> “ပြောပြစရာတွေလည်း တပုံကြီးရှိသေးတယ်” အမှတ် (၃၃၄)
မာမာအေး
ဇွန် ၂၀၊ ၂ဝ၁ဝ
သောတရှင်တို့ရေ – အရင်တပတ်က မန္တလေး ဦးဘသိန်း ရေးစပ်တဲ့ မြိုင်ထ၊ မြူးမြူးကြွကြွ ဗမာ့ရွှေနားက မထွက်ခင် ရပ်လိုက်မယ် ပြင်တုန်း ဗြုန်းဆို သတိရတယ် ရှင့်၊ ဦးလေးကိုဘသိန်း ရေးတဲ့ သီချင်းတွေကိုချည်း ‘သုတိမင်္ဂလာ’ ခေါင်းစဉ်နဲ့ ကက်ဆက်ခွေ တခွေ မာအေး ဆိုဖူးခဲ့တာကိုပါပဲ။
၁၉၉၃ ခုနှစ်တုန်းက အမေရိကန်မှာ ရှိတဲ့ မြန်မာ ဘုန်းတော်ကြီးကျောင်းတွေ ရံပုံငွေပွဲ လုပ်ရင် ကူရအောင် သွားဖို့ စီစဉ်နေတဲ့အခါက ကမန်းကတန်းပဲ ‘ကိုကျော်’ လို့ ခေါ်တဲ့ ဂီတ စီစဉ်သူကလေး အတွက် အသံသွင်း ထားရစ်ခဲ့ရတာမို့ မေ့သွားတော့မလို့လေ။ ကိုယ် ပြည်ပ ထွက်တုန်းမှာ ဖြန့်လိုက်တာ ဆိုတော့ လူသိ မသိ နားမစွင့်မိလိုက်ပါဘူးရှင်။ အားလုံး ၁၀ ပုဒ် ဆိုခဲ့ပါတယ်။ အလှူသီချင်းတွေက အသစ်၊ တချို့က ရုပ်ရှင်ထဲက သီချင်းတွေ ဖြစ်မှာပါ။ ရန်ကုန်မျာ အသံသွင်းပေးတာမို့ ဦးလေး ကိုဘသိန်းက လိုက်မလာပါဘူး။ စန္ဒရားလှထွတ် ဂီတမှူး လုပ်ပေးမယ်ဆို ငါမလိုဘူး လို့ပဲ ‘ကိုကျော်’ ကို သီချင်း ၉ ပုဒ် ပေးလိုက်ပါတယ်ရှင်။
အားလုံးဟာ မြန်မာသံ ရိုးရိုးလေးတွေပါ။ အနုပညာရှင်တို့ရဲ့ အားပဲ ရှိပါတယ်။ ထိုးထိုးဖောက်ဖောက် လျှပ်စစ် ဂီတတွေ လျှမ်းတောက်တဲ့ ကာလနဲ့လည်း ကြုံတယ်လို့ ထင်ရပါတယ်။ ဒါပေမယ့် ကက်ဆက်စင်ပေါ်ကိုတော့ အခန့်သား ရောက်ပါတယ်။ ပေးလိုက်တဲ့ သီချင်းတွေ အသံသွင်းပြီးတဲ့အခါ တပုဒ်စာ အချိန် လိုနေတာကြောင့် အကို လှထွတ်က သူ အလွတ်ရထားတဲ့ ဦးလေးကိုဘသိန်းရဲ့ တေးတပုဒ်ကို ရေးချ သီချင်းတိုက် အသံသွင်းလိုက်လို့ အံကိုက်သွားရပုံလေး သတိရမိသေးတော့တယ်။ မာအေးတို့ ဂီတ မောင်နှမ အကြိုက်ကျတဲ့ သီချင်းလေး နာမည်က “ဘုရားသွား အတူတူ” လို့ ခေါ်ပါတယ်။ ဆုတောင်း ဆုဝေ နှစ်ယောက်တည်း နေချင်သူတွေ ဆိုရင် ကြိုက်မယ် ထင်ပါတယ်ရှင်။ နားဆင်ကြည့်ပါဦး။ မြန်မာသံ ချိုချိုအေး ကြားရလိမ့်လေး လို့ ပြောပါမယ်။
ဒီသီချင်းလေးမှာ ချစ်သူကို ဘေးကနေ အားပေးတဲ့ သဘော တယုတယ သံစဉ်လေးတွေနဲ့ ခြယ်မှုန်းထားသလိုပဲ ဒုတိယပိုဒ်ကို ကူးလာတဲ့ တေးသွား ဗုံကွက်ကလေးဟာ မထူးပေမယ့် ဖူးသစ်တဲ့ မြန်မာဟန် တကွက် လို့ အသံသမားချင်း နားလည် ခံစားရပါတယ်။ သီချင်းအဆုံးကျတော့ လောကဓံကို ရင်ဆိုင် အနိုင်ယူကြမယ်လို့ စာသားကို မာန်နဲ့ရေးပြီး အသံကို အေးမြအောင် ထည့်သွင်းဖွဲ့စပ်လိုက်တာမို့ အပူနဲ့အအေး ရောထွေးနေတဲ့ အရသာ တမျိုး ပေးစွမ်းပါသေးတယ်။
အဲဒီ ဂီတဘိုးတော်ကြီးရဲ့ သီချင်း အားလုံးကိုတော့ ရန်ကုန်နဲ့ မန္တလေး အနေဝေးတာကြောင့် အသေးစိပ်ဖို့ရာ တကယ် မတတ်နိုင်ပါဘူး။ မာအေးလက်လှန်းမီ သိသမျှ သီချင်းတွေကို လေ့လာကြည့်တဲ့အခါမှာ သူ ဆိုလိုချင်တဲ့ အဓိပ္ပာယ်ကို အပြင်းအထန် တိုက်ရိုက်ကြီး ကွင်းခနဲ လင်းခနဲ မရေးတော့ဘဲနဲ့ အချစ်သီချင်းမျိုးတွေကအစ စာနဲ့ အဓိပ္ပာယ်တွေကို ယဉ်ကျေးနုနယ် ဖျော့ရေးတာသာ တွေ့မိပါတယ်။
ခိုင်ရွှေညှာဝင်း နှင်းကြွင်းဖွဲ့တဲ့ မိန်လရာသီ လေသွေးရာချီ xxx ရွှေဖီငုံကင်း အင်ကြင်းတွေကနီ သန္တာရည် တောလုံးဖြာချေပြီ xxx [မိန်ရာသီ – အေးလွင်အောင်]
ဦးလေးဘသိန်း သီချင်းက ကာရံကို ဘယ်လို ချိတ်သလဲ။ နားစွဲရဲ့လားဟင်။ “ခိုင်ရွှေညှာဝင်း” ဆိုတဲ့ ပါဒက နောက်ဆုံး ‘စာ’၊ ‘၀င်း’ ဆိုတာကို ကာရံလိုက်တော့ ‘နှင်းကြွင်း’ လို့ ဆက်တယ်။ ‘မိန်လရာသီ’မှာ တခါ ကာရံ ချိတ်တဲ့အခါ နောက်ပါဒအဆုံး ‘လေသွေးရာသီ’ နဲ့ ချိတ်တယ်။ တခါ ဆက်လိုက်တာ ‘ရွှေဖီငုံကင်း’ ဆိုတော့ ‘ဖီ’ ကာရံနဲ့ သတ်ပါတယ်။ ကြားမှ ‘ငုံကင်း’ လို့် ကာရံဖောက်ပြန်လို့ ‘အင်ကြင်း’ လို့ ယူပါတယ်။ အဲဒီ ပါဒ နောက်ဆုံး စာလုံးက ‘နီ’ ဆိုတဲ့ ကာရံကို ပြန်ဖမ်း၊ တပိုဒ် အသိမ်းမို့ ‘ဖြာချေပြီ’ နဲ့ ကာရံ ပြန်ထားလိုက်ကြောင်း ကြားလိုက်မိမှာပါနော်။
ခေတ်တွေ ပြောင်းတာလည်း ပြောင်းတာပေါ့ ကိုယ့်ဂီတ စံနစ်ဟောင်းကိုလည်း ပစ်ကောင်းစရာလို့ မမှတ်ပါမှ နေရာ ကျလိမ့်မယ်။ အဟောင်းနဲ့ အသစ်တို့ရဲ့ အားနည်းမှု အားသာမှု ဆိုတာတွေ အသာထား၊ အရေးအသား အချိတ် အဆက် သီချင်း ကာရံ မပျက်တဲ့ တပိုဒ် နားစိုက်ပေးပါဦး။ နောက်ဆုံး တပိုဒ်တော့ မီမယ် မထင်ပါဘူးရှင်။ သိစေချင်တာလေးတွေလည်း အဲဒီမှာ ပါနေသေးလို့ နောက်ကို ပို့လိုက်ပါဦးမယ်။ ခွင့်လွှတ်နော်။
(မူရင်း – ဘီဘီစီ မြန်မာပိုင်း အသံလွှင့်ဌာန BBCburmese.com)