>
မစိုးရိမ်ဆရာတော်ကြီး ဦးကောဝိဒဘိဝံသနဲ့ အင်တာဗျူး အပိုင်း ၂
မောင်ရစ် ဘာသာပြန်
စက်တင်ဘာ ၉၊ ၂၀၀၈
မာရီယာ – သာသနာကို စော်ကားတဲ့၊ မြန်မာပြည်သူတွေကို ထိခိုက်စေတဲ့ အမှုတွေ ကျုးလွန်တဲ့ စစ်အစိုးရအပေါ်ကို အရှင်ဘုရား ဒေါသမထွက်ဘူးလား ဘုရား။ အရှင်ဘုရားရဲ့ ဓမ္မအကျင့်အကြံတွေနဲ့ ဘယ်လိုမျိုး တုန့်ပြန်ပါသလဲ ဘုရား။
သာမန်လူတွေလိုပဲ ဒေါသထွက်တဲ့အချိန်တွေ ရှိတာပေါ့။ ဒါပေမယ့် ဘုရားသားတော်တဦးအနေနဲ့ ဘုရားရှင် ညွှန်ပြခဲ့တာကို လိုက်နာရတယ်။ ဒါက ဘာလဲဆိုတော့ မေတ္တာ ပဲ။ ယခင်အတိတ်ဘ၀က မကောင်းတဲ့ ကံကြောင့် အခုလို ဖြစ်ရတယ်။ ဒါကို ဒေါသထွက်တဲ့အခါ မေတ္တာပွားပြီးတော့ ချိုးနှိမ်ရတယ်။ ပြောချင်တာက ဆရာတော်တို့က ဒေါသစိတ် မဖြစ်ဘူးလို့ မဆိုလိုပါ။ သို့သော် ဒေါသစိတ် ဖြစ်ပေါ်တိုင်းမှာ မေတ္တာစိတ်ကို ထားပြီး ထိမ်းသိမ်းရတယ်လို့ ပြောချင်တာပါ။
အစကတော့ ငါဘာဖြစ်လို့ အခုလို ထောင်ကျရတာလဲ ဆိုတာကို ဖြေလို့ကို မရဘူး။ ဘာဖြစ်လို့လဲဆိုတော့ ငါ့မှာ ဘ၀တလျောက်လုံး တရားစာတွေ သင်ကြားပို့ချပေးခဲ့တယ်၊ ဘုရားစေတီတွေ တည်ပေးခဲ့တယ်။ ကောင်းတဲ့ အမှုတွေချည်းကိုသာ ဆောင်ရွက်ခဲ့တာကိုး။ ဒါပေမယ့် ပြန်ပြီး စဉ်းစားလိုက်တော့ လူတွေဟာ သံသရာကြီးမှာ ကျင်လည်နေကြရတာကိုး။ ယခင်အတိတ်ကာလတခုမှာ ငါတို့တွေ မကောင်းမှုတွေ ကျုးလွန်ခဲ့တဲ့အတွက် အခုဘ၀မှာ အဲဒီအကျိုးကို ခံစားနေရပြီ ဆိုတာပဲ။ ဒါကို သတိမပြုမိဘဲ ဒေါသတွေ ဖြစ်နေမယ့်အစား ကံ ကံ ရဲ့ အကျိုးကို နှလုံးသွင်းနေခဲ့တယ်။ ဒီလိုနဲ့ ဘ၀ကို ဆက်သွားရတယ်။ ဒီလို စိတ်ကို ထားနိုင်ခဲ့လို့ အကျဉ်းထောင်ထဲမှာ ၂၂ လ လုံးလုံး နေထိုင်နိုင်ခဲ့တယ်။ အဲသလိုမဟုတ်ခဲ့ရင် ဒေါသတွေ ပွားနေတာနဲ့ အသက်တောင် ရှင်လျက်နဲ့ ထွက်လာနိုင်မှာ မဟုတ်ဘူး။
အနှစ် ၅၀ လုံးလုံး တရားစာပေတွေကို သင်ကြား ပို့ချပေးခဲ့တယ်။ ငါ့ရဲ့ စာသင်သားဟောင်း ရဟန်းတွေ အသတ်ခံရတယ်၊ အလုပ်ကြမ်းစခန်းတွေ အပို့ခံရတယ် ကြားရတော့ ဒေါသတွေ ဖြစ်ရတယ်။ ဝေဒနာတွေ ဖြစ်ရတယ်။ ဘာကြောင့်လဲဆိုတော့ သူတို့တွေအားလုံးဟာ ငါတို့ရဲ့ သွေးသားရင်းတွေလို သဘောထားရလို့ပဲ။
အခုဆိုရင်လည်း မြန်မာပြည် ပြင်ပက ဒကာ၊ ဒကာမတွေ၊ အခုလို ဘီပီအက်ဖ်က လူတွေဟာ မြန်မာပြည်မှာ ဖြစ်ပျက်နေတာကို မြင်ရ၊ ကြားရရုံနဲ့ စိတ်နှလုံးတွေ ထိခိုက်ညှိုးငယ်စွာနဲ့ ထိခိုက်ကြ၊ ဒေါသတွေ ဖြစ်ကြရတယ် ဆိုရင့် မြန်မာပြည်တွင်းက ရဟန်းသားတော် အချင်းချင်းမှာ ဘယ်လိုများ ခံစားကြရရှာလိမ့်မလဲ လို့ စဉ်းစားကြည့်ကြနိုင်ပါတယ်။ ဒေါသမထွက်ဘူးလို့တော့ ဘယ်နည်းနဲ့မှ မပြောနိုင်ပါဘူး။ အရေးကြီးတာကတော့ ဒေါသစိတ်ကို ဘယ်လို ထိမ်းသိမ်းပြီးတော့ ဘုရားရှင်ရဲ့ အဆုံးအမ အတိုင်း လိုက်နာကျင့်ကြံမလဲ ဆိုတာပါပဲ။
မာရီယာ – ဆန်ဖရန်တက္ကသိုလ်မှာ အရှင်ဘုရားပြောခဲ့တဲ့ မိန့်ခွန်းကို အလွန် သဘောကျမိပါတယ်။ ပညာရေးဟာ အလွန်အရေးကြီးတဲ့အကြောင်းကို ပြောသွားတာပါ။ မြန်မာပြည်မှာ ငြိမ်းချမ်းစွာနဲ့ ဒီမိုကရေစီ စနစ်သို့ ကူးပြောင်းနိုင်ဖို့အတွက် ပညာရေးဟာ ဘယ်လိုအခန်းကဏ္ဍက ရှိနေမလဲ လို့ ယူဆပါသလဲ။
ပညာရေးကို ဆရာတော်က နှစ်နှစ်ကာကာ ယုံကြည်သက်ဝင်သူ ဖြစ်ပါတယ်။ ဘုရားရှင်က မိန့်ကြားခဲ့တယ်။
” သုဿုခါ ဆရာစကား နာခံ မှတ်သားသင်ယူလေ့ ရှိသူသည် သုတဝဒ္ဓနီ ဗဟုသုတ တိုးပွား၏၊ သုတံ ဗဟုသုတသည် ပညာယဝဒ္ဓနံ ဥာဏ်ပညာ တိုးပွားစေ၏၊ ပညာယ ဥာဏ်ပညာ တိုးပွားလာသဖြင့် အတ္ထံ အကြောင်းအကျိုး အကောင်းအဆိုးကို ဇာနာတိ သိ၏၊ ဥာတော အတ္ထော အသိဥာဏ် ပညာ ရှိသူသည် သုခါဝဟော မိမိချမ်းသာမှု၊ သူတပါးချမ်းသာမှု ကို ဆောင်ရွက်နိုင်၏ …. ” အဲဒီလို ဗုဒ္ဓကဟောပါတယ်၊၊
အကြင်သူသည် မလေ့ကျင့်လျင် အမှန်တရားကို မြင်လိမ့်မည် မဟုတ်ပါ။ ဗုဒ္ဓဘာသာဝင်တဦးအနေနဲ့ ပညာရဲ့ အရေးပါပုံကို သိရှိပါတယ်။ မြန်မာပြည်ဟာ ယခင်တုံးက ပညာရေးအဆင့် မြင့်မားခဲ့တယ်။ ဒါကို ရည်ရွယ်ချက် ရှိရှိနဲ့ စစ်အစိုးရက ဖျက်ဆီးပစ်ခဲ့တာ ဖြစ်တယ်။ ပညာမရှိတဲ့ လူတွေအပေါ်မှာ စစ်အစိုးရက လွယ်လွယ်ကူကူ ထိမ်းချုပ်ထားနိုင်မှာ ဖြစ်တယ်။
မြန်မာပြည်က အစိုးရက ပညာမရှိတဲ့အတွက် ရဟန်းတွေကို စပြီးတော့ ပစ်သတ်တာကို လုပ်တာ ဖြစ်တယ်။ ဒါက ပညာမရှိဘူး၊ ဗဟုသုတ မရှိဘူး ဆိုတာကို ပြနေတယ်။ ပညာရေးဆိုတာက ဒီမိကရေစီစနစ်ကို ကူးပြောင်းဖို့ လိုအပ်ရုံသာမက နေ့စဉ်ဘ၀မှာလည်း ပြည့်ဝရင့်ကျက်နေဖို့အတွက်ပါ လိုအပ်ပါတယ်။
အယ်လင် – မြန်မာပြည်တွင်းမှာ ဘယ်လိုမျိုးနည်းနဲ့ ဒီမိုကရေစီစနစ်ကို ကူးပြောင်းမယ်လို့ ထင်ပါသလဲ။
ယခုဆိုရင် ပြည်ပက ရဟန်းတွေဟာ ပြည်တွင်းက ရဟန်းတွေကို တိုက်ရိုက်ဖြစ်စေ၊ သွယ်ဝိုက်ပြီးဖြစ်စေ ကူညီထောက်ပံ့နေကြပါတယ်။ သူတို့တွေဟာ အစိုးရအဆင့် လုပ်နေကြတာ မဟုတ်ပဲ အခြေခံလူထုကြားထဲက စပြီး ဆောင်ရွက်နေကြတာ ဖြစ်ပါတယ်။ ဘုရားရှင်ရဲ့ ၀ိနည်းနဲ့အညီ ပြည်တွင်းက ရဟန်းတော်တွေဟာ သူတို့တတ်နိုင်တာကို လုပ်ကိုင်နေကြပါတယ်။ သာသနမောဠိ အဖွဲ့ချုပ်ရဲ့ အဓိကရည်ရွယ်ချက်က သာသနာကို ရန်အပေါင်းက ကာကွယ်ဖို့ ဖြစ်ပါတယ်။ ဒီမိုကရေစီ၊ လွတ်လပ်ရေးနဲ့ ငြိမ်းချမ်းရေးကို ဘုရားနည်းလမ်းနဲ့အညီ ရယူနိုင်မှာ ဖြစ်ပါတယ်။
ကမ္ဘာကြီးတခုလုံးကို သိကြားစေချင်တာကတော့ – ငါတို့က အစိုးရကို ဆန့်ကျင်တိုက်ခိုက်နေတာ မဟုတ်ဘူး။ ငါတို့ကဲ့သို့ စာသင်စာချ သက်တမ်း နှစ် ၅၀ ရှိတဲ့ ဆရာတော်မျိုးတွေက အခုလို ဆောင်ရွက်နေတာဟာ အစိုးရက လူ့အခွင့်အရေးကိစ္စတွေကို ကျုးလွန်လာလို့ ဖြစ်ပါတယ်။ ရဟန်းတချို့ဆိုရင် စစ်အစိုးရဆီက ဆွမ်းကို လက်မခံလို့၊ လမ်းမပေါ်မှာ မေတ္တာသုတ်ရွတ်ဖတ် ချီတက်လို့ သေနတ်နဲ့ အပစ်ခံရတယ်။ ဒီလိုမျိုး ရဟန်းတွေ ဆောင်ရွက်ခွင့်ဟာ အခြေခံ လူ့အခွင့်အရေးပဲ ဖြစ်ပါတယ်။ ကမ္ဘာကြီးက လူတွေက သိချင်ကြတယ်။ ဘာဖြစ်လို့များ သာမန် အပြစ်မဲ့တဲ့ နိုင်ငံသားတဦး အနေနဲ့ သူလုပ်ပိုင်ခွင့် ရှိတာကို လုပ်ဆောင်နေတဲ့ ရဟန်းတွေကို စစ်အစိုးရက သတ်ဖြတ်ပစ်ရတာလဲ ဆိုပြီးတော့ သိချင်ကြတယ်။
စစ်အစိုးရက ပြောတယ်လေ။ အဲဒီ ရဟန်းတွေက အမေရိကန်က အကူအညီတွေ ရတယ်တဲ့။ ဒါ မဟုတ်ပါဘူး။ စစ်အစိုးရက ဓါးစာခံရှာနေတာ ဖြစ်ပါတယ်။ ငါတို့က အဖြစ်မှန်ကို အမှန်တရားကို လူတွေအားလုံး သိနားလည်သွားစေချင်တယ်။
အယ်လင် – သာသနမောဠိ အကြောင်း ရှင်းပြပေးပါ။
ဆရာတော်ဟာ အနှစ် ၅၀ လုံးလုံး စာဝါများ သင်ကြားပို့ချလာခဲ့တဲ့နေရာမှာ ဘယ်တုံးကမှ အဖွဲ့အစည်းတွေ၊ နိုင်ငံရေးတွေ မလုပ်ခဲ့ပါဘူး။ စက်တင်ဘာဖြစ်ပြီးတဲ့အခါမှာ ဆရာတော်ဟာ ယခင်ကလိုပဲ စာချည်းသာ သင်နေလို့ကတော့ မြန်မာပြည်ကြီးအတွက် မထူးခြားနိုင်ပါဘူးလို့ စဉ်းစားမိတယ်။ အဖွဲ့အစည်းအမည်ပေးဖို့အတွက် အားလုံးကို ဆရာတော် ၃ ရက်လုံးလုံး သေသေချာချာ စဉ်းစားတယ်။ နောက်ဆုံးတော့ သာသနာရဲ့ အထွဋ်အခေါင် မကိုဋ်သဘောအဖြစ် သာသနမောဠိလို့ ရလာတယ်။ ဒီလိုနဲ့ မြန်မာပြည်တွင်းသာမက နယ်စပ်က ရဟန်းတွေကိုပါ အကူအညီပေးနိုင်မယ်။ အခုဆိုရင် ဆရာတော် ၈၁ နှစ်ရှိပြီ။ ဆက်လက်ပြီး မသည်းခံနိုင်တော့ဘူး။ အခုအချိန်ကစပြီး တကမ္ဘာလုံးကို အသိပေးနိုင်ဖို့ အင်အားရှိတဲ့ အဖွဲ့အစည်း ထူထောင်ပြီးတော့ ပါဝင်ဆောင်ရွက်ဖို့ အချိန်ရောက်ပြီလို့ ဆုံးဖြတ်လိုက်တာ ဖြစ်တယ်။
မာရီယာ – အနာဂတ် မြန်မာပြည်ကို ဘယ်လိုမျိုး မြင်ထားပါသလဲ
ဆရာတော်အနေနဲ့ ယုံကြည်ထားတာကတော့ ဒီသံဃာသပိတ်သည် အောင်မြင်ရမယ်။ မြန်မာပြည် ဒီမိုကရေစီ အမြန်ဆုံး ရရမယ်။ ပြည်တွင်းက ရဟန်းသံဃာတွေရဲ့ သပိတ်မှောက်ကံဆောင်မှုဟာ ဆက်လက်တည်ရှိနေတယ်ဆိုတာ အမြဲတန်း သတိရနေရမယ်။ သူတို့က အတင်းအဓမ္မ အလှူလက်ခံခိုင်းတာကို ဘာမှ ပြောစရာမရှိပါဘူး။ အရေးကြီးတာက စိတ်ထဲမှာ ဒီသပိတ်မှောက် လှုပ်ရှားမှုဟာ ဆက်လက် ရှိနေရမယ်။ သူတို့မှာ သတ္တိနဲ့ စိတ်ဓာတ်အပြည့်သာ ရှိနေရင်၊ ဆက်ပြီး ချီတက်ဖို့ အမြင်ရှိနေရင်၊ ကမ္ဘာကြီးကလည်း ဆက်ပြီး ထောက်ခံနေရင်၊ မြန်မာပြည်မှာ မကြာမီအချိန်အတွင်း အလင်းပြန်ရကြလိမ့်မယ်။
အယ်လင် – မြန်မာပြည်အရေးနဲ့ မြန်မာပြည်သူတွေကို ထောက်ခံအားပေးနေဖို့် အမေရိကန်နဲ့တကွ အခြား ကမ္ဘာနိုင်ငံအသီးသီးအားလုံးအတွက် ဘယ်ဟာက အရေးကြီးဆုံးပါလဲ။
ရှိတဲ့နည်းပေါင်းစုံက ၀ိုင်းကူညီကြပါလို့ အတိုဆုံး အဖြေပေးရမှာ ဖြစ်တယ်။ အရေးပါဆုံးကတော့ ၂ ချက်ပဲ ရှိပါတယ်။ ပထမဦးဆုံးက စိတ်ဓာတ်ပိုင်းအရ အားပေးနေဖို့ ဖြစ်ပါတယ်။ ပြည်တွင်းက ရဟန်းတွေဟာ အရေးတော်ပုံကြီးအတွက် တိုက်ပွဲဝင်နေကြချိန်မှာ ရေရှည်ခံနိုင်ဖို့ သတ္တိ လိုအပ်တယ်။ ဒုတိယအနေနဲ့ ရုပ်ပိုင်းဆိုင်ရာ အကူအညီတွေ ဖြစ်ပါတယ်။ ငွေကြေး အထောက်အပံ့တွေလည်း သူတို့မှာ လိုအပ်နေပါတယ်။ ဘာပဲ ဖြစ်ဖြစ် လိုအပ်နေပါတယ်။
ပြီးတော့ ဖိအားတွေ ဆက်ပေးနေဖို့ ဖြစ်တယ်။ အရေးကြီးပါတယ်။ အခုချိန်မှာ ဆရာတော်ဟာ သက်တော် ၈၁ ရှိနေပြီ။ အခုဆိုရင် သည်တိုင်းပြည်အနှံကို လှည့်လည်ပြီး တရားဟောပြောနေတယ်။ အင်တာဗျူး အမေးအဖြေတွေ ပြုလုပ်နေတယ်။ အကယ်၍သာ တကမ္ဘာလုံးက ပြည်သူတွေအားလုံးကသာ စိတ်ဓာတ်ပိုင်းအရကော၊ ရုပ်ပိုင်းဆိုင်ရာကပါ ၂ ဖက်စလုံးကနေ အကူအညီတွေ ပေးနေကြမယ်သာဆိုရင် သိပ်မကြာပါဘူး၊ လ အနည်းငယ်အတွင်းမှာ မြန်မာပြည်ကြီး အန္တရာယ်အားလုံးက လွတ်မြောက်ရမှာ ဖြစ်ပါတယ်။
(ဘာသာပြန်သူ စာကြွင်း – ဆရာတော်ကြီးဟာ ၂၀၀၇ ဒီဇင်ဘာမှာ အမေရိကန် အနောက်ခြမ်းမှာ သာသနမောဠိအဖွဲ့ချုပ်နဲ့ မြန်မာရဟန်းတော်များအရေး လှည့်လည် တရားဟောခဲ့ပါတယ်။ အလှူခံရသမျှ ၀တ္တုငွေကြေးတွေကို နီးစပ်ရာအဆက်အသွယ်များက တဆင့် ပြည်တွင်းနဲ့ နယ်စပ်က သံဃာတော်တွေကို ကူညီဖို့ စွန့်လွှတ်ဆောင်ရွက်ခဲ့ပါတယ်။ ၂၀၀၈ မတ်လမှာ စစ်အစိုးရ အခြေခံဥပဒေကို ထောက်ခံကြလျင် ကံကြီးထိုက်ကြလိမ့်မယ်လို့ ဟောပြောခဲ့ပါတယ်။ ၂၀၀၈ ဧပြီလမှာတော့ နှလုံးရောဂါနဲ့ ပျံလွန်တော်မူခဲ့ပါတယ်။ ဆရာတော်ကြီးနဲ့ ရုပ်မြင်အင်တာဗျုး မှတ်တမ်းတခုဟာ ၂၀၀၇ စက်တင်ဘာ သံဃာသပိတ်ကို မှတ်တမ်းပြုထားတဲ့ ဥရောပက ရုပ်သံမှတ်တမ်းကား “Inside Burma” မှာ ထည့်သွင်းဖော်ပြနိုင်ခဲ့တာကို တွေ့ရပါတယ်။ )
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
