မာန်သီဟထွန်း – ဆေပီယန်စ်၊ အပိုင်း (၁၄) – မျိုးရိုးဗီဇများ၏ အကန့်အသတ်ကို ကျော်လွန်ခြင်း
Sapiens – A Brief History of Humankind by Yuval Noah Harari
(မိုးမခ) ဖေဖော်ဝါရီ ၉၊ ၂၀၁၉
စာရေးသူ၏ ဖေ့စ်ဘွတ်မှ ခွင့်ပြုချက်ဖြင့် ကူးယူဖော်ပြပါသည်။
ဆေပီယန်စ် ၁၄
စိတ်ကူးအရှိတရားတွေကို စကားလုံးတွေနဲ့ဖန်ဆင်းနိုင်စွမ်းက ပမာဏများပြားလှတဲ့တစိမ်းတရံတွေကို ထိထိထိရောက်ရောက် အတူပူးပေါင်းလုပ်ဆောင်နိုင်စေခဲ့တယ်။ ဒါ့အပြင် နောက်ထပ်တစ်ခုကို လုပ်ဆောင်နိုင်စေတာ ရှိပါသေးတယ်။ လူအများအပြား ပူးပေါင်းလုပ်ဆောင်မှုဟာ စိတ်ကူးယဉ်ထားတဲ့ အကြောင်းအရာတွေအပေါ်သာ မူတည်တာကြောင့် ဒီစိတ်ကူးယဉ်အကြောင်းတရားတွေကို ပြောဆိုတဲ့ပုံစံ ပြောင်းလဲလိုက်တာနဲ့ လူတွေရဲ့ ပူးပေါင်းလုပ်ဆောင်မှုပုံစံကို ပြောင်းလဲလိုက်လို့ရပါတယ်။ တချို့သော
အခြေအနေတွေမှာ ဒီစိတ်ကူးယဉ်အကြောင်းအရာတွေဟာ တမဟုတ်ချင်းပြောင်းလဲသွားတတ်ကြတယ်။
၁၇၈၉ ခုနှစ်မှာ ပြင်သစ်ပြည်သူတွေက ထာဝရဘုရားသခင်က ဘုရင်တွေကိုအုပ်စိုးခွင့်အာဏာ ပေးအပ်ထားတယ်လို့ ယုံကြည်ထားကြရာကနေ ညတွင်းချင်းပဲ ပြည်သူလူထုကသာ နိုင်ငံကို အုပ်ချုပ်ရမယ်လို့ ပြောင်းလဲ ယုံကြည်လိုက်ကြပါတယ်။ အဲဒီရလဒ်ဟာ စဉ်းစားသိမြင်ခြင်းပြောင်းလဲမှုကြီး ဖြစ်ချိန်ကစပြီး ဟိုမိုဆေပီယန်စ်တို့က ပြောင်းလဲတဲ့ခေတ်ရဲ့လိုအပ်ချက်နဲ့အညီ သူတို့ရဲ့ အပြုအမူပုံစံတွေကို လျင်မြန်စွာပြောင်းလဲပြုပြင်နိုင်လို့ပါ။ ဒီအရာက မျိုးရိုးဗီဇဆင့်ကဲပြောင်းလဲခြင်းဆိုတဲ့ ယဉ်ကြောပိတ်ဆို့မှုကို ကျော်လွန်ပြီး ယဉ်ကျေးမှုဆင့်ကဲပြောင်းလဲခြင်းဖြစ်စဉ်တွေအတွက် ပိုမိုလျင်မြန်တဲ့လမ်းကြောကို ဖွင့်ပေးခဲ့တယ်။ အဲဒီလမ်းကြောမှာ မြန်သထက်မြန်အောင်သွားနေရင်းကပဲ ဟိုမိုဆေပီယန်စ်တို့ဟာ ပူးပေါင်းဆောင်ရွက်နိုင်တဲ့စွမ်းရည်မှာ တခြားလူသားမျိုးစိတ်နှင့်တိရိစ္ဆာတွေအားလုံးထက် အများကြီးပိုကောင်းမွန်ကျော်တက်သွားပါတော့တယ်။
အခြားသောလူမှုရေးသတ္တဝါတွေရဲ့ နေထိုင်ပြုမူပုံကို သူတို့ရဲ့မျိုးရိုးဗီဇတွေက တော်တော်များများ ကန့်သတ်ဆုံးဖြတ်ပေးပါတယ်။ တိရိစ္ဆာန်တွေရဲ့ နေထိုင်ပြုမူပုံတွေကို သူတို့နေထိုင်ရာပတ်ဝန်းကျင် ဒေသ နှင့် သူတို့ရဲ့တစ်ဦးချင်းပင်ကိုစရိုက်ကလည်း လွှမ်းမိုးပါတယ်။ ဒါပေမယ့် တူညီတဲ့ဝန်းကျင်တစ်ခုမှာ မျိုးစိတ်တစ်ခုတည်းက တိရိစ္ဆာန်တွေဟာ နေထိုင်ပြုမူပုံတူညီကြတယ်။ ယေဘုယျအားဖြင့် မျိုးရိုးဗီဇ ပြောင်းလဲခြင်းမျိုးမရှိဘဲ ကြီးမားထူးခြားတဲ့ ဆက်ဆံရေးဆိုင်ရာနေထိုင်ပြုမူပုံတွေ ပြောင်းလဲသွားဖို့ မဖြစ်နိုင်ပါဘူး။
ဥပမာအားဖြင့် ရိုးရိုးချင်ပန်ဇီတွေမှာ ခေါင်းဆောင်အထီးတစ်ကောင်ကဦးဆောင်ပြီး အထက်အောက်သဘောဆန်တဲ့အုပ်စုတွေဖွဲ့ပြီး နေထိုင်လေ့ရှိတဲ့ မျိုးရိုးဗီဇတွေ ရှိတယ်။ ချင်ပန်ဇီမျိုးစိတ်တွေ နှင့် အလွန်နီးစပ်တဲ့အဖွဲ့ဝင်တွေဖြစ်တဲ့ ဘိုနိုဘိုမျောက်တွေမှာတော့ အမတွေက ဦးဆောင်ပြီး အဖွဲ့ဝင်အားလုံးတန်းတူညီကြတဲ့အုပ်စုတွေဖွဲ့ပြီး နေထိုင်လေ့ရှိတယ်။ ချင်ပန်ဇီအမတွေအနေနဲ့ သူတို့နဲ့နီးစပ်တဲ့အမျိုးတွေဖြစ်တဲ့ ဘိုနိုဘိုမျောက်တွေဆီက သင်ခန်းစာယူပြီး ချင်ပန်ဇီတော်လှန်ရေးတစ်ခု မစတင်နိုင်ပါဘူး။ ချင်ပန်ဇီအထီးတွေကလည်း ဖွဲ့စည်းပုံအခြေခံဥပဒေညီလာခံလုပ်ပြီး ခေါင်းဆောင်အထီးရဲ့ တကိုယ်တည်း အုပ်ချုပ်မှုဟာအဆုံးသတ်ပြီဖြစ်ပြီး အခုကစလို့ ချင်ပန်ဇီမျောက်များ အားလုံးကို တန်းတူညီမျှဆက်ဆံရမည်ဖြစ်ပါကြောင်း စသည့်ဖြင့် ကြေငြာဖို့မဖြစ်နိုင်ပါဘူး။ အခုလို ကြီးကျယ်တဲ့အပြုအမူပိုင်းဆိုင်ရာပြောင်းလဲမှု ဖြစ်လာဖို့ဆိုတာ ချင်ပန်ဇီတွေရဲ့ မျိုးရိုးဗီဇမှာ တစ်ခုခုပြောင်းလဲမှသာ ဖြစ်နိုင်မှာပါ။
အဲဒီအချက်တွေကြောင့်ပဲ ရှေးခတ်လူသားတွေဟာ ကြီးမားတဲ့ပြောင်းလဲမှုကြီးမှုတွေဖြစ်လာဖို့ ကိုယ်တိုင်စတင် မလုပ်ဆောင်နိုင်ခဲ့တာပါ။ ကျွန်တော်တိုိ့သိထားသလောက်ပြောရရင် ရှေးခေတ်လူသားတွေ လူမှုဆက်ဆံရေးပုံစံပြောင်းလဲသွားတာ၊ နည်းပညာအသစ် များတီထွင်လာတာ၊ တခြားနယ်ပယ်အသစ်တွေဆီ ရွှေ့ပြောင်းနေထိုင်တာတွေဟာ မျိုးရိုးဗီဇပြောင်းလဲခြင်းနှင့် နေထိုင်ရာပတ်ဝန်းကျင်ရဲ့ဖိအားတွေကြောင့် ဖြစ်ပါတယ်။ သူတို့ရဲ့ယဉ်ကျေးမှုပြောင်းလဲသွားတာကြောင့် စတင်ဖြစ်ပျက်လာနိုင်ချေ နည်းပါးပါတယ်။
ဒါကြောင့်သာ လူသားတွေအတွက် ဒီလိုမျိုး ပြောင်းလဲမှုခြေလှမ်းတွေဖြစ်လာဖို့ နှစ်ပေါင်းရာထောင်နဲ့ချီ ကြာခဲ့ရတာပါ။ လွန်ခဲ့တဲ့ နှစ် ၂ သန်းက မျိုးရိုးဗီဇပြောင်းလဲသွားတာကြောင့် ဟိုမို အီရက်တပ်စ် (မတ်တပ်လူ) လို့ခေါ်တဲ့ လူသားမျိုးစိတ်အသစ်တစ်ခု ပေါ်ပေါက်ခဲ့တယ်။ အဲဒီမျိုးစိတ် ပေါ်ပေါက်လာခြင်းနှင့်အတူ ကျောက်လက်နက်ကိရိယာနည်းပညာတွေ စတင်တီထွင်လာခဲ့တယ်။ အခုချိန်မှာ အဲဒါတီထွင်မှုကို ဟိုမို အီရက်တပ်စ်မျိုးစိတ်ရဲ့ ထူးခြားတဲ့ဝိသေသတစ်ခုအဖြစ် အသိအမှတ်ပြုထားကြပါတယ်။ ဟိုမို အီရက်တပ်စ်တွေ နောက်ထပ်မျိုးရိုးဗီဇပြောင်းလဲခြင်း မဖြစ်သရွေ့ သူတို့ရဲ့ ကျောက်လက်နက်ကိရိယာတွေလည်း နှစ်ပေါင်း ၂ သန်းနီးပါး အရင်အတိုင်း မပြောင်းမလဲ ရှိနေခဲ့ပါတယ်။
သို့ပေမယ့်လည်း စဉ်းစားသိမြင်ခြင်းပြောင်းလဲမှုကြီးဖြစ်ချိန်ကစပြီး ဆေပီယန်စ်တို့ဟာ သူတို့ရဲ့နေထိုင်ပြုမူပုံကို လျင်မြန်စွာပြောင်းလဲနိုင်တယ်။ မျိုးရိုးဗီဇ နှင့် ပတ်ဝန်းကျင်ပြောင်းလဲမှုတွေမပါဘဲ အဲဒီနေထိုင်ပြုမူပုံအသစ်တွေကို နောင်မျိုးဆက်တွေဆီ လက်ဆင့်ကမ်းပေးနိုင်ပါတယ်။
ထင်ရှားတဲ့ ဥပမာအနေနဲ့ ကက်သလစ်ဘုန်းကြီးတွေ၊ ဗုဒ္ဓသံဃာ့အဖွဲ့အစည်းတွေ၊ ရှေးတရုတ်နန်းတွင်း မိန်းမစိုး စတဲ့ “သားသမီးမယူတဲ့အထက်တန်းစားလူတွေ” သမိုင်းမှာ အမြဲပြန်ပေါ်လာတတ်တဲ့အဖြစ်ကို ဆင်ခြင်နိုင်ပါတယ်။ အဲဒီလိုအထက်တန်းစားလူတွေ တည်ရှိတယ်ဆိုတာ သဘာဝတရား၏ရွေးချယ်ခြင်းဆိုတဲ့ ပဓာနအခြေခံသဘောတရားနဲ့ လုံးဝဆန့်ကျင်နေပါတယ်။ ဘာကြောင့်လည်းဆိုတော့ လူ့အသိုင်းအဝိုင်းရဲ့ အထက်တန်းအုပ်စိုးသူနေရာက အဲဒီလူတွေဟာ မျိုးဆက်ပြန့်ပွားခြင်းဆိုတဲ့အရာကို လိုလိုလားလား ငြင်းပယ်ကြလို့ပါ။
ချင်ပန်ဇီခေါင်းဆောင်အထီးတွေကတော့ တတ်နိုင်သမျှ ချင်ပန်ဇီအမ များများနဲ့ လိင်ဆက်ဆံရဖို့အတွက် သူတို့ရဲ့စွမ်းအားကိုအသုံးပြုပါတယ်။ ရလဒ်အနေနဲ့ အုပ်စုတွင်းကသားပေါက်ငယ် တော်တော်များများ၏ အဖေလည်း ဖြစ်လာပါတယ်။ ကက်သလစ်ဘာသာဝင်တွေရဲ့ ခေါင်းဆောင်အထီးဟာ လိင်ဆက်ဆံခြင်းနှင့် ကလေးငယ်တွေကိုပြုစုခြင်းကနေ လုံးဝရှောင်ကြဉ်ပါတယ်။အဲဒီလိုရှောင်ကြဉ်တာဟာ အစာရေစာအလွန်ရှားပါးခြင်း၊ မိတ်လိုက်ဖော်မရှိခြင်း စတဲ့ ခက်ခဲတဲ့ပတ်ဝန်းကျင်အခြေအနေတွေကြောင့် မဟုတ်ပါဘူး။ သို့မဟုတ် ထူးဆန်းတဲ့မျိုးရိုးဗီဇပြောင်းလဲခြင်းတစ်ခုခု ဖြစ်သွားလို့လည်း မဟုတ်ပါဘူး။ ကက်သလစ်အသင်းတော်အနေနဲ့ ရာစုနှစ်ပေါင်းများစွာ ရှင်သန်လာခဲ့တာဟာ ပုပ်ရဟန်းမင်းကြီး တစ်ဦးကနေ နောက်တစ်ဦးကို ဗြဟ္မစရိယမျိုးရိုးဗီဇတွေ လက်ဆင့်ကမ်းလိုက်တာကြောင့်မဟုတ်ဘဲ ဓမ္မသစ်ကျမ်း နှင့် ကက်သလစ်ကာနွန်ဥပဒေစတဲ့ စိတ်ကူးယဉ်အကြောင်းအရာတွေကို လက်ဆင့်ကမ်းပေးလိုက်တာကြောင့်ပဲဖြစ်ပါတယ်။
အခြားနည်းနဲ့ပြောရရင် ရှေးခတ်လူသားတွေရဲ့ နေထိုင်ပြုမူပုံ ပြောင်းလဲမသွားဘဲ နှစ်ပေါင်း ထောင်နဲ့ချီ ပုံသေတသမတ်တည်း ရှိနေခဲ့တဲ့အချိန်မှာ ဆေပီယန်စ်တွေကတော့ သူတို့ရဲ့လူမှုဖွဲ့စည်းပုံ၊ အချင်းချင်း ဆက်ဆံရင်းနှီးပုံ၊ စီးပွားရေးဆိုင်ရာလုပ်ဆောင်မှုတွေနှင့် တခြားသော နေထိုင်ပြုမူပုံအမျိုးမျိုးကို ဆယ်စုနှစ်တစ်ခု၊ နှစ်ခုအတွင်း အသစ်ဖော်ဆောင်ပြောင်းလဲနိုင်ကြပါတယ်။ ၁၉၀၀ ပြည့်နှစ်မှာ မွေးပြီး အသက် ၁၀၀ အပြည့်အထိ အသက်ရှင်ခဲ့တဲ့ ဘာလင်မြို့သူတစ်ယောက်ကို စဉ်းစားကြည့်ပါ။ သူမရဲ့ငယ်ဘဝကို ဒုတိယမြောက် ဝီလီယံဘုရင်ရဲ့ ဟိုအန်ဇိုလန် အင်ပါယာအောက်မှာ ရှင်သန်ခဲ့ပြီး၊ လူလားမြောက်တဲ့ကာလတွေကို ဝိုင်မာ သမ္မတနိုင်ငံ၊ နာဇီဂျာမန်အင်ပါယာနှင့် ကွန်မြူနစ်အရှေ့ဂျာမနီလက်အောက်မှာ နေထိုင်ခဲ့တယ်။ အဲဒီနောက် ဒီမိုကရေစီရပြီး ပြန်လည်ပေါင်းစီးသွားတဲ့ ခေတ်သစ်ဂျာမနီနိုင်ငံသူတစ်ယောက်အဖြစ် ကွယ်လွန်သွားခဲ့တယ်။ အလွန်တရာ ကွဲပြားခြားနားလှတဲ့ လူမှုနိုင်ငံရေးစနစ် ၅ ခု အောက်မှာ ရှင်သန်ခဲ့ရပေမယ့်လည်း သူမရဲ့ ဒီအင်အေမျိုးရိုးဗီဇတွေကတော့ မပြောင်းမလဲ နဂိုပုံစံအတိုင်းသာ ရှိနေခဲ့ပါတယ်။
အဲဒီအရာက ဆေပီယန်စ်တွေရဲ့ အောင်မြင်မှုသော့ချက်ဖြစ်ပါတယ်။ တစ်ဦးချင်း ရင်ဆိုင်တိုက်ခိုက် ကြမည်ဆိုရင် နီယန်ဒါသာလ်တစ်ယောက်က ဆေပီယန်စ် တစ်ယောက်ကို အနိုင်ယူသွားဖို့များပါတယ်။ ဒါပေမယ့် ရာနှင့်ချီတဲ့အရေအတွက်နဲ့ ရင်ဆိုင်ကြမယ်ဆိုရင် နီယန်ဒါသာလ်တွေ အနိုင်ရမယ့်အခွင့်အရေး လုံးဝရှိမှာ မဟုတ်ပါဘူး။ နီယန်ဒါသာလ်များအနေနဲ့ ခြင်္သေ့တွေ ဘယ်မှာရှိတယ်ဆိုတဲ့ သတင်းအချက် အလက်ကို အချင်းချင်းဝေငှနိုင်ကြပေမယ့်လည်း သူတို့ဟာ ခြင်္သေ့ဆိုတဲ့ ဒီအကြောင်းအရာကို မျိုးနွယ်စုကိုစောင့်ရှောက်တဲ့ဝိဉာဉ်အဖြစ် စိတ်ကူးယဉ်အကြောင်းအရာအဖြစ် ပြောင်းလဲပြောဆိုနိုင်စွမ်း မရှိပါဘူး။ စိတ်ကူးယဉ်အကြောင်းအရာတွေကို ဖန်တီးပြောဆိုနိုင်တဲ့အစွမ်းမရှိတာကြောင့် နီယန်ဒါသာလ်တွေဟာ များပြားတဲ့လူဦးရေပမာဏနဲ့ ထိထိရောက်ရောက် ပူးပေါင်းလုပ်ကိုင်နိုင်စွမ်း မရှိခဲ့ဘူး။ အလျင်အမြန်ပြောင်းလဲနေတဲ့ စိန်ခေါ်မှုအမျိုးမျိုးကိုလိုက်ပြီး သူတို့ရဲ့လူမှုအပြုအမူတွေကို လိုက်လျောညီထွေအောင် မပြောင်းလဲနိုင်ခဲ့ကြပါဘူး။
နီယန်ဒါသာလ်တစ်ယောက်ရဲ့စိတ်ထဲကိုဝင်ပြီး သူဘယ်လို စဉ်းစားတွေးခေါ်တယ်ဆိုတာကို ကျွန်တော်တို့ မသိနိုင်ပါဘူး။ ဒါပေမယ့်လည်း သူတို့ရဲ့ပြိုင်ဘက် ဆေပီယန်စ်တွေနှင့်ယှဉ်ကြည့်ရင် နီယန်ဒါသာလ်တွေရဲ့ စဉ်းစား တွေးခေါ်နိုင်မှုအကန့်အသတ်ကို သွယ်ဝိုက်ညွှန်ပြနေတဲ့ သက်သေတွေ ကျွန်တော်တို့မှာ ရှိပါတယ်။ ရှေး ဟောင်းသုတေသနပညာရှင်တွေက လွန်ခဲ့သောနှစ် ၃သောင်းကျော်က ဥရောပအတွင်းပိုင်းက ဆေပီယန်စ်တွေနေထိုင်ခဲ့တဲ့ နေရာတစ်ခုကို တူးဖော်တဲ့အခါမှာ တစ်ခါတစ်ရံ အတ္တလန္တိတ်သမုဒ္ဒရာနှင့် မြေထဲပင်လယ်က ပင်လယ်ခရုခွံတွေကို တွေ့ရှိခဲ့ကြတယ်။ ဖြစ်နိုင်ချေရှိတာက အမျိုးမျိုးသော ဆေပီယန်စ်အုပ်စုငယ်တွေအကြား ခရီးဝေးကုန်သွယ်မှုပြုကြခြင်းကနေသာ ဒီပင်လယ်ခရုခွံတွေ ဥရောပကုန်းတွင်းပိုင်းကို ရောက်လာတာနဲ့ တူပါတယ်။ နီယန်ဒါသာလ်တွေ နေထိုင်ခဲ့တဲ့နေရာတွေမှာ အဲဒီလိုမျိုးကုန်သွယ်မှုပြုတဲ့ သက်သေအထောက်အထားတွေ မတွေ့ရပါဘူး။ သူတို့ဟာ ဒေသတွင်းကကုန်ကြမ်းပစ္စည်းတွေနဲ့သာ လက်နက်ကိရိယာတွေ ထုတ်လုပ်ခဲ့ကြပါတယ်။
ဘာသာပြန် – မာန်သီဟထွန်း
ပုံတွေကို အောက်ပါလင့်တွေကနေ ယူပါတယ်။
https://www.pinterest.com/pin/14566398776500792/
https://slideplayer.com/slide/1590000/
https://www.smithsonianmag.com/…/oldest-engraving-shell-to…/
http://www.newsincyprus.com/…/a-tale-of-two-elections-and-t…
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ