ဝန်ထမ်းများ အဂတိနည်းပါးခြင်းသည် နိုင်ငံတိုးတက်ခြင်းလား (သမ္မတလင်ကွန်းနှင့် သမ္မတဦးသိန်းစိန်)
ဇော်အောင် (မုံရွာ)
ဒီဇင်ဘာ ၈၊ ၂၀၁၃
သမ္မတလင်ကွန်းဆိုလျှင် မြန်မာများသိကြပါသည်။ ခေတ်သစ် ဒီမိုကရေစီနိုင်ငံကြီး အမေရိကန်ကို မကွဲအောင်ထိမ်းသိမ်းနိုင်ခဲ့သော ခေါင်းဆောင်ကောင်းတစ်ဦးအဖြစ် အမေရိကန်သမ္မတအဆက်ဆက်တွင် ထိပ်ဆုံးနေရာတွင်သတ်မှတ်ထားသူဖြစ်သည်။ အမေရိကန်သမ္မတများ အခက်အခဲ၊ အကြပ်အတည်းကြုံလျှင် သမ္မတလင်ကွန်းရုပ်ပုံကိုကြည့်ပြီး သူသာဆိုလျှင် ဘယ်လိုဖြေရှင်းမလဲ…ဟု စဉ်းစားကြသည်ဟုဆိုသည်။ သမ္မတဦးသိန်းစိန်လည်း သမ္မတလင်ကွန်းသည် မိမိထက်၊ တော်တတ်သူများကို ကဏ္ဍအသီးသီးတွင်ခန့်ထား၊ အုပ်ချုပ်နိုင်သူ မဟာလူသားကြီးဖြစ်သည်။ ကျွန်စနစ်မကြိုက်သော မြောက်ပိုင်းပြည်နယ်များနှင့် ကြိုက်နှစ်သက်သော တောင်ပိုင်းပြည်နယ်များ စစ်ပွဲကိုဆင်နွဲရတော့သည်။ သမ္မတလင်ကွန်းသည် ကျွန်စနစ်ကို လုံးဝမကြိုက်သူဖြစ်သည်။ သို့သော် အရိုးစွဲနေသူ တောင်ပိုင်းများက ကျွန်စနစ်သည် မှန်ကန်သည်ဟ ဆုံးဖြတ်ပြီး၊ တရားဥပဒေနှင့်ဆုံးဖြတ်မှုကို မနာခံတော့ပဲ ခွဲထွက်သည်။ နိုင်ငံသစ်တည်ထောင်သည်။ အမေရိကန်ပြည်တွင်းစစ်ကြီး ၄နှစ်ခန့် ဖြစ်ပွားပြီး သမ္မတလင်ကွန်းက ပြည်ထောင်စုပြည်ထောင်စုကိ ပြန်လည်စုစည်းနိုင်ခဲ့သည်။
မြန်မာပြည်သည် သမ္မတလင်ကွန်းအုပ်ချုပ်ခဲ့သည့် အမေရိကန်နိုင်ငံကဲ့သို့ မဆိုးလှသေးပါ။ စစ်အုပ်စု ဆိုသည်တွင် စစ်ပညာရှင်အုပ်စုနှင့် စစ်အာဏာရှင်အုပ်စု နှစ်ခုရှိသည်။ စစ်အာဏာရှင်အုပ်စုသည် လက်ဝါးကြီးအုပ်စီးပွားရေးစနစ်ကို ထူထောင်နေကြပြီး၊ စစ်ပညာရှင်အုပ်စုမှာ ကောင်းမွန်သန့်ရှင်းသောအစိုးရကို တည်ထောင်လိုကြသည်။ အပြိုင်အဆိုင်ဖြစ်နေပါသည်။ ထိုပြိုင်ဆိုင်မှုကြားတွင် ပြည်သူလူထု ဒုက္ခရောက်၊ ဆင်းရဲမွဲတေမှု ပိုလာကြသည်။ ငွေရှင်များက ငွေထုပ်ပိုက်ပြီး စီပွားလုပ်သူများဖြင့် အဂတိလိုက်စားမှုများ မကြုံစဖူးများပြားလာသည်။ လက်တစ်ဆုပ်စာမှလက်တစ်ဖက်စာ လူတစုအကျိုးစီးပွား လုပ်ငန်းများဖြစ်လာသဖြင့် အခြေခံလူတန်းစားများ ပိုမိုခက်ခဲလာသည်ကို တွေ့ရသည်။ ဝန်ထမ်းများ လစာနှင့်စားဝတ်နေစရိတ်ကို အစိုးရကနည်းမျိုးစုံဖြင့် ဖူလှုံအောင်လုပ်ဆောင်သည့်ကြားမှ လာဘ်ယူလျှင်လဲ ဘာမှအရေးမယူခံရ။
ဘတ်ဂျတ် (ရသုံးမှန်းချေစာရင်းဥပဒေ)
– အခွန်ကောက်ခြင်း
– ချပေးငွေကိုသုံးစွဲခြင်း
– ချွေတာစုဆောင်းခြင်း
နိုင်ငံတော်က အမှန်အကန်အခွန်ကောက်နိုင်လျှင် (ဥပမာ Tax per GDP ကို ၄% မှ ၁၅% တိုးမြှင့်ရေး) အောင်မြင်လာသည်နှင့်အမျှ ပညာရေး၊ ကျန်းမာရေးတို့တွင် ဘတ်ဂျတ်ချပေးနိုင်သည်။ ယခု ၂၀၁၃တွင် ပညာရေး US$900 million, ကျန်းမာရေး US$500 million ချပေးထားသည်ဟု ဆိုသည်။ ထိုငွေများကို အဂတိလိုက်စားမှုရန် အလွန်လွယ်သည်ဟု ဆိုသည်။ အလွဲသုံးစားမှုမှ ကင်းဝေးပြီး၊ ချိုးခြံချွေတာသုံးစွဲသည့် စနစ်ကို ဝန်ထမ်းဖြစ်ရန် သုံးစွဲနည်းစနစ်ပြဌာန်းထားရတော့မည်။ စင်ကာပူ၊ မလေးရှား၊ ဗီယက်နမ်တို့တွင် ဝန်ထမ်းလစာကို စုဆောင်းသည့်စနစ် Saving ကို တည်ထောင်ထားသည်။ စင်ကာပူတိုးတက်မှုတွင် လူများကို အတင်းမစုမနေရ အထူးသဖြင့် အစိုးရဝန်ထမ်းများအတွက် ပြဌာန်းသည်။ မည်သည့်အစိုးရဖြစ်ပါစေ၊ အခြေခံလူတန်းစားကို မငတ်မပြတ်အောင် အခြေခံစားဝတ်နေရေးမကြောင့်ကျအောင် အဓိကထားပြီးလုပ်ဆောင်ရပါသည်။ ထိုသို့လုပ်ဆောင်နေကြောင်း သမ္မတဦးသိန်းစိန်က အခိုင်အမာပြောကြားသွားခဲ့သည်။
● သမ္မတဦးသိန်းစိန်က လွန်ခဲ့သော၂၀၁၂မိန့်ခွန်း
အစိုးရအဖွဲ့ကိုပြောသည့် မိန့်ခွန်းဓါတ်ပုံကို ပြန်လည်သတိရစေလိုပါတယ်။ ညာဘက်ဒုသမ္မတထိုင်ခုံ လစ်လပ်နေစဉ်မှာအခုလို အလွန်အားရဖွယ်မိန့်ခွန်းကြားသိရခဲ့သည်။ ပြောသမျှမိန့်ခွန်းများတွင် အနှစ်သက်ဆုံးဖြစ်ခဲ့ပြီး၊ အမျိုးသားစိတ်ဓါတ်ရှိသူတိုင်း အားရဖွယ်ဖြစ်သည်။ ကောင်းမွန်သောအစိုးရ၊ သန့်ရှင်းသောအစိုးရ ဆောင်ပုဒ်ချမှတ်လုပ်ဆောင်ခဲ့သူဖြစ်သည်။
နိဂုံးချုပ်ပြောသွားချက်ကိုသာ ပြန်လည်ရေးသားပါလျှင် “နိုင်ငံဖွံ့ဖြိုးတိုးတက်ဖို့အတွက် နိုင်ငံသားတိုင်းမှာ တာဝန်ရှိပါတယ်။ တိုးတက်လိုတဲ့ဆန္ဒသာရှိပြီး အလုပ်ကို ကြိုးစားမလုပ်ရင်၊ စည်းကမ်းမရှိရင်၊ စည်းလုံးမှုမရှိရင် သူများနိုင်ငံနောက်က လိုက်နေရမှာဖြစ်ပါတယ်။ ဘယ်လောက်ပဲ ကောင်းမွန်တဲ့ ရေမြေတောတောင်သဘာဝအရင်းအမြစ်တွေကို ပိုင်ဆိုင်ထားသော် လည်း အလုပ်ကို ကြိုးစားပမ်းစားနဲ့မလုပ်ရင် ဆင်းရဲမြဲ ဆင်းရဲနေမှာဖြစ်ပါတယ်။ အဆင်းရဲဆုံး LDC နိုင်ငံဘ၀ကရုန်းထွက်နိုင်ဖို့အတွက် တစ်ခုတည်းသော နည်းလမ်းဟာ ဥပဒေနဲ့အညီအလုပ်လုပ်ကြဖို့ ဖြစ်ပါတယ်။ ယခု ကောင်းမွန်တဲ့ မူတွေချပေးပြီးဖြစ်ပါတယ်။ မူကကောင်းသော်လည်း လူတွေမကောင်းရင် မအောင်မြင်နိုင်ပါဘူး။ တိုးတက်လိုတဲ့အမြင်မရှိတဲ့ ရှေးရိုးစွဲတွေ၊ ခေတ်နောက်ပြန် ဆွဲလိုသူတွေကိုတော့ နောက်မှာချန်ထားခဲ့ရပါမယ်။ ခေတ်စနစ်တွေ ပြောင်းလဲနေပြီ ဖြစ်ပါတယ်။ နိုင်ငံရေးနဲ့ဟန်ချက်ညီစွှာ စီးပွှားရေးကဏ္ဍကို ကျွန်တော်တို့ တွန်းတင် ရပါမယ်။ တစ်နှစ်ကုန်သွှားပြီ ဖြစ်လို့  Second Wave တွန်းတင်ကြဖို့ တိုက်တွန်း ရင်း နိဂုံးချုပ်လိုက်ပါတယ်။ “ သမ္မတဦးသိန်းစိန်အစိုးရ အာဏာနှင့်ငွေချမ်းသာသူများ လက်ဝါးကြီးမအုပ်ရန် ကြိုးစားလုပ်ကိုင်သော်လည်း သူ့လူများကို မနိုင်ပဲ၊ ရခိုင်၊ မိထ္ထီလာ၊ ကချင်၊ လက်ပတောင်းတောင်၊ ဗုံးခွဲမှုများ၊ လျှပ်စစ် စသည့်အရေးခင်းများ လက်သည်မဖမ်းနိုင်ပဲ အဆက်မပျက်ဖြစ်နေရှာသည်။ အငြိမ်းစားယူသွားသူ ဦးသန်းရွှေလည်း ပြည်သူကို မိမိမှားကြောင်း ထွက်လာပြီးဝန်ခံသင့်လျှင် ဝန်ခံရပါမည်။ မြန်မာလူမျိုးများ ခွင့်လွှတ်ခြင်းမေတ္တာ အလွန်ကြီးမားသည်ကိုလဲ ထည့်စဉ်းစားသင့်ပါသည်။ ယခုအချိန်ထိ ထောင်ချလိုက်ခြင်း၊ သတ်ဖြတ်ခြင်း အလွန်နည်းသွားပြီး ထောင်မှလွှတ်လိုက်ခြင်းများသာ အများဆုံးတွေ့မြင်နေရပါသည်။ ဒေါ်အောင်ဆန်းစုကြည်ကိုယ်တိုင် သာဓကမထားကြောင်း ပြောခဲ့ပြီးဖြစ်သည်။ စိုးရိမ်စရာမရှိတော့ပါ။
မိန့်ခွန်းတွင် လာဘ်စားမှု၊ အကျင့်ပျက်သူများကို အကြောင်းသမ္မတကြီးမပြောတော့ပါ။ ပြောသလောက် ဖြစ်မလာပါ။
● ယခုလုံးဝ အဖြေပေါ်လေပြီ
ဒီဇင်ဘာလ နှစ်ကုန်ချိန်တွင် မြန်မာ့နိုင်ငံရေးအကျပ်အတည်းဖြစ်လာသည်။ အခြေခံဥပဒေကို ပြင်မှဖြစ်မည်။ တရားဥပဒေစိုးမိုးမှုမရှိခြင်းကြောင့် တိုင်းပြည်တိုးတက်ရန်ှမဖြစ်နိုင်တော့ဟု ဒေါ်အောင်ဆန်းစုကြည်က ဆိုလာသည်။ အဓိကအခြေခံဥပဒေ ၅၉(စ) နိုင်ငံခြားသားနှင့်လက်ထပ်သူအား သမ္မတမဖြစ်စေရ၊ အချက်နှင့် အခြားအရေးကြီးသည့်အချက်များ ဥပမာ စစ်သား၂၅% ပါဝင်နေခြင်းကို လေးပွင့်ဆိုင်ဆွေးနွေးရန် အတိုက်ခံ NLD ပါတီမှတောင်းဆိုသည်။ သမ္မတက အချိန်မတန်သေးဟု အကြောင်းပြန်သည်။ ဒေါ်အောင်ဆန်းစုကြည်က အမျိုးသားညီညွတ်ရေးကို မလိုလားခြင်းဟု ပြောဆိုသည်။ လွှတ်တော်ဥက္ကဌ ဦးရွှေမန်းက ဆွေးနွေးရန် သဘောတူသည်။ တပ်မတော်စစ်ဦးချုပ် စစ်ဗိုလ်ချုပ်မင်းအောင်လှိုင်က ငြိမ်နေသည်။ မြန်မာပြည်တွင် အအောင်မြင်ဆုံးသတင်းစာ Eleven Media Group CEO ဒေါက်တာသန်းထွဋ်အောင်က ခေါင်းဆောင်လေးဦး၊ ညှိ်နှိုင်းရမည်။ ဖြစ်နိုင်လျှင် သြဇာရှိသည်ဟူသော အငြိမ်းစားဦးသန်းရွှေ ပါဝင်ရန်လည်း တောင်းဆိုသွားသည်။ အစိုးရမှ ပြည်တွင်းငြိမ်းချမ်းရေးရရန် တိုင်းရင်းသားလက်နက်ကိုင်များအား လာဘ်ထိုးသကဲ့သို့ (ကားပါမစ် သိန်း၅၀၀မှ သိန်း၁၀၀၀) ပေးကမ်းခြင်းကိုလဲ မဖွယ်မရာလုပ်ရပ်များဟု စွတ်စွဲထားသည်။ နောက်ဆုံး ဦးသန်းရွှေက ဒေါ်အောင်ဆန်းစုကြည်ကို ဒုတိယအကြိမ် ထမင်းစားပွဲလုပ်သင့်က လုပ်ရပါမည်။ နိုင်ငံတကာ NGO, Grant, FDI ထောက်ပံကြေး၊ ချေးငွေများဖြင့် ထိုင်စားသောက်နေသော လာအို၊ ကမ္ဘောဒီယားတို့ မတိုးတက်သည့်အပြင်၊ ၂၀၁၃ အဂတိအလိုက်စားဆုံးနိုင်ငံအဆင့်သို့ ကမ္ဘောဒီယားနိုင်ငံရောက်သွားသည်။ အလုပ်မလုပ်ချင်ပဲ၊ သူများပေးတာထိုင်စားသော ကမ္ဘောဒီးယားနိုင်ငံ အခြေအနေမကောင်းလှပါ။ မြန်မာပြည် အဆင့်၁၅ခု တက်လာသောကြောင့် ဖြေသာပါသေးသည်။ အာရှနိုင်ငံများသည် စာရိတ္တပညာအားနည်းသောကြောင့် စည်းကမ်းဥပဒေ (ဒါဏ်ငွေ)ဖြင့် ထိမ်းကြောင်းနေရပါသည်။
● သမ္မတလင်ကွန်း၏ ပြတ်သား၊ မယိမ်းယိုင်သောပေါ်လစီ
တိုင်းပြည်မပြိုကွဲရန်အတွက် သမ္မတလင်ကွန်းမတက်ခင်က သမ္မတဟောင်းက မြွေမသေ၊ဒုတ်မကျိုးလုပ်ဆောင်သွားသည်။ စစ်ပွဲမဖြစ်အောင် တောင်ပိုင်းသားများကို လွှတ်ပေးထားသည်။ လင်ကွန်းကို သမ္မတရွေးကောက်လိုက်သောအခါ အာဏာမလွဲခင် လပိုင်းအလိုတွင် တောင်ပိုင်းသားများက သမ္မတတစ်ဦး ထပ်မံရွေးကောက်ပြီး ပြည်ထောင်စုမှ ခွဲထွက်သွားလေတော့သည်။ ပြက်သားသော သမ္မတလင်ကွန်းသည် တောင်ပိုင်းကျွန်စနစ်ကို ဖျက်သိမ်းတော့မည် သေချာသောကြောင့် စည်းစိမ်ဥစ္စာများ လက်မလွှတ်ချင်သည့် တောင်ပိုင်းသားများ ခွဲထွက်၊ စစ်တိုက်သည့်လမ်းကို ရွေးချယ်ခဲ့သည်။ ပြည်ထောင်စု သမ္မတလင်ကွန်းက မိမိအစိုးရတွင် အတိုက်အခံခေါင်းဆောင်များအား ရာထူးပေးလိုက်သည်။ ထိုသူများကလည်း ရာထူးလက်ခံပြီး သမ္မတလင်ကွန်းကို အုပ်ချုပ်မှုအခက်ခဲဖြစ်အောင် လုပ်သည်။ မိမိတို့အာဏာထူးထောင်ရန် လုပ်ဆောင်သောကြောင့် ခဏနှင့်ပြီးနိုင်သော အမေရိကန်ပြည်တွင်းစစ်မှာ လေးနှစ်ကြာသွားပြီး၊ ပြည်သူ၊ စစ်သားများ သန်းပေါင်းများစွာသေကြေပျက်စီးခဲ့ရသည်။ အမှန်တရားဖြင့် ကြံ့ကြံ့ခံပြီး ကျွန်စနစ်ပယ်ဖျက်စေကာ၊ အမေရိကန်ပြည်ထောင်စုကို ပြန်လည်စုစည်းနိုင်ခဲ့သည်။
မြန်မာပြည်တွင်လည်း အာဏာနှင့်ငွေကြေးဥစ္စာများကို စွဲကိုင်ထားလိုသူများက ခရိုနီစီးပွားရေးစနစ်ကို တည်ထောင်ခဲ့ရာ၊ ပြီးခဲ့သည့် ၂နှစ်အတွင်း မကြုံစဖူးကြီးမားလှသော ခရိုနီစနစ်ရုတ်တရက်ပေါ်ပေါက်လာသည်။ မီဒီယာမဏ္ဍိုင်မှ တာဝန်ကျေ ဖေါ်ထုတ်နိုင်သော်လည်း၊ တရားစီရင်မဏ္ဍိုင်သည် ဘာမှလုပ်ပိုင်ခွင့်မရှိဖြစ်နေရှာသည်။ အုပ်ချုပ်ရေးနှင့် လွှတ်တော်ဥပဒေပြုရေးတို့ အာဏာပြိုင်ဆိုင်ရာတွင် အသေးစားလုပ်ငန်းများ SME Small & Medium Enterprise များစွာ အရှုံးပေါ်ရသည်။ သမ္မတက SME များကို သူ၏နောက်၂နှစ်သက်တမ်းတွင် ဦးစားပေးတော့မည်ဟုဆိုပြန်သည်။ SME ဆိုသည်မှာ ကျပ်သန်း၅၀၀ ဒေါ်လာ၅သိန်းလုပ်ငန်းဟု သတ်မှတ်သဖြင့်၊ အရင်းနှီးနဲပါက လုပ်ငန်းဆုံရှုံးဖို့ လမ်းများနေဦးမည်ဖြစ်သည်။ အဂတိလိုက်စားမှု တိုက်ဖျက်ရေးဆိုသည်မှာ အစိုးရဝန်ထမ်းနှင့်စီးပွားရေးမလုပ်သည့်လောကကိုသာ ဆိုလိုခြင်းဖြစ်သည်။ စီးပွားရေးလောကတွင် အဂတိနှင့်လက်ဆောင် အတူတူဟု ပြောနိုင်သည်။ ကုမ္ပဏီဘော့စ်ဖြစ်သူက အမြတ်ရရှိရေးအတွက် နည်းမျိုးစုံသုံးမည်ဖြစ်ပြီး အစိုးရနှင့်အဖွဲ့အစည်းများက မတရား၊အနိုင်ကျင့်မရှိအောင် ထိမ်းပေးရသည်။ အကျင့်စာရိတ္တမကောင်းသူထံမှ အကျင့်စာရိတ္တကောင်းကြောင်း ထောက်ခံစာယူရသည် ..ဟူသော ဟာသမဟုတ်သည့် တကယ့်အဖြစ်အပျက်များစွာရှိနေသည်။
သမ္မတဦးသိန်းစိန်၏ မိမိချမှတ်ထားသော”ကောင်းမွန်သောအစိုးရ၊ သန့်ရှင်းသောအစိုးရ” လမ်းကြောင်းကို ပြက်သားစွာရပ်တည်ဖို့လိုသည်။
● ဘယ်လမ်းကြောင်းကိုသွားမလဲ
အခက်အခဲပေါ်လျှင် တွေ့ဆုံဖြေရှင်းသည့် စနစ်ကိုကျင့်သုံးနေသော သမ္မတဦးသိန်းစိန်အစိုးရအတွက် ထိုနည်းလမ်းကို ဆက်လက်စွဲကိုင်ကျင့်သုံးရန်သာ ရှိပါတော့သည်။ ကျန်သည့် ၂နှစ်သက်တမ်းတွင် ပြက်သားစွာရပ်တည်လုပ်ဆောင်သွားရတော့မည်ဖြစ်သည်။ မြန်မာပြည်သည် အလွန်ခက်ခဲသည်။ တိုင်းရင်းသာများပြားစွာရှိသည်။ လက်နက်ကိုင်များစွာရှိသည် စသဖြင့်ပြောစရာမလိုတော့ပါ။ ပြည်နည်အစိုးရများတွင် သူတို့လည်း ရွေးချယ်ခံပိုင်ခွင့်ရှိသည်။ စစ်အာဏာရှင်စနစ်ကို ဖျက်သိမ်းနေခြင်းမှာ အလွန်ကောင်းသည်။ နိုင်ငံဝန်ထမ်းများမှ အဂတိမလိုက်စားရန် လုပ်ဆောင်နေသည်မှာလည်း အလွန်ကောင်းသည်။ သို့သော် မမျှော်လင့်ပဲပေါ်လာသည့် ပြသနာမေးခွန်းများစွာရှိနေသည်။ အားလုံး၏ အနှစ်ချုပ်မှာ အဂတိလိုက်စားမှု Corruption ပင်ဖြစ်သည်။ သုံးနှစ်ကာလတွင် CPI Corruption Index 8 , 15, 21 စသဖြင့် တိုးတက်လာခြင်းသည် အလားအလာကောင်းသည်ဟု ဆိုနိုင်သည်။ လက်ရှိကမ္ဘာ CPI Index ကိုကြည့်လျှင် Singapore 86, Malaysia 50, Philippine 34, Thailand 35, Indonesia 32, Vietnam 31, Laos 26, Myanmar 21, Cambodia 20, N.Korea 8 ရှိနေပါသည်။ နောက်နှစ် CPI တွင် မြန်မာသည် အဆင့် ၂၆ထက် ကျော်လွန်စေရမည်ဟူသော သံဓိဌာန်ရှိရမည်။ မြန်မာအစိုးရမပါသော နိုင်ငံတကာအဖွဲ့အစည်းများတစ်ခုက CPI Monitoring Team တရားဝင်ဖွဲ့စည်းပေးပြီး၊ ဝန်ကြီးဌာန၊ အစိုးရဌာနများကို ပွင့်လင်းမြင်သာစွာ၊ လစဉ် CPI ထုတ်ပြန်ကြေညာပေးနိုင်လျှင် ကောင်းလေစွဟု စိတ်ထဲတွင် အာရုံဖြစ်ပေါ်လာပါသည်။
သမ္မတဦးသိန်းစိန်တစ်ဦးတည်း လုပ်ဆောင်နေခြင်း၊ ကာ/ချုပ် အာဏာများစွာရရှိထားခြင်းများသည် နိုင်ငံတိုးတက်ရေးအတွက် ကြီးမားလှသော အတားအဆီးဖြစ်နေသည်။ မည်ကဲ့သို့ ညှိနှိုင်း၊ လုပ်ဆောင်ကြမည်နည်း ဆိုသည်မှာ လက်ရှိအာဏာရှိသူများတွင် တာဝန်ရှိသည်။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
