>Ingyin May – 88 Poem

>

ကမ္ဘာမကြေတဲ့ ပဲ့တင်သံတွေ
အင်ကြင်းမေ
သြဂုတ် ၈၊ ၂၀၁၀

၈ ရက် ၈ လ ၈၈ တဲ့
ပညာရှင်တွေ ပြောခဲ့ကြတယ်။

လူတွေပြောတဲ့ ဒီဥပမာထဲ
တနေရာတော့ ငါလည်းပါခဲ့။

ငါ့ အသက်ရဲ့ ၁၇ နှစ်မပြည့်ခင်
တက်ကြွခြင်းရဲ့ စိတ်ဓာတ်တွေနဲ့
နာကြည်းခံစားခဲ့ရဖူးတယ်။

စစ်အုပ်စုရဲ့ရက်စက်မှုတွေ
တထောင့်တနေရာလေးမှတောင်
လက်ညှိုးထိုးမလွဲနိုင်အောင်ဘဲ
လူပေါင်းများစွာ သွေးမြေကျခဲ့
မသေမရှင် မြေမြုပ်ပစ်ကြ
ဘက်နက်နဲ့ထိုး သေနတ်နဲ့ပစ်
အရက်စက်ဆုံး သတ်ခဲ့ကြတယ်။

အဲ့ဒါတွေကို …
နာကြည်းနေမလား တိုက်ပွဲဝင်မလား
အစွန်းရောက်တယ်လို့ပဲပြောပြော
နာကြည်းတယ်လို့ပဲဆိုချင်ဆို
သေသည့်တိုင်အောင် အသည်းထဲမှာ
အရိုးစွဲအောင် ထင်ကျန်နေမယ့်
ဝိဉာဉ်ဘဝနဲ့ နာကြည်းနေမယ့်
၈ ရက် ၈ လ ၈၈ ရဲ့
ဘယ်တော့မှ မေ့မရနိုင်တဲ့
လူထုကြီးနဲ့ ဝိဉာဉ်တွေရဲ့
နောက်ထပ်တကြိမ် ပြန်လာတော့မယ့်
ကမ္ဘာမကြေ အော်သံတွေဟာ
နီးနီးလေးပဲ ကြားနေရတယ်။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Similar Posts