တောင်သူအကျိုးလိုးလားသူ၊ ဇူလိုင် ၂၈၊ ၂၀၁၂
နိုင်ငံတော်အစိုးရနှင့် လွှတ်တော်များ၏ စေတနာကြောင့် ၂၀၁၂ခုနှစ် လယ်ယာမြေဥပဒေကြီးပေါ်ထွက်လာပါသည်။ ထိုဥပဒေကြောင့် လက်ငင်းအကျိုးကျေးဇူးခံစားရသူများမှာ တောင်သူလယ်သမားများ မဟုတ်၊ သက်ဆိုင်ရာဌာန၀န်ထမ်းများသာ ဖြစ်ပေသည်။ လယ်ယာမြေဥပဒေအရ လယ်ယာမြေများကို မှတ်ပုံတင်ပြုလုပ်ရမည် ဖြစ်သည်။ ထိုသို့မှတ်ပုံတင်ပြုလုပ်ရန်အတွက် လယ်ယာမြေများကို မှန်ကန်မှုရှိ၊ မရှိ ကွင်း ဆင်း စစ်ဆေးရသည်။
ထိုသို့စစ်ဆေးမှုကိုအကြောင်းပြုပြီး တောင်သူများထံမှ ငွေကြေးများကို မရိုးမသား တောင်းယူလျှက်ရှိပါသည်။ ထိုငွေကြေးများသည် တရားဝင်မှတ်ပုံတင်ပြုလုပ်ခ ပေးဆောင်ရမှုအတွက် မဟုတ်ကြောင်းကို ရိုးသားသော တောင်သူများက မသိရှိကြပေ။ မှတ်ပုံတင် ပြုလုပ်လျှင်လည်း သတ်မှတ်ထားသောမှတ်ပုံတင်ခများကို တောင်သူများမှ ထပ်မံပေးဆောင်ရအုံးမည် ဖြစ်ပါသည်။ ထို့အတွက် တောင်သူများမှာမိအေး နှစ်ခါနာဖြစ်နေရပြီး ဖြစ်ပေါ်လာသောဥပဒေကြောင့် လတ်တလော ကောင်းစားသူများမှာ သက်ဆိုင်ရာဝန်ထမ်းများသာဖြစ်ပေသည်။
ဥပမာ – ဟင်္သာတမြို့နယ်၊ ကံ့ကော်တော၊ လဟာကျော် ကျေးရွာအုပ်စုများတွင် ကျေးရွာအုပ်ချုပ်ရေးမှူး ဦးစိုးနိုင်နှင့် မြေတိုင်းစာရေး ဦးမင်းဇော်လတ် (ခ) ပေါက်ဆီ တို့သည် ကျေးရွာခွဲအလိုက် တောင်သူများအား မဖြစ်မနေ အပိုင်လူကြီးအိမ်သို့ဆင့်ခေါ်ပြီး လယ်နာမည်ပြောင်းခိုင်းပါသည်။ ထိုလုပ်ငန်း များဆောင်ရွက်ရာတွင် မိန်းခလေးတစ်ဦးပါရှိပြီး ကျွန်တော်တို့တောင်သူများမှ ထိုမိန်းခလေးအား သက်ဆိုင်ရာဌာန၀န်ထမ်းတစ်ဦးဖြစ်သည်ဟု ထင်ထားသော်လည်း ထိုမိန်းခလေးသည်မြေတိုင်းစာရေး၏ ကောင်မ လေး (တက္ကသိုလ်မှ ၀န်ထမ်းတစ်ဦး) ဖြစ်နေမှန်း နောက်မှသိရှိရပြီး၊ လယ်တစ်ဧအတွက် ပေးဆောင်ရန်ငွေကြေးများကို တွက်ချက်ယူပါသည်။
လယ်သမားတစ်ဦးလျှင် အနည်းဆုံး ၁၅၀၀၀ ကျပ်ဖြစ်သောကြောင့် ပျမ်းမျှလယ်သမား (၁၀၀) ဦးခန့် ရှိ သောကြောင့် ရရှိသောငွေ ပမာဏအား မည်ကဲ့သို သုံးစွဲမည်ကိုမသိရှိရပါ။ ထိုကဲ့သို့သော နည်းလမ်းမမှန်သော ငွေကြေးများတောင်းခံမှုကို အခြားဌာနမှဝန်ထမ်းတစ်ဦး၏ရှေ့တွင် ဆောင်ရွက်ခြင်းသည် အခြားဌာနများသို့လည်း ကူးစက်ရောက်ရှိနိုင်ပါသည်။
ထိုလယ်သမားများသည် မသိနားမလည်ပြီး ပေးလိုက်ခြင်း၊ ကြောက်သောကြောင့် ပေးလိုက်ခြင်း ဖြစ်ပါသည်။ ထိုသို့ အမည်ပြောင်းရွှေ့ပြီးနောက် မကြာခင်မှာပင် လယ်ယာမြေဥပဒေပေါ်ပေါက်လာခဲ့ပြီး နောက်ထပ် မှတ်ပုံတင်ခများ ပေးဆောင်ရအုံးမည် ဖြစ်သည်အတွက် နစ်နာသူများမှာ လယ်သမားများသာဖြစ်ပါသည်။
ထို့အတူ အိုင်ဇောက်ကျေးရွာအုပ်စုနှင့် အင်းဓ၀ယ်ကျေးရွာအုပ်စုများတွင်လည်း အလားတူ ကိစ္စရပ်များရှိသောကြောင့် မြန်မာနိုင်ငံတစ်ဝန်းလုံးတွင်လည်း ထိုသို့သော လယ်သမားများ နစ်နာ စေမည့်ကိစ္စရပ်များ ဖြစ်ပေါ်နေမည်မှာ အမှန်ပင်ဖြစ်ပေသည်။
လယ်သမားများအကျိုးကိုရှေးရှုပြီး လက်ငင်းဖြစ်ပေါ်နေသောကိစ္စများကို ဖော်ပြလိုက်ပါသည်။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
