မာန်သီဟထွန်း – ဆေပီယန်စ်၊ အပိုင်း (၁၃) – စိတ်ကူးအရှိတရား

February 5, 2019

မာန်သီဟထွန်း – ဆေပီယန်စ်၊ အပိုင်း (၁၃) – စိတ်ကူးအရှိတရား

  – A Brief History of Humankind by Yuval Noah Harari

 (မိုးမခ) ဖေဖော်ဝါရီ ၅၊ ၂၀၁၉

စာရေးသူ၏ ဖေ့စ်ဘွတ်မှ ခွင့်ပြုချက်ဖြင့် ကူးယူဖော်ပြပါသည်။

ဆေပီယန်စ် ၁၃

၁၈၉၆ခုနှစ်မှာ ပြင်သစ်တရားဥပဒေကလည်း အာမန်ပူဂျူးကို အလားတူ ဆက်ဆံခဲ့တယ်။ အာမန်ပူဂျူးဟာ သူ့မိဘတွေဆီကအမွေရတဲ့ စပရင်တွေ၊ လွှတွေ၊ စက်ဘီးတွေထုတ်လုပ်တဲ့ တွင်ခုံလုပ်ငန်းကို မော်တော်ကားလုပ်ငန်းအဖြစ် ပြောင်းလဲဖို့ဆုံးဖြတ်ခဲ့တယ်။ အဲဒီရည်မှန်းချက်အတွက် ကန့်သတ်တာဝန်ယူကုမ္ပဏီတစ်ခု သူတည်ထောင်ခဲ့တယ်။ ကုမ္ပဏီကို သူ့နာမည်ရင်းပေးခဲ့ပေမယ့် ကုမ္ပဏီဟာ သူ့အပေါ်မှီတည်မှုမရှိပါဘူး။ တကယ်လို့ ပူဂျူးကားတစ်စီး အလုပ်မလုပ်ဘူးဆိုရင် ဝယ်သူအနေဖြင့် ပူဂျူး(လုပ်ငန်း)ကိုတရားစွဲနိုင်ပါတယ်။ ဒါပေမယ့် အာမန်ပူဂျူး(လူ)ကိုတော့ မဟုတ်ပါဘူး။ ကုမ္ပဏီအနေနဲ့ ဖရန့်ငွေ သန်းပေါင်းများစွာကို ချေးယူပြီးနောက် လုပ်ငန်းပျက်သွားတယ်ဆိုရင် အကြွေးရှင်တွေကို အာမန်ပူဂျူးက ဖရန့်ငွေတစ်ပြားမှ ပြန်ဆပ်ဖို့မလိုပါဘူး။ တကယ်တမ်းမှာက ချေးငွေကို ပူဂျူးလုပ်ငန်း သို့မဟုတ် ပူဂျူးကုမ္ပဏီ ကိုသာ ချေးပေးခြင်းဖြစ်ပြီး လူသားဖြစ်တဲ့ အာမန်ပူဂျူးကို ချေးတာမဟုတ်ဘူး။ အာမန်ပူဂျူးဟာ ၁၉၁၅ ခုနှစ်မှာ ကွယ်လွန်ခဲ့တယ်။ ပူဂျူးကုမ္ပဏီဟာ အခုထက်ထိ ကောင်းမွန်စွာလည်ပတ်ဆဲပါ။

အာမန်ပူဂျူးဟာ ဒီပူဂျူးကုမ္ပဏီကို ဘယ်လိုများဖန်တီးထူထောင်နိုင်ခဲ့တာပါလိမ့်။ သမိုင်းတလျှောက် နတ်ဆရာတွေ၊ မှော်ဆရာတွေက နတ်ဘုရားတွေ၊ နတ်ဘီလူးတွေအကြောင်း ဖန်းဆင်းခဲ့ကြတာနဲ့ အတူတူပါပဲ။ အခုထက်ထိ ထောင်နဲ့ချီတဲ့ ပြင်သစ်ခရစ်ယာန်ဘုန်းတော်ကြီးတွေဟာ တနင်္ဂနွေနေ့တိုင်း ဘုရားကျောင်းတွေ ခရစ်တော်ရဲ့ကိုယ်ခန္ဓာကို ဖန်ဆင်းနေကြတာနဲ့တူပါတယ်။ ဒါတွေအားလုံးဟာ လူအများကို စိတ်ကူးယဉ်အကြောင်းအရာတွေ ပြောဆိုပြီး အဲဒါတွေကို လူအားလုံး လက်ခံယုံကြည်အောင် လုပ်တာပါပဲ။ ပြင်သစ်ခရစ်ယာန်ဘုန်းတော်ကြီးတွေ လုပ်တဲ့ကိစ္စမှာတော့ ယေရှုခရစ်တော်ရဲ့အသက်ရှင်ခြင်းနှင့်သေခြင်းဟာ ကက်သလစ်အသင်းတော်က ပြောတဲ့အတိုင်းဖြစ်တယ်ဆိုတာ တကယ်အရေးကြီးတဲ့ အကြောင်းအရာဖြစ်ပါတယ်။

အဲဒီအဆိုအရဆိုရင် ကက်သလစ်ဘုန်းတော်ကြီးတစ်ပါးက သူရဲ့မြင့်မြတ်တဲ့သင်္ကန်းကိုဝတ်ဆင်ပြီး မှန်ကန်တဲ့စကားလုံးတွေကို မှန်ကန်တဲ့အခါသမယမှာ ခမ်းနားစွာရွတ်ဆိုရင် ရိုးရိုးသာမန်ပေါင်မုန့်နှင့်ဝိုင် ဟာ ဘုရားသခင်ရဲ့ အသွေးတော်နဲ့အသားတော် အဖြစ်သို့ ပြောင်းလဲသွားပါတယ်။ ဘုန်းတော်ကြီးက ဟော်အက်စ် ခေါပပ်စ် မီယမ် (လက်တင်- ‘Hoc est corpus meum!’ ဤအရာသည် ငါ၏ကိုယ်ဖြစ်၏) ဟုရွတ်ဆိုလိုက်တာနဲ့ အပ်ချလောင်း လို့ဆိုရမလိုပဲ.. ပေါင်မုန့်ဟာ ခရစ်တော်ရဲ့ အသားတော်အဖြစ်သို့ ပြောင်းလဲသွားတယ်။ အဲဒီလို ဘုန်းတော်ကြီးက လုပ်ဆောင်စရာတွေအားလုံးကို စေ့စပ်သေချာစွာ မှန်မှန်ကန်ကန်ဆောင်ရွက်တာကို မြင်ရတဲ့အခါ သန်းနဲ့ချီတဲ့ ဘာသာရေးကိုင်းရှိုင်းတဲ့ ပြင်သစ်လူမျိုးကက်သလစ်တွေက အဲဒီပူဇော်ရာပေါင်မုန့်နဲ့ဝိုင်မှာ ဘုရားသခင်တကယ်ရှိသလို ယုံကြည်ပြုမူကြပါတယ်။

ပူဂျူးအက်စ်အေလိုမျိုး အခြေအနေမှာတော့ အလွန်အရေးကြီးတဲ့ အကြောင်းအရာက ပြင်သစ်ပါလီမန်ကရေးဆွဲထားတဲ့ ပြင်သစ်တရားဥပဒေ ဖြစ်ပါတယ်။ ပြင်သစ်ဥပဒေပြုလွှတ်တော်အမတ် တွေရဲ့ အဆိုအရ လိုင်စင်ရှိရှေ့နေတစ်ယောက်က မှန်ကန်တဲ့ဝတ်ပြုနည်းတွေ၊ ထုံးတမ်းစဉ်လာအားလုံးကို လိုက်နာဆောင်ရွက်ပြီး လိုအပ်တဲ့ဂါထာ၊ ကျမ်းသစ္စာတွေကို လှပစွာတန်ဆာဆင်ထားတဲ့ စာရွက်တစ်ရွက်ပေါ်မှာ ရေးသားလိုက်ပါတယ်။ ပြီးတော့ သူတို့ပြင်ဆင်ထားတဲ့ လက်မှတ်တံဆိပ်ကို စာရွက်အောက်ခြေမှာ ကပ်လိုက်တာနဲ့ အပ်ချလောင်းလို့ ဆိုရမလို.. ကုမ္ပဏီအသစ်တစ်ခု မွေးဖွားတည်ရှိလာပါတယ်။ ၁၈၉၆ ခုနှစ်တွင် အာမန်ပူဂျူးက သူ့ကုမ္ပဏီကိုတည်ထောင်ချင်ခဲ့တဲ့အချိန်က မြင့်မြတ်တဲ့ ဒီလုပ်ထုံးလုပ်နည်းအားလုံးကို ဆောင်ရွက်ဖို့ ရှေ့နေတစ်ဦးကို အခကြေးငွေပေးခိုင်းစေခဲ့တယ်။ ရှေ့နေက မှန်ကန်သောထုံးတမ်းစဉ်လာတွေ၊ လိုအပ်တဲ့ဂါထာ၊ ကျမ်းသစ္စာတွေကို ရွတ်ဖတ်လိုက်တာနဲ့ သန်းပေါင်းများစွာသော ဖြောင့်မတ်တဲ့ပြင်သစ်နိုင်ငံသားတွေဟာ ပူဂျူးကုမ္ပဏီ အမှန်တကယ်တည်ရှိလာသလိုပဲ ယုံကြည်ပြုမူကြပါတော့တယ်။

တကယ်ထိရောက်မှုရှိတဲ့စိတ်ကူးယဉ်အကြောင်းအရာတွေကို ပြောပြဖို့ မလွယ်ပါဘူး။ ဒီစိတ်ကူးယဉ်အကြောင်းအရာပုံပြင်တွေကို ဖန်တီးရတာ မခက်ခဲပေမယ့် ဒီအကြောင်းအရာတွေကို လူတိုင်းယုံကြည်လာအောင်လုပ်တဲ့အပိုင်းကတော့ ခက်ခဲပါတယ်။ လူတစ်ယောက်က နတ်ဘုရားတွေ၊ နိုင်ငံတွေ သို့မဟုတ် ကန့်သတ်တာဝန်ယူကုမ္ပဏီ စတဲ့အရာတွေ တည်ရှိကြတယ်ဆိုတာကို သန်းပေါင်းများစွာသောလူတွေ ယုံကြည်လာအောင် ဘယ်လိုလုပ်ပါသလဲ။ လူ့သမိုင်းတော်တော်များများဟာ ဒီမေးခွန်းတစ်ခုအပေါ်မှာပဲ လည်ပတ်ဖြစ်ပျက်နေတာပါ။ ဒါပေမယ့် ယုံကြည်အောင်လုပ်နိုင်တယ်ဆိုတာနဲ့ အဲဒီအရာက ဆေပီယန်စ်တို့ကို အလွန်ကြီးမားတဲ့စွမ်းအားကို ပေးစွမ်းပါတယ်။ ဘာကြောင့်ဆိုတော့ အဲဒီအခါကြရင် သန်းပေါင်းများစွာသော တစိမ်းတရံတွေဟာ ဘုံပန်းတိုင်တစ်ခုဆီရောက်အောင် အတူပူးပေါင်းလုပ်ဆောင်လာနိုင်ကြလို့ပါ။ စဉ်းစားကြည့်ပါ.. တကယ်လို့ ကျွန်တော်တို့ဟာ ပြင်ပမှာတကယ်ရှိတဲ့ မြစ်တွေ၊ သစ်ပင်တွေ၊ ခြင်္သေ့တွေ စတဲ့အရာတွေကိုသာ ပြောဆိုနိုင်ကြမယ်ဆိုရင် နိုင်ငံတွေ၊ ဘုရားကျောင်းတွေ၊ တရားဥပဒေစနစ်တွေ တည်ထောင်ဖို့ ဘယ်လောက် ခက်ခဲလိုက်မလဲ။

နှစ်ကာလတွေကြာလာတာနဲ့အမျှ လူတွေဟာ အလွန်ရှုပ်ထွေးတဲ့ စိတ်ကူးအကြောင်းအရာကွန်ယက်တွေကို ဖန်တီးလာခဲ့ကြတယ်။ ဒီကွန်ယက်တန်ခိုးနဲ့ လူ့အတွေးစိတ်ကူးသက်သက်ဖြစ်တဲ့ ပူဂျူးစတဲ့အရာတွေစာ တည်ရှိလာရုံတင်မကဘဲ အလွန်ကြီးမားတဲ့ စွမ်းအားတွေကိုပါ ပိုင်ဆိုင်လာကြတယ်။ ဒီစိတ်ကူးအကြောင်းအရာကွန်ယက်တွေက တဆင့် လူတို့ဖန်တီးထားတဲ့ အရာတွေကို ပညာရှင်အသိုင်းအဝိုင်းမှာတော့ ‘စိတ်ကူးယဉ်မှု’၊ ‘လူမှုစိတ်ကူးတည်ဆောက်မှု’ ဒါမဟုဆိ ‘စိတ်ကူးအရှိတရား’ လို့ခေါ်ဝေါ်သမုတ်ကြပါတယ်။ စိတ်ကူးအရှိတရားတစ်ခုဟာ လိမ်ညာမှုတစ်ခု မဟုတ်ပါဘူး။ မြစ်နားမှာ ခြင်္သေ့တစ်ကောင်မရှိမှန်း ကောင်းစွာသိရက်နဲ့ မြစ်နားမှာခြင်္သေ့တစ်ကောင် ရှိတယ်လို့ပြောလျှင် ကျနော်လိမ်တာပဲ။ လိမ်ညာတယ်ဆိုတာ ဘာမှထူးဆန်းတာ မဟုတ်ပါဘူး။ မျောက်စိမ်းတွေ၊ ချင်ပန်ဇီတွေလည်း လိမ်ညာနိုင်ကြတာပဲ။ ဥပမာအားဖြင့် မျောက်စိမ်းတစ်ကောင်က ဘယ်ခြင်္သေ့မှ အနီးအနားမရှိဘဲနဲ့ သတိထား ခြင်္သေ့တစ်ကောင်လာနေတယ် ဟု အော်ပြောတာကို ပညာရှင်တွေက စောင့်ကြည့်ကြတယ်။ အဲဒီလို အော်ဟစ်သတိပေးတာကြောင့် ငှက်ပျောသီးတစ်လုံး လောလောလတ်လတ်တွေ့ထားတဲ့ မျောက်စိမ်းတစ်ကောင် အလန့်တကြားထွက်ပြေးသွားတယ်။ လိမ်ညာအော်ပြောတဲ့ မျောက်စိမ်းကတော့ တစ်ကောင်တည်း ငှက်ပျောသီးကို မောင်ပိုင်စီးခွင့်ရသွားတာပဲ။

လိမ်ညာခြင်းနဲ့မတူတာက စိတ်ကူးအရှိတရားဆိုတာ လူတိုင်းယုံကြည်ကြတဲ့ အရာတစ်ခုဖြစ်တယ်။ အဲဒီလိုအများက လက်ခံယုံကြည်နေသေးသရွေ့ စိတ်ကူးအရှိတရားဟာ လောကကြီးအပေါ် သက်ရောက်မှု ရှိနေဦးမှာပဲ။ စတေတယ်ဂူက ပန်းပုသမားဟာ ခြင်္သေ့ဝိဉာဉ်ကိုယ်စောင့်နတ် တကယ်ရှိတယ်ဆိုတာကို အရိုးခံစိတ်နဲ့ ယုံကြည်ကောင်း ယုံကြည်ခဲ့မှာပါ။ တစ်ချို့ မှော်ဆရာတွေ သမားယောင်တွေသာဖြစ်တယ်။ ဒါပေမယ့် သူတို့အများစုဟာ နတ်ဘုရားတွေ၊ နတ်ဆိုးတွေ ရှိတယ်ဆိုတာကို အရိုးခံစိတ်နဲ့ ယုံကြည်တဲ့လူတွေပါ။ သန်းကြွယ်သူဋ္ဌေးအများစုဟာလည်း ငွေကြေး၊ ကန့်သတ်တာဝန်ယူကုမ္ပဏီ စတဲ့အရာတွေတည်ရှိမှုကို အမှန်တကယ်ယုံကြည်ကြတယ်။ လူအခွင့်အရေးတက်ကြွသူ အများစုကလည်း လူအခွင့်အရေးဆိုတာ ရှိတယ်ဆိုတဲ့အပေါ် တကယ်ယုံကြည်ကြတယ်။ ၂၀၁၁ ခုနှစ်မှာ ကုလသမဂ္ဂက လစ်ဗျားအစိုးရကို သူ့ပြည်သူတွေရဲ့ လူ့အခွင့်အရေးကိုလေးစားဖို့ တောင်းဆိုတဲ့အချိန်က ဘယ်သူမှ လိမ်ညာပြောဆိုနေခဲ့ခြင်းမဟုတ်ပါဘူး။ တချိန်တည်းမှာပဲ ကုလသမဂ္ဂ၊ လစ်ဗျား၊ လူအခွင့်အရေး စတာတွေအားလုံးဟာ ကျွန်တော်တို့ရဲ့ အဆီအနှစ်ပြည့်ဝတဲ့စိတ်ကူးစိတ်သန်းတွေရဲ့ စိတ်ကူးသက်သက်မျှသာ ဖြစ်ကြပါတယ်။

စဉ်းစားသိမြင်ခြင်းပြောင်းလဲမှုကြီး ဖြစ်ချိန်ကစပြီး ဆေပီယန်စ်တို့ဟာ အခုလို ဖြစ်တည်မှုအရှိတရား ၂ ခုကြားမှာ ရှင်သန်နေထိုင်ကြတယ်။ တဘက်မှာ တကယ့်အရှိတရားတွေဖြစ်တဲ့ မြစ်တွေ၊ သစ်ပင်တွေ၊ ခြင်္သေ့တွေ စတဲ့အရာတွေ ရှိတယ်။ တခြားတဘက်မှာလည်း စိတ်ကူးအရှိတရားတွေဖြစ်တဲ့ နတ်ဘုရားတွေ၊ နိုင်ငံတွေ၊ ကော်ပိုရေးရှင်းတွေ ရှိတယ်။ အချိန်ကြာလာတာနဲ့အမျှ စိတ်ကူးအရှိတရားတွေ စွမ်းအားကြီးမားလာလိုက်တာ ဒီနေ့ခေတ်မှာ မြစ်တွေ၊ သစ်ပင်တွေ၊ ခြင်္သေ့တွေရဲ့ အသက်ရှင်ရပ်တည်နိုင်ရေးဟာ ဒီစိတ်ကူးအရှိတရားများတွေဖြစ်တဲ့ နတ်ဘုရားတွေ၊ နိုင်ငံတွေ၊ ကော်ပိုရေးရှင်းတွေရဲ့ သနားညှာတာမှုအောက်မှာသာ မှီတည်နေပါတော့တယ်။

ဘာသာပြန် – မာန်သီဟထွန်း

ပုံတွေကို အောက်ပါလင့်တွေကနေ ယူပါတယ်။
https://www.todocoleccion.net/…/piero-casucci-armand-peugeo…
https://www.sciencesource.com/…/Catholic-Priest-Conducts-Ma…


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Tags: , ,

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ဘာသာပြန်ကဏ္ဍ, အခန်းဆက်များ

Comments are closed.

Archives