လွဲသူတို့ပွဲ
မင်းညွှန့်လှိုင်
သြဂုတ် ၁၄၊ ၂၀၁၃
အလွဲဟာ သဘင်သည်ဆန်ဆန်ထွက်လာတယ်
ဗိန်းမောင်းသံနဲ့ ဘီလူးဆိုင်းနဲ့
အလွဲက အသံတုဝိဇ္ဇာ
တီးလုံးအမျိုးမျိုး စာသားအဖုံဖုံ အာဂုံဆောင်လို့မို့
အလွဲဟာ မျက်နှာဖုံးဟောင်းစွပ်ထားတယ်
ကယ်တင်ရှင်ဆိုတဲ့ တံဆိပ်အတုကြီးကပ်လို့
အလွဲဟာ ကျောက်မျက်စုဆောင်းသူ
ခန်းလုံးပြည့် စိန်ရောင်တဖျတ်ဖျတ်လက်လို့
အလွဲဟာ ကျန်းမာရေးလိုက်စားတယ်
စိတ်ကြွဆေးမှီဝဲလိုက် မေ့ဆေးမော့လိုက်နဲ့
အလွဲက မျိုးပွားအားကောင်းတယ်
တစ်ခါပေါက်ရင် အကောင်အစိတ်ပဲ
အလွဲကအကျိုးဆောင်သူကြီး
စေတနာသုံးတန်နဲ့အရောက်ပို့တတ်တယ်
အလွဲက အိမ်လည်ကျူးလို့မို့
ညကြီးမင်းကြီး တံခါးခေါက်လားခေါက်ရဲ့
အလွဲက ပညာပေးတတ်သေးတယ်
အိပ်မက်ထဲအထိ လက်မည်းကြီးထိုးသွင်းလို့
အလွဲက တိကျတယ်
မြွေတစ်ကောင်ရဲ့ ကြင်နာမှုမျိုးနဲ့
အလွဲကခိုင်လုံတယ်
လွဲတော့မယ်ဆိုရင်တောင် အကိုးအကားနဲ့
အလွဲက ကြီးကျယ်တယ်
ငါတို့အလွဲ စကြာဝဠာခဲရမည်ဆိုပဲ
အလွဲက ခမ်းနားတယ်
တွေ့လား မုသာဝါဒတဖားဖားနဲ့ လှမ်းကြွလာရဲ့
မျက်နှာဖုံးစွပ်က ပွဲခန်းမထဲ ။ ။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
