လုပ်ဇာတ်သတင်း၊ အမှန်လွန်ခေတ်နဲ့ ပုံပြင်ထဲပျော်တဲ့ ကျနော်တို့လူသားတွေ (၁)

March 7, 2019



လုပ်ဇာတ်သတင်း၊ အမှန်လွန်ခေတ်နဲ့ ပုံပြင်ထဲပျော်တဲ့ ကျနော်တို့လူသားတွေ (၁)
ယူဗဲနိုအာဟာရာရီ၊ The Globe and Mail (စက်တင်ဘာ ၂၀၁၈)
ဘာသာပြန်သာဂိ (မိုးမခ) မတ် ၇၊ ၂၀၁၉

ဟာရာရီဆိုသူဟာ အစ္စရေးပါမောက္ခ၊ နာမည်ကျော် – Homo Sapiens, Homo Deus,  21 Lessons for the 21st Century စတဲ့စာအုပ်တွေ ရေးတဲ့သူ။ နောက်ဆုံး စာအုပ်ထဲက အခန်းတခန်း Post-truth ကို ကောက်နုတ်ဘာသာပြန်ပါတယ်။

ခေတ်ကြီးက ပြောင်းသွားပြီ။ Fake News (လုပ်ဇာတ်သတင်း) တွေဟာ သက်ဇိုးရှည်နေဦးမတဲ့။ လူတွေဟာ Post-Truth (အမှန်လွန်၊ အမှန်မဲ့) ခေတ်ကြီးနဲ့ နေသားကျနေတာ ကြာခဲ့ပါပြီ တဲ့။ ပြီးတော့ ကျနော်တို့ လူသားတွေဟာ (Fictions) ပုံပြင်ဒဏ္ဍာရီတွေနဲ့ အသားကျပြီး အာဏာဆိုတာလည်း ဒါကိုပဲ မှီခိုနေရတာ ဖြစ်ပါသတဲ့။

ဥပမာတခုကတော့ ၂၀၁၄ ဖေဖော်ဝါရီမှာ ရုရှားစစ်တပ်က ယူကရိန်းကို ကျူးကျော်ပြီး ခရိုင်းမီးယားကို သိမ်းလိုက်တယ်။ ပူတင်နဲ့ ရုရှားအစိုးရက တောက်လျောက် ငြင်းတယ်။ ဒါရုရှားတပ်တွေ မဟုတ်ပါဘူးတဲ့။ ကိုယ်ထူကိုယ်ထ ပြည်သူ့စစ်တွေဟာ ရုရှားလုပ်ပစ္စည်းတွေ ကိုင်ဆောင်ထားကြတာသာ ဖြစ်သတဲ့။

ပူတင်နဲ့ နောက်လိုက်တွေဟာ သူတို့ကိုယ်တိုင် တမင်သက်သက် လိမ်ညာနေတာ လုပ်ဇတ်ခင်းနေတာ ကို သိကြပါတယ်။ ရုရှားမျိုးချစ်တွေကလည်း ဒီစစ်ပွဲအတွက် ပူတင်တို့ လုပ်ဇာတ်ကို လက်ခံကြပါတယ်။ ဒါဟာ တရားတဲ့စစ်၊ ဒါဟာ တရားတဲ့အရေး၊ ဒါကြောင့် လုပ်ဇာတ်ခင်းတာ အိုကေပါတယ် တဲ့။ အမျိုးသားရေးဝါဒီတွေဟာ သူတို့အတွက် ကြီးမြတ်တဲ့အရေးတော်ပုံဖြစ်တဲ့ ရုရှားပြည်ထောင်စုကြီး သက်ရှည်ဖို့ ယူကရိမ်းကို သိမ်းတာ တရားတယ်လို့ ဆုံးဖြတ်ပါတယ်။ အနှစ် ၁ထောင် အသက်ရှိတဲ့ ပြည်ထောင်စုကြီးဟာ မွန်ဂို၊ ပိုလန်၊ ဆွစ်၊ နပိုလီယန်စစ်တပ်၊ ဟစ်တလာနာဇီတွေကို တွန်းလှန်ခဲ့တယ်။ ပြီးတော့ နေတိုး၊ အမေရိကန်၊ အီးယူတို့ရဲ့ ကျူးကျော်မှုတွေကိုလည်း ကြံ့ကြံ့ခံနိုင်ခဲ့တယ်။ အမေရိကန်နဲ့ အပေါင်းအပါတွေက ရုရှားပြည်ထောင်စုကို အစိတ်စ်ိတ်ခွဲပြီး ယူကရိမ်းလို နိုင်ငံအတုတွေ ထောင်ခဲ့တယ်။ သည်တော့ ရုရှားမျိူးချစ်တွေအတွက်ကတော့ ပူတင်ကြွေးကြော်နေတဲ့ ရုရှားပြည်ထောင်စုကြီး ပြန်လည်စုစည်းထူထောင်နိုင်ရေးဆိုတာက အမှန်တရားဖြစ်ပြီး ယူကရိမ်းနိုင်ငံဆိုတာဟာ အမှားဖြစ်တယ်၊ လုပ်ဇာတ်မျှသာ ဖြစ်ပါတယ်။

ယူကရိမ်းနိုင်ငံသားတွေ အပြင်ကမ္ဘာက ပညာတတ်တွေ သမိုင်းပညာရှင်တွေအတွက်ကတော့ ရုရှားမျိုးချစ်တွေ ပူတင်တို့ရဲ့ ဆင်ခြေတွေ လုပ်ဇာတ်တွေဟာ မုသာဝါဒဗုံးခွဲမှုအဖြစ် စိတ်ဆိုး အမျက်ထွက်ကြပါတယ်။ သူတို့ပြောသလို ရုရှားပြည်ထောင်စုကြီးက အနှစ် ၁ထောင် မရှိသလို၊ ယူကရိမ်းနဲ့ ရုရှားတို့ တွဲဆက်ထားတဲ့ ပြည်ထောင်စုဆိုတာကလည်း အနှစ် ၃၀၀ သက်တမ်းပဲ ရှိခဲ့တာဖြစ်ပါတယ်။

ယူကရိမ်းရဲ့ သီးခြားနိုင်ငံတော်ဖြစ်တည်မှုကို ငြင်းပယ်ခြင်းဆိုတာဟာ နိုင်ငံတကာက ချမှတ်ထားတဲ့ ဥပဒေတွေ သဘောတူညီချက်တွေကို ရုရှားက လက်မခံဘဲ ငြင်းပယ်လိုက်တာနဲ့ ထပ်တူဖြစ်ပါတယ်။ အရေးအကြီးဆုံးအချက်ကတော့ ယူကရိမ်းပြည်သူတွေရဲ့ သူတို့ကိုယ်ပိုင်သဘောထား ခံယူချက်တွေကို အရေးမစိုက်ဘူးလို့ စော်ကားခြင်းပါပဲ။ ယူကရိမ်းမျိူးချစ်တွေကလည်း ရုရှားမျိူးချစ်တွေလိုပဲ သဘောချင်းတူနိုင်ပါတယ်။ ကမ္ဘာမှာ နိုင်ငံအတုတွေ နိုင်ငံလိမ်တွေ ရှိနေတယ်ဆိုတဲ့ အချက်မှာ သဘောချင်း မျှနိုင်ပါလိမ့်မယ်။ သို့သော် အဲသည်အထဲမှာ သူတို့နိုင်ငံတော့ ဘယ်ပါဝင်လိမ့်မလဲ။ အဲသည်နိုင်ငံအတုအယောင်တွေဆိုတာ ရုရှားက ယူကရိမ်းကို ၀င်သိမ်းဖို့ လုပ်ကြံဖန်တီးထားတဲ့ နိုင်ငံငယ်ကလေးတွေ ဖြစ်ပါတယ်။

ဘယ်ဘယ်ကပဲ သင်က ထောက်ခံနေသည် ဖြစ်ပါစေ၊ သည်နေရာမှ သေချာတာတခုကတော့ ကျနော်တို့တွေအားလုံး Post-Truth ဆိုတဲ့ အမှန်လွန်တဲ့ခေတ်မှာ ရောက်ရှိနေထိုင်နေကြပြီ ဆိုတာပဲ။  (Post-Truth ဆိုတာ post-modern လို မော်ဒန်လွန်လို့ အလွယ်ကောက် ဘာသာပြန်တာပါ။ အမှန်လွန်ပြီဆိုတော့ အမှန်ဝိမုတ်ဖြစ်တယ်လို့ ပြောရမလိုပါ။) အခုခေတ်မှာ စစ်ပွဲတွေဆိုတာထက် သမိုင်းတွေ နိုင်ငံတွေဟာလည်း လုပ်ကြံဖန်တီးလို့ ရတယ်၊ လုပ်ဇာတ်ခင်းထားလို့ ရတဲ့ ခေတ်ကြီးထဲ ရောက်နေတာပါ။ ဒါဆိုရင် အမှန်ခေတ်ဆိုတာက ဘယ်တုန်းကလဲ။ ဘယ်တုန်းကကော မှန်တဲ့ခေတ်ထဲမှာ ကျနော်တို့ နေထိုင်ခဲ့ကြဖူးသလဲ။ ၁၉၈၀ တုန်းကလား၊ ၁၉၅၀ တုန်းကလား။ ၁၉၃၀ တုန်းကလား။

(သည်နေရာမှာ ဗမာပြည်နဲ့ ယှဉ်စဉ်းစားမယ်ဆိုရင် ဗမာတွေကလည်း သက်တော်ရာကျော် ပြည်ထောင်စုစနစ်နဲ့ နေထိုင်ခဲ့ကြတာပါ။ ပြီးတော့ တိုင်းရင်းသားတွေ အိမ်နီးချင်းတွေနဲ့လည်း စစ်မက်တွေ ခင်းခဲ့ကြတာပါ။ လက်ရှိမှာဆိုရင်လည်း ရိုဟင်ဂျာဆိုတဲ့ လူမျိုးနဲ့ နိုင်ငံတော်ဆိုတဲ့ ဇာတ်ခင်းမှု အရေးအခင်းတခုကိုလည်း ရင်ဆိုင်နေကြရတာပါ။ ဒါ့အပြင် ရခိုင်နိုင်ငံတော်၊ ရခိုင်အမျိုးသား အရေးတော်ပုံကိုလည်း မျက်မှောက်ပြုနေရပြန်တာပါပဲ။ (ဘာသာပြန်သူ၏ ဖြည့်စာ))

အမှန်ခေတ်ကနေ အမှန်လွန်ခေတ်ကို ဘယ်တုန်းက ပြောင်းရွှေ့ခဲ့ကြသလဲ။ ဘာက လက်သည်တရားခံဖြစ်မှာလဲ။ အင်တာနက်လား၊ ဆိုရှယ်မီဒီယာလား။

ပူတင်နဲ့ ဒေါ်နယ်ထရန့်တို့ တက်လာတာကြောင့်လား။

ပြန်ပြောင်းကြည့်ရှုမယ်ဆိုရင်တော့ ၀ါဒဖြန့်ခြင်း၊ သတင်းမှားများ လုပ်ကြံဖန်တီးခြင်းတို့ဟာ သမိုင်းမှာ အသစ်အဆန်းမဟုတ်ခဲ့ပါ။ နိုင်ငံတွေ ဖြစ်တည်မှုကို ငြင်းပယ်ခြင်း၊ နိုင်ငံအတုများ ဖန်တီးခြင်း ဆိုတာ ဖြစ်ခဲ့ပြီးသားတွေပါ။ ၁၉၃၁ ခုနှစ်တုန်းက ဂျပန်တွေဟာ တရုတ်ပြည်ကို ကျူးကျော်သိမ်းပိုက်ပြီးတော့ မူချန်ကို ဆိုတဲ့ နိုင်ငံအတုတခု ထူထောင်ပြီး သူတို့အောင်မြင်မှုကို တရားဝင်အောင် လုပ်ခဲ့ကြပါတယ်။ တရုတ်ပြည်ကိုယ်တိုင်ကလည်း တိဗက်နိုင်ငံတော် တည်ရှိနေမှုကို တောက်လျောက် ငြင်းပယ်ထားခဲ့ပါတယ်။ ဗြိတိသျှကျူးကျော်သူတွေဟာလည်း “ဘယ်သူမှမရှိတဲ့ ဘယ်သူမှမနေထိုင်တဲ့” သြစတြေးလျတိုက်ကြီးကို ရှာဖွေတွေ့ရှိတယ်လို့ ပြောခဲ့ကြတာပဲ။ ပြီးတော့ အဲသည်က ဌာနေတိုင်းရင်းသား အဘိုဂျင်နယ်တွေရဲ့ နှစ်ပေါင်း ၅သောင်းကျော် သမိုင်းကို ဖျောက်ဖျက်ခဲ့ကြတာပဲ။

၂၀ ရာစု အစောပိုင်းမှာ ဂျူးမျိူးချစ်တွေရဲ့ လက်စွဲကြွေးကြော်သံတခုကတော့ ” နိုင်ငံမရှိတဲ့ဂျူးတွေဟာ လူမရှိတဲ့နိုင်ငံဆီကို ပြန်လာအခြေစိုက်ခဲ့ကြပြီ” တဲ့။ လူမရှိတဲ့နိုင်ငံဆိုတာ ပါလစ္စတိုင်းပါ။ ပါလစ္စတိုင်းလူသားတွေ တကယ်ရှိနေပါတယ်။ ဒေသခံ အာရပ်လူမျိုးတွေကို သူတို့တွေက ဥပေက္ခာပြုထားခဲ့ကြပါတယ်။ ၁၉၆၉ မှာ ၀န်ကြီးချုပ် ဂိုဒါမေယာက “ပါလစ္စတိုင်းပြည်သူတွေလို့ မရှိပါဘူး” တဲ့။ “ဘယ်တုန်းကမှလည်း မရှိခဲ့ဘူး ..” တဲ့။ အဲသလိုကို ပြောခဲ့တာပါ။ ဖောဖော်ဝါရီ ၂၀၁၆ တုန်းကလည်း အစ္စရေးပါလီမန်မှာ အမျိုးသမီးအမတ် အနက်ဘာကိုက ပြောခဲ့တယ်။ ပါလစ္စတိုင်းလူမျိူးတွေ ရှိတယ်ဆိုတာ မဖြစ်နိုင်ပါဘူးတဲ့။ ဘာကြောင့်လဲဆိုတော့ အာရပ်စကားလုံးထဲမှာ ပစောက် ဆိုတာ မပါလို့ပါတဲ့။ ပစောက်မှ မရှိတာ ပါလစ္စတိုင်းဆိုတာ ဘယ်လိုလို့ စာလုံး ပေါင်းလို့ ရမလဲတဲ့။ အမှန်တကယ်က ဖအုပ်ထုတ် ဆိုတာနဲ့ ပါလစ္စတိုင်းကို အာရပ်ဘာသာမှာ ပေါင်းပါတယ်။ ဖာလစ္စတိုင်းဆိုတာ အာရပ်အသံထွက်ပါ။

အမှန်လွန်နောက်လိုက် မျိုးနွယ်များလို့ လူတွေကို ပြောရပါမယ်။ ဟိုမိုဆေပီယန်ဆိုတဲ့ ကျောက်ခေတ်ကစတဲ့ လူသားမျိူးနွယ်တွေဟာ အမှန်လွန်နောက်လိုက်တဲ့ မျိုးနွယ်တွေပါ။ သူတို့တွေဟာ ပုံပြင်တွေ ဒဏ္ဍာရီတွေ ဖန်တီးပြီး အဲဒါတွေနဲ့ အာဏာကို တည်ဆောက်ခဲ့ကြတယ်လေ။ လူတွေကို စုဝေးနေထိုင်ကြဖို့ ပုံပြင်တွေ ဇာတ်လမ်းတွေ ဖန်တီးကြတယ်။ ဟိုမိုဆေပီယန်တွေဟာ ကမ္ဘာကြီးကို စိုးမိုးဗိုလ်ကျနိုင်ခဲ့တာ လုပ်ဇာတ်ခင်းပုံပြင်တွေ ကျေးဇူးတော်ကြောင့်ပါ။ ပုံပြင်တွေ ဒဏ္ဍာရီတွေ လုပ်၊ ဖြန့်ချိ၊ လူတွေကို အဲသည်နောက်ကို လိုက်ပါအောင်စည်းရုံး၊ သည်လို ဇာတ်လမ်းတခုတည်းစီကို အသီးသီးလက်ခံသူတွေချည်းကနေ ဥပဒေကိုယ်စီတွေ နိုင်ငံတခုစီတွေ ထူထောင်ကြနဲ့ ပေါ့။

အမှန်လွန်ခေတ်ဆိုးကြီးဆိုပြီးတော့ အခုချိန်မှာ သင်က ဖေ့စ်ဘွတ်ကို အပြစ်တင်မယ်၊ ပူတင်တို့ ထရန့်တို့ကို လက်ညိုး ငေါက်ငေါက်ထိုးမယ်ဆိုရင် ပြန်သတိပေးချင်တာကတော့ – လွန်ခဲ့တဲ့ ရာစုနှစ်များစွာတုန်းက ခရစ်ယာန်ပေါင်း သန်းနဲ့ချီပြီးတော့ သူတို့ယုံကြည်ကိုးကွယ်တဲ့ ဒဏ္ဍာရီ ဘာသာရေးပူဖောင်းထဲမှာ ကိုယ့်ဖာသာကိုယ် ချုပ်နှောင်ခံပြီး နေထိုင်ခဲ့ကြတယ်။  သမ္မာကျမ်းစာကိုလည်း မေးခွန်း မထုတ်ရဲခဲ့ကြဘူး။ အဲသည်လိုပဲ မူဆလင်ပေါင်း သန်းပေါင်းများစွာဟာလည်း ကိုရမ်ကျမ်းစာကို မျက်စိမှိတ် ယုံကြည်သက်ဝင်နေခဲ့ကြတာပဲ မဟုတ်လား။

နှစ်ရာစုများစွာ လူတွေဟာ သူတို့လူမှုအသိုင်းအ၀ိုင်းတွေကြားထဲမှာ “သတင်း” “အချက်အလက်” ဆိုပြီးတော့ ဖြန့်ချိခဲ့ကြတဲ့ ဇာတ်လမ်းတွေဆိုတာ ထူးဆန်းထွေလာ၊ နတ်၊ ဘီလူး၊ မကောင်းဆိုးဝါး၊ စုန်းကဝေတွေအကြောင်းတွေ ဖြစ်ခဲ့တယ်။ သတင်းထောက်ဆိုသူတွေကလည်း ဟိုးမြေအောက်ကမ္ဘာထဲကနေ တိုက်ရိုက် သတင်းပို့ပေးခဲ့ကြတယ် ဆိုတာမျိူးတွေ။ အဲသည်တုန်းက ကျနော်တို့မှာ သိပ္ပံအထောက်အထား နတ္ထိနဲ့ ဧ၀ဆိုတဲ့ အမျိုးသမီးဟာ မြွေ၏ ဖျားယောင်းခြင်းခံရတယ်ဆိုလည်း လက်ခံခဲ့ကြတာပဲ။ လူမှုဖောက်ပြန်သူတွေဟာ ငရဲမှာ တောက်လျောက် ခံစားရတယ်တို့ … ။ ဖန်ဆင်းရှင်ဟာ သူမကြိုက်တာလုပ်တဲ့ လူသားတွေကို ပြစ်ဒဏ်ကြီးတွေ ခတ်နှိပ်တယ်တို့ … ။ သည်လိုမျိူးတွေကို ဘီလျံနဲ့ ချီတဲ့ လူသားတွေဟာ နှစ်ထောင်ချီပြီးတော့ ယုံကြည်သက်ဝင်ခဲ့ကြတယ်။ဒါကြောင့် လုပ်ဇာတ်သတင်းတွေဆိုတာ ဆန့်နိုင်သလောက် သက်ဇိုးရှည်နိုင်တယ်လို့ ပြောတာပေါ့။

ဘာသာရေးနဲ့ လုပ်ဇာတ်သတင်းတွေကို ညီမျှခြင်း ချပြတော့ ကျနော်ကို  လူတွေက စိတ်ဆိုးကြမယ်။ ဒါကိုပဲ အဓိက ပြောချင်တာလေ။ လူပေါင်း ၁ထောင်က လုပ်ဇာတ်တခုကို တလလောက်ကြာအောင် ယုံနေကြတယ်ဆိုတော့ fake news (လုပ်ဇာတ်သတင်း) တဲ့။  ကဲ … လူပေါင်း ၁ ဘီလျံက လုပ်ဇာတ်တခုကို နှစ်ပေါင်း ထောင်ချီပြီး ယုံနေကြပြီဆိုရင်တော့ ဒါဟာ religion (ဘာသာရေး) ပဲ။ ဒါကိုတော့ fake news လို့ မစွပ်စွဲကြတော့ဘူး။ ကျနော်တို့က အဲသလိုစွပ်စွဲရင် သူတပါး၏ ယုံကြည်မှုကို စော်ကားတယ်ဆိုပြီး ပြောခံရမယ်၊ ပိုဆိုးရင် အဲသည်လူတွေရဲ့ ဒေါသဒဏ်ကို ခံသွားရနိုင်ပါတယ်။ ကျနော်က ဘာသာရေး ကောင်းခြင်း ဆိုးခြင်းကို ငြင်းချက်ထုတ်နေတာ မဟုတ်ရေးချ မဟုတ်ပါ။ ကျနော်ပြောချင်တာက လူမှုကိစ္စအသုံးချကိရိယာတွေထဲမှာ အထိရောက်ဆုံးလက်နက်ကတော့ ဇာတ်လမ်း ပုံပြင် ဒဏ္ဍာရီဆိုတာတွေ ဖြစ်တယ် ဆိုတာပါ။ လူတွေကို တစုတစည်းတည်းဖြစ်လာဖို့ ဘာသာရေးဆိုတာဟာ မောင်းနှင်နိုင်တယ်။ လူတွေကို အတူတကွ လက်တွဲနေထိုင်မှုကို ဖြစ်ပေါ်စေပါတယ်။ ပုံပြင်ဇာတ်လမ်းတွေက လူတွေကို ဆေးရုံတွေ ဆောက်၊ ကျောင်းတွေထောင်၊ တံတားတွေ ခင်း၊ စစ်တပ်တွေ အကျဉ်းထောင်တွေ ထူထောင်လာအောင် ဆွဲဆောင် ဈန်ဝင်စေတယ် မဟုတ်လား။ အာဒံနဲ့ ဧ၀တို့ တကယ် ရှိချင်မှ ရှိခဲ့လိမ့်မယ်။ သို့သော် ကျောက်ဖြူသားနဲ့ ဘုရားရှိခိုးကျောင်း မိုးမြင့် မျှော်စင်တွေကတော့ လှပခမ်းနားတယ် မဟုတ်လား။ သမ္မာကျမ်းစာအုပ်ဟာ ပုံပြင်မျှသာ ဖြစ်ပါလိမ့်မယ်၊ သို့သော် လူပေါင်း ဘီလျံကိုတော့ ပျော်ရွှင်မှုပေးတယ်၊ သနားကြင်နာစေတယ်၊ သတ္တိဗျတ္တ ဖြစ်စေတယ်။ စိတ်ကူးယဉ်ဆန်းသစ်မှုကို ပေးပါတယ်။ လက်ရှိသမိုင်းထဲက ဒွန်ကီယိုတေး စွန့်စားခန်းတို့ ဟယ်ရီပေါ်တာ စွန့်စားခန်းတို့ ဆိုတဲ့ ဂန္ထ၀င်ဇာတ်ထုတ်တွေဟာလည်း ကျမ်းစာတွေလို လူတွေကို ရသခံစားချက်တွေ ပေးခဲ့တာပဲ မဟုတ်လား။

(ဆက်လက်ဖော်ပြမည်)

https://www.theguardian.com/culture/2018/aug/05/yuval-noah-harari-extract-fake-news-sapiens-homo-deus 


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Tags: , , ,

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ဘာသာပြန်ကဏ္ဍ, သတင်းဆောင်းပါး, သာဂိ, အခန်းဆက်များ

Comments are closed.

Archives