>
ဇာနည်ဝင်း
ဧပြီ ၁၄၊ ၂၀၀၉
မြန်မာ သင်္ကြန်စာသင်္ကြန် ရေပက်တာ ပုဂံခေတ်ကတည်းက ဆိုပြီး မှန်နန်း ရာဇ၀င်ကို ကိုးကား ရေးသားကြတယ်။ ဘာကြောင့် ပက်ကြသလဲ ဆိုတော့ အမျိုးမျိုး ဖြေတယ်။ နှစ်ဟောင်းက အညစ်အကြေးတွေ ဆေးပေးချင်တာပါ တဲ့။ ရာသီဥတု အပူဆုံးကာလတွေဖြစ်လို့ အေးမြ ကြည်လင်အောင် လို့လည်း ဆိုကြတယ်။ ချစ်ခင်ခြင်း၊ စည်းလုံးညီညွတ်ခြင်းကို ရည်ရွယ်တယ် ဆိုပြီးလည်း နိုင်ငံရေးဆန်ဆန် ပြောသူလည်း ရှိရဲ့။
ဒီခေတ်မှာတော့ ကျနော်တို့ဟာ ရေ ပိုပက်ဖြစ်ကြတယ်။ စက်ဘီး၊ ဆိုင်ကယ်၊ ကား တို့ သုံးပြီး လည်ပတ်ကြလို့ နေရာအတော်များများကို ရောက်တယ်၊ ရေပိုစိုကြတယ်၊ ရေ ပိုကုန်ကြတယ်။ သင်္ကြန် မင်းသားကြီး ဇော်ဝမ်းဆိုရင် ဒီနှစ် စင်္ကာပူမှာ သင်္ကြန် သွားကျတယ်။ တက်သုတ်ရိုက် ဆိုပါစို့၊ မန္တလေး မြို့တော်ဝန် မဏ္ဍပ်ကိုလည်း ပြန်ပြေးဖွင့်ပေးရဦးမယ် တဲ့။
ဇော်ဝမ်းကြီးက အရေးပါလှပေမယ့် သူ့ထက် အရေးပါတဲ့ သိကြားမင်း ဆိုတာ ရှိသေးတယ်။ သိကြားမင်း ဆိုတဲ့ ဆရာကြီး ကမ္ဘာပေါ်ကို လာမှ သင်္ကြန်ကျတယ်၊ အထမြောက်တယ်လို့ ဆိုတယ်။ ဒီလူကြီး ဆင်းလာတယ်၊ သူ့ဂေဟာကို ပြန်တက်တယ် ဆိုတာတွေကြောင့် အကျနေ့၊ အကြိုနေ့၊ အတက်နေ့တို့ ဖြစ်လာတယ်လို့ ယူဆကြတယ်။ နာမည်ကျော် သကြားမင်းကြီးနဲ့ ပတ်သက်ပြီး ယုံရခက်ခက် ဖြစ်ပေမယ့် သင်္ကြန်က အမှန်တကယ် ပျော်စရာ ကောင်းပါတယ်။ သိကြားမင်းကြီးကို လူမျက်စိနဲ့ မမြင်နိုင်တာ ၀မ်သာစရာ။ မြင်ရရင်တော့ ကွိုင်ပဲ၊ သိကြားမင်း အဆင်းအတက် နောက်ကျလို့ သင်္ကြန် ကမောက်ကမ ဖြစ်ရင် ခက်ရချည်ရဲ့။
သင်္ကြန်မတိုင်ခင် ထွက်လာတတ်တဲ့ သင်္ကြန်စာ အကြောင်းလည်း ပြောချင်သေးတယ် (သင်္ကြန်အတွင်း စာအုပ်ဖတ်ရင်း စားဖို့ ၀ယ်ထားတာတွေကို မဆိုလိုပါ)။ သင်္ကြန်စာဟာ မြန်မာ့ယဉ်ကျေးမှု နဲ့ ဟိန္ဒူ ဝါဒကို ရောသမမွှေထားတာတဲ့၊ မြန်မာ့စွယ်စုံကျမ်းက သို့ကလို ဆိုတယ်။ ပြီးတော့ “ဗေဒင် ပညာရှိ ပုဏ္ဏားတို့သည် မြန်မာဘုရင်များ လက်အောက်တွင် ဝင်ရောက် အမှုထမ်း၍ သင်္ကြန်တွက်ရိုးကျမ်း၊ ဝေဒင်္ဂကျမ်း၊ အသီတိဓာတ်ကျမ်း စသည်တို့ဖြင့် မဟာသင်္ကြန်စာများ ထုတ်ကာ စီးပွားရှာခဲ့ကြ၏” တဲ့။
ဒါက ထိုင်း သင်္ကြန်စာသင်္ကြန်ဆိုတာ သိတဲ့အတိုင်း မိတ်အင်ဘားမား မဟုတ်။ လော၊ ကမ်ပူးခြားတို့မှာလည်း ရှိတယ်။ ဒီတော့ သင်္ကြန်စာလည်း အဲဒီနိုင်ငံတွေမှာ ရှိနိုင်တယ်။ ထိုင်းမှာတော့ ရှိတယ်။ ထီရောင်းသလို လမ်းပေါ်မှာ လိုက်ရောင်းတာ ဟိုနေ့က ၀ယ်လိုက်တာ တစောင် ၁၅ ဘတ် ပေးရတယ် ( ၁ ဒေါ်လာ ပေးရင် ၂ စောင် ရမယ်ဗျာ)။ ဘာတွေ ရေးထားမှန်းတော့ မသိပါ။ ပုံတွေကတော့ အများကြီးပဲ။ သင်္ကြန်စာထိပ်မှာ နတ်သမီးတွေက တဘက်၊ နတ်သားတွေက တဘက် မျက်နှာချင်း ဆိုင်နေကြတယ်။ ကျားပေါ် အိပ်၊ နွားပေါ် တက်ထိုင်နေတဲ့ နတ်သမီး ၂ ယောက်၊ ဆင်ပေါ်မှာ အိပ်နေတဲ့ နတ်သား ၁ ယောက် တွေ့ရတယ်။ ခေါင်းပြတ် တခုကို ကွမ်းတောင် ပန်းတောင် ကိုင်သလို ကိုင်ထားတဲ့ နတ်သမီး ၁ ယောက်လည်း ပါတယ်။ ဗြဟ္မာကြီး ဆိုသူရဲ့ ခေါင်း ဖြစ်မယ်။
ထိုင်း သင်္ကြန်စာက ကော်လံ ၂ ခု ခွဲထားသလို လုပ်ထားတော့ ဖတ်ရ ပိုလွယ်လိမ့်မယ်။ မြန်မာ သင်္ကြန်စာက ကော်လံ တခုပဲ။ ဒီစာမျက်နှာ အနေအထားနဲ့ဆို ကော်လံက ၇ ခုလောက် ခွဲသင့်တာပေါ့။ ဒါမှ စာဖတ်သူ မျက်လုံး အဆင်ပြေမယ်။ ကျနော့်ကို သင်္ကြန်စာ ရေးခိုင်းရင်တော့ ကော်လံ ၇ ခု ခွဲပစ်မှာပဲ။
သင်္ကြန်စာမှာ ရေးထားတာတွေကို မယုံဘူးပြောရင် နှစ်တိုင်း နှစ်တိုင်း ၀ယ်ဖတ်သိမ်းနေသူတွေကို စော်ကားသလို ဖြစ်မယ်။ ယုံတယ် ပြောတော့ ကိုယ့်ကိုယ်ကိုယ် ညာသလိုဖြစ်မယ်။ သိပ်ကောင်းတယ် ဆိုပြန်ရင်လည်း ရော့ – ပိုက်ဆံ၊ ပုဆိုးဝယ်ဝတ်ချည်လို့ ပြောခံရနိုင်တယ်။
နိဂုံးချုပ်ရရင် ကျနော့်မှာ နှစ်သစ်အတွက် ထိုင်း မြန်မာ သင်္ကြန်စာတွေ ရှိတယ်။ သင်္ကြန်စာ ဆိုတာ ဗေဒင် မဟုတ်လား။ မှန်ဘောင်ထဲ ထည့်ထားလို့ သင့်တော်ပါ့မလား စဉ်းစားနေမိတယ်။ ။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
