာ အဟန့်အတား အနှောင့်အယှက်တွေ အများကြီးဖြစ်စေနိုင်တယ်။ ဒါကြောင့် ကျွန်တော်တို့စိုး ရိမ်တယ်” ဟူ၍ သူ၏အမြင်ကို ပြောပြသည်။
မြန်မာနိုင်ငံ သတင်းစာဆရာအသင်း ဖြစ်မြောက်ရေးကော်မတီ၏ ကြေညာချက်တွင် ပြန်ကြားရေးဝန် ကြီးဌာနနှင့် တွေ့ဆုံစဉ်က အမြုတေစာနယ်ဇင်းကောင်စီ၏ ရည်ရွယ်ချက်နှင့် လုပ်ငန်းစဉ်များတွင် အချို့သော အချက်များသည် စာနယ်ဇင်းကောင်စီအနေဖြင့် လုပ်ဆောင်ရန် မလိုအပ်သော၊ မသင့်တော်သောအချက်များ ပါ ဝင်နေသဖြင့် စာနယ်ဇင်းကောင်စီဖွဲ့စည်းမည့် အစီအစဉ်တွင် မပါဝင်နိုင်ဟု ဆွေးနွေးခဲ့ကြောင်း၊ ထို့နောက် စာ ပေစိစစ်နှင့် မှတ်ပုံတင်ဌာနက ၎င်းတို့ကော်မတီ၏ သဘောထားကို တောင်းခံခဲ့သဖြင့် တိကျစွာရှင်းလင်းတင်ပြ ခဲ့ကြောင်း၊ တာဝန်ရှိသူများက ဖြုတ်ပယ်ရန် တောင်းဆိုသောအချက်များ မပါဝင်စေရဟု ကတိပြုခဲ့ကြောင်း၊ သို့ ရာတွင် ယခုထုတ်ပြန်ကြေညာသော မြန်မာနိုင်ငံ အမြုတေစာနယ်ဇင်းကောင်စီ ဖွဲ့စည်းခြင်းကြေညာချက်၌ ၎င်း တို့တောင်းဆိုထားသော တောင်းဆိုချက်များနှင့် လုံးဝမကိုက်ညီဘဲ လက်မခံနိုင်သည့် အချက်များဖြစ်နေ ကြောင်း၊ စာနယ်ဇင်းသမားများ၏ အကျိုးစီးပွားကို အကာအကွယ်ပေးခြင်း မရှိရုံမျှမက စာနယ်ဇင်းသမားများ အား ကန့်သတ်ထိန်းချုပ်မှုများကိုပါ ဆက်လက်ပြုလုပ်မည့် အစီအစဉ်များဖြစ်သည်ဟု ယူဆနိုင်သဖြင့် ထိုအ ချက်များဖြုတ်ပယ်၍ အများလက်ခံနိုင်မည့်တာဝန်နှင့်ဝတ္တရား နှင့် လုပ်ပိုင်ခွင့်များအဖြစ် ပြင်ဆင်ပြောင်းလဲရန် လိုလားကြောင်း၊ အဆိုပါအချက်များ ပြင်ဆင်ပြောင်းလဲခြင်းမပြုပါက မြန်မာနိုင်ငံသတင်းစာဆရာများအသင်းအ နေဖြင့် စာနယ်ဇင်းကောင်စီတွင် ပါဝင်နိုင်မည်မဟုတ်ကြောင်း ကြေညာခဲ့သည်။
ဝါရင့်သတင်းစာဆရာကြီး ဟံသာဝတီဦးဝင်းတင်က ယခုအဖွဲ့တွင် ပါဝင်သူများအနေဖြင့် ၎င်းတို့ တောင်းချက်များမပါဝင်ဘဲ မလိမ့်တစ်ပတ် အလုပ်ခံခဲ့ရသည်ဆိုလျှင် တုံ့ပြန်သည့်အနေဖြင့် နုတ်ထွက်ရလိမ့် မည်။ အဲဒီမီဒီယာဥပဒေတင်မကလဲ လက်ရှိရှိနေတဲ့ဥပဒေကိုလည်း လက်မခံနိုင်ဘူး။ မီဒီယာသမားတွေ တောင်းဆိုတာတွေ ဖြစ်နေတဲ့အချိန်မှာ ဒီစာနယ်ဇင်းကောင်စီဆိုတဲ့လူများဟာ ဒီဥပဒေကို ကာကွယ်စောင့် ရှောက်တဲ့အလုပ်တွေ လုပ်ရမယ်ဆိုတော့ ဘယ်လိုမှ လက်ခံနိုင်စရာအကြောင်းမရှိဘူး” ဟူ၍ ပြောကြားခဲ့သည်။
သတင်းစာဆရာကြီး ဦးသာဘန်းကလည်း –
“အမြုတေကောင်စီတွင် ပါဝင်သူများအနက် ထိပ်ပိုင်းမှပါဝင်သူများသည် စာနယ်ဇင်းကောင်စီတွင် မကြားဘူးသူများဖြစ်ကြောင်း၊ ဆောင်းပါးရေးရုံဖြင့် သတင်းစာဆရာဟု မသတ်မှတ်နိုင်ကြောင်း၊ အဖွဲ့အစည်းကို ကြီးကြပ်ရုံဖြင့် ၎င်းတို့အဖွဲ့အစည်း၏ အနေအထားကို ခန့်မှန်း၍ရကြောင်း၊ ပုဂ္ဂိုလ်ရေးအရရင်းနှီးသော်လည်း နှစ်ဖက်ချွန်၊ သုံးဖက်ချွန်ဖြစ်နေသောလူများဖြင့် ဖွဲ့စည်းထားသော စာနယ်ဇင်းအမြုတေကောင်စီအား လက်မခံ ကြောင်း” မှတ်ချက်ပြုသည်။
မကြာသေးမီက ပြန်ကြားရေးဝန်ကြီးဌာန ပုံနှိပ်သူများ မှတ်ပုံတင်နှင့် စာပေစိစစ်ဖြန့်ချိရေးလုပ်ငန်းများ ကြီးကြပ်မှုဗဟိုအဖွဲ့သည် ပုံနှိပ်သူနှင့် ထုတ်ဝေသူများ လိုက်နာကျင့်သုံးရမည့် စာပေစိစစ်သူများကို ထုတ်ပြန် လာခဲ့သည်။ ယင်းစာအုပ်နိဒါန်း၌ “မြန်မာနိုင်ငံ လွတ်လပ်ရေးရရှိပြီး ပါလီမန်ဒီမိုကရေစီစနစ်ဖြင့် လျှောက်လှမ်း ခဲ့သော ၁၉၄၈ – ၆၂ခုနှစ် ကာလများတွင် ပုံနှိပ်မီဒီယာလောကများသည် ဝါဒရေး၊ ပါတီရေး၊ ပုဂ္ဂိုလ်ရေးနှင့် ငွေ ကြေးကိစ္စများအပေါ် အခြေခံဆောင်ရွက်မှုများကြောင့် မဏ္ဍိုင်သုံးရပ်အား ထိန်းကျောင်းရမည့် ရင့်ကျက်တည် ငြိမ်သော စတုတ္ထမဏ္ဍိုင်အဖြစ် မှန်မှန်ကန်ကန် ရပ်တည်နိုင်စွမ်းမရှိခဲ့သည့်အတွက် အထိန်းအကွပ်မဲ့ ပရမ်းပတာ ပုံစံဖြစ်ခဲ့သည်ကို တွေ့ရှိရပါသည်” ဟူ၍ ဖေါ်ပြထားသည်။
ယင်းအချက်ကို စာနယ်ဇင်းသမားများက လက်မခံကြပေ။ ဝါဒရေးပါတီနောက်ခံကြောင့် တစ်ဖက်နဲ့တစ် ဖက်ပုတ်ခတ်ပြီး ရေးသည့်သတင်းစာအချို့ ရှိခဲ့သော်လည်း အများစုမှာ စာနယ်ဇင်းကျင့်ဝတ်နှင့် စည်းကမ်းကို လိုက်နာခဲ့ပေသည်။
ထို့ပြင် စာပေစိစစ်ကြီးကြပ်မှုဗဟိုအဖွဲ့ မူ(၁၂)ခုအနက် (ဋ)၌ “ပြည်သူတဦးချင်း၏ ကိုယ်ပိုင်လွတ်လပ် ခွင့်နှင့် ဂုဏ်သိက္ခာကို တိုက်ခိုင်ရေးသားဖေါ်ပြခြင်း မပြုရ” ဟူ၍ ပါရှိရာ အငြင်းပွားဖွယ်ဖြစ်နေလေသည်။ လူတ ဦးတယောက်သည် ကိုယ်ပိုင်လွတ်လပ်ခွင့်ဆိုတာ အကျင့်စာရိတ္တဖောက်ပြန်ခြင်း၊ အာဏာကိုအလွဲသုံးစားပြု၍ လာဘ်ပေးလာဘ်ယူခြင်း၊ လူ့အခွင့်အရေးနှင့် ဥပဒေချိုးဖောက်ပါက တာဝန်သိသည့် စာနယ်ဇင်းသမားတိုင်က ဖေါ်ထုတ်တင်ပြရမည်သာ ဖြစ်သည်။
တဖန် အသေးစိတ်အခြေခံရမည့် အချက်များထဲ၌ – (က) နိုင်ငံရေး ခေါင်းစဉ်အောက်တွင် –
(၄) အဂတိလိုက်စားမှု၊ တရားမဝင်မူးယစ်ဆေးဝါး ထုတ်လုပ်ရောင်းဝယ်မှု အဓမ္မလုပ်အားပေးခိုင်းစေမှု၊ လူကုန်ကူးမှု၊ ကလေးစစ်သား စသောအကြောင်းအရာတို့နှင့်ပတ်သက်၍ သတင်းအရင်းအမြစ်မခိုင်မာဘဲ ရေး သားဖေါ်ပြခြင်းမပြုရ။
(ခ) စီးပွားရေး ခေါင်းစဉ်အောက်တွင် –
(၂) သတင်းအရင်းအမြစ်မခိုင်မာသော စီးပွာရေးဆိုင်ရာ အချက်အလက်များ၊ သတင်း၊ ဆောင်းပါးနှင့် ဓါတ်ပုံများအား ရေးသားဖေါ်ပြခြင်းမပြုရ။
(ဃ) အထွေထွေ အောက်တွင် –
(၁) ဌာနဆိုင်ရာလုပ်ငန်းများ၊ ပုဂ္ဂလိကလုပ်ငန်းများ၏ အားနည်းချက်များအား ထောက်ပြဝေဖန်ရာတွင် အချိန်၊ နေရာ၊ အဖွဲ့အစည်းအမည် စသဖြင့် သတင်းအရင်းအမြစ်နှင့် အထောက်အထား ခိုင်လုံစွာဖေါ်ပြရမည်” ဟူ၍ ပါရှိသည်။
စာနယ်ဇင်းသမားတိုင်းသည် ခိုင်လုံသည့်သတင်းအရင်းအမြစ်မရှိပါကမရေးနိုင်ပေ။ သို့သော် မိမိသတင်း ဆောင်းပါးအတွက် ရရှိသောသတင်းအရင်းအမြစ် နေရာ၊ ဌာန၊ ပုဂ္ဂိုလ် အချက်အလက်များကို စာနယ်ဇင်းကျင့်ဝတ်စည်းကမ်းအရထုတ်ဖေါ်ပြောပြခွင့်မရှိပေ။ထုတ်ဖေါ်ပြောကြားပါကသတင်းအချက်အလက်ပေးသူ၊ ဌာန ဒုက္ခရောက်ရှိသွားနိုင်ပေသည်။
အမျိုးသားခေါင်းဆောင် ဗိုလ်ချုပ်အောင်ဆန်းကိုယ်တိုင် ၁၉၃၆ ခုနှစ်တွင် အိုးဝေမဂ္ဂဇင်း အယ်ဒီတာအ ဖြစ် ဆောင်ရွက်နေစဉ် မဂ္ဂဇင်းအတွဲ(၅)၊ အမှတ်(၁) အင်္ဂလိပ်ကဏ္ဍပ်၌ “Hell Hound at Large” (ငရဲခွေးကြီး လွတ်နေပြီ) ရေးသားသူစာကိုတက္ကသိုလ်အာဏာပိုင်က ထုတ်ဖေါ်ပြောပြောရန် စာနယ်ဇင်းကျင့်ဝတ် အရ ငြင်းဆန်ခဲ့ဖူးသည်။
ဒီမိုကရေစီစနစ်၏ရည်ရွယ်ချက်မှာ လွတ်လပ်သောလူမျိုးတို့သည် အများကောင်းကျိုးအတွက် မိမိတို့၏ အခွင့်အရေးကို လွတ်လပ်စွာအသုံးပြုနိုင်ရန် ဖြစ်သည်။ လူတို့၌ ထိုကဲ့သို့ အများကောင်းကျိုးအတွက် လွတ်လပ် စွာဆောင်ရွက်နိုင်ရန်မှာ အများကောင်းကျိုးနှင့်စပ်လျဉ်းသော သိသင့်သိထိုက်သည့် ကိစ္စရပ်များကို နားလည်မှ သာဖြစ်နိုင်ပေသည်။ ကိစ္စကောင်းဆိုးတို့ကို အုပ်ချုပ်သူအာဏာပိုင်တို့က ထိန်ချန် သတင်းအမှောင်ချထားလို၍ အုပ်ချုပ်သူများ၏အလိုဆန္ဒနှင့် ကိုက်ညီသမျှကိုသာ အသိပေးလိုသောသဘောရှိခဲ့လျှင် ဘယ်သည့်နည်းနှင့်မျှ ဒီမိုကရေစီသဘော သက်ရောက်နိုင်မည်မဟုတ်ပေ။ လွတ်လပ်စွာကန့်ကွက်နိုင်ခွင့်များ မရှိသရွေ့ တိုင်းပြည် ကောင်းကျိုးအတွက် အနစ်နာခံကာ ဆောင်ရွက်နေသည့် ပုဂ္ဂိုလ်များ၏နောက်တွင် အသိဉာဏ်နှင့် အားပေး ထောက်ခံသူများ တည်ရှိနိုင်မည်မဟုတ်ပေ။
အခြားသောအခွင့်အရေးများ ရရှိမှုသည် လွတ်လပ်စွာရေးသားပြောဆိုခွင့် သို့မဟုတ် စာနယ်ဇင်းလွတ် လပ်ခွင့် မည်မျှရှိမရှိအပေါ်၌ များစွာမူတည်နေပေသည်။
ထို့ကြောင့်ပင် ၁၉၆၄ ခုနှစ် ကုလသမဂ္ဂအထွေထွေညီလာခံ ပထမဆုံးအစည်းအဝေးမှာပင် သတင်း လွတ်လပ်ခွင့်သည် အခြေခံအကျဆုံး လူ့အခွင့်အရေးတစ်ရပ်ဖြစ်ပြီး ကုလသမဂ္ဂအဖွဲ့ကြီး အထွက်အမြတ်ပြု ထားသည့် အခြားသောလွတ်လပ်ခွင့်များအားလုံးအတွက် မှတ်ကျောက်လည်းဖြစ်သည်ဟု ဆုံးဖြတ်ကြေညာခဲ့ သည်။
စတုတ္ထမဏ္ဍိုင်ကြံ့ခိုင်မှ တိုင်းပြည်တွင် ဒီမိုကရေစီ ကျန်းမာကြံ့ခိုင်နိုင်ပေမည်။ ကြံ့ခိုင်သန်စွမ်းသော စတုတ္ထမဏ္ဍိုင်ဖြစ်ရန်အတွက် အဓိကလိုအပ်ချက်သည် စာနယ်ဇင်လွတ်လပ်ခွင့်ပင် ဖြစ်သည်။
ပြည်ထောင်စုမြန်မာနိုင်ငံတော် ဖွဲ့စည်းပုံအခြေခံဥပဒေပုဒ်မ ၃၅၄ တွင်လည်း –
“နိုင်ငံသားတိုင်းသည် နိုင်ငံတော်လုံခြုံရေး၊ တရားဥပဒေစိုးမိုးရေး၊ ရပ်ရွာအေးချမ်းသာယာရေး သို့မ ဟုတ် ပြည်သူတို့၏ ကိုယ်ကျင့်တရားအကျိုးငှာ ပြဋ္ဌာန်းထားသည့် ဥပဒေနှင့်မဆန့်ကျင်လျှင် အောက်ပါအခါင့်အ ရေးများကို လွတ်လပ်စွာ သုံးစွဲဆောင်ရွက်ခွင့်ရှိသည်။
(က) “မိမိ၏ယုံကြည်ချက်၊ ထင်မြင်ယူဆချက်ကို လွတ်လပ်စွာထုတ်ဖေါ်ပြောဆိုခွင့်၊ ရေးသားဖြန့်ဝေ ခွင့်” ဟူ၍ ဖေါ်ပြထားရာ ဤသည်မှာ နိုင်ငံသားတို့အတွက်လည်းကောင်း၊ နိုင်ငံတော်အတွက်လည်းကောင်း အသက်တမျှအရေးပါသည့် မူလအခွင့်အရေးတရပ်ကို သတ်မှတ်ပြဋ္ဌာန်းပေးထားခြင်းဖြစ်သည်။
အဆိုပါတန်ဖိုးရှိလှသော အခွင့်အရေးကို စာအုပ်ထဲတွင်သာမကဘဲ တိုင်းပြည်နှင့်လူမျိုးအကျိုးဖြစ်ထွန်း ရေးအတွက် ထိရောက်စွာအသုံးပြုဖို့သည် နိုင်ငံသားတိုင်း၏ တာဝန်ပင်ဖြစ်သည်။
ကိစ္စရပ်တိုင်းကို သိနားလည်ကာ ဝေဖန်ထောက်ခံမှုမရှိခြင်းသည် လူထု၏အသိဉာဏ်ကို ခေါင်းပါးစေ သည်။ လူထု၌အသိဉာဏ်မရှိလျှင် အဂတိလိုက်စားခြင်းကဲ့သို့ မလိုလားအပ်သောဆိုးကျိုးများ ဖြစ်ပေါ်လာတတ် သည်။ အဂတိလိုက်စားမှုကြောင့် လူထု၏စာရိတ္တပျက်ပြားလာသည်။ ထိုအခါ အုပ်ချုပ်ရေးယန္တရားမှာလည်း ကောင်းမွန်စွာ မလည်ပတ်နိုင်တော့ဘဲ ချွတ်ယွင်းပျက်ပြားလာနိုင်ပေသည်။
ကျွန်ုပ်တို့မြန်မာမှု၌ မင်း၊ ပုဏ္ဏား၊ သူဌေး၊ ဆင်းရဲသား ဟုဆိုအပ်သော အမျိုးလေးပါးရှိ၍ ထိုအမျိုးလေး ပါးကို စောင့်ရှောက်ရမည့်တာဝန်မှာ မင်းကျင့်တရား (၁၀)ပါးဖြစ်သကဲ့သို့ စတုတ္ထမဏ္ဍိုင်ဟူသော စာပေလွတ် လပ်မှုကို စောင့်ရှောက်ရန်တာဝန်မှာလည်း ယနေ့ခေတ်တွင် ယဉ်ကျေးသောနိုင်ငံများ ကျင့်သုံးလျက်ရှိသည့် ဒီမိုကရေစီကျင့်စဉ်ပင်မဟုတ်ပါလော။
စာပေသည် ပြည်သူ၏နား၊ ပြည်သူ့မျက်စိ၊ ပြည်သူ့ပါးစပ်ပေါက်နှင့်တူရာ စာပေလွတ်လပ်မှုမရှိသော တိုင်းပြည်မှာ မျက်စိကန်း၊ နားပင်း၊ စားကားမပြောတတ်သောသူများနှင့် မခြားတော့ပေ။
“လွတ်လပ်မှုကို ချစ်မြတ်နိုးမှုသည် တခြားလူများကို ချစ်မြတ်နိုးမှုဖြစ်သည်။ အာဏာကိုချစ်မြတ်နိုးမှု သည် မိမိကိုယ်ဟာကိုယ်ချစ်မြတ်နိုးသည်” ဟူ၍ ဗြိတိသျှစာရေးဆရာ “ဝီလျံဟတ်စလေ”က ဆိုခဲ့ဖူးသည်။
စင်စစ် စာနယ်ဇင်းသမားများသည် လက်ရှိအစိုးရကို ဆီလိုအပေါက်ရှာ၊ လုပ်သမျှကို ဝေဖန်ရှုတ်ချ အပြစ်တင်နေသည် မဟုတ်ပေ။ ဖြစ်နေသောပြဿနာ၊ ကျင့်သုံးနေသောစနစ်၊ မှားယွင်းနေသောမူဝါဒ၊ ဥပဒေ တို့ကို အပြုသဘောဖြင့် သုံးသပ်တင်ပြနေခြင်းသာဖြစ်သည်။
သို့သော် အာဏာပိုင်ပုဂ္ဂိုလ်တိုင်းနှင့် ကိုယ်ကျိုးအတ္တသမားများသည် မိမိအကြောင်း သတင်းစာထဲ၊ ဂျာ နယ်ထဲပါလာသည်ကို ကြိုက်ကြသည်တော့ မဟုတ်ပေ။ အာဏာရှင်စနစ်ကျင့်သုံးနေသော အစိုးရများသည် တိုင်းပြည်၌ ပြည်သူလူထုဘက်မှရပ်တည်၍ အမှန်တရားကိုဖေါ်ထုတ်နေသော စာနယ်ဇင်းသမားများကို ရန်သူ သဖွယ်သဘောထားကာ ၎င်းတို့ရှိနေခြင်းသည် စင်ပြိုင်အစိုးရတရပ်ရှိနေခြင်းနှင့်တူသည်ဟု ခံယူ၍ နည်းမျိုးစုံ ဖြင့် နှိပ်ကွပ်နေကြသည်။ ယင်းတို့သည် ၎င်းတို့လုပ်သမျှ ကိစ္စရပ်တိုင်းကိုထောက်ခံ၍ ၎င်းတို့၏ဘုန်းတော်ဘွဲ့ ထောပနာပြုနေသူများကိုသာ အလိုရှိပေသည်။
ထို့ကြောင့် ပြည်သူလူထု၏အကျိုးကို လိုလားလေဟန်နှင့် စာနယ်ဇင်းများကို ချုပ်ချယ်ထိန်းချုပ်နေခြင်း သည် ဉာဏ်အမြော်အမြင်နည်းပါးသော အစိုးရအတွက် ကောင်းချင်ကောင်းပေလိမ့်မည်။ သို့သော် တိုင်းပြည် နှင့်လူထုအတွက်ကား ရင်လေးစရာပင်ဖြစ်သည်။ ဤအချက်ကို သိမ်းစွန်ရဲတို့၏ဇွဲမာန်ကို စာသူငယ်မသိနိုင်သ ကဲ့သို့ “ဘယ်သူသေသေ ငတေမာလျှင်ပြီးရော”ဟူ၍ သဘောထားကာ အာဏာမာန်ယစ်ကာ ထင်တိုင်းကြဲနေ သော အုပ်ချုပ်ရေးအာဏာပိုင်တို့သည် နားလည်မည်မဟုတ်ပေ။
“လူတိုင်းလူတိုင်းသည် အများကောင်းကျိုး၊ ဆိုးကျိုးနှင့်သက်နိုင်သော ကိစ္စရပ်များကို သိပိုင်ခွင့်ရှိသည်။ မိမိထင်မြင်ချက်ကို စာနယ်ဇင်းများမှ ထုတ်ဖေါ်ခွင့်ရှိသည်။ မိမိရသင့်ရထိုက်သောအခွင့်အရေးကို တရားသဖြင့် တောင်းဆိုပိုင်ခွင့်ရှိသည်”ဟူ၍ လူထုအလိုရှိသောသတင်းစာ စာအုပ်ကို ပြုစုခဲ့သော ကင်စလေမာတင် (Kingsley Martin)က ဆိုခဲ့ဖူးသည်။
လွတ်လပ်စွာပြောဆိုင်ခွင့်၊ ရေးသားခွင့်မပေးဘဲ လူထု၏ပါးစပ်နှင့်လက်ကို ထိန်းချုပ်ထားခြင်းသည် လွတ်လပ်စွာတွေးခေါ်လိုသောစိတ်ကို အကျဉ်းချထားသည်နှင့်တူပေသည်။
တနည်းဆိုရသော် စာနယ်ဇင်းလွတ်လပ်ခွင့်သည် လူတဦးစီ၏အခွင့်အရေး၊ ကျန်းမာသန်စွမ်းသော လူ့အဖွဲ့အစည်း၏ အခြေခံအုတ်မြစ်နှင့် လူမှုပြုပြင်ပြောင်းလဲရေးအင်အားစု၏ ဒေါက်တိုင်ကြီးသဖွယ် ဖြစ်နေပေ သည်။
ယင်းကြောင့်လည်း ဝါရင့်သတင်းစာဆရာကြီး ဦးဝင်းတင်က စာနယ်ဇင်းသမားတွေအနေနဲ့ အမှန်တ ရားချည်းရေနေရုံနဲ့မပြီးဘူး၊ အမှားတရားတွေကိုလည်း ထုတ်ဖေါ်တူးစွပြီးရေးရမည်”ဟု ဆိုခဲ့ပါသည်။ ထို့နည်းတူ စွာ Centre for Law and Democracy အမှုဆောင်ညွန်ကြားရေးမှူး မစ္စတာတိုအီအန်ဒဲလ် ကလည်း-
“စာပေလွတ်လပ်ခွင့်ဆိုတာ အခြာဘယ်လွတ်လပ်ခွင့်မှ ဒီလောက်အရေးမပါပါဘူး။ သတင်းအချက်အ လက်ဆိုတာ ဒီမိုကရေစီရဲ့ အောက်စီဂျင်ဖြစ်ပြီး၊ အဲဒီအောက်စီဂျင် ဆက်လက်တည်မြဲဖို့ဆိုတာ စာပေလွတ်လပ် ခွင့်က အဓိကကျတယ်” ဟု ဆိုခဲ့သည်။
စာပေလွတ်လပ်ခွင့်ကို မည်သည့်ရှုထောင့်မှပင် ကြည့်ကြည့် နိုင်ငံ့ကောင်းကျိုးကို ဆောင်သည်ချည်း ဖြစ်သည်။
သို့သော် လက်ရှိအရပ်သားအရေခြုံအစိုးရသည် ၎င်းတို့၏အာဏာအလွဲသုံးစားမှုများ၊ ကိုယ်ကျိုးရှာမှု များ၊ ရဟန်းရှင်ပြည်သူလူထုအပေါ် ဥပဒေမဲ့ရက်စက်စွာ နှိပ်ကွပ်ခဲ့မှုများ၊ လူ့အခွင့်အရေးချိုးဖောက်မှုများ၊ လာဘ်ပေးလာဘ်ယူမှုများ ဘူးပေါ်သလိုပေါ်သွားမည်ကို အကြောက်ကြီးကြောက်နေသည်မှာ ထင်ရှားပေသည်။ ထို့ကြောင့် စာနယ်ဇင်းများအပေါ်၌ နည်းပေါင်းစုံဖြင့်ထိန်းချုပ်ရန် ခေတ်အဆက်ဆက်ကြိုးပမ်းခဲ့ကြသည်။
နောက်ကြောင်းပြန်မလှည့်ပါဘူးဟု ကမ္ဘာသို့ အကြိမ်ကြိမ်ဟစ်ကြွေးနေသော်လည်း ဥပဒေမဲ့ ထင်သလို ရမ်းကားအုပ်ချုပ်နေသော အာဏာရှင်အစိုးရ၏ ဖိနပ်အောက်၌ လူထုတရပ်လုံးသည် ထိတ်လန့်တုန်လှုပ်နေ သည်မှာ မဆန်းလှပေ။ မြွေပွေးမြွေဟောက်များကို မိမိတို့ခါးပိုက်ထဲ ပိုက်ထားမိလျှင်လည်း လူတို့ကြောက်ကြ မည်မှာ ဓမ္မတာပင်ဖြစ်သည်။ သို့သော် ကြောက်လို့ကောင်းသည် မဟုတ်ပေ။ ကြောက်တတ်လျှင် ဝန်မကင်းဘဲ ဝန်ပိတတ်သည်ကို ဆင်ခြင်သင့်ပေသည်။ မတရားသော အမိန့်အာဏာ လူထုအား အမျိုးမျိုးဖိနှိပ်ထားသော ဥပဒေများကို ဖီဆန်ဆန့်ကျင် ဖျက်သိမ်းမှသာလျှင် လူတိုင်းသည် “အိပ်နိုးချမ်းသာ” ဘဝကို ရရှိပေမည်။
မည်သို့ဆိုစေ အဂတိလိုက်စားမှု၊ လူ့အခွင့်အရေးချိုးဖောက်မှု၊ အာဏာအလွဲသုံးစားမှု၊ ငါနှင့်ငါ့ဆွေမျိုး ကောင်းစားရေးမူဝါဒများ ခေါင်းမထောင်လာစေရန်အတွက် အာဏာရှင်ဆိုးတို့၏ အမှားတရားများကို ဖေါ်ထုတ် တူးစွကာ အပြစ်ရှိသူများကို တရားဥပဒေ၏ရှေ့မှောက်အရောက် ပို့ပေးရမည့်တာဝန်မှာ စာနယ်ဇင်းသမားတိုင်း ၏ သမိုင်းပေးတာဝန်ပင် ဖြစ်ပေသည်။ ထို့ပြင် စာနယ်ဇင်းလောကအား ထိန်းချုပ်ရန်အတွက် ခေတ်ပျက်စာနယ် ဇင်းသမားအတုများ၊ စီးပွားရေးကပ်ပါးများ၊ အလံရှူးဂျာနယ်သမားများ၊ အစိုးရလက်ကိုင်တုတ် အရာရှိများ၊ ဥပ ဒေသမားများ၊ လက်ရှိအာဏာပိုင်များ ပူးပေါင်း၍ မကြာမီပြဋ္ဌာန်းတော့မည့် စာပေလွတ်လပ်ခွင့်အား နားလှည့် ပါးရိုက်မည့် ပုံနှိပ်မီဒီယာဥပဒေနှင့် ဆိတ်ခေါင်းကိုချိပ်၍ ခွေးသားရောင်းစားမည့် အမြုတေစာနယ်ဇင်းကောင်စီ ကို တော်လှန်ရေးသတိဖြင့် ဝိုင်းဝန်းကန့်ကွက် ရှုတ်ချဆန့်ကျင်ကြပါဟု ကြေညာမောင်းခတ် တိုက်တွန်းလိုက်ပါ သည်။
သန်းဝင်းလှိုင်
၁၉ – ၈ – ၂၀၁၂
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
