>
အောင်ဝေး
အောက်တိုဘာ ၁၇၊ ၂၀၁၀
“—တစ်မျိုးသားလုံး အထွတ်အမြတ် ထားတဲ့၊ ဗိုလ်ချုပ်အောင်ဆန်းနဲ့ အမျိုးသား ခေါင်းဆောင်ကြီးတွေ လဲလျောင်းရာ၊ သမိုင်းဝင် အာဇာနည်ဗိမာန်ကြီး လုံးဝ ပြိုလဲပျက်စီးခဲ့ရပြီးပြီ—”မိတ်ဆွေကြီး ကိုဒေါင်း …
ကျန်းခံ့သာလို့ မာပါစ။ အရင်တစ်ပတ် မြန်မာစစ်ခေါင်းဆောင်ရဲ့ အိန္ဒိယနိုင်ငံ ဘုရားဖူးအကြောင်း ပြောတုန်းက၊ မြောက်ကိုရီးယား အာဏာရှင် ကင်ဂျုံအီး အကြောင်း ရေးတဲ့ မြန်မာစာရေးဆရာရဲ့ စာအုပ်တွေ မီးပုံရှို့ခံရတယ် ဆိုပြီး ကျနော်ပြောခဲ့မိလိုက်တယ်။ အမှန်ကတော့ မီးပုံရှို့ခံရတာ မဟုတ်ဘူးပေါ့ ဗျာ။ ကျနော်က ဇာတ်နာအောင် လုပ်သလို ဖြစ်သွားတယ်။ တကယ်က ကိုယ် ဇာတ်နာအောင် မလုပ်ခင်ကတည်းက ဇာတ်က မခံမရပ်နိုင်အောင်ကို နာပြီးသားဗျ ကိုဒေါင်းရဲ့…။
အားလုံး ကြားခဲ့ကြ၊ သိခဲ့ကြတဲ့ အတိုင်းပဲ၊ ကျနော်တို့ နောင်တော် တစ်ဦးဖြစ်သူ ဆရာ ဟိန်းလတ် ဘာသာပြန်တဲ့ “ကင်ဂျုံအီး (သို့မဟုတ်) မြောက်ကိုရီးယားရဲ့ ချစ်လှစွာသော ခေါင်းဆောင်ကြီး” ဆိုတဲ့ စာအုပ်ကို ရန်ကုန်မြို့၊ မြောက်ကိုရီးယား သံရုံးက၊ သူတို့ ကိုယ်တိုင် လာရောက်ပြီး၊ ဘာသာပြန်သူ ဆရာဟိန်းလတ် ဆီကနေ စာအုပ်(၃ဝဝ) သိမ်းသွားတဲ့ ကိစ္စ။ ကျနော် စ ကြားကြားတုန်းက စာအုပ် ၅ဝဝဝ လို့ ကြားတာ။ ဒါထားလိုက် “၃ဝဝ”ပဲ ဖြစ်ဖြစ်၊ “၅ဝဝ”ပဲ ဖြစ်ဖြစ် အရေအတွက်က အရေး မကြီးဘူး/ “သိမ်းသွားတယ်”ဆိုတဲ့ အချက်ပဲ အဓိက ကျတယ်။ ဒါ ပိုအရေးကြီးတယ်။
ကိုဒေါင်းကြီး စဉ်းစားကြည့်ဗျာ။ မြန်မာစာရေးဆရာ တစ်ယောက်က၊ မြန်မာ စစ်အစိုးရရဲ့ ခွင့်ပြုချက်နဲ့ စာပေစိစစ်ရေးဌာနက ခွင့်ပြုလို့၊ မြန်မာနိုင်ငံ အတွင်းမှာ၊ ဥပဒေဘောင် အတွင်းမှာ တရားဝင် ရေးသား ထုတ်ဝေထားတဲ့ စာအုပ် တစ်အုပ်ကို၊ အဲဒီလို မြောက်ကိုရီးယား သံရုံးက မဆီ မဆိုင် ဝင်ရောက် စွက်ဖက်၊ ကျူးကျော် ရမ်းကားပြီး၊ စုပြုံ သိမ်းဆည်းသွားတယ် ဆိုတဲ့ ကိစ္စက၊ လွယ်လွယ် ကူကူ၊ တော်ရုံတန်ရုံ သဘောမျိုးနဲ့ ပြီးသွားရမယ့် ကိစ္စ မဟုတ်ဘူး ကိုဒေါင်းရဲ့။ ဒါဟာ မြန်မာ စာရေးဆရာ တစ်ယောက်ကို မြောက်ကိုရီးယားအစိုးရက ပြောင်ပြောင် တင်းတင်း စော်ကားလိုက်တာပဲ ဗျာ။
ကျနော်တို့ မကျေနပ်ဘူး။ ကျနော်တို့ မခံနိုင်ဘူး။ ကိုဒေါင်းကြီး … ပြောပြန်ရင်လည်း အောင်မင်းလွန်ရာကျတော့မယ်။ ကိုယ့်နိုင်ငံသား စာရေးဆရာ တစ်ယောက်၊ ကိုယ့်မျက်စိ ရှေ့မှောက်မှာ အဲဒီလို စော်ကားခံရတာကို၊ သူတို့ကိုယ် သူတို့ နိုင်ငံတော် – နိုင်ငံတော် လို့ ပြောပြောနေတဲ့ နအဖက အကာအကွယ် မပေးတော့ ဘူးလား။ ဒီလိုစော်ကားတာမျိုး ဖြစ်မလာအောင် နိုင်ငံတော်နအဖက ကြိုတင် ကာကွယ်ပေးထားတာ မရှိဘူးလား။ မရှိဘူး ကိုဒေါင်း။ ဘာအကာအကွယ်မှလည်း ပေးမထားဘူး ကိုဒေါင်း။ နအဖ အစိုးရဟာ ဘယ်သူသေသေ၊ ငတေမာရင် ပြီးရော ဆိုတဲ့ အစိုးရပဲ။ ဒီကိစ္စမှာ မြန်မာစစ်အစိုးရ၊ မြန်မာ နအဖအစိုးရက ရေငုံ နှုတ်ပိတ်၊ လက်ပိုက်ကြည့်နေတာဟာ ရိုးမှ ရိုးသားရဲ့လား။ ဒါဟာ သိပ်ကို ရုပ်ဆိုး အကျည်းတန်လွန်းတဲ့ လုပ်ရပ်ပဲဗျာ။
ကျနော်က ကဗျာဆရာမို့လို့၊ စာရေးဆရာ။ ကဗျာဆရာတွေဘက်က နာပြီး ပြောနေတာ မဟုတ်ပါဘူး။ နိုင်ငံသား တစ်ယောက်အနေနဲ့၊ ပြည်သူတစ်ယောက်အနေနဲ့၊ နိုင်ငံတော်ရဲ့ အချုပ်အခြာအာဏာကို မတရား သိမ်းပိုက် ရယူထားတဲ့ နအဖ စစ်အစိုးရပေါ်မှာ၊ မြန်မာစစ်ဗိုလ်ချုပ်တွေ အပေါ်မှာ ခွင့်မလွှတ်နိုင်အောင်ကို နာမိတာပါ။
အခုစာအုပ်က ဆရာဟိန်းလတ်ရဲ့ မူရင်းလက်ရာ မဟုတ်ပါဘူး။ ဘာသာပြန်ထားတဲ့ စာအုပ်ပါ။ မြောက်ကိုရီးယား နျူကလီးယား အာဏာရှင် အကြောင်း တစေ့တစောင်း မြန်မာ စာဖတ်ပရိသတ်ကို ချပြတဲ့ စာအုပ်ပဲ။ ဆရာ လင်းယုန်မောင်မောင် ဟစ်တလာ အကြောင်း စာအုပ်တွေ ဘာသာပြန် ရေးသားခဲ့တာမျိုး၊ တခြား မြန်မာဘာသာပြန် စာရေးဆရာ တချို့ အာဏာရှင်၊ စစ်အာဏာရှင်တွေ အကြောင်း ရေးသား ထုတ်ဝေခဲ့တာမျိုးလောက်ပါပဲ။ ဒါထက် မပိုပါဘူး။
အခုကိစ္စက စာရေးဆရာက သူ့အလုပ် သူလုပ်တာပါ။ အစိုးရ၊ နအဖ အစိုးရကသာ ကိုယ့်အလုပ် ကိုယ်မလုပ်ဘဲ သူခိုး ဓားရိုးကမ်းသလို ဖြစ်သွားတာပဲ ကိုဒေါင်း။ ကြားရတဲ့ သတင်းတွေမှာ၊ ဒီကိစ္စ မြန်မာအစိုးရ နိုင်ငံခြားရေး ဝန်ကြီးဌာနနဲ့ ပြန်ကြားရေး ဝန်ကြီးဌာနတွေက တစ်ဆင့် သွားတယ် ဆိုတာပဲဗျာ။ ဒီသတင်း မှန်ရင်တော့ အတော့်ကို ရင်နာစရာပဲဗျာ။ ဒီအချက်ဟာ မြောက်ကိုရီးယား နျူကလီးယား အစိုးရနဲ့ မြန်မာ နအဖ နျူကလီးယား အစိုးရတို့ရဲ့ နွားသိုးကြိုးပြတ် ဆက်ဆံရေး ရုပ်လုံး ပေါ်သွားတာပဲ လို့ ယူဆရမယ် ကိုဒေါင်း။
ဒီကိစ္စကို သာမန် လွယ်လွယ်နဲ့ မေ့မပစ်နိုင်ဘူး။ ကျနော်ကတော့ ဒါဟာ ကျနော်တို့ ဒုတိယအကြိမ်မြောက် စော်ကားခံရခြင်းလို့ ယူဆတယ်ဗျာ။ ပထမအကြိမ် ၁၉၈၃/၈၄ လောက်က၊ မဆလ အစိုးရလက်ထက်၊ ရန်ကုန်မြို့ အာဇာနည်ဗိမာန်မှာ၊ နှစ်နိုင်ငံချစ်ကြည်ရေး အလည်အပတ်လာတဲ့ တောင်ကိုရီးယား သမ္မတ ချန်ဒူးဝှမ်ကို၊ ဒီ မြောက်ကိုရီးယား သူလျှိုနှစ်ယောက်က ဗုံးခွဲလုပ်ကြံဖို့ ကြိုးစားခဲ့တယ်။ ကျနော်တို့ တစ်မျိုးသားလုံး အထွတ်အမြတ် ထားတဲ့၊ ဗိုလ်ချုပ်အောင်ဆန်းနဲ့ အမျိုးသား ခေါင်းဆောင်ကြီးတွေ လဲလျောင်းရာ၊ သမိုင်းဝင် အာဇာနည်ဗိမာန်ကြီး လုံးဝ ပြိုလဲပျက်စီးခဲ့ရပြီးပြီ။ ဒီလုပ်ရပ်ဟာ နိုင်ငံတစ်နိုင်ငံရဲ့ အချုပ်အခြာအာဏာကို အခြားနိုင်ငံ တစ်နိုင်ငံက အကြီးအကျယ် ကျူးကျော် ဝင်ရောက် စော်ကားလိုက်တဲ့ လုပ်ရပ်ပဲ။
ဒီလုပ်ရပ်အတွက် မဆလစစ်အစိုးရက မြောက်ကိုရီးယားအစိုးရကို သံအဆက်အသွယ် ဖြတ်ပစ်ခဲ့တယ်။ အခု နအဖစစ်အစိုးရ လက်ထက် ရောက်တော့ မြောက်ကိုရီးယားနဲ့ အဆက်အသွယ် ပြန်လုပ်ခဲ့လေတော့၊ ရန်ကုန်မှာ မြောက်ကိုရီးယား သံရုံး ပြန်ရောက်လာတာပေါ့ ဗျာ။
မြောက်ကိုရီးယား သံရုံး ပြန်ရောက်လာမှတော့လည်း အခုလို ဆရာဟိန်းလတ် ကိစ္စမျိုး ပြန်ဖြစ်လာတော့တာပေါ့ ဗျာ။
ဒါဟာကျနော်တို့ မြန်မာစာပေလောက အပေါ်မှာ မြောက်ကိုရီးယား သံတမန်တွေက ဗြောင် ပေါ်တင် ဗုံးဝင်ခွဲလိုက်တာပဲ ဗျ။ ဒုတိယအကြိမ် စော်ကားလိုက်တာပဲ ဗျ။ ကျနော်တို့ စာရေးဆရာတွေ လူတော့ မသေပေမဲ့၊ စိတ်မှာတော့ အလွန့်အလွန်ကို အနာတရ ဖြစ်ရတာ အမှန်ပဲ ကိုဒေါင်း။
နဂိုကမှ ကျနော်တို့ နိုင်ငံမှာ စာပေအနုပညာ လွတ်လပ်ခွင့် လုံးလုံး မရှိရတဲ့ ကြားထဲ၊ အခုလို မြောက်ကိုရီးယားသံရုံးက ဝင်ရောက် စွက်ဖက်ခြယ်လှယ်တာမျိုး၊ မြန်မာနအဖအစိုးရက မသိကျိုးကျွန် မျက်နှာလွှဲနေမယ် ဆိုရင်တော့လား၊ နောင်ကို ကျနော်တို့ စာရေးဆရာတွေ အပေါ်မှာ တရုတ် သံရုံးက ဆင်ဆာ ဝင်လုပ်တာမျိုး၊ ရုရှားသံရုံးက အမိန့် ဝင်ထုတ်တာမျိုး၊ အိန္ဒိယသံရုံးက အပြစ် ဝင်ပေးတာမျိုးတွေ ဖြစ်မလာနိုင်ဘူးလို့ ပြောနိုင်မလား ကိုဒေါင်း။
ဒီအတွက် ကျနော်တို့ ညီတော် နောင်တော် စာရေးဆရာတွေ သတိကြီးကြီး ထားဖို့ လိုပြီဗျာ။
အားလုံးကို သတိရလျက်-
အောင်ဝေး
သြဂုတ်၃-၂ဝ၁ဝ။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
