ဟံသာဝတီ ဦးဝင်းတင် အင်တာဗျူး ဦးဝင်းတင်

Interview with U Win Tin – ပြည်ထောင်စု၊ လူထုရဲ့ နိုင်ငံရေးရေချိန်နဲ့ ရွေးကောက်ပွဲသို့ သွားရာလမ်း

ဦးဝင်းတင်နဲ့ မေးခွန်းများ – ပြည်ထောင်စု၊ လူထုရဲ့ နိုင်ငံရေးရေချိန်နဲ့ ရွေးကောက်ပွဲသို့ သွားရာလမ်း

မိုးမခ၊ ဖေဖော်ဝါရီ ၁၂၊ ၂၀၁၂

အင်တာဗျူး အပုိုင်း ၁၊ ပြည်ထောင်စု

ပြည်ထောင်စုနေ့  ၆၅ နှစ်မြောက် နှစ်ပတ်လည်မှာ တိုင်းရင်းသားတွေနဲ့ အားလုံးအတူတကွ စစ်မှန်သော ပြည်ထောင်စုတည်ဆောက်ရေး အခြေအနေ၊ အလားအလာကို ဘယ်လို ပြောချင်သလဲ ဆရာ။

အရင်တုန်းကတော့ တိုင်းရင်းသားတွေနဲ့ စစ်အစုိုးရတွေကြားမှာ အပစ်အခတ်ရပ်စဲရေးတွေပဲ လုပ်ခဲ့ကြတယ်။ အပစ်အခတ်ရပ်စဲရေး ကာလတွေကို ကျော်ဖြတ်ခဲ့တယ်။ ဒါဟာ တုိုင်းရင်းသားနယ်မြေတွေမှာ သေနတ်သံတွေ တိတ်နေတာ ကောင်းပါတယ်။ ဒါပေမယ့် အပစ်အခတ်ရပ်စဲရေးဆိုတာဟာ တိုင်းရင်းသားတွေနဲ့တကွ ပြည်ထောင်စုကြီးတခုလုံးက လိုလားတဲ့ ငြိမ်းချမ်းရေး၊ နို်င်ငံရေးအရ အဖြေရှာရေးဆိုတာတွေအတွက် အဖြေမဟုတ်သေးဘူး။ တိုင်းရင်းသားတွေနဲ့အတူတူ ကျနော်တို့ အင်န်အယ်ဒီပါတီအပါအ၀င် နိုင်ငံရေးအင်အားစုတွေ အားလုံးလိုလားတာကတော့ ငြိမ်းချမ်းရေးနဲ့ စစ်မှန်သော ပြည်ထောင်စုကြီး အတူတကွ တည်ဆောက်ကြရေးပဲ ဖြစ်ပါတယ်။ အခုအချိန်မှာ အားလုံးက သဘောပေါက်နားလည်ပြီး ဒီကိုပဲ ဦးတည် ဆောင်ရွက်လာကြပြီလို့ ပြောချင်ပါတယ်။

ပြည်ထောင်စုကြီးကို အတူတကွ ထူထောင်ပြီး သာတူညီမျှ အတူတကွနေထိုင်ကြမယ်လို့ တိုင်းရင်းသားတွေ အားလုံးက ပင်လုံစာချုပ်နဲ့ သဘောတူဆုံးဖြတ်ခဲ့ကြတယ်။ အဲသည်ကနေ ၁၉ ၄၇ ခုနှစ် အခြေခံဥပဒေပေါ်ထွန်းလာတယ်။ အဲသည်ကနေ ကျနော်တို့ မြန်မာတိုင်းရင်းသားတွေ ဘယ်လိုမျိူး အပြောင်းအလဲတွေကို ရင်ဆုိုင်လာခဲ့ကြသလဲ ဆရာ။

၁၉ ၄၇ အခြေခံဥပဒေပေါ် အခြေခံပြီး ပြည်ထောင်စုကို ထူထောင်ခဲ့တယ်။ နောက်တော့ ၁၉၇၄ အခြေခံဥပဒေတရပ် ပေါ်ထွန်းလာတယ်။ အခုအချိန်မှာ ၂၀၀၈ အခြေခံဥပဒေနဲ့ ဆက်လက်ပြီး အုပ်ချုပ်စီမံနေကြတယ်။ ဘယ်လိုပဲ အခြေခံဥပဒေတွေပဲ ရှိခဲ့ ရှိခဲ့၊ အဲသည်တလျောက်မှာ ပြည်ထောင်စုတိုင်းရင်းသားတွေ အားလုံးအတွက် ငြိမ်းချမ်းတဲ့ ဒီမိုကရေစီင်္လူ့အဖွဲ့အစည်းပေါ်ထွန်းနိုင်ဖို့ ချို့ယွင်းခဲ့တယ်၊ ချို့တဲ့ခဲ့တယ်။ ပျက်ယွင်းခဲ့တယ်။ အထူးသဖြင့်ကတော့ တိုင်းရင်းသားပြည်သူတွေရဲ့ မျှော်လင့်ချက်တွေ၊ ယုံကြည်ချက်တွေကို ဖြည့်စွမ်းပေးနိုင်ခြင်း မရှိခဲ့ဘူး။ လက်နက်ကိုင်ပဋိပက္ခတွေနဲ့ ရင်ဆိုင်ခဲ့ကြရတယ်။ ဒီနေ့ပြည်ထောင်စုကနေပြီး ဆက်လက် တောင်းဆိုဖော်ဆောင်ရမှာကတော့ စစ်မှန်သော ပြည်ထောင်စုတည်ဆောက်ရေးပဲ ဖြစ်ပါတယ်။

အဲသည်လို စစ်မှန်သော ပြည်ထောင်စုတည်ဆောက်ရေးအတွက် အပစ်ရပ်ထားနိုင်ရုံနဲ့ ဖော်ဆောင်နိုင်ပြီလို့ ပြောလို့ မရဘူးပေါ့ ဆရာ။

အပစ်အခတ်ရပ်စဲတာထက် စစ်မှန်သောပြည်ထောင်စုစနစ် ဖော်ဆောင်တည်ဆောက်နိုင်ရေးအတွက် နိုင်ငံရေးအားဖြင့် တွေ့ဆုံဆွေးနွေး အဖြေရှာကြဖို့ ဖြစ်တယ်လို့ ပြောချင်ပါတယ်။ အခုအချိန်မှာ ၂၀၁၁ နှစ်ကတည်းက စတင်ခဲ့တဲ့ လက်ရှိဦးသိန်းစိန်အစုိုးရနဲ့ တိုင်းရင်းသားလက်နက်ကိုင်အဖွဲ့တွေအသီးသီးနဲ့ အပစ်အခတ်ရပ်စဲရေးတင်သာမကပဲ နိုင်ငံရေးအရ တွေ့ဆုံဆွေးနွေးအဖြေရှာရေးတွေ လုပ်လာတာကို တွေ့ရတယ်။ အခု ၂၀၁၂ နှစ်သစ်အတွင်းမှာလည်း အဖွဲ့အတော်များများနဲ့ အကောင်အထည်ဖော်နေတာကို တွေ့ရပါတယ်။ ပြည်နယ်အဆင့် တိုင်းဒေသအဆင့် တွေ့ဆုံကြတယ်။ နောက်တော့ ပြည်ထောင်စုအဆင့် ဆွေးနွေးညှိနှိုင်းတာတွေ လုပ်တာကို တွေ့ရပါတယ်။ အခုဆိုရင် လွတ်လပ်ရေးခေတ်ဦးကာလကတည်းက လက်နက်ကိုင်တော်လှန်တိုက်ခိုက်နေတဲ့ ကရင်အမျိုးသားအဖွဲ့အစည်းတွေကိုယ်တိုင်နဲ့ နိုင်ငံရေးအရ အဖြေရှာဖို့ ကြိုးစားတဲ့ အဆင့်ရောက်လာတာကို တွေ့ရပါတယ်။

ဒေသအဆင့်နဲ့ တိုင်းရင်းသားအဖွဲ့အလိုက် ဆွေးနွေးတာတွေက အကျိုးရှိတယ်လို့ ဆရာက ထင်မြင်ပါသလား။

ကရင်ပြည်နယ်၊ ရှမ်းပြည်နယ်၊ ကချင်ပြည်နယ် စသည်ဖြင့် ဒေသအလိုက် အခြေအနေတွေ၊ လိုအပ်ချက်တွေအပေါ် မူတည်ပြီး သဘောတူညီချက်တွေ ရယူတာတွေ၊ လက်နက်ကိုင်အဖွဲ့အစည်း တခုချင်းစီအလိုက် သဘောထားတွေ၊ တောင်းဆိုချက်တွေအပေါ် မူတည်ပြီး သိရှိအောင် နားလည်အောင် လုပ်နေကြတာ ဖြစ်တယ်လို့ မြင်တွေ့ရပါတယ်။ အဲဒီကနေပြီးတော့ ပြည်ထောင်စုအဆင့် ဆွေးနွေးပွဲတွေ ဖြစ်လာရင် နိုင်ငံရေးအရ အားလုံး စုပေါင်းအဖြေရှာကြမယ့် အဆင့်ကို ဖော်ဆောင်လာနိုင်မယ်လို့ မျှော်လင့်ပါတယ်။ စစ်မှန်သောပြည်ထောင်စု တည်ဆောက်နိုင်ရေးအတွက် ညှိနှိုင်းအဖြေရှာမှုတွေ လုပ်နိုင်လိမ့်နမယ်လို့  ထင်မြင်ပါတယ်။

တိုင်းရင်းသား လူမျိုးတွေ ဒေသတွေ အားလုံးကြားမှာ၊ ပြည်နယ် ပြည်မ ဆိုတာတွေ ကြားထဲမှာ ဘယ်လို တန်းတူညီမျှမှုမျိုး တည်ဆောက်နိုင်မယ်လို့ ဆရာက မျှော်လင့်ပါသလဲ ဆရာ။

တန်းတူညီမျှမှု ဆိုတာက ပြည်နယ် ပြည်မ တန်းတူညီမျှ၊ နိုင်ငံရေးအားဖြင့်၎င်း၊ လူမျိူးရေးအားဖြင့်၎င်း၊ အုပ်ချုပ်ရေးအားဖြင့်၎င်း နေရာတိုင်းမှာ အဆင့်ဆင့်တိုင်းမှာ တန်းတူညီမျှမှုတွေ ရှိရမှာ ဖြစ်ပါတယ်။ အဲသည်အတွက် တိုင်းရင်းသားတွေအားလုံးမှာ ကိုယ့်ကြမ္မာကိုယ် ဖန်တီးခွင့် အာမခံချက်ပေးနိုင်ဖို့ ဖြစ်ပါတယ်။ ကိုယ်ပိုင်ပြဋ္ဌာန်းခွင့်တွေ ရရှိကြဖို့ ဖြစ်ပါတယ်။

အဲသည်တော့ ၂၀၀၈ အခြေခံဥပဒေမှာ ကိုယ်ပိုင်ပြဋ္ဌာန်းခွင့်ဆိုတာထက် ကိုယ်ပိုင်အုပ်ချုပ်ခွင့်ရ နယ်မြေဆိုပြီး သီးခြားသတ်မှတ်နယ်မြေတွေလည်း ရှိသေးတယ် ဆရာ။ ဒါတွေက တန်းတူညီတူဖြစ်မှုကို ပြသတာ ဟုတ်ရဲ့လား။

အဲဒါကို ကျနော် ထောက်ပြချင်တယ်။ တိုင်းရင်းသားနယ်မြေတွေအချို့ကို အခု ၂၀၀၈ အခြေခံဥပဒေထဲမှာ ကိုယ်ပိုင်အုပ်ချူပ်ခွင့်ရတဲ့ နယ်မြေတွေဆိုပြီး သတ်မှတ်ထားတယ်။ ၀တို့ ပလောင်တို့ နာဂတို့ စသည်ဖြင့်ပေါ့။ တိုင်းရင်းသားတွေရဲ့ မျှော်လင့်ချက်က ကိုယ်ပိုင်ပြဋ္ဌာန်းခွင့် ဖြစ်တယ်။ အုပ်ချုပ်ခွင့်သက်သက် မဟုတ်ဘူး။ နိုင်ငံရေးအရ တွှေ့ဆုံဆွေးနွေးကြပြီး ရရှိတဲ့ အဖြေတွေအပေါ်မူတည်ပြီးတော့ ကိုယ့်ဖာသာကိုယ် ပြဋ္ဌာန်းခွင့်တွေ ရှိနိုင်ဖို့၊ အဲသည်ကနေပြီး အုပ်ချုပ်ခွင့်တွေ အဆင့်ဆင့်တွေ ရှိဖို့ လိုတယ်လို့ မြင်ပါတယ်။

အဲသည်အတွက် တိုင်းရင်းသားတွေ အားလုံး ပါဝင်ဆွေးနွေးညှိနှိုင်းမှုတွေ အများကြီး လိုအပ်တာပေါ့ဆရာ။

ကိုယ့်ဖာသာကိုယ် ပြဋ္ဌာန်းခွင့်၊ ကိုယ့်ကြမ္မာကိုယ် ဖန်တီးနိုင်ခွင့်၊ တန်းတူညီမျှဖြစ်ခွင့်ဆိုတာတွေကို အဆင့်တိုင်းမှာ နေရာတိုင်းမှာ အားလုံးက တွေ့ဆုံဆွေးနွေးပြီး ဘာတွေလဲ ဘာတွေကို ဘယ်လို အဓိပ္ဗါယ် သတ်မှတ်ကြမလဲ။ ဘယ်လို သဘောတူညီကြသလဲဆိုတာ ဖော်ထုတ်ကြဖို့ လိုပါတယ်။ လွန်ခဲ့တဲ့ နှစ်ပေါင်းများစွာကတည်းက ကျနော်တို့တိုင်းပြည်ကို တိုင်း ၇ တိုင်း၊ ပြည်နယ် ၇ နယ် သတ်မှတ်ခဲ့တာမှာလည်း ဘယ်လိုမျိုး သာတူညီမျှခွင့်တွေ၊ ပြည်နယ် ပြည်မ တန်းတူညီမျှခွင့်တွေ ရှိသလဲဆိုတာတွေကိုပါ ဆွေးနွေးကြရလိမ့်မယ် ထင်ပါတယ်။ အခုအချိန်မှာ တုိုင်းရင်းသားတွေနဲ့လက်ရှိအစုိုးရနဲ့ နိုင်ငံရေးအရ ဖြေရှင်းမယ်၊ အဖြေရှာမယ်ဆိုတဲ့ Political Process ဖော်ဆောင်နေကြတာကို တွေ့နေရပြီ ဖြစ်ပါတယ်။ လက်နက်ကိုင် မဖြေရှင်းကြပဲ နားလည်မှု၊ သဘောထားကြီးမှု၊ အပြန်အလှန်လေးစားမှုတွေနဲ့ ပြည်ထောင်စုကြီး တခုလုံးရဲ့ ရေရှည်အကျိုးစီးပွားကို ကြည့်ပြီး ဆက်လက်ဖော်ဆောင်ကြဖို့ မျှော်လင့်တယ်လို့ အခုလို ပြည်ထောင်စုနေ့မှာ ပြောကြားလိုပါတယ်။

လက်ရှိပြည်ထောင်စုကြီးထဲကို တိုင်းရင်းသားတွေကို အတင်းဇွတ်သွင်းနေတယ်၊ ဒါမျိုးလည်း ပြောကြတာမျိုး ကြားနေရတယ်ဆရာ။ အခုစနစ်ကြီးကနေ စစ်ကျွန်အဖြစ် အားလုံးကို ဇာတ်သွင်းနေတယ်လို့လည်း ပြောနေကြတယ်။

ဗိုလ်ချုပ်အောင်ဆန်းကိုယ်တိုင်က ဒါကို ပြောခဲ့ဖူးပါတယ်။ ကျနော်တို့ ပြည်ထောင်စုကြိးကို တည်ဆောက်တာဟာ မြန်မာကျွန်အဖြစ် သွတ်သွင်းတာမဟုတ်ဘူး။ ပြီးတော့လည်း တိုင်းရင်းသားတွေအားလုံး မြန်မာတွေအပါအ၀င် သူ့ကျွန်အဖြစ် ဆက်ထားဖို့ မဟုတ်ဘူးလို့ ပြောခဲ့တယ်။ အခုအချိန်မှာ အားလုံးက မြန်မာကျွန်ခံဖို့ မဟုတ်ဘူး၊ စစ်ကျွန်ခံဖို့ လည်း မဟုတ်ဘူး လို့ မြင်ကြစေချင်တယ်။  ပြည်ထောင်စုတည်ဆောက်တယ်ဆိုတာက မြန်မာတွေရဲ့အောက်ကို သွတ်သွင်းတာ၊ မြန်မာတွေရဲ့ ကျွန်အဖြစ် လုပ်တာ မဟုတ်ဘူး၊ စစ်ကျွန်တွေဖြစ်အောင် ဇတ်သွင်းတာ မဖြစ်စေရဘူးလို့လည်း ကျနော် အလေးအနက် ပြောကြားလိုပါတယ်။ ကျနော်တို့တတွေ စစ်မှန်တဲ့ပြည်ထောင်စုကြီး အတူတကွ တည်ဆောက်ဖို့ ဆက်လက် တွေ့ဆုံဆွေးနွေး အဖြေရှာပြီး ဖော်ဆောင်နေကြပြီ။ ဆက်လက် တည်ဆောက်ကြပါလ်ို့ တိုက်တွန်းချင်ပါတယ်။

အင်တာဗျူး အပုိုင်း ၂၊ လူထုရဲ့ နိုင်ငံရေး ရေချိန်ကို ဆက်လက်ဖော်ပြပါမည်။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Similar Posts