>
“ပြောပြစရာတွေလည်း တပုံကြီးရှိသေးတယ်” အမှတ် (၃၆၆)
မြန်မာသီချင်း ဆိုရအောင်
မာမာအေး
ဖေဖော်ဝါရီ ၆၊ ၂၀၁၁
ဖေဖော်ဝါရီ ၆၊ ၂၀၁၁
ဗီယက်နမ်သို့ သွားရောက် ယှဉ်ပြိုင်သော ကျော်ဇင်မင်း (ဓာတ်ပုံ – tintuc.8gio.com )
BBC မြန်မာပိုင်းက ထုတ်လွှင့်သွားသော ဤအသံလွှင့်ဆောင်းပါးကို http://www.bbc.co.uk/burmese/programmes/2011/02/110203_mmaye.shtml တွင် နားဆင်နိုင်သည်။
သောတရှင်များ ကျန်းမာတော်မူကြပါစရှင်
မာအေးချစ်တဲ့ သောတရှင်တွေ၊ ဂီတ၀ါသနာရှင်တွေအားလုံး မာအေးရဲ့ အသံလေး ကြားရတဲ့အခါမှာ ကိုယ်ရောစိတ်ပါ ချမ်းသာကြပါစေလို့ ဆုမွန်ကောင်း တောင်းလိုက်ပါတယ်။
သောတရှင်တို့ရေ – ကိုယ့်လောကသား သူငယ်ချင်းများအကြောင်း ပြောရင်း နှစ်သစ်ထဲ ၀င်လာပြီကိုး—၊ ဟိုး အရင့်အရင် နှစ်တွေက ကိုယ့်ကို ပစ်ထားခဲ့ပြီးတဲ့သူတွေ ဘယ်လောက်ရှိနေပြီ ဆိုတာကို ထားပါဦး၊ မနှစ်က တနှစ်ထဲ စာရင်းချုပ်ကြည့်ရင် အနုပညာဂိုဏ်းဝင်တွေချည်း သိရသလောက်ကလေးတောင်မှ (၁၈) ယောက် ရှိနေပါတယ်၊ အဲဒီပုဂ္ဂိုလ်တွေထဲက ဂီတစာဆို မန္တလေးဦးဘသိန်း၊ မင်းသားစာရေးဆရာ အဆိုတော်သုမောင်နဲ့ ဓနုဖြူစိုးသိန်း ဆိုတဲ့ အဆိုတော်ကြီးအကြောင်းဘဲ ပြောဖြစ်ပါသေးတယ်၊ ဒါကြောင့် ပြောစရာက တိုးတိုးလာနေတယ်လို့ ပြောခဲ့တာပေါ့။
ဒီနေ့တော့ ဘက်ဂီယာ ထိုးရတာ များနေမှာစိုးလို့ ရှေ့ကို ဆက်ပြောဦးမှလို့ စိတ်ကူးထားပါတယ်ရှင်၊ ဘီဘီစီကတဆင့် ပူဆာထားတဲ့ အလွမ်းသီချင်းတွေကိစ္စ တလောကဘဲ သုံးပုဒ်လောက်တော့ ပြောဖြစ်ခဲ့တယ်မို့လား။ ကိုယ့်နိုင်ငံထဲမှာ ဟိုစနစ် ဒီစနစ် စစ်တွေထဲ ဇွတ်ထည့်ပစ်မယ် ဆိုလို့ ပရိတ်သတ်က ငိုချင်ချင် ဖြစ်နေရတဲ့အထဲ– “နူရာဝဲစွဲ လဲရာသူခိုးထောင်း” ဆိုတာမျိုး မဖြစ်ရအောင် ခဏတော့ ရှောင်ထားပါရစေ။ နောက်တက်လာမယ့် ဂီတ ခလေးတွေမှာ အတွေ့အကြုံများအရ ကိုယ့်ဂီတ ကိုယ်သတိရလာချိန် ဖြစ်တုန်းမို့ ပြောပေးဖို့ အားပေးဖို့ လိုမယ်လေရှင်။
မာအေးတို့ ဂီတလောကမှာ ဂီတအတန်း သုံးမျိုး ခွဲကြည့်ရင် မြင်လိမ့်မယ်၊ မဟာဂီတသီချင်းကြီးအပိုင်း၊ မြန်မာသံ ကာလပေါ်အပိုင်းနဲ့ စတီရီယို လို့ ဖော်ကျူးကြတဲ့ ခေတ်ကာလပေါ်အပိုင်း (သို့မဟုတ်) ကမ္ဘာ့လေနဲ့ပြောရင် ပေါ့(ပ) ဂီတပိုင်းပေါ့လေ။
မာအေးကတော့ ဂီတသုံးတန်းလုံးမှာ ၀င်ဆန့်နေအောင် ကျိုးစားခဲ့တာဘဲ။ ကမ္ဘာ့မြေပြင်ထွက် ထိုးဖောက်ချက် ရှာတုန်းဘဲ။ သူတို့ဆီက နောက်ဆုံးပေါ် (ပေါ့-ပ) ဆိုတာတွေလည်း လေ့လာနေတုန်းဘဲ၊ “ပညာလို အိုသည်မရှိ” ဆိုတဲ့စကား အတိုင်းပေါ့၊ အခုလို အများသိနိုင်အောင် ပြောမပြနိုင်ခဲ့တဲ့အချိန်တွေမှာ “ဗမာ့ဂီတကို ကမ္ဘာကသိအောင် ဘယ်လိုလုပ်မှဖြစ်မှာလဲ” ဆိုတဲ့ အမေးစကားကို “ကမ္ဘာအားလုံးသိတဲ့ ဘာသာစကားနဲ့စ၊ ဗမာဆိုတာ အရင် သိအောင် လုပ်ပြ၊ သူတို့ ဂီတလို လိုက်ရေး ကြဆိုကြ၊ အားလုံးပြီးရင် ကိုယ့်ရိုးရာဂီတ လှလှပပ ထုတ်ဖော်ပြ၊ ဒါမှရမယ်။ ခုလိုကတော့ ကိုယ်တင်ပြတဲ့ ကပွဲလောက်မှာ ကိုယ့်လူမျိုးနဲ့ ရင်းနှီးဆက်သွယ်မှုရှိလို့ ပါလာတဲ့ တခြားနိုင်ငံသား အနည်းအပါးလောက်ပဲ ကြားနိုင် သိနိုင်တာမျိုးဘဲ ဖြစ်နေတယ်” လို့ ဖြေခဲ့ရပါတယ်၊ နိုင်ငံတကာက ဂီတသမားတွေ ဒီဖက်မှာ ထိုးဖောက်ဖို့ မာအေးတို့ထက် သာကြပါတယ်၊ သူတို့တိုင်းပြည် သူတို့လူမျိုးတွေက အားပေးတယ်၊ ထောက်ပံ့တယ်၊ အဆက်အသွယ်တွေလဲ ရှာပေးတာကိုး။
မာအေးတို့လူတွေက ကိုယ်ထူကိုယ်ထ သိပ်ကြိုက်ကြတယ် ထင်ပါရဲ့၊ မချောင်လည်တာလဲ တပိုင်း ရှိမှာပါ၊ ဂီတလောကမှာ သူ့ဝါသနာနဲ့သူ ရှိနေကြလို့သာ ရှင်သန်နေတာ လို့တောင် ပြောရမလို ဖြစ်နေပြီ၊ ဒီကြားထဲ ထန်းပင်ပေါ်ကဟာတွေက သူတို့ကို ထိတယ် ထင်တာနဲ့ နှိပ်ကွပ်တော့တာ၊ အပြင်ရောက်တာနဲ့ “ကန်တော့မယ့်ဟာတွေလို့ချည်း အမြင်ကပ်စီးစေါင်းနှင့်ပြီး” လုပ်လာတော့ တော်ရုံ ကူညီချင်တဲ့သူကလည်း ရှဲတော့မှာပေါ့၊ နားလည်ပေးကြရုံပေါ့။
အိုင်ထဲမှာချည်း ကြီးလာတဲ့ ဖားသူငယ်လိုဘ၀ လူငယ်တွေက လွတ်ချင်နေကြမှာ သဘာဝကျပါတယ်၊ ဒီအခြေအနေတွေထဲကနေပြီး ကိုယ့်အဆက်အသွယ်လေးနဲ့ကိုယ်၊ ပြည်ပက ဂီတပြိုင်ပွဲတွေဆီမှာ သွားပြိုင်ကြတာ တဲ့၊ မာအေးလဲ ဘီဘီစီ ပရိတ်သတ်ပါဆိုမှ ချစ်ဆွေတို့လိုဘဲ ကြားလိုက်တာပေါ့၊ လွတ်သွားတဲ့ သောတရှင်တို့အတွက် နည်းနည်းတော့ ပြန်ပြီး နူးလိုက်ပါရစေဦး။
ဗီယက်နမ်မှာ ယဉ်ကျေးမှုဖလှယ်ရေး အစီအစဉ်အရ “အာဆီယံ” အဖွဲ့ဝင် နိုင်ငံတွေအတွက် ရိုးရာသီချင်းနဲ့ ပေါ့(ပ) သီချင်းတွေ ပြိုင်ပွဲ ကျင်းပတော့ မာအေးတို့ဆီက “ကျော်ဇင်မင်း” ဆိုတဲ့ လူငယ်အဆိုသမားလေးဟာ ခေတ်ပေါ် ပေါ့(ပ) အဆိုပိုင်းမှာ တတိယ ကြေးတံဆိပ်ဆု ရခဲ့ပါတယ်၊ ဒါလေးများလို့ မပြောလိုက်ပါနဲ့။ သူ့ခမျာ မမှီမကမ်းတွေ ဖြစ်လို့နေမှာပေါ့။ ရိုးရာ သီချင်းပြိုင်ပွဲတောင် မမှီလိုက်ရှာဘူး တဲ့၊ ပြိုင်ပွဲရောက်မှ ရီဟာဇယ်လုပ်၊ ဘာလုပ်နဲ့ ဆုဝင်တာကို တော်လှပြီ၊ သူပြိုင်ခဲ့ရတာ ဘိုသီချင်းနဲ့ပါ။ ကမ္ဘောဒီးယားက ရိုးရာသီချင်းရော ပေါ့(ပ)သီချင်းရော သူတို့ကိုယ်ပိုင်အသံနဲ့ လုပ်လာတာလို့ ဘီဘီစီကို ကျော်ဇင်မင်းက ပြောပါတယ်၊ သူဟာ ဘာအခွေမှ မထုတ်ဖူးသေးတဲ့ လူငယ် ဂီတချစ်သူတဦးပါ၊ ၂၀၀၈ ခုနှစ်က မြ၀တီရုပ်သံက စီစဉ်တဲ့ မယ်လိုဒီဝေါ(လ) ပြိုင်ပွဲမှာ နံပါတ်(၄)နေရာ ရဖူးတယ် တဲ့၊ အခု (အာဆီယံ)ပြိုင်ပွဲကို အဆက်အသွယ် လုပ်ပေးတဲ့ “ရေဗက္ကာဝင်း”နဲ့ ကျော်ဇင်မင်းတို့ဟာ နိုင်ငံ အပြင် ထွက်တဲ့အခါ သူတို့ အမြင်ပိုကျယ်လာတယ်လို့ ပြောကြတယ်။ ကြေးတံဆိပ်ဆုရှင် ပြိုင်ပွဲဝင်တဲ့သူကလေးက ပြောတယ် “ကိုယ့်ဟာကိုယ် ဟုတ်လှပြီ ထင်နေတာ သူများတွေရဲ့ ကြိုးစားအားထုတ်မှု၊ အနုပညာ ၀မ်းစာအတွက် ကျိုးစားမှု ကိုယ်ပိုင်အသံတွေ ဖန်တီးဖို့ အရေးကြီးကြောင်း သိလာရတယ်၊ ပြောခဲ့တာ အင်္ဂလိပ်စကားပါ၊ ဘရုတ်ကင်း အင်းဂလစ်(ရှ)ပေါ့ အကိုရယ်” တဲ့၊ သူ့အသံမှာ နောင်တနဲ့ ရှက်ရယ် ရယ်တဲ့ အသံလေးနဲ့ ပြောသွားတာမို့ ဂရုဏာ ပွား မိပါတယ်၊ သူဆိုတဲ့ ပေါ့(ပ)က အတော်ကြီး ခံစားမှုသွင်းရတဲ့ သီချင်းမျိုးပါ၊ ယောင်္ကျားသံစစ်စစ်မှာ ညာသံပစ်လိုက်ရင်လည်း ရောက်သွားတဲ့အသံမျိုးမို့ တက်လမ်း ရှိကြောင်း သတင်းကောင်း ပါးရင်း မေတ္တာပို့လိုက်ပါတယ်၊ နောင်မှာ ရိုးရာဂီတရှာတဲ့အခါ လမ်းညွှန်နိုင်တဲ့ မြန်မာဂီတဆရာတွေနဲ့လဲ စကားပြောပါ၊ ဆုံပါလို့ ခေတ်လူငယ်တွေကို ပြောချင်တာပါ။ လူကြီးတွေဆိုတာ လူငယ်သက်ရင့်တွေ မဟုတ်လား၊ ဂီတသမားစစ်ရင် ရေကိုသားလို့ အကြားမထင်လို့သာ မှတ်ကြစေချင်ပါတယ်။
မာအေးတို့တွေက လေကိုဆန်ပြီး မပျံပါဘူး၊ ဗမာ့ထုံးနည်း ကဗ္ဗည်းမပျောက်အောင် ဆောင်ရန်ရှောင်ရန် လမ်းရှာပေးရုံ ဖြစ်ကြောင်း မမေ့ကောင်းတာတွေ ပြောခဲ့တာပါရှင်။
(ရိုးရာချစ်တာကို ခေတ်အမြင်နောက်ကျတယ် လို့တော့ မထင်လိုက်ကြပါနဲ့၊ မှားမယ်ဗျာ၊ ခေတ်ရဲ့အသံ ခေတ်ရဲ့ဟန် ခေတ်ဂီတသရုပ်ကိုတော့ မြန်မာမှု မြန်မာ့ဟန်နဲ့ အသစ်ထွင်တာ အမှန်အကန်)၂ xx “သဒ္ဒါလင်္ကါရ”မှာ အမျိုးသားဟန် တိုးပွားရန် xxx အတွေးအခေါ် အရေးနော် ပီပြင်သဏ္ဌာန်၊ အလှအပ ဖွဲ့ဆင်ဟန် “၀စနာလင်္ကါရ” မြန်မာ့မူမှန် xxx
(မြန်မာသီချင်း ဆိုရအောင်)၂ xx နိုင်ငံခြားကိုရောက်မှ လွမ်းတဲ့ မြန်မာ့တေးသံ xx ကိုယ်ပို့လိုက်မယ် လက်ဆောင်၊ မြန်မာသီချင်း ဆိုရအောင်၊ သံစဉ်လေးတွေကြားတော့ သတိရစေဖို့ဖန်၊ အလွမ်းသံ အဆွေးသံ မြူးကြွချက်များနဲ့ အထူးအလှဆင် ထားပါတဲ့ မြန်မာ့တေးသံ အသည်းအက္ခရာ သဏ္ဌာန် စွဲမက်ကာကျန် xxx
* (မြန်မာသီချင်း ဆိုရအောင်မှ — လှမြင့်ဝင်း)
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
