>
မာမာအေး
ဇူလိုင် ၁၇၊ ၂၀၁၀
သောတရှင်များ ကျန်းမာတော်မူကြပါစရှင်
မာအေးချစ်တဲ့ သောတရှင်တွေ ဂီတဝါသနာရှင်တွေ အားလုံး မာအေးရဲ့ အသံလေးကြားရတဲ့ အခါ ကိုယ်ရောစိတ်ပါ ချမ်းသာကြပါစေလို့ ဆုမွန်ကောင်း တောင်းလိုက်ပါတယ်။
သောတရှင်တို့ရေ – ပြီးခဲ့တဲ့ အပတ်က မြို့မ ဂီတအသင်းကြီးနဲ့ အတူ စင်ပေါ်မှာ ဖျော်ဖြေခဲ့ကြလို့ လိုက်(ဖ)ရှိုး VCD အခွေမှာ တွေ့လိုက်ရတဲ့ တေးသံရှင်မလေး ပန်းအိဖြူ က မမရှင်ရဲ့ သီချင်းဟောင်းလေး “ကျောင်းပိတ်ရက်” ကို ပြန်ဆိုတော့ သံပြိုင် အပိုဒ် မှာ “ရှမ်းမလေးတွေ အချောတွေ ပေါတယ်” လို့ မူလစာသား “ချောတယ်၊ ပေါတယ်” မဆိုဘဲထားတာဟာ စာမှား ဆိုမိတာလား၊ ပြောင်းဆိုစေတာလား မသိဘူး၊ ဒီသီချင်းနဲ့ ပတ်သက်တဲ့ ကောလဟလ တခု ကြားဘူးတာတော့ ပြောပြမယ်လို့ ပြောခဲ့တယ်နော်။ သီချင်းထဲက စာသားတွေကို တလုံးချင်းကောက်။ ကိုယ်လိုရာ အဓိပ္ပာယ် ရောက်အောင် ဆွဲယူခဲ့ရင် သီချင်းပိတ်ပင်တာမျိုး အထိ ခရီးပေါက်သွားနိုင်တယ် ဆိုတာ သိရအောင်ပေါ့ရှင်။
ဒီ“ကျောင်းပိတ်ရက်” သီချင်းလဲ ပိတ်ဖို့ ကြုံခဲ့သေးကြောင်း ပြောချင်တယ်။ သဝေထိုး ပစောက်ရေးချ “ပေါ” ဆိုတဲ့ စာကြောင့်ပါဘဲ။ မာအေးတို့ နိုင်ငံက ပညာရေးဝန်ကြီးဌာနရဲ့ မြန်မာစာအဖွဲ့ ဦးစီးဌာန ထုတ် မြန်မာ အဘိဓာန် စာအုပ်ထဲမှာ အဲဒီ “ပေါ” ဆိုတဲ့ စာလုံးရဲ့ဘေးမှာ (နဝိ) လို့ ဖော်ပြထားတယ်။ “ နာမ်ဝိသေသန-သင်္ချာသုံး ပါတဲ့ရှင်။
အဓိပ္ပာယ်ကတော့ …..၁။ ကြွယ်ဝ များပြားသော။ ၂။ ဈေနူန်းသက်သာသော- ဆိုတာနဲ့ “လေးနက်တည်ကြည်မှုမရှိ ပြုမူ ပြောဆိုသည်” လို့ ဖော်ပြထားပါတယ်။ “ပေါ” စာလုံးနဲ့ ရှေ့က တွဲတဲ့စာဆိုရင်- ဘာအဓိပ္ပာယ်၊ နောက်မှာ တွဲသုံးရင် ဘာအဓိပ္ပာယ် ဆိုတာတွေလဲ ဖတ်ရပါတယ်။ ဒါပေမယ့် လိုတဲ့ အထိဘဲ ပြောကြတာပေါ့နော။ ကဲ….သီချင်းဆီ ပြန်သွားကြရအောင်ပါ။
“ချစ်ဆွေတို့ရေ၊ ရှမ်းမလေးတွေ ချောတယ်၊ ပေါတယ်” တဲ့ သွေးရိုးသားရိုး နားထောင်ပြီး အဓိပ္ပာယ်ဖော် ကြည့်ရင် ရှမ်းကလေးတွေ ချောလိုက်တာမှ အများကြီးဘဲလို့ သီချင်းရေးဆရာက သီချင်းဖွဲ့စပ်နည်းအတိုင်း တွေးပြီး “ချောတယ်” လို့ အရင်ရေးတယ်၊ အဲဒီနောက်ကမှ ကာရံအလိုက်သင့်အောင် “ပေါတယ်” လို့ ရေးသွားတာမျိုးဖြစ်ပါတယ်။ ခေတ်ဟောင်းသီချင်းအုပ်စုဝင် ဆိုတော့ စစ်ကြီးမဖြစ်ခင်ကပေါ့။ အေဝမ်းစာရေးဆရာ စန်းသော်တာ ရေးတာပါ။ ဓာတ်ပြားနံပါတ် A.1.F 24- ၁၉၃၈ ခုနှစ်ဒီဇင်ဘာမှာ ထုတ်ခဲ့ပါတယ်။ ဒီသီချင်းကို ဒီဖက်ခေတ်မှာ အရင်ဆုံး ပြန်ဆိုတာ အဆိုတော် ရုပ်ရှင်မင်းသမီးချိုပြုံးပါရှင်။
သီချင်းလေးတကျော့ ပြန်ခေတ်စားလာတဲ့ အချိန်ကျတော့ “ပေါတယ်” ဆိုတဲ့စာလုံးက – ခေတ်ပေါ် ဘန်းစကားလိုဖြစ်နေပြီ၊ နောက်တဲ့ပြောင်တဲ့ နေရာတွေမှာ ဂုဏ်နှိမ့်ရာလဲရောက်၊ ရယ်စရာ ဖြစ်စေတဲ့ ဘဘောဆောင်ပြီး “ငပေါ” “သောက်ပေါ” လို့နှိပ်ကြ၊ “ဘာမှန်းလဲမသိဘူး- ပေါတောတောနဲ့ ဆိုတာမျိုး၊ “ပေါလိုက်တာ” ဆိုတာမျိုးတွေ ပြောကြလေတော့ မကောင်းတဲ့ဖက် ထားပြီးသုံးတဲ့ စကားလုံးလို့များ ယူဆလေသလားဘဲ၊ သူတို့ ဒေသခံတချို့က သူတို့ မိန်းခလေးတွေ အတွက် အသရေ ပျက်စေပါတယ်ဆိုတဲ့ စာမျိုးတွေနဲ့ ကန့်ကွက်စာတွေ ပို့သတဲ့လေ။
မာလေးတို့ဌာနကလဲ မှန်တာ မမှန်တာ စူးစမ်းတာကမှ နောက်ကျဦးမယ် ချက်ချင်း အရေးတယူလုပ်နေတဲ့ နေရာမှာတော့ မြန်သလားမမေးနဲ့ လို့ ပြောရမယ်။ မာအေး ရှိနေတုန်းကတော့ ပိတ်ထားတာဘဲရှင့်။ နှုတ်မိန့်နဲ့ပေါ့ရှင်၊ စာတလုံးချင်း ရွေးကောက်ပြီး ထန်းပင်ပေါ်က လူကြီးတွေ မကြိုက်နိုင်ဘူးလို့ ထင်တဲ့ အဓိပ္ပာယ်လို့ ယူဆရင်လဲ ပိတ်ပြန်တာပါပဲ။
အဲဒီလိုသီချင်းတွေ ပိတ်တာဟာ ရှေးကတော့ အချုပ်တန်းဆရာဖေတို့ မင်းသားကြီး ဦးရာပြတ်တို့ ခေတ်မှာတင် ရှိခဲ့တာပေါ့။ နယ်ချဲ့ နဲ့ပတ်သတ်ပြီး သဘင်ဂီတပညာနဲ့ တီးထည့်ခဲ့ကြတာပါ။ အဲဒီခေတ်က သီချင်းတချို့ကိုလဲ ဒီခေတ်မှာ ဖြစ်ပျက်နေတဲ့ ပြဿနာတွေနဲ့ တူသလိုလို၊ စောင်းနိုင်ချိတ်နိုင်တာမျိုး ဆိုရင် ပိတ်ထားတတ်ပြန်ရောရှင့်။ မာအေးက ဂီတသမား မဟုတ်လား။ ခေတ်ဟောင်းသီချင်း ရေးတဲ့သူ၊ ဆိုတဲ့ သူတွေက ရှိတော့တာမှ မဟုတ်ပဲ၊ သီချင်းပုဒ်ရေ လျော့သွားမှာ နှမျောတာပေါ့ရှင်။ မသိသာ ခိုးအသံလွှင့်တာတွေလဲ လုပ်မိတော့တာပဲ။ အထက်လူကြီးတွေ သိရင် အဆူခံရတာပေါ့ရှင်။ ဥပမာ ဘယ်လိုဟာမျိုးလဲ ဆိုတော့……မြို့မငြိမ်းရဲ့ လက်ရာ “ရေခင်းတော်”က တနေရာမှာ “ရေရိပ်ရေအောက် ရွှေခမောက်နဲ့ နေရောင် ပနံခြယ်” လို့ ဆိုရတာကိုး။ “ခမောက်“ ကြောင့် ပိတ်ပါသတဲ့ရှင်။ တကယ်တော့ ဒီခေတ် ခမောက်တံဆိပ်က လယ်တောမှာ ဆောင်းတဲ့ ခမောက်ပါ။ ရွှေခမောက် ဆိုတာက ရှေးက မြန်မာစစ်သားများ ဆောင်းတဲ့ အချွန်အတက်တွေ နားကာတွေ ပါတဲ့ မောက်တို၊ မောက်ရှည်တို့ကိုပြောတာပါ။ ဘုရင့်လှေတော်သား မြန်မာစစ်သားကောင်းတွေရဲ့ ဂုဏ်တင့်တယ်တဲ့ ဝတ်စားဆင်ယင်ပုံကို ဆရာကြီးမြို့မငြိမ်းက ရေးစပ်သွားတာပါရှင်၊ နားဆင်ကြည့်ပါ။
ဒီကိစ္စတွေ ပြောနေရတာ မြို့မအသင်းကြီးလို မြန်မာသံအားကောင်းတဲ့ အဖွဲ့တောင့်တဲ့ ရှေ့မီနောက်မီ သက်တော်ရှည် အဖွဲ့ကြီးတွေက သက်ဆိုင်ရာများ ရွှေဉာဏ်တော် ပေါက်အောင်၊ ရှင်းပြနိုင်မလားလို့ပါ၊ ဘယ်လိုဘဲ ဖြစ်ဖြစ်မာအေးထက်တော့ ပိုချစ်မှာပါ။ နောက်ကျရင် ကိုယ့်စင်ပေါ် လာဆိုတော့ သီချင်း တိုက်ပေးရဦးမှာပဲ။ အခုလိုမဖြစ်ရအောင် စာသားစိစစ်ပေးဘို့ ထိန်းပေးဘို့ပါ။ တာဝန်ရှိတယ်လို့ ထင်မိတဲ့အတွက် တိုက်တွန်းတာပါ။ အသင်းကြီးကို ချစ်ခင်လို့ ပြောတာပါ။ တကယ် လွမ်းပါတယ် မြို့မရယ်။
(မူရင်း – ဘီဘီစီ မြန်မာပိုင်း အသံလွှင့်ဌာန BBCburmese.com)
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ