>
စက်တင်ဘာ ၂၈၊ ၂၀၁၀
စက်တင်ဘာ ၂၃၊ ရွှေတိဂုံရင်ပြင် မြင်ကွင်းစာချဆရာတော်ရဲ့ လှုပ်နှိုးမှုကြောင့် ဦးရေ၀တ (၂၈ နှစ်) နိုးလာတယ်။ ကျောင်းဝင်းထဲမှာ ဆူညံအသံတွေနဲ့ ရုတ်ရုတ်သဲသဲ ဖြစ်နေတာကို ဦးရေ၀တတွေ့လိုက်ရတယ်။ အဲဒီနောက်မှာတော့ ကျောင်းဝင်းထဲမှာ ရှိသမျှ စာသင်သား သံဃာတော်တွေ အကုန်လုံးကို အမေးအမြန်းမရှိဘဲ စစ်ကားတွေပေါ် တင်ပြီး ခေါ်ဆောင်သွားခဲ့ကြတယ်။ သူတို့အနေနဲ့ လာခေါ်တဲ့ စစ်သားတွေကို ခုခံတာမျိုး မရှိခဲ့ပါဘူး။ ဒါပေမယ့် နောက်ပိုင်းမှာ စစ်သားတွေကို ခုခံတဲ့ သံဃာတွေ စစ်သားတွေရဲ့ ရိုက်နှက်တာခံရပြီး လက်ကျိုး ခေါင်းကွဲတဲ့ အဖြစ်တွေ ရှိတယ် ဆိုတာပါပဲ။
`အဖြစ်အပျက်တွေက အချိန်တိုလေး အတွင်းမှာပဲ အကုန်ပြီးသွားတာ။ ဦးဇင်းတို့ဘက်က ရုန်းရင်းဆန်ခတ် မလုပ်တော့ ဘာမှ အထိအခိုက်မရှိခဲ့ပါဘူး´ လို့ ဦးရေ၀တ (ဘွဲ့တော်အမှန် မဟုတ်) က လွန်ခဲ့တဲ့ သုံးနှစ်ကျော် ရွှေဝါရောင်တော်လှန်ရေး အချိန်တုန်းက အဖမ်းခံခဲ့ရပုံကို ပြန်ပြောပြတယ်။
၁၉၈၈ ခုနှစ်နောက်ပိုင်း စစ်အစိုးရလက်ထက်မှာ သံဃာတွေရဲ့ ဦးဆောင်မှုနဲ့ အကြီးမားဆုံး လူထု အုံကြွမှုကြီးဖြစ်တဲ့ ရွှေဝါရောင် တော်လှန်ရေးကြီး ဖြစ်ပွားခဲ့တာ သုံးနှစ်ကျော်ခဲ့ပြီဖြစ်ပါတယ်။ ပါဝင် လှုပ်ရှားခဲ့တဲ့ သံဃာတော်တွေနဲ့ လူထုကို စစ်အစိုးရက ရက်ရက်စက်စက် နှိမ်နင်းခဲ့တာတွေကို လူထုက မမေ့ပျောက်သေးကြပါဘူး။
ဦးရေ၀တဟာ ရွှေဝါရောင်တော်လှန်ရေး အစ နေ့ရက် ဖြစ်တဲ့ စက်တင်ဘာ ၁၉ ရက်နေ့မှာ သံဃာ တစ်ရာကျော်ကို ဦးဆောင်ပြီး လမ်းလျှောက်၊ မေတ္တာသုတ် ရွတ်ဆိုခဲ့သူ တစ်ဦးပါ။
`စစချင်းနေ့မှာ ရွှေတိဂုံ ဘုရားအဆင်းမှာ ဦးဇင်းတို့ ရှေ့ကနေ စစ်တပ်က ပိတ်ထားတယ်။ နေပူထဲမှာ တစ်နာရီကျော် ကြာလာတဲ့အခါ သံဃာတွေကလည်း သည်းမခံနိုင်တော့ဘူး။ အဲဒါနဲ့ ဦးဇင်းတို့က စစ်တပ်က အရာရှိနဲ့ စကားပြောတယ်။ သွားခွင့်မပေးရင် ရုန်းရင်းဆန်ခတ်တွေ ဖြစ်ကုန်မယ်။ ကျန်တဲ့သံဃာတွေကို ထိန်းဖို့မလွယ်ဘူး၊ အကြမ်းဖက်မှုတွေ ဖြစ်လာနိုင်တယ်လို့ ပြောတော့ နောက်တော့မှ သွားခွင့်ပေးလိုက်တယ်´ လို့ သူမှတ်မိသမျှကို ပြန်ပြောပြတယ်။
စက်တင်ဘာ ၂၃ ဆူးလေဘုရားလမ်းပေါ်က လူထုသံဃာတွေ စတင်လိုက်တဲ့ လမ်းလျှောက် မေတ္တာသုတ်ရွတ်ပွဲကြီးဟာ လူထုပါ ပါဝင်လာပြီး နောက်ပိုင်းမှာ လူထု အုံကြွမှုကြီး ဖြစ်လာပါတယ်။ လမ်းလျှောက်မေတ္တာပို့ပွဲကြီး ရက်သတ္တတစ်ပတ် အကြာမှာတော့ စစ်အစိုးရက ရက်ရက်စက်စက် ပစ်ခတ် နှိမ်နင်းတာကြောင့် အနည်းဆုံး သံဃာအပါအ၀င် လူပေါင်း (၁၂၀) သေဆုံးခဲ့တယ်လို့ ကုလသမဂ္ဂ လူ့အခွင့်အရေး ကိုယ်စားလှယ် အစီရင်ခံစာနဲ့ နယူးယောက် အခြေစိုက် လူ့အခွင့်အရေး လေ့လာစောင့်ကြည့်ရေး အဖွဲ့ အစီရင်ခံစာ အရ သိရှိရပါတယ်။
စစ်အစိုးရရဲ့တရားဝင် ထုတ်ပြန်ကြေညာချက် အရကတော့ (၁၄ ) ဦးသာ သေဆုံးခဲ့တယ်လို့ ဆိုပါတယ်။ တရားဝင် ထုတ်ပြန်ကြေညာချက်လို့ ဆိုရတာက စစ်အစိုးရမှာ ဘယ်နှဦး သေဆုံးတယ်ဆိုတာ၊ ဘယ်သူဘယ်ဝါ ဆိုတာ မှတ်တမ်းမှတ်ရာ ရှိပါတယ်။ မီးသဂြိုလ်သူ၊ သေဆုံးသူ၊ သေနတ်ဒဏ်ရာနဲ့ သေဆုံးသူတွေ အားလုံးကို ဓါတ်ပုံရိုက် မှတ်တမ်း ပြုစုထားတာ ရှိပေမယ့် တရားဝင်ထုတ်ပြန်တာက အဲဒီစာရင်းနဲ့ အများကြီးကွာခြားတယ် ဆိုတာကို ရန်ကုန်တိုင်း ရဲတပ်ဖွဲ့ဝင် တစ်ဦးက အဲဒီအချိန်က ထုတ်ဖေါ် ပြောဆိုခဲ့ဖူး ပါတယ်။
`ပထမ ဖမ်းသွားတာ အင်းစိန် ဂျီတီအိုင်ထဲမှာ။ ဦးဇင်း ကိုယ်တိုင်တော့ အရိုက်အနှက် မခံရဘူး။ ဒါပေမယ့် နောက်နေ့တွေ ရောက်လာတဲ့ သံဃာတွေထဲမှာ ဒဏ်ရာဒဏ်ချက်တွေနဲ့ချည်းပဲ။ သေနတ်ဒဏ်ရာ ခေါင်းမှာဒုတ်နဲ့ ရိုက်ခံထားရတဲ့ဒဏ်ရာတွေ´ လို့ ဦးရေ၀တက ပြန်ပြောင်း ပြောပြပါတယ်။
အဖမ်းခံရတဲ့နေ့မှာပဲ လူဝတ်လဲစေပြီး တော်လှန်ရေးမှာ ပါဝင်ပတ်သက်ခဲ့ပုံနဲ့ ခေါင်းဆောင်တွေ ဘယ်သူဖြစ်မလဲ ဆိုတာ မေးမြန်းပါတယ်။ တော်လှန်ရေးမှာ ပါဝင်ခဲ့တဲ့ သံဃာတော်တွေကို လူဝတ်လဲစေဖို့ ဘယ်ကျောင်းကမှန်း မသိတဲ့ ဘုန်းတော်ကြီးနှစ်ပါးကို ပင့်ဆောင်ထားတယ် လို့ ဆိုပါတယ်။
`ကိုယ်တိုင်က လူအဖြစ်ခံယူမှ ရဟန်းဘ၀ကနေ သာမန်လူဖြစ်တယ်လို့ ဦးဇင်းတို့ သာသနာမှာ ရှိတာကိုး။ ဒါကြောင့် ဘုန်းကြီးတွေ အကုန်လုံး လူဝတ်လဲပေမယ့် စိတ်က မလျှော့တော့ သိက္ခာက မကျဘူးလေ။ အဲဒီတော့ အကုန်လုံး ရဟန်းတွေ အဖြစ်နဲ့ပဲ ရှိနေခဲ့တယ်လို့ ယူဆပါတယ်´ လို့ အဖမ်းဆီးခံရတဲ့ သံဃာတွေကို အတင်းအဓမ္မ လူဝတ်လဲခံခဲ့ရပုံကို ပြန်ပြောပြတယ်။
ဦးဇင်းတွေ အနေနဲ့ သူတို့ရဲ့ ဆန္ဒလည်း မပါ၊ လုပ်ထုံးလုပ်စဉ် သိက္ခာချတာလည်း မလုပ်ခဲ့တာကြောင့် လူဝတ်သာ ၀တ်ထားပေမယ့် ရဟန်း အဖြစ်ပဲ ရှိတယ် ဆိုတာကို စစ်ဆေးတဲ့ ရဲတပ်ဖွဲ့ဝင်တချို့က နားလည် လက်ခံထားပါတယ်။ ဘာကြောင့်ဆို စစ်မေးတဲ့ ရဲတပ်ဖွဲ့ဝင်တချို့က စစ်မေးစဉ်မှာ ဦးဇင်းလို့ပဲ ခေါ်ဝေါ်သုံးစွဲပြီး တာဝန်အရသာ စစ်မေးခဲ့ကြတယ်လို့ ဦးဇင်းက ပြောပါတယ်။
ရဲအရာရှိ တဦးတလေကသာ သံဃာတွေကို ငါနဲ့ ကိုင်ဆဲဆိုတာ၊ ရိုင်းစိုင်းစွာ ဆက်ဆံတာမျိုး ကြုံခဲ့ရတယ်လို့လဲ ပြောပါတယ်။
စစ်တပ်က အစောင့်အကြပ်တွေ ရှေ့ရောက်တဲ့အခါ ခေါင်းငုံ့လျှောက်ရပါတယ်။ စစ်တပ်က သံဃာတွေကို ဆက်ဆံရာမှာ ကြမ်းတမ်း မိုက်ရိုင်းလွန်းပြီး ဆဲရေး တိုင်းထွာသံတွေဟာလည်း မကြားဝံ့အောင် ယုတ်ညံ့လွန်းလှတယ် လို့ ဆိုပါတယ်။
ရွှေတိဂုံ အရှေ့ဘက်မုခ်အနီး တွေ့ရသည့် ဒဏ်ရာရ သံဃာတပါးထိန်းသိမ်းခံထားရတဲ့ သံဃာတော်တွေနဲ့ သာမန်လူတွေဟာ အခင်းမပါတဲ့ သံမံတလင်းပေါ်မှာပဲ အိပ်စက်ကြရပြီး ကျွတ်ကျွတ်အိတ်နဲ့ ထုပ်ထားတဲ့ ထမင်းအနည်းငယ်ကိုသာ စားရပါတယ်။ အိမ်သာမရှိ၊ ရေချိုးခွင့် မပေးပါဘူး။
`ဟင်းကတော့ ဘဲဥတစ်ခြမ်း၊ ခရမ်းသီးတစ်ဖက်။ ငါးကြော် ဆိုရင် ပါတယ် ဆိုရုံ သေးသေးလေးပဲ။ သံမံတလင်းပေါ်မှာ အခင်းမပါဘဲ နေနေရတော့ တစ်ချို့တွေ အအေးမိပြီး သေကုန်တယ်´ လို့ ဦးရေ၀တက သူမြင်တွေ့ခဲ့ရတာကို ပြောပါတယ်။
မိုးရာသီ မကုန်ဆုံးသေးဘဲ အေးပြီးစိုစွတ်တဲ့ သံမံတလင်းမှာ အိပ်စက်ရတာ၊ ဘာ စောင်၊ အ၀တ်အထည် အပိုမှ မပါကြလို့ အသက်ကြီးသူ တချို့နဲ့ ကျန်းမာရေး အားနည်းသူတချို့ သေဆုံးကြတာကိုလည်း ကြားသိခဲ့ရတယ်လို့ ဦးဇင်းက ပြန်ပြောပြပါတယ်။
ထိုအချိန်က ရန်ကုန်တိုင်း ရဲတပ်ဖွဲ့မှာ တာဝန် ထမ်းဆောင်ခဲ့ပြီး ကျိုက္ကဆံ ထိန်းသိမ်းရေးစခန်းနဲ့ အင်းစိန် ဂျီတီအိုင်မှာ တာဝန်ကျခဲ့သူ ရဲတပ်ဖွဲ့ဂင်တဦးက “ကျွန်တော်တို့ တာဝန်ကျတဲ့ အဆောင်မှာ အအေးမိပြီး သေတာ၊ နှလုံးရောဂါနဲ့ သေတာ၊ တချို့က အဖမ်းခံရတုန်းက ရိုက်ခံရတဲ့ ဒဏ်ရာကြောင့် သေတာတွေရှိတယ်။ ကိုယ်ကိုယ်တိုင် စောင့်ရတဲ့ စခန်းမှာ သေတာချည်းပဲ ၃၀ ကျော်တယ်။ ကျိုက္ကဆံမှာ စုစုပေါင်း ၁၈ ယောက်လောက် သေတယ်´´လို့ပြောပါတယ်။
သူ့အနေနဲ့ ရဲတပ်ဖွဲ့ဝင် ဖြစ်နေလို့သာ ဒီတာဝန်တွေကို မထမ်းဆောင်ချင်ဘဲ ထမ်းဆောင်နေရပေမယ့် သံဃာ့အရေး အခင်း အဖြစ်အပျက်ကြီးမှာ အစိုးရကိုင်တွယ်ပုံဟာ ရက်စက်လွန်းတယ်၊ လုပ်သင့်တယ် မထင်လို့ ယခုလိုသူသိသမျှ အချက်အလက်တွေကို အားလုံး သိရှိရအောင် ထုတ်ပြောတာလို့လည်း ပြောပါတယ်။
လက်ရှိ စစ်အစိုးရဟာ သံဃာတွေ ဦးဆောင်တဲ့ လူထု လှုပ်ရှားမှုကြီးကြောင့် နိုင်ငံရေး အာဏာကို ဆက်လက် ထိန်းသိမ်းထားဖို့ တစုံတရာ လုပ်ရမယ်ဆိုတာ နားလည်ပြီး ပထမဆုံး ဒေါ်အောင်ဆန်းစုကြည်ရဲ့ နိုင်ငံရေး ရပ်တည်ချက် အမြင် ၄ ချက် စွန့်လွှတ်ရင် သူကိုယ်တိုင် စကားပြောမယ်ဆိုပြီး ထုတ်ပြန် ကြေညာခဲ့ပါတယ်။ ကုလသမဂ္ဂက စေလွှတ်တဲ့ အထူးသံတမန် ဂမ်ဘာရီကိုလည်း ရွှေဝါရောင် လှုပ်ရှားမှု ဖြစ်ပွားပြီးပြီးချင်း လာရောက်ခွင့်ပြုခဲ့ပါတယ်။
ဒိနောက်မကြာမီမှာပဲ အလုပ်သမားဝန်ကြီး ဦးအောင်ကြည်ကို ဆက်ဆံရေးဝန်ကြီးဆိုတဲ့ ရာထူးအသစ် ဖန်တီးပြီး ခန့်အပ်ကာ ဒေါ်အောင်ဆန်းစုကြည်နဲ့ တွေ့ဆုံစေပြီး နိုင်ငံရေး အရှိန်မြင့်တက်နေမှုကို ကျဆင်းအောင် ကြိုးစားခဲ့ပါတယ်။ အဲဒီလို လုပ်ဆောင်ချက်တွေဟာ ရွှေဝါရောင် တော်လှန်ရေးကြီးက တွန်းအားပေး စေ့ဆော်မှုကြောင့် ဆိုတာကို နိုင်ငံရေး လေ့လာသူတွေက ကောက်ချက်ချကြပါတယ်။
အင်းစိန် ဂျီတီအိုင် ထိန်းသိမ်းရေး စခန်းမှာ ရှိနေခဲ့တဲ့ ဦးရေ၀တက “ဂမ်ဘာရီလာမယ် ဆိုမှ ဦးဇင်းတို့ကို သုံးထပ်သား အခင်း လာခင်းပေးတယ်။ အဲဒီမတိုင်ခင် အအေးဒဏ် ကျန်းမာရေး ချို့တဲ့တာကြောင့် သေတဲ့သူက သေကုန်ပြီ´´လို့ အဲဒီတုန်းက အဖြစ်ကို အမှတ်ရ ပြန်ပြောပြတယ်။
နိုင်ငံရေး လေ့လာသူတွေက ပြောဆိုချက်အရကတော့ နအဖ စစ်ခေါင်းဆောင်တွေ အနေနဲ့ လူထုခေါင်းဆောင် ဒေါ်အောင်ဆန်းစုကြည်နဲ့ တွေ့ဆုံဆွေးနွေးဖို့ကို တုံ့ပြန်ခြင်း မလုပ်ခဲ့၊ အမျိုးသား ညီလာခံကိုလည်း ရေရှည်ဆွဲကာ ကျင်းပနေခဲ့တဲ့ရာက သံဃာတွေဦးဆောင်တဲ့ လှုပ်ရှားမှုကြောင့် ဒေါ်အောင်ဆန်းစုကြည်နဲ့ အန်အယ်လ်ဒီနဲ့ မဆွေးနွေးပဲ အခြားရွေးစရာလမ်း ဖြစ်တဲ့ရွေးကောက်ပွဲကို မြန်မြန်ဆန်ဆန် ရွေးခဲ့တာလို့ ကောက်ချက်ချကြပါတယ်။
လက်ရှိအချိန်မှာ စစ်အစိုးရရဲ့ ၂၀၁၀ ရွေးကောက်ပွဲကြီး ကျင်းပဖို့ ရက်ပေါင်း ၄၀ခန့်သာ လိုပါတော့တယ်။ ဒါပေမယ့် စစ်အစိုးရရဲ့ ထိပ်ပိုင်း ခေါင်းဆောင်တွေကသာ အာဏာကို ဆက်လက် ထိန်းချုပ်ဖို့ ကြိုးစားနေပြီး လူထုအတွက် ကောင်းတဲ့ အပြောင်းအလဲ တစ်စုံတစ်ရာဖြစ် ပေါ်လာဖွယ်ရာ မရှိဘူးလို့ ဦးရေ၀တက မြင်ပါတယ်။
လာမယ့် ရွေးကောက်ပွဲမှာ မဲပေးပိုင်ခွင့် မရှိသော်လည်း ဆွမ်း ကွမ်းတကာတွေ ဖြစ်တဲ့ လူထုတွေ ကောင်းစားပြီး အေးချမ်းသာယာမှ ဦးဇင်းတို့လည်း သာသနာ့တာဝန်ကို စိတ်ဖြောင့်ဖြောင့် လုပ်ဆောင်နိုင်မှာလို့ ဦးရေ၀တက သူ့ရဲ့ နိုင်ငံရေး အမြင်ကို ပြောပါတယ်။ 
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
