>
မိုးမခ အထောက်တော်၊ ရန်ကုန်
ဇွန်လ ၅ရက်၊ ၂ဝဝ၉
ပြပွဲတွင် တက်ရောက် အားပေးသော မိုးဟေကို
ယခု ပြပွဲသို့ ပန်းချီ၊ ကာတွန်း၊ စာပေပညာရှင်များနှင့် အနုပညာနယ်ပယ်မှ သရုပ်ဆောင်၊ ဒါရိုက်တာများ လာရောက် အားပေးကြသည်ကို တွေ့ရသည်။ သရုပ်ဆောင် နှင့် မိုဒယ် မိုးဟေကိုလည်း လာရောက် အားပေးပြီး သဘာဝ ပတ်ဝန်းကျင် ထိန်းသိမ်းရေး လှုပ်ရှားမှု အတွက် အလှူငွေ ကျပ် ၁သိန်း ထည့်ဝင် လှူဒါန်းခဲ့သည်။
ပြပွဲကို ဦးဆောင် စီစဉ်သူများမှာ ဂရပ်ဖစ် ဒီဇိုင်းဆရာ ဦးစိုးဝင်းငြိမ်း၊ ကဗျာဆရာ မင်းထက်မောင် နှင့် ကာတွန်းဆရာ အော်ပီကျယ် အပါအဝင် အခြားစာပေ နယ်ပယ်မှ ပုဂ္ဂိုလ်များ ဖြစ်သည်ဟု သိရသည်။ ကာတွန်းဆရာ အော်ပီကျယ် ရေးဆွဲသည့် သစ်ထုတ်လုပ်သည့် အကြောင်း ကာတွန်းတကားကို မပြသရန် ပြပွဲစိစစ်သည့် အဖွဲ့ တားမြစ်ခဲ့သည် ဟုလည်း သိရှိရသည်။
အဆိုပါ ပြပွဲကို လာမည့် တနင်္ဂနွေနေ့ ညနေအထိ ပြသရန် စီစဉ်ထားပြီး ပြပွဲနေရာမှာ ဗဟန်းမြို့နယ် ကိုယ့်မင်းကိုယ့်ချင်းလမ်းရှိ Myanmar Art Center (ယခင် ပန်းချီပန်းပုကျောင်း) ဖြစ်ပြီး နံနက် ၁ဝနာရီမှ ညနေ ၅နာရီအထိ မည်သူမဆို ကြည့်ရှုနိုင်ကြောင်း သိရသည်။
ပြပွဲစီစဉ်သူများက ပတ်ဝန်းကျင် ထိန်းသိမ်းရေး လှုံ့ဆော်သည့် ဆောင်ပုဒ်စာတန်းပါ လွယ်အိတ်နှင့် တီရှပ်များကိုလည်း ကျပ် ၂၅ဝဝ၊ ၁၅ဝဝ ဖြင့်ရောင်းချလျက် ရှိသည်ကို တွေ့ရသည်။