>
မစိုးရိမ်ဆရာတော်ကြီး ဦးကောဝိဒဘိဝံသနဲ့ အင်တာဗျူး အပိုင်း ၁
မောင်ရစ် ဘာသာပြန်
စက်တင်ဘာ ၈၊ ၂၀၀၈
(ဘာသာပြန်သူ့ စကား – ၂၀၀၇ ဒီဇင်ဘာမှာ မစိုးရိမ်ဆရာတော် ဦးကောဝိဒဘိဝံသ ဆန်ဖရန်စစ္စကိုတက္ကသိုလ်က ပေးအပ်တဲ့ ဂုဏ်ထူးဆောင်ပါရဂူဘွဲ့ကို လာရောက်လက်ခံခဲ့ပါတယ်။ ၂၀၀၇ စက်တင်ဘာတုံးက စစ်အာဏာရှင်တွေကို သပိတ်မှောက်တဲ့ မြန်မာပြည်က သံဃာ့အာဇာနည်တွေကို ချီးမြှင့်တဲ့ ဘွဲ့ကို ၁၉၉၀ ခုနှစ်များမှာတုံးက စစ်အစိုးရကို သပိတ်မှောက်ကံဆောင်ရာမှာ ဦးဆောင်တဲ့ သံဃာအဖြစ် အကျဉ်းချခံခဲ့ရသူ ဆရာတော်ကြီးတပါးက လာရောက်လက်ခံတာ ဖြစ်တဲ့အတွက် သင့်မြတ်တဲ့ မြင်ကွင်းတခုပဲလို့ ဆိုနိုင်ပါတယ်။
ဆရာတော်ကြီး ရောက်ရှိနေတဲ့အချိန်မှာ ဗုဒ္ဓဘာသာဝင် ဥပသကာများလို့ ဆိုနိုင်တဲ့ Buddhist Peace Fellowship အဖွဲ့က အမေရိကန်နိုင်ငံသား မာရီယာ နဲ့ အယ်လင်တို့က လာရောက်ပြီး အင်တာဗျူးခဲ့ကြပါတယ်။
သူတို့အဖွဲ့က ထုတ်ဝေတဲ့ စာစောင်မှာ ဖော်ပြခဲ့တဲ့ ဆောင်းပါးကို မြန်မာဘာသာနဲ့ ပြန်ဆိုပြီး တင်ဆက်လိုက်ပါရစေ။
၂၀၀၇ စက်တင်ဘာ သံဃာသပိတ် အရေးတော်ပုံ နှစ်ပတ်လည် အမှတ်တရ၊ ပြီးတော့ ၂၀၀၈ ဧပြီ သက်တော် ၈၂ နှစ်မှာ ပျံလွန်တော်မူတဲ့ သပိတ်မှောက်ဆရာတော်ကြီးတပါးရဲ့ အမှတ်တရ … )
ဆရာတော် ဦးကောဝိဒ ဟာ သက်တော် ၈၁ နှစ်ရှိတဲ့ အများက ရိုသေလေးစားကြတဲ့ သံဃာတော်တပါး ဖြစ်ပါတယ်။ ယခုအချိန်မှာ နယူးယောက် မဲဇာမှာ သီတင်းသုံးနေရပေမယ့် တချိန်က ”မစိုးရိမ် ကျောင်းတိုက်” လို့ အမည်တွင်တဲ့ သက်တမ်းရှည် စာသင်တိုက်ကြီးရဲ့ နာယကဆရာတော်ကြီး ဖြစ်ခဲ့ပါတယ်။
၂၀၀၁ မှာ ဆရာတော် အမေရိကန်ကို အလည်အပတ် ကြွရောက်ချိန်က အစပြုပြီး နယူးယောက်က သာသနဇောတိ ဓမ္မရိပ်သာမှာ သီတင်းသုံးနေထိုင်ပါတယ်။ နှစ်စဉ် နှစ်တိုင်း မြန်မာပြည်ကို ပြန်ကြွနိုင်ခဲ့ပေမယ့် စက်တင်ဘာ ၂၀၀၇ ကတည်းက မပြန်နိုင်တော့ပါဘူး။ အောက်တိုဘာ ၂၀၀၇မှာ စတင်ထူထောင်တဲ့ သာသနမောဠိ လို့ အမည်ပေးထားတဲ့ နိုင်ငံတကာရောက် မြန်မာရဟန်းတော် အပါး ၅၀ ကျော် နဲ့ ဖွဲ့စည်းထားတဲ့အဖွဲ့ရဲ့ နာယကဆရာတော်အဖြစ် ဆောင်ရွက်နေပြီ ဖြစ်ပါတယ်။
၂၀၀၇ ဒီဇင်ဘာ ၁၅ မှာ ဘီပီအက်ဖ် အဖွဲ့သားတွေဖြစ်တဲ့ မာရီယာနဲ့ အယ်လင်တို့ ဆရာတော်ကို ဖရီးမောင့်မြို့ မေတ္တာနန္ဒ၀ိဟာရ ကျောင်းတိုက်မှာ သီးသန့်တွေ့ဆုံ စကားပြောခွင့်ရခဲ့ပါတယ်။ အဲဒီ ယမန်နေ့က ဆရာတော်ကိုယ်တိုင် ဆန်ဖရန်စစ္စကိုတက္ကသိုလ် ဘွဲ့နှင်းသဘင်သို့ တက်ပြီး ဂုဏ်ထူးဆောင် ဒေါက်တာဘွဲ့ကို မြန်မာပြည်တွင်းက သံဃာတော်များကိုယ်စား လက်ခံရယူခဲ့ပါတယ်။ ဆရာတော်ကို ဘုန်းတော်ကြီးကျောင်း ဒုတိယထပ်မှာ တွေ့ဆုံခဲ့ရပြီး မြန်မာမိသားစုများလည်း အတူရှိနေတာကို တွေ့ရပါတယ်။ ဆွမ်းဟင်းများ ဆက်ကပ်ထားတဲ့ ဘုရားစင်အနီးက ကုလားထိုင်မှာ ထိုင်နေတဲ့ဆရာတော်က ပြုံးရွှင်စွာ ဦးခေါင်းကို ညိတ်ပြီ်း ကြိုဆိုပါတယ်။
မာရီယာ – ၁၉၉၀ ခုနှစ်မှာတုန်းက ဒီမိုကရေစီရေး လှုပ်ရှားမှုမှာ ဆရာတော် ဘယ်လို ပါဝင်ပတ်သက်လာရပုံနဲ့ အဲသည်ရဲ့ နောက်ဆက်တွဲ ဘာတွေ ဖြစ်လာရသလဲဆိုတာကို ပြောပြပါ ဘုရား။
၁၉၈၈ မှာတုန်းက တပြည်လုံး အုံကြွခဲ့ကြတယ်။ ဆရာတော်က မပါဝင်ခဲ့ပါ။ ၁၉၉၀ မှာကျတော့ စစ်တပ်က လူတွေကို သေနတ်နဲ့ ပစ်တယ်။ သံဃာတော်တွေကိုလည်း ပစ်တယ်။ သံဃာငယ်တချို့က သူတို့ရလာတဲ့ ဒဏ်ရာတွေကို လာပြီး ပြကြတယ်။ အဲဒီမှာ ဆရာတော်ကိုယ်တိုင် ပါရတော့တာပဲ။
အစိုးရက ပြည်သူတွေကို ထိခိုက်အောင် လုပ်လာပြီဆိုရင် သံဃာတော်တွေဟာ ၀ိနည်းနဲ့အညီ နိုင်ငံအရေးကို ၀င်ပြီး ပတ်သက်ရတယ်။ အဲဒီမှာ တို့တတွေ ပထမဦးဆုံးအကြိမ် သပိတ်တွေကို မှောက်ရတော့တာပဲ။ ဘာကြောင့် သပိတ်မှောက်ရသလဲ၊ ငါတို့ စာသင်သားတွေ အပစ်ခံရတယ်။ အရိုက်ခံကြရတယ်။
စစ်အစိုးရက ဆရာတော့်ကို သပိတ်မှောက်အောင် ကြိုးကိုင်တဲ့သူအဖြစ် စွပ်စွဲပြီး ထောင်ချခဲ့တယ်။ သူတို့မှာ ဆရာတော်ကို စွပ်စွဲဖို့ သက်သေအထောက်အထား မရှိပါဘဲလျက် အလုပ်ကြမ်းနဲ့ ထောင်ဒဏ် ၃ နှစ် ချခဲ့တယ်။ မန္တလေးထောင်ထဲမှာ ၂၂ လ လုံးလုံး တရားသွားထိုင်နေရတယ်လို့ ဆိုကြပါစို့ကွာ။ အစပိုင်းကတော့ သင်္ကန်းဝတ်ရုံခွင့်ရှိတယ်။ နောက်ကျတော့ ဆရာတော်ကို သင်္ကန်းချွတ်ပစ်လိုက်တယ်။
ဝိနည်းအရဆိုလျင် ရဟန်းဆိုတာ သိက္ခာပုဒ်တွေနဲ့ နေထိုင်သမျှ ကာလပတ်လုံး ရဟန်းအဖြစ်က လျောမကျပါဘူး။
အကျဉ်းထောင်ဆိုတာ ဒီမှာလို မဟုတ်ဘူး။ အိပ်ယာတို့ မွေ့ယာတို့ မရှိဘူး။ သံမံတလင်းပဲ ရှိတယ်။ အိပ်ယာမရှိဘူး။ သံတိုင်တွေကြားက လေက တဟူးဟူးတိုက်နေတယ်။ အိမ်သာတွေဆိုတာ ညစ်ပတ်နေတယ်။ ထောင်ထဲမှာ အစဦးပိုင်းတုန်းက တဦးတည်း တိုက်ပိတ်ခံရတယ်။
နေ့တိုင်း ဆွမ်းစားစရာဆိုလို့ ထမင်းပဲ ရှိတယ်။ ဒါပေမယ့် တကယ် ထမင်းတော့ မဟုတ်ဘူး။ ပြောင်းဖူးရိုးတွေ စင်းထားတာ တွေ့ဖူးကြတယ် မဟုတ်လား။ အဲဒါတွေက ဆန်ထဲမှာ ရောပါလာတယ်။ ဟင်းလည်း ပေးပါတယ်။ ဟင်းဆိုတာ ပန်းဂေါ်ဖီတို့၊ ဂေါ်ဖီရွက်တို့နဲ့ ဆိုရင် စားကောင်းမှာပေါ့။ အခုဟာက အဲဒီ အသီးအရွက်တွေရဲ့ အကျန် အရိုးတွေကို စင်းပြီးကျွေးတာ။ အရသာလည်း မရှိ၊ အဟာရလည်း မရှိဘူး။
ငါတို့ မြန်မာတွေမှာ စကားရှိတယ်။ “၀က်ခေါင်းခါ” တဲ့။ ဆိုချင်တာက ၀က်ဆိုတဲ့ အကောင်ဆိုတာ သူမစားတဲ့ အစာမရှိဘူး။ ဒါပေမယ့် ၀က်ကတောင် ခေါင်းခါရတယ်။ မစားဘဲနဲ့ လှည့်ထွက်သွားတဲ့ ဟင်းလို့ ဆိုလိုတာ။ (ဆရာတော်က ပြောချိန်မှာ ရယ်ပါတယ်)။
အဆိုးဝါးဆုံး အဖြစ်ကတော့ သင်္ကန်းချွတ်ထားရတဲ့ ဘ၀ပဲ။ လူတွေရဲ့ အ၀တ်ကို ၀တ်ထားရတယ်။ ဒါဟာ ရဟန်းတပါးအတွက် အဆိုးဆုံး အဖြစ်ပဲ။ ဘာဖြစ်လို့လဲဆိုတော့ ဆရာတော်ဟာ ဘုန်းတော်ကြီးတကျောင်းမှာ ဆိုရင် အမြင့်ဆုံး ဘုန်းတော်ကြီး ဖြစ်တယ်။ ဒါပေမယ့် ထောင်ထဲမှာ ခုနင်ကလိုမျိုး ဆက်ဆံခံထားရတယ်။ သို့သော် ရဟန်းငယ်တွေ၊ ကိုရင်လေးတွေရဲ့ ထောင်ထဲက ဘ၀ကတော့ အခုဆရာတော်ထက် အများကြီး အဖြစ်ဆိုးပါတယ်။ သူတို့တွေကို သံခြေကျင်းတွေ ခတ်ပြီး ရဲဘက်စခန်းတွေ အလုပ်ကြမ်းဌာနတွေကို ပို့လိုက်တယ်။ အဲသည်နေရာဒေသတွေမှာ ငှက်ဖျားတို့ ဘာတို့ရှိတော့ အသက်ရှင်လျက် ပြန်လာရဖို့ လမ်းမရှိဘူး။
အဲသည်အချိန်တွေတုံးကတော့ ရဟန်းတွေကို ထောင်ချမယ်၊ အလုပ်ကြမ်းစခန်းတွေ ပို့မယ်၊ ငတ်ပြတ်ပြီး သေကျေအောင် ပစ်ထားမယ်။ ကမ္ဘာကြီးကလည်း သိလိုက်မှာ မဟုတ်ဘူး။ ဒါပေမယ့် အခု စက်တင်ဘာမှာကတော့ လမ်းပေါ်မှာတင်ကို တီဗီတွေ၊ မီဒီယာတွေရှေ့မှာ ရဟန်းတွေကို သတ်ပစ်လိုက်ကြတယ်။ ဒါဟာ ၉၀ ခုနှစ်တုံးကထက် အများကြီး ဆိုးဝါးတာ ဖြစ်တယ်။
အယ်လင် – ဆရာတော်ကို ပြန်လွှတ်လိုက်ပြီးနောက် ဘာဆက်ဖြစ်သလဲ။
၂၂ လ ထောင်ထဲမှာ သီတင်းသုံးပြီးနောက် ပြန်ထွက်လာတော့ မစိုးရိမ်ကျောင်းတိုက်ကို ပြန်ပြီး သင်္ကန်းပြန်ဝတ်ပြီး စာသင် စာချတဲ့ ကိုယ့်ရဟန်းအလုပ် ကိုယ်ပြန်လုပ်တာပေါ့။
၂၀၀၁ မှာတော့ အမေရိကကို ဧည့်သည်အဖြစ် လာရောက်ခဲ့တယ်။
၂၀၀၂ မှာ ဗုဒ္ဓ ဓမ္မမိတ်ဆွေများ အသင်းက ဖိတ်ကြားချက်နဲ့ ဒီမှာ သာသနာပြုတဲ့ အလုပ်တွေ ဆက်လုပ်တယ်။
၂၀၀၃ မှာ ဘုန်းကြီးကျောင်း ထူထောင်ဖြစ်ပြီး ဒီမှာပဲ သီတင်းသုံးဖြစ်တော့တယ်။
နှစ်တိုင်းတော့ မြန်မာပြည်ကို ပြန်ပါတယ်။ ဒါပေမယ့် အခု စက်တင်ဘာ ၂၀၀၇ နောက်ပိုင်းမှာတော့ ပြန်လို့ မရတော့ဘူး။ ပြန်ရင် ထောင်ထဲ ပြန်ရောက်မှာပဲ။
မာရီယာ – စက်တင်ဘာ ၂၀၀၇ မှာတုံးကလည်း တပည့်တော်တို့ ကြားရတဲ့ သတင်းတွေက သံဃာတော်တွေဟာ စစ်သားတွေဆီက ဆွမ်းကို လက်မခံဘူးလို့ ဆိုကြတယ်။ အဲဒီဆောင်ရွက်ချက်က ဘာ ထူးခြားပါသလဲ။
ရဟန်းတော်များဟာ ဗုဒ္ဓရဲ့ အဆုံးအမကို လိုက်နာကြရတယ်။ အကယ်၍ တစုံတဦးက သာသနာကို စော်ကားဖို့ လုပ်တယ်ဆိုရင် သူတို့ကို လက်နက်နဲ့ ပြန်လည် တွန်းလှန်လို့ မရဘူး။ ဒါပေမယ့် သူတို့ကပ်တဲ့ ဆွမ်းကို ငြင်းပယ်လို့ရတယ်။ ဒါဟာ ၀ိနည်းနဲ့ အညီဖြစ်တယ်။ တရားတော်ကို လိုက်နာတာ ဖြစ်တယ်။ ဒါဟာ သူပုန်ထတာ မဟုတ်ဘူး။ ၀ိနည်းအတိုင်း ကျင့်သုံးတာ။
သပိတ်မှောက်ကံဆောင်တဲ့အမှုကို စတင်ဖို့အတွက် အပြစ်ကျုးလွန်တဲ့ သူရှိရတယ်။ ပြီးတော့ သပိတ်ကို ပြန်လှန်ဖို့အတွက်လည်း ကြိုတင်စည်းကမ်းတွေ သတ်မှတ်ထားတာ ရှိရတယ်။ ရဟန်းတွေကို စော်ကားသူဟာ သူရဲ့ အပြစ်ကို ၀န်ချတောင်းပန်ပြီး အပြစ်ကလွှတ်ဖို့ တောင်းပန်ရတယ်။ ဘယ်သူပဲဖြစ်ဖြစ် အပြစ်ကျုးလွန်တဲ့သူတိုင်းက တောင်းပန်ရတယ်။ ရိုးရာ ထုံးတမ်းအရ ဆိုထားတာက မိမိကိုယ်ကို ခေါင်းကနေ ခြေဖျားထိ ရေ ရွှဲအောင် ပြုပြီး မိသားစုဝင်တွေ အားလုံးဟာ ရဟန်းတွေရှေ့ကို ဦးတိုက်ပြီး – အတိတ်က ပြုမှားမိတဲ့အပြုအမူတွေကို ခွင့်လွှတ်ပါရန် တောင်းပန်ကြရတယ်။
အယ်လင် – ၁၉၉၀ တုန်းက သပိတ်က ပြန်လှန်ခဲ့ကြသလား
၁၉၉၁ မှာ ပြီးသွားတယ်။ သပိတ်မှောက်တုံးက မပါဝင်တဲ့ ဆရာတော်တွေက သပိတ်ကို ပြန်လှန်လိုက်ကြတယ်။ စစ်အစိုးရက သူတို့က သပိတ်လှန်လိုက်ဖိ်ု့ အမိန့်ပေးတယ်။ တကယ်တမ်း စည်းကမ်းအရဆိုရင်တော့ သပိတ်က မှောက်ထားဆဲပါပဲ။ စစ်အစိုးရက အဓမ္မနည်းနဲ့ သပိတ်ကို လှန်ခဲ့တာဖြစ်တယ်။
မာရီယာ – အရှင်ဘုရားမှာ အမှန်တရားအတွက် ရပ်တည်ရဲတဲ့ ရဟန်းတော်အဖြစ် ရာဇ၀င်နဲ့ပေါ့။ မိမိရဲ့ အသက်နဲ့ လုံခြုံရေးတွေကို စွန့်ပြီးတော့ ရပ်တည်ရဲစေတာက ဘယ်လိုမျိုး အကြောင်းအရင်းခံတွေကြောင့်ပါလဲ။
ရဟန်းတပါးဟာ ဗုဒ္ဓရဲ့ တရားအဆုံးအမအောက်က သားတော်တပါးဖြစ်တယ်။ သာသနာကို အစိုးရက ဖြစ်စေ၊ မည်သူတဦးဦးက ဖြစ်စေ စော်ကားလာရင် ဗုဒ္ဓက မှာထားတဲ့အတိုင်း ပြုကျင့်ရမယ်။ သပိတ်မှောက်တယ်ဆိုတာက တဦးဦးက သံဃာတော်တွေ မတရားအလုပ်ခံရရင် သူတို့တွေဆီက ဆွမ်းကို လက်မခံတော့တာပဲ ဖြစ်တယ်။ ဘုရားရှင်ကို စောင့်သိသော သားတော်ဖြစ်တဲ့ ဆရာတော်အနေနဲ့ ဘုရားရဲ့ တရားကို လိုက်နာတာဖြစ်တယ်။ ဒီထက်ပိုပြီး ထူးတာ မရှိပါဘူး။
မာရီယာ – သာသနာကို စော်ကားတဲ့၊ မြန်မာပြည်သူတွေကို ထိခိုက်စေတဲ့ အမှုတွေ ကျုးလွန်တဲ့ စစ်အစိုးရအပေါ်ကို အရှင်ဘုရား ဒေါသမထွက်ဘူးလား ဘုရား။ အရှင်ဘုရားရဲ့ ဓမ္မအကျင့်အကြံတွေနဲ့ ဘယ်လိုမျိုး တုန့်ပြန်ပါသလဲ ဘုရား။
(ဆက်လက် ဖော်ပြပါမည်)
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
