>Little Burma in Taiwan

MRT ရထား စီးသွားမယ် ဆိုရင် Nan Shi Jiao ဘူတာမှာ ဆင်းပါ။ ဒါဆို မြန်မာရပ်ကွက်ကို ရောက်ပါပြီ။
မြန်မာလို ရေးထားတဲ့ ဆိုင်းဘုတ်တွေ တွေ့ရင် အဲဒါ Little Burma လို့ အင်္ဂလိပ်တွေ ခေါ်ကြတဲ့ မြန်မာရပ်ကွက်ပဲပေါ့။

Hua Xin လမ်းတ၀ိုက်မှာ အခြေစိုက်တဲ့ လူဦးရေ တသိန်းဟာ မြန်မာပြည်က ရွှေ့လာသူတွေရဲ့ မျိုးဆက်တွေ ဖြစ်ပါသတဲ့။ မြန်မာပြည်မှာ မွေးဖွားတဲ့၊ နေခဲ့ဖူးတဲ့ တရုတ်တွေရဲ့ မျိုးဆက်တွေပေါ့။

Mr. Chao က တရုတ်မြန်မာ ကပြား ဖြစ်တယ်။ တိုင်ပေမြို့ရောက်နေတာတော့ အနှစ် ၃၀ ကျော်ပါပြီ တဲ့။ အခု သူ့စားသောက်ဆိုင်မှာ မြန်မာအစားအစာ ရောင်းပါတယ် ဆိုပဲ။

သူချက်တဲ့ မုန့်ဟင်းခါးက မနက် ၁၀ နာရီဆို သုံးဆောင်ဖို့ ရယ်ဒီ ဖြစ်ပါပြီ တဲ့။

မြန်မာအစားအစာ၊ အသုံးအဆောင်တွေလည်း ဒီရပ်ကွက်မှာ ၀ယ်နိုင်တာပေါ့။

ဟော – ဟောဒီမှာ ဦးစိန်ဝင်း ကုန်စုနံဆိုင် ဆိုပါလား!

မုန့်ဟင်းခါး ဟင်းရည်ထဲ ထည့်ဖို့ ငှက်ပျော်ဖတ်တွေ ရအောင် ဟောသလို – ဟောသလို —

နားနားနေနေ သောက်သောက် စားစား

“ဟောဒီက မြန်မာတို့ဟူးသုပ်“
အင်း – ဒီဆိုင်မှာ ဂျူးမြစ်၊ တိုဟူးဖြူတို့လည်း ရတယ်။
ဗန်းထဲကဟာ ငါးဖယ်ကြော်လား၊ တိုဟူးကြော်လား တခုခုပဲ။

ကဲ – ကဲ – ထိုင်ဝမ်ရောက်ရင် မြန်မာရပ်ကွက်ကို သွားလိုက်ကြပါစို့။