>
သွေးနဲ့ ရေးတဲ့ အနီရောင် …
ဘဝနဲ့ ရေးတဲ့ အဝါရောင် ဝေဒနာများ …။
ဗဟိုချက်မှာ
ပန်းဥယျာဉ်သစ် ပွင့်လို့နေမယ် …
သေနတ်ကျည်ဆံရာတွေ ဗရပွ
ကြေကွဲမျက်ရည်စများ …
ဟင်းနံ့ ကျွေးနံ့ ဆီဥ ထောပတ်ရနံ့တွေ မပါ
ရွံ့နံ့ ၊ မီးသင့်တောင်ယာရနံ့ …
မီးတွင်းထဲက ကလေးတယောက်ရဲ့
ဆေးတို့ပတ်ကြီး ရနံ့နဲ့
နနွင်းရနံ့တို့ပါမယ် … ။
အရောင်တွေက
ကြောက်မက်ဖွယ် အထီးကျန်ဆန်မှု အကြောင်းကို ပြောပြလိမ့်မယ် …
တဟီဟီကျွန်းက
စွန့်လွှတ်မှု ပါစဖက်တစ် ကို
တိတိကျကျ ခြယ်ပြလိမ့်မယ် …
တုန်း တွေဟာ
အလင်းနဲ့ အမှောင်ရဲ့ ပဋိပက္ခကို
ဘီလူးစည်း၊ လူ့စည်း ခွဲပြလိမ့်မယ် …
ပန်းချီဆရာရဲ့
သူ့ အသည်းပြင် ကင်းဗတ်စပေါ်
(လူထု ကြည့်မြင် ခံစားခွင့် မရရှိခဲ့တဲ့
လွတ်မြောက်မှုတိုက်ပွဲ … သမိုင်းဝင်)
ပေါ့ထရိတ် သက်ဝင် ရုပ်ပုံလွှာများ …
စုတ်ချက်တွေဟာ …
သမိုင်းရဲ့ စေရာအတိုင်း
သစ္စာရှိရှိ
သတ္တိရှိရှိ
အရှိကို အရှိအတိုင်း ဝါဒနဲ့
ရေးခြစ် သရုပ်ဖော်တယ် …။
ဆေးခွက်ထဲမှာတော့
ဂန္ထဝင် အဖြစ်အပျက်တွေ … အပြည့် ။ ။
၀၈- ၀၇- ၂၀၁၁
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
