>
ဦးဂမ္ဘီရ – ၁၂ နှစ်၊ ဦးကေလာသ – ၃၅ နှစ် နှင့် ထောင်ဒဏ်များ
နှင်းပန်းအိမ်နှင့် တွေ့ဆုံမေးမြန်းချက်
ဘီဘီစီ (မြန်မာပိုင်း)
နိုဝင်ဘာလ ၁၈ ရက် ၂၀၀၈ ခုနှစ်
မနှစ်က သြဂုတ်နဲ့ စက်တင်ဘာလတွေအတွင်း သံဃာနဲ့ ပြည်သူတွေ ဆန္ဒပြရာမှာ ထင်ရှားခဲ့တဲ့ မြန်မာနိုင်ငံလုံး ဆိုင်ရာ သံဃာ့တပ်ပေါင်းစုခေါင်းဆောင် အရှင် ဦးဂမ္ဘီရကို အင်းစိန်ထောင်တွင်း တရားရုံးက ထောင်ဒဏ် ၁၂ နှစ် ချမှတ်လိုက်ပါတယ်။ ဒီအပြစ်ဒဏ်အပြင် နောက်ထပ်ထောင်သက်တမ်း တိုးလိမ့်ဦးမယ်လို့လည်း မိသားစုဝင်တွေ က စိုးရိမ်နေပါတယ်။
နောက်ထပ် သံဃာ့တပ်ပေါင်းစုခေါင်းဆောင် အရှင် ဦးကေလာသကိုလည်း ထောင်ဒဏ် ၃၅ နှစ် အပြစ်ဒဏ် သတ်မှတ်လိုက်ပါတယ်။
ရခိုင်တိုင်းရင်းသား ကိုတင်ထူးအောင် နဲ့ ချင်းတိုင်းရင်းသား ကိုကန်လန်ခုတ် ခေါ် ကိုကျော်စိုးတို့ကို ထောင်ဒဏ် ၃၃ နှစ်စီချလိုက်ပြီး နောက်ထပ် ချင်းတိုင်းရင်းသားတဦးဖြစ်တဲ့ ကိုကန်ခန့်ခွာ ခေါ် ကိုအန်ထော်နီကိုတော့ ထောင်ဒဏ် ၈ နှစ် ချမှတ်လိုက်ပါတယ်။
အခုလ ၁၁ ရက်နေ့က ထောင်ဒဏ် ၁၀ အပြစ်ပေးခံထားရတဲ့ ကိုသီဟသန့်ဇင် ကို ထောင်ဒဏ် ၈ နှစ် နောက်ထပ်တိုးခဲ့သလို အဲဒီနေ့ကပဲ ထောင်ဒဏ် ၈ နှစ်အချခံခဲ့ရတဲ့ ကိုသိန်းဇော်ဟာလည်း နောက်ထပ် ထောင်ဒဏ် ၅ နှစ် အတိုးခံရပါတယ်။
မြန်မာနိုင်ငံအတွင်းမှာ အခုတလော ထောင်ဒဏ်အပြစ်ပေးမှုတွေ ဆက်တိုက်လုပ်လာချိန်မှာပဲ ပြည်တွင်းမှာ ဆက်နေလို့ မဖြစ်လောက်အောင် ဖိအားတွေပေးခံရလို့ဆိုပြီး စာရေးဆရာမ နှင်းပန်းအိမ်ဟာလည်း မကြာသေးခင်ကပဲ ထိုင်း-မြန်မာနယ်စပ်ကို ထွက်ပြေးရောက်ရှိလာခဲ့ပါတယ်။ ဒီတော့ သူ ဘာတွေ တွေ့ကြုံခဲ့ရလို့ပါလဲ။ ဆရာမ နှင်းပန်းအိမ် ပြောပြတာက …
“ကျမတို့ရဲ့မိသားစုဘဝလုံခြုံမှု ပေးနိုင်မှုမရှိလို့ ကျမ ထွက်ခဲ့တာပါ”
– လုံခြုံမှုမပေးနိုင်လို့ဆိုတာက ဘာကိုအခြေခံပြီးတော့ ပြောတာပါလဲ။
“ကျမ အမျိုးသားနဲ့ပတ်သက်ပြီးတော့ ကျမအိမ်ကို ခဏခဏလာပြီးတော့ မေးတာ မြန်းတာတွေ လုပ်တယ်၊ ဖိအားပေးခံရတယ်။ ကျမ အမျိုးသားကြောင့် ကျမရဲ့ဆုပေးပွဲတို့ ဘာတို့ဆိုရင် စာနယ်ဇင်းတွေမှာ ဖော်ပြတာကို မေးတာမြန်းတာတွေ အလုပ်ခံရတယ်။ အိမ်မှာလာပြီး မေးတယ် စမ်းတယ်”
– ဘာကြောင့်မို့လို့ အမျိုးသားနဲ့ပတ်သက်ပြီးတော့ ဆရာမကို ဒီလိုဖိအားတွေ လုပ်တာပါလဲ။
“အမျိုးသားကတော့ နိုင်ငံရေးသမားဆိုတော့ ထောင်ကထွက်လည်း သူက နိုင်ငံရေးပဲ ဆက်လုပ်တာကိုး။ ဒါ သူတို့ရဲ့ယုံကြည်မှုပဲ။ ကျမ အမျိုးသား ကိုနေဦးက အမျိုးသားဒီမိုကရေစီအဖွဲ့ချုပ် လူငယ်ပါပဲ။ သူ ၁၉၉၈ မှာ အဖမ်းခံရပါတယ်၊ အခု ၂၀၀၅ ဇူလိုင် ၆ ရက်နေ့မှ ကလေး အကျဉ်းထောင်က လွတ်ပါတယ်။ နောက်တခု ကျမက စာရေးတယ်၊ လုံခြုံမှုတင် မဟုတ်ဘူး။ စာရေးတဲ့အပေါ်မှာပါ ထပ်ပြီး ဖိအားတွေပေးတာပေါ့နော်”
– ဟုတ်ကဲ့ ဘယ်လိုဖိအားမျိုးတွေပါလဲရှင့်။
“ ကျမတို့လက်ရှိရင်ဆိုင်နေရတဲ့ လူမှုဒုက္ခတွေပေါ့နော်။ စီးပွားရေးအကျပ်အတည်းရှိတယ်၊ နိုင်ငံရေးအရ နိုင်ငံရေး ရဲဘော်မိသားစုတွေ ကျမတို့ပြည်သူလူထုတွေ နှိပ်စက်ညှဉ်းပန်းခံရတာတွေ၊ သံဃာတော်တွေ သွေးမြေကျတဲ့ ကိစ္စတွေ၊ နိုင်ငံရေးအကျဉ်းသမားတွေကို နှစ်ရှည်ထောင်ဒဏ်ချတာတွေ၊ ဒီမိသားစုတွေဟာ ခံစားရတဲ့ ခံစားမှု တွေ၊ မိသားစု တကွဲတပြားဖြစ်ရတာတွေ၊ ပုန်းရ ရှောင်ရ တိမ်းရ ဘဝတည်ငြိမ်မှုမရှိတာတွေ၊ နောက်တခု ဆင်းဆင်းရဲရဲ ပင်ပင်ပန်းပန်း ရှာဖွေစားသောက်ရတာတွေ။ ဆင်းရဲပင်ပန်းတယ်ဆိုတာ ပြောတော့သာ လွယ်တယ်၊ တကယ့်ကို ဆင်းရဲတာရှင့်။ ထမင်းကို ၂ နှပ်စာကို ၁ နပ်တည်းပေါင်းစားရတာ၊ နပ်ကျော် နပ်နင်းတွေ စားရတာ၊ ကျောင်းတက်ခွင့်တွေမရှိတာ။ စာသင်ခန်းမှာ နေရမယ့်အရွယ်တွေက လက်ဖက်ရည် ဆိုင်တွေမှာ စားပွဲထိုးလုပ်နေရတာ၊ ကုန်ထမ်းနေရတာ၊ တောင်းစားနေရတာ။ ဒါမျိုးတွေက အများကြီးပဲ။
တကယ်ကျောင်းတက်နေရတဲ့ ကလေးတွေကရော ပြည့်စုံလားဆိုတော့လည်း မပြည့်စုံဘူး။ စာအုပ်စာတမ်းကြေး ရှိတယ်။ မိဘတွေကို ဖိအားထပ်ပေးတာက ကျောင်းတွေကနေပြီးတော့ အခု နာဂစ်ဖြစ်တယ်၊ နာဂစ်ဖြစ်တဲ့ အပေါ်မှာ ကျမတို့ကို သွပ်မိုးအလှူခံလိုက်၊ ကြမ်းခင်းဖိုးအလှူခံလိုက်၊ ခုံဖိုးအလှူခံလိုက် ဒီလိုအလှူခံမျိုးတွေကို ကျမတို့ မိဘတွေက နည်းမျိုးစုံနဲ့ လှည့်ပေးနေရတာ။
ဒီလိုရင်ဆိုင်ရတဲ့ ဒုက္ခအခက်အခဲတွေ အများကြီးရှိတယ်။ ဒီလို ဒုက္ခတွေကို ကျမတို့က စာမျက်နှာပေါ် တင်ခွင့် မရှိဘူးရှင့်၊ စာမျက်နှာပေါ်မှာ တင်ခွင့်မရှိတဲ့အခါကျတော့ ကျမတို့ရေးရတဲ့အပေါ်မှာလည်း အနုပညာ သရုပ်ဖော်ဖို့ ထက် စာပေစိစစ်ရေး လွတ်ဖို့ဆိုပြီးတော့ စာရေးဆရာက ဒီလို ဦးစားပေးပြီး ဇောင်းပေးပြီးရေးရတယ်ဆိုတဲ့ အခါကျတော့လည်း စာရေးသူတယောက်အနေနဲ့ ဒါ တော်ရုံဒုက္ခတော့ မဟုတ်ပါဘူး”
မကြာခင်ကပဲ ထိုင်း-မြန်မာနယ်စပ်ကို ထွက်ပြေးလာတဲ့ နာမည်ကြီး စာရေးဆရာမ နှင်းပန်းအိမ်ပြောပြသွား တာပါ။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
