ဘာသာပြန်ကဏ္ဍ အခန်းဆက်များ

မာန်သီဟထွန်း – ဆေပီယန်စ်၊ အပိုင်း (၁၂) – စဉ်းစားသိမြင်ခြင်းပြောင်းလဲမှုကြီး အစပိုင်း

မာန်သီဟထွန်း – ဆေပီယန်စ်၊ အပိုင်း (၁၂) – စဉ်းစားသိမြင်ခြင်းပြောင်းလဲမှုကြီး အစပိုင်း

– A Brief History of Humankind by Yuval Noah Harari

(မိုးမခ) ဇန်န၀ါရီ ၂၅၊ ၂၀၁၉

စာရေးသူ၏ ဖေ့စ်ဘွတ်မှ ခွင့်ပြုချက်ဖြင့် ကူးယူဖော်ပြပါသည်။

ဆေပီယန်စ် ၁၂

စဉ်းစားသိမြင်ခြင်းပြောင်းလဲမှုကြီး အစပိုင်းမှာ ဟိုမိုဆေပီယန်စ်တွေ ပိုမိုကြီးမားတည်ငြိမ်သောအုပ်စုတွေ ဖွဲ့နိုင်အောင် အတင်းပြောခြင်းက အထောက်အကူပြုခဲ့တယ်။ ဒါပေမယ့် အတင်းပြောတဲ့နေရာမှာလည်း အကန့်အသတ်ရှိတယ်။ လူမှုဗေဒ သုတေသနစာတမ်းတွေအရ အုပ်စုတစ်ခုမှာ အတင်းပြောရင်းနဲ့ သိကျွမ်းရင်းနှီးလာတဲ့ အဖွဲ့ဝင်အရေအတွက်ဟာ အများဆုံး ၁၅၀ ပဲရှိပါတယ်။ လူတော်တော်များများဟာ ဒီ ၁၅၀ ဆိုတဲ့ အရေအတွက်ကို ကျော်သွားရင် ထိရောက်စွာအတင်းမပြောနိုင်ကြတော့သလို အချင်းချင်းလည်း အတွင်းကျကျသိကျွမ်းနိုင်စွမ်း မရှိတော့ပါဘူး။

ဒီနေ့ခေတ်မှာလည်း လူ့အဖွဲ့အစည်းတွေမှာ လူအချင်းချင်းသိကျွမ်းနိုင်တဲ့ အမြင့်ဆုံး စံပမာဏဟာ ဒီမှော်နံပါတ်ဖြစ်တဲ့ ၁၅၀ ဝန်းကျင်မှာပဲရှိတယ်။ ဒီစံပမာဏအတွင်းမှာပဲ တစ်ဦးနှင့်တစ်ဦး အတွင်းကျကျသိတာ၊ အတင်းပြောတာတွေအပေါ် အခြေခံပြီး အုပ်စုတွေ၊ စီးပွားရေးအဖွဲ့တွေ၊ လူမှုကွန်ယက်တွေ၊ စစ်ဖက်အဖွဲ့တွေ ရပ်တည်လည်ပတ်ကြတယ်။ ဒီအဖွဲ့တွေ စနစ်တကျဖြစ်စေဖို့ ရာထူး၊ အဆင့်အတန်း၊ စည်းကမ်းစာအုပ်စသည်ဖြင့် ဘာမှ မလိုပါဘူး။ အခြေခံစည်းကမ်းတစ်ချို့ နှင့် အတွင်းကျကျရင်းနှီးသိကျွမ်းကြခြင်း အပေါ်မှာအခြေခံပြီး တပ်သား ၃၀ ရှိတဲ့ တပ်စုတစ်စု သို့မဟုတ် တပ်သား ၁၀၀ ရှိတဲ့ တပ်ခွဲတစ်ခွဲဟာ ကောင်းကောင်း ရပ်တည်လည်ပတ်နိုင်ပါတယ်။

အများကမြတ်နိုးလေးစားခြင်းခံရတဲ့ ဗိုလ်တစ်ယောက်စာ တပ်ခွဲရဲ့ဘုရင်လို ဖြစ်လာနိုင်ပြီး တခြားအရာရှိတွေအပေါ်လည်း သူ့သြဇာအာဏာကို ကျင့်သုံးလို့ရပါတယ်။ အသေးစားမိသားစုလုပ်ငန်းတစ်ခုဟာ ဒါရိုက်တာဘုတ်အဖွဲ့ဝင်တွေ၊ စီအီးအို ဒါမှမဟုတ် စာရင်းဌာန စတာတွေ မရှိပေမယ့်လည်း ကောင်းမွန်စွာလည်ပတ်စီးပွားဖြစ်ထွန်းနိုင်ပါတယ်။

ဒါပေမယ့် ဒီစံပမာဏဖြစ်တဲ့ အယောက်၁၅၀ကို ကျော်လွန်တာနဲ့ အရာအားလုံး နဂိုမူလလို အလုပ်မဖြစ်တော့ပါဘူး။ တပ်သား တစ်ထောင်ရှိသည့် တပ်မတစ်ခုကို.. တပ်စုတစ်စုကိုအုပ်ချုပ်တဲ့နည်းလမ်းမျိုးနဲ့ အုပ်ချုပ်လို့မရပါဘူး။ အောင်မြင်တဲ့မိသားစုစီးပွားရေးလုပ်ငန်းတွေ ကြီးထွားလာပြီး နောက်ထပ်လူသစ်တွေငှားရတော့မယ့် အချိန်မှာ အကျပ်အတည်းတွေ ကြုံတွေ့လေ့ရှိကြတယ်။ သူတို့အနေနဲ့ သူတို့ရဲ့စီးပွားရေးလည်ပတ်မှုပုံစံကို ပြုပြင်ပြောင်းလဲတာမလုပ်ကြဘူးဆိုရင် လုပ်ငန်းပျက်သွားကြပါတယ်။

ဟိုမိုဆေပီယန်စ်တွေဟာ အရေးပါတဲ့ ဒီစံပမာဏကို ဘယ်လိုနည်းတွေနဲ့များ ကျော်လွန်ဖြတ်သန်းပြီး လူဦးရေထောင်နဲ့ချီတဲ့ မြို့ပြတွေ၊ သန်းရာနဲ့ချီသောလူတွေကိုအုပ်ချုပ်တဲ့ အင်ပါယာတွေကို ထူထောင်နိုင်ခဲ့ကြတာပါလဲ။ အဲဒီ လျှို့ဝှက်ချက်ကတော့ ‘စိတ်ကူးယဉ်ဖန်တီးနိုင်မှု’ ဆိုတာ စတင်ပေါ်ပေါက်လာတာကြောင့် ဖြစ်နိုင်ပါတယ်။ အရေအတွက်များပြားလှတဲ့ သူစိမ်းတစ်ရံတွေဟာ တူညီတဲ့စိတ်ကူးယဉ်အကြောင်းအရာတွေကို အတူတကွ လက်ခံယုံကြည်ခြင်းအားဖြင့် အောင်မြင်စွာ စုပေါင်းလုပ်ဆောင်နိုင်ကြပါတယ်။

ဒီနေ့ခေတ်နိုင်ငံတစ်နိုင်ငံ၊ အလယ်ခေတ် ဘာသာရေးအသင်းတစ်ခု၊ ရှေးခေတ်မြို့တစ်မြို့ သို့မဟုတ် ရှေးခေတ်လူသားမျိုးနွယ်စုတစ်စု စတဲ့ လူဦးရေအများအပြားနဲ့ စုပေါင်းလုပ်ဆောင်ရတဲ့ ကြီးမားတဲ့လူ့အဖွဲ့အစည်းတိုင်းဟာ လူတွေရဲ့စုပေါင်းတွေးခေါ်မှုအတွင်းမှာရှိတဲ့ စိတ်ကူးယဉ်အကြောင်းအရာတွေမှာ အမြစ်တွယ်ပြီးတည်ရှိပါတယ်။

ဘာသာရေးအသင်းတွေဟာလည်း အများလက်ခံတဲ့ ဘာသာရေးစိတ်ကူးယဉ်အကြောင်းအရာပေါ်မှာ အမြစ်တွယ်တည်ရှိတယ်။  ဘယ်တုန်းကမှ မဆုံဘူးတဲ့ ကက်သလစ်ခရစ်ယာန် ၂ ယောက်ဟာ တစ်ဦးနှင့်တစ်ဦးမသိကြပေမယ့် ခရူးဆိတ်စစ်ပွဲကို အတူတကွချီတက်ကြမှာ သို့မဟုတ် ဆေးရုံတစ်ရုံဆောက်ဖို့ အတူတကွ ရန်ပုံငွေရှာကြမှာပါ။ ဘာကြောင့်လည်းဆိုတော့ ဘုရားသခင်စာ လူ့အသွေးအသားထဲမှာ ဝင်ရောက်သန္ဓေယူပြီး ကျွန်ုပ်တို့လူသားတွေကို အပြစ်မှကယ်ချွတ်ဖို့ လက်ဝါးကားတိုင်ပေါ်မှာ အသေခံခဲ့တယ်လို့ နှစ်ဦးလုံးက ယုံကြည်ကြတာကိုး။

နိုင်ငံတွေဆိုတာကလည်း အများလက်ခံယုံကြည်တဲ့ အမျိုးသားနိုင်ငံရေး စိတ်ကူးယဉ်အကြောင်းအရာပေါ်မှာသာ အမြစ်တွယ်တည်ရှိတယ်။ ဘယ်တုန်းကမှ မတွေ့ဆုံဘူးတဲ့ ဆာဘီးယန်းလူမျိုး၂ယောက်ဟာ တစ်ယောက်ကိုတစ်ယောက်အသက်စွန့်ကာ ကယ်တင်ကြမှာပဲ။ ဘာဖြစ်လို့လည်းဆိုတော့ သူတို့ ၂ ယောက်လုံးက ဆာဘီးယားနိုင်ငံ၊ ဆာဘီးယားအမိမြေ၊ ဆားဘီးယားအမျိုးသားအလံ တည်ရှိမှုကို ယုံကြည်ကြလို့ ဖြစ်တယ်။

တရားစီရင်ရေး စနစ်တွေဟာလည်း အများလက်ခံယုံကြည်တဲ့ ဥပဒေစိတ်ကူးယဉ်အကြောင်းအရာတွေပေါ် အမြစ်တွယ်တည်ရှိတာပဲ။ ဘယ်တုန်းကမှ မတွေ့ဆုံဘူးတဲ့ ရှေ့နေ ၂ ယောက်ဟာ တစိမ်းတစ်ယောက်ကို ကာကွယ်ဖို့ အတူလက်တွဲလုပ်ဆောင် ကြမှာပဲ။ ဘာကြောင့်လည်းဆိုတော့ သူတို့ ၂ဦးလုံးက တရားဥပဒေ၊ တရားမျှတမှု၊ လူ့အခွင့်အရေး စတဲ့အရာတွေ တည်ရှိမှုကို လက်ခံယုံကြည်ကြတာကိုး။ ဒါ့အပြင် သူတို့ ပိုက်ဆံလည်း ရတယ်လေ။

ဒါပေမယ့် ဒီအရာတွေအားလုံးဟာ လူတွေ အချင်းချင်းစိတ်ကူးဖန်တီးပြောဆိုကြတဲ့ အကြောင်းအရာတွေကို ကျော်လွန်ပြီး ပြင်ပမှာတော့ တကယ်မရှိပါဘူး။ နိုင်ငံတွေ၊ ငွေကြေးတွေ၊ လူ့အခွင့်အရေးတွေ၊ တရားဥပဒေတွေ၊ တရားမျှတမှု၊ စကြာဝဠာမှာရှိတဲ့နတ်ဘုရားတွေ စတဲ့အရာတွေဟာ လူသားတို့စုပေါင်းစိတ်ကူးယဉ်ယုံကြည်ကြတဲ့ အကြောင်းအရာတွေရဲ့ ပြင်ပမှာ တကယ်မရှိကြပါဘူး။

ရှေးကနဦးလူသားတွေ နတ်ဝိညာဉ်တွေကို ယုံကြည်တာ၊ လပြည့်ညတွေမှာ မီးပုံပွဲလုပ်ပြီး စုရုံးကခုန်ကြတာဟာ သူတို့လူ့အဖွဲ့အစည်းရဲ့ အခြေခံအုတ်မြစ်ဖြစ်တယ်ဆိုတာကို လူအများ အလွယ်တကူ နားလည်ကြပါတယ်။ ကျွန်တော်တို့ တန်ဖိုးထားဖို့ ပျက်ကွက်တဲ့အရာတစ်ခုက ကျွန်တော်တို့ရဲ့ ယနေ့ခေတ် လှု့အဖွဲ့အစည်းတွေဟာလည်း သူတို့နဲ့လုံးဝတူညီတဲ့အုတ်မြစ်တွေပေါ်မှာ အခြေခံပြီး လည်ပတ်နေတယ် ဆိုတဲ့အချက်ပါ။

ကမ္ဘာ့စီးပွားရေးကော်ပိုရေးရှင်းကြီးတွေကို ဥပမာအဖြစ်ကြည့်ပါ။ တကယ်တမ်းတော့ ဒီနေ့ခေတ်စီးပွားရေးသမားတွေ၊ ရှေ့နေတွေဟာ အလွန်စွမ်းအားကြီးတဲ့ မှော်ဆရာတွေပါ။ မျိုးနွယ်စုတစ်ခုက နတ်ဆရာတွေ နှင့် ဒီခေတ်ရှေ့နေတွေရဲ့ အဓိကကွာခြားချက်က ဒီခေတ်ရှေ့နေတွေက အလွန်တရာမှ ပိုမိုထူးခြားဆန်းကျယ်တဲ့ အကြောင်းအရာတွေကို ကျွန်တော်တို့ကို ပြောတာပါ။ ပူဂျူး ကားထုတ်လုပ်ရေးဟာဖြင့် ကျွန်တော်တို့အတွက် အလွန်ကောင်းတဲ့ ဥပမာတစ်ခု ဖြစ်ပါတယ်။

စတေတယ် ခြင်္သေ့လူနှင့်အနည်းငယ်ဆင်တဲ့ တံဆိပ်ကို ဒီခေတ်ကားတွေ၊ ထရပ်ကားတွေနှင့် မော်တော်ဆိုင်ကယ်တွေပေါ်မှာ ပါရီ ကအစ ဆစ်ဒနီ အဆုံး တွေ့နိုင်ပါတယ်။ အဲဒီတံဆိပ်ဟာ ပူဂျူးကထုတ်လုပ်သည့် မော်တော်ယဉ်တွေရဲ့ စက်ခေါင်းဖုံးထိပ်မှာ တန်ဆာဆင်တပ်ထားတာပါ။ ပူဂျူးဟာ ဥရောပမှာ ရှေးအကျဆုံးနဲ့အကြီးမားဆုံး ကားထုတ်လုပ်ရေးတစ်ခုဖြစ်တယ်။ ပူဂျူးကို မိသားစုစီးပွားရေးလုပ်ငန်းတစ်ခုအဖြစ် ပြင်သစ်နိုင်ငံ အရှေ့ပိုင်း ဗလော်တီညယ်ရွာမှာ စတင်ခဲ့ပြီး အဲဒီရွာဟာ စတေတယ်ဂူကနေ ကီလိုမီတာ ၃၀၀ ပဲဝေးပါတယ်။ ဒီနေ့အချိန်မှာဆို ပူဂျူးကုမ္ပဏီဟာ ဝန်ထမ်း နှစ်သိန်းကျော်ကို ကမ္ဘာအနှံ့ခန့်ထားပြီး အဲဒီအလုပ်သမားအများစုဟာလည်း တစ်ဦးနှင့်တစ်ဦးလုံးဝမသိကြတဲ့ တစိမ်းတွေပါ။ ဒီတစိမ်းတွေ ထိထိရောက်ရောက် အတူစုပေါင်းလုပ်ဆောင်လိုက်ကြတာဟာ ၂၀၀၈ခုနှစ်မှာ ပူဂျူးက ကားအစီးရေ ၁.၅ သန်းကျော် ထုတ်လုပ်ပြီး ဝင်ငွေစုစုပေါင်း ယူရို ၅၅ ဘီလီယံဝန်းကျင် ရခဲ့တဲ့အထိပါပဲ။

ဘယ်လိုနည်းနဲ့များ ပူဂျူးအက်စ်အေ (ကုမ္ပဏီ၏ တရားဝင်နာမည်) တည်ရှိတယ်လို့ ကျွန်တော်တို့ ပြောနိုင်ပါသလဲ။ ပူဂျူးကထုတ်လုပ်တဲ့ မော်တော်ယဉ် အများအပြားရှိပါတယ်..ဒါပေမယ့် သူတို့က ပူဂျူးရဲ့ ဖြစ်တည်မှု မဟုတ်ပါဘူး။ ကမ္ဘာပေါ်မှာရှိတဲ့ ပူဂျူးကားအားလုံးကို ဖျက်ဆီးပြီး သံထည်အဖြစ် ရောင်းစားပစ်လိုက်ရင်လည်း ပူဂျူးအက်စ်အေ ကွယ်ပျောက်သွားမှာ မဟုတ်ဘူး။ ပူဂျူးက ကားအသစ်တွေကို ဆက်ထုတ်လုပ်နေမှာဖြစ်ပြီး တစ်နှစ်တာရလဒ်တွေကိုလည်း ဆက်လက် ထုတ်ပြန်နေမှာပါ။ ပူဂျူးကုမ္ပဏီက စက်ရုံတွေ၊ စက်ပစ္စည်းတွေ၊ အရောင်းပြခန်းတွေ၊ ခန့်အပ်ထားသော စက်ဆရာတွေ၊ စာရင်းကိုင်တွေ၊ အတွင်းရေးမှုးတွေ စတာတွေကို ပိုင်ဆိုင်တယ်။ ဒါပေမယ့် ဒီအရာအားလုံး စုပေါင်းလိုက်ရင်လည်း ပူဂျူးဖြစ်မလာပါဘူး။ သဘာဝဘေးအန္တရာယ်တစ်ခုကြောင့် ပူဂျူးဝန်ထမ်းအားလုံး သေကျေပြီး သူတို့ရဲ့ ကားထုတ်လုပ်မှုတွေ၊ စီမံအုပ်ချုပ်ရေးရုံးတွေအားလုံးကိုလည်း ဖျက်ဆီးသွားတယ် ဆိုပါစို့။ အဲဒီလိုအခြေအနေမှာလည်း ကုမ္ပဏီအနေနဲ့ ချေးငွေတွေယူ၊ ဝန်းထမ်းအသစ်တွေငှားပြီး စက်ရုံသစ်တွေ တည်ဆောက်တာ၊ စက်ပစ္စည်းသစ်တွေ ဝယ်ယူတာ စတဲ့အအရာတွေကို ပြုလုပ်နိုင်ပါတယ်။ ပူဂျူးမှာ မန်နေဂျာတွေ၊ ရှယ်ယာရှင်တွေ ရှိတယ်။ ဒါပေမယ့် သူတို့ကလည်း ကုမ္ပဏီကို ကိုယ်စားမပြုပါဘူး။ မန်နေဂျာအားလုံးကို အလုပ်ထုတ်ပြီး ရှယ်ယာအားလုံး ရောင်းချလို့ရပါတယ်။ ဒါဆိုလည်း ကုမ္ပဏီအနေနဲ့ မပျက်မစီး ဆက်လည်တည်ရှိနေမှာ ပါပဲ။

ဒါကြောင့်မို့ ပူဂျူးအက်စ်အေဟာ လုံးဝလုံခြုံဘေးကင်းပြီး အမြဲထာဝရရှိနေမှာလို့တော့ မဆိုလိုပါဘူး။ တကယ်လို့ တရားသူကြီးတစ်ဦးက ဒီကုမ္ပဏီကို တရားဝင်ဖျက်သိမ်းလိုက်ကြောင်းကို အတည်ပြုပြဋ္ဌာန်းလိုက်ရင် ကုမ္ပဏီရဲ့ စက်ရုံတွေ၊ အလုပ်သမားတွေ၊ စာရင်းကိုင်တွေ၊ မန်နေဂျာတွေ ရှိနေကြသေးပေမယ့် ပူဂျူးအက်စ်အေ ကတော့ချက်ချင်း ပျောက်ကွယ်သွားမှာ ဖြစ်ပါတယ်။ အတိုချုပ်ပြောရရင် ပူဂျူးအက်စ်အေဟာ လက်တွေ့ရုပ်ဝတ္ထုကမ္ဘာနဲ့ ဘယ်လိုမှ ဆက်နွယ်မှု မရှိတဲ့ ပုံစံပေါက်နေတယ်။ ဒါဆိုရင် ဒီ ပူဂျူးအက်စ်အေ ကုမ္ပဏီဟာ အမှန်တကယ် တည်ရှိတာရော ဟုတ်သေးရဲ့လား။

ပူဂျူးဟာ ကျွန်တော်တို့စုပေါင်းစိတ်ကူးယဉ်မှုထဲက စိတ်ကူးသက်သက်တစ်ခုသာ ဖြစ်ပါတယ်။ အဲဒါကို ရှေ့နေတွေက ‘ဥပဒေစိတ်ကူးယဉ်မှု’ လို့ ခေါ်ကြတယ်။ ပူဂျူးကို ရုပ်ဝတ္ထုတစ်ခုလို လက်ညိုးထိုးပြလို့ မရပါဘူး။ ဒါပေမယ့် သူဟာ ဥပဒေခေါင်းစဉ်တစ်ခုအောက်မှာ တည်ရှိတယ်။ ခင်ဗျားနှင့် ကျွန်တော်လိုပဲ ပူဂျူးဟာ သူတည်ရှိနေတဲ့နိုင်ငံရဲ့ တရားဥပဒေအတိုင်း လိုက်နာလည်ပတ်တယ်။ ပူဂျူးဟာ ဘဏ်အကောင့်တစ်ခုဖွင့်ပြီး ပစ္စည်းဥစ္စာတွေ ပိုင်ဆိုင်နိုင်တယ်။ အခွန်တွေလည်း ဆောင်တယ်။ ပူဂျူးကို ပိုင်ဆိုင်တဲ့လူ ဒါမှမဟုတ် ပူဂျူးအတွက်အလုပ်လုပ်တဲ့ဘယ်သူမှ မပါဝင်စေဘဲ ပူဂျူးတစ်ခုတည်းကိုပဲ သီးသန့် တရားစွဲတာ၊ ရုံးတင်တာတွေ ပြုလုပ်နိုင်ပါတယ်။

ပူဂျူးဟာ ကုမ္ပဏီလီမိတက် သို့မဟုတ် ကန့်သတ်တာဝန်ယူကုမ္ပဏီ ‘limited liability companies’ လို့ခေါ်တဲ့ သီးသန့်အမျိုးအစား ဥပဒေစိတ်ကူးယဉ်မှုတစ်ခုမှာ ပါဝင်ပါတယ်။ အဲဒီလို ကုမ္ပဏီမျိုးကို စိတ်ကူးယဉ်နိုင်တာကိုက လူသားတွေရဲ့ ထူးခြားပြောင်မြောက်ဆုံး တီထွင်မှုတွေထဲက တစ်ခုဖြစ်ပါတယ်။ ဟိုမိုဆေပီယန်စ်တွေဟာ ထောင်စုနှစ်များစွာ ဒီအရာတွေမရှိဘဲ နေထိုင်ခဲ့ကြတာပဲ။

သမိုင်းဦးခေတ်တော်တော်များအထိ ပစ္စည်းဥစ္စာဆိုတာ ခြေ ၂ ချောင်းပေါ်ရပ်ပြီး ကြီးမားတဲ့ဦးနှောက်ရှိတဲ့ အသွေးအသားနဲ့ လူသားတွေကသာ ပိုင်ဆိုင်တဲ့အရာဖြစ်ပါတယ်။ တကယ်လို့ ၁၃ရာစု ပြင်သစ်မှာ ဂျွန်ဆိုတဲ့လူတစ်ယောက်က လှည်းထုတ်လုပ်တဲ့ အလုပ်ရုံတစ်ခုကို ထောင်လိုက်တယ်ဆိုရင် သူကိုယ်တိုင်ပဲ အဲဒီစီးပွားရေးလုပ်ငန်းဖြစ်တယ်။ သူလုပ်ထားသော လှည်းတစ်စီးဟာ ဝယ်ပြီးတစ်ပတ်အကြာမှာ ပျက်စီးသွားတယ်ဆိုရင် မကျေမချမ်းဖြစ်နေတဲ့ ဝယ်သူအနေဖြင့် ဂျွန်ကိုသာ တရားစွဲမှာပါ။ ဂျွန်က ရွေဒင်္ဂါး ၁၀၀၀ ကိုချေးယူပြီး အလုပ်ရုံကိုတည်ထောင်လုပ်ကိုင်ရင်း အဲဒီစီးပွားရေးမအောင်မြင်ဘူးဆိုရင် သူပိုင်ဆိုင်တဲ့ အိမ်၊ နွား၊ ခြံ စတဲ့ ကိုယ်ပိုင်ပစ္စည်းတွေကို ရောင်းချပြီး ချေးငွေကိုပြန်ဆပ်ရမှာပါ။ သူ့အနေနဲ့ သူ့သားသမီးတွေကိုပါ ကျွန်အဖြစ်ရောင်းရတာမျိုးဖြစ်နိုင်ပါတယ်။ ဂျွန်အနေနဲ့ အကြွေးကို အပြည့်မဆပ်နိုင်ဘူးဆိုရင် ဥပဒေအရ သူ့ကိုထောင်ချခြင်း သို့မဟုတ် အကြွေးရှင်က ကျွန်အဖြစ်သိမ်းခြင်းတို့ ဖြစ်နိုင်ပါတယ်။ သူ့အလုပ်ရုံမှာ ဖြစ်ပျက်သမျှအားလုံးနဲ့ပတ်သက်ပြီး သူ့မှာ အကန့်အသတ်မရှိ အပြည့်အဝတာဝန်ရှိပါတယ်။

အဲဒီအချိန်အခါက ခင်ဗျား အသက်ရှင်နေထိုင်ခဲ့မယ်ဆိုရင် ကိုယ်ပိုင်စီးပွားရေးလုပ်ငန်းတစ်ခု မ,စခင် ၂ ကြိမ်လောက်တော့ ခင်ဗျားစဉ်းစားတွေဝေမိမှာပဲ။ အမှန်တကယ်လည်း အဲဒီလိုမျိုး ဥပဒေအခြေအနေက စွန့်ဦးတီထွင်ခြင်းလုပ်ငန်းကို အားမပေးဘူး။ လုပ်ငန်းသစ်တွေ စတင်ဖို့ နှင့် စီးပွားရေး စွန့်စားမှုများပြုလုပ်ဖို့ လူတွေအနေနဲ့ နောက်တွန့်ခဲ့ကြတာပဲ။ ကိုယ့်မိသားစုတစ်ခုလုံး လုံးဝ ခိုကိုးရာမဲ့သွားနိုင်တဲ့ အခြေအနေကို အရင်းပြုရမယ်ဆိုတာဟာ စွန့်စားဖို့မတန်ဘူးလို့ ယူဆရမှာပဲ။

ဒါကြောင့်ပဲ ကန့်သတ်တာဝန်ယူကုမ္ပဏီ စသည့်အရာတွေ ဖြစ်တည်လာဖို့ လူတွေက အတူတကွ စတင်စိတ်ကူးလာကြတာပါ။ အဲဒီ ကုမ္ပဏီတွေဟာ သူတို့ကိုတည်ထောင်တဲ့ လူတွေ၊ ငွေကြေးမြှပ်နှံတဲ့လူတွေ၊ စီမံခန့်ခွဲတဲ့လူတွေဆီက ဥပဒေအားဖြင့် မှီခိုခြင်းမရှိဘဲ လွတ်လပ်ကြပါတယ်။ လွန်ခဲ့တဲ့ဆယ်စုနှစ်တွေကစပြီး အဲဒီလိုမျိုးကုမ္ပဏီတွေဟာ စီးပွားရေးစင်မြင့်ပေါ်မှာ အဓိက စိုးမိုးသူတွေ ဖြစ်လာခဲ့တယ်။ ကျွန်တော်တို့ကလည်း အဲဒီကုမ္ပဏီတွေနဲ့ အလွန်ကျင့်သားရနေပြီဖြစ်လို့ သူတို့ဟာ ကျွန်ုပ်တို့ရဲ့စိတ်ကူးထဲမှာသာ တည်ရှိတယ်ဆိုတာကို ကျနော်တို့မေ့နေတဲ့ အထိပါပဲ။ အမေရိကန်နိုင်ငံမှာ ကန့်သတ်တာဝန်ယူကုမ္ပဏီရဲ့ ဘာသာရပ်ဆိုင်ရာဝေါဟာရက ကော်ပိုရေးရှင်းဖြစ်ပါတယ်။ ဖြစ်ချင်တော့ အဲဒီစကားလုံးဟာ corpus ဆိုသည့် လက်တင်စကားကလာပြီး ကိုယ်ခန္ဓာ လို့ အဓိပ္ပါယ်ရတယ်။ လက်တွေ့မှာတော့ တကယ်ကိုယ်ထည်မရှိသောအရာ ဖြစ်နေပါတယ်။ တကယ့်ခန္ဓာမရှိပေမယ့် အမေရိကန်ဥပဒေတွေက ကော်ပိုရေးရှင်းတွေကို အမှန်တကယ်အသွေးအသားရှိတဲ့ တရားဝင်လူသားတွေလို ဆက်ဆံပါတယ်။

ဘာသာပြန် – မာန်သီဟထွန်း

ပုံတွေကို အောက်ပါလင့်တွေကနေ ယူပါတယ်။
http://www.peugeot-baysideeuropean.com.au/bayside-european/
http://www.brandsoftheworld.com/logo/peugeot-8


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Similar Posts