ကိုသန်းလွင် သတင်းဆောင်းပါး

ကိုသန်းလွင် – တောင်ကိုးရီးယားမှ အလုပ်ချိန်ပြဿနာ


ကိုသန်းလွင် – တောင်ကိုးရီးယားမှ အလုပ်ချိန်ပြဿနာ

(မိုးမခ) စက်တင်ဘာ ၆၊ ၂၀၁၈
လီးဟန်ဘစ် (Lee Han Bit) သည် မကြာခင်က “Drinking Solo”တယ်လီဗီးရှင်း အစီအစဉ်ကို ရိုက်ခဲ့သူဖြစ် သည်၊ “တစ်ယောက်တည်း ဘီယာသောက်ခြင်း” ဟု အမည်ရသည်၊ ဇတ်လိုက်က ကိုရီးယားလူမျိုးတို့အတွက် အရေးကြီးလှသော အလုပ်စာမေးပွဲကို ဖြေဆိုရန် ကြိုးစားရပုံများပါဝင်သည်၊ မစ္စတာလီးကိုယ်တိုင်က သူ့အလုပ် သမားများကို တစ်နေ့လျှင် ၂၀ နာရီအလုပ်ရန် ဆော်သြရသည်၊ သူကိုယ်တိုင်က မိမိအလုပ်က ဖိအားပေးသည် ကိုမခံရပ်နိုင်။မစ္စတာလီးမှာ သူ့ပရောဂျက်ပြီးသည်နှင့် ရက်အနည်းငယ်အတွင်းမှာ မိမိကိုယ်ကိုအဆုံးစီရင်သွားခဲ့ပါသည်၊ သူ့ ကိုယ်သူအဆုံးစီရင်ကြောင်းစာနှင့်အတူ တောင်ကိုရီးယားမှ အလုပ်နှင့်အလုပ်ကပေးသောဖိအား (Pressure) မိမိလုပ် ဖော်ကိုင်ဖက်များအပေါ် ရက်စက်ရပုံများကို ရေးသားထားခဲ့ပါသည်။

“ကျွန်တော်ကိုယ်တိုင်ကလည်း အလုပ်တွေလုပ်ရတာပါဘဲ ကျွန်တော်ကလည်း သူများကိုအလုပ်လုပ် အောင် ဖိအားပေးရတာဘဲဟု” ပြောသည်။

မစ္စတာလီးကရေးသားလိုက်သော “သေတမ်းစာ” မှာ အလုပ်ပိနေသော တောင်ကိုရီးယားတစ်နိုင်ငံလုံးကို ပျံ့နှံ့ သွားခဲ့ပါသည်။

ကမ္ဘာပေါ်တွင် အလုပ်များသည့် ဒဏ်ကြောင့်သေဆုံးရခြင်းကို ဂျပန်နိုင်ငံက ပဌမဆုံး ထင်ရှားစွာပြသခဲ့ပါသည်၊ တောင်ကိုရီးယားတို့က ဂျပန်တို့ထက်ပို၍အလုပ်ကိုရှည်ကြာစွာလုပ်ရပါသည်၊ အမေရိကန်တို့ထက်မူ ၂၄၀ နာရီ မျှပိုကြာအောင်လုပ်ရပါသည်၊ တနည်းဆိုသော်အမေရိကန်တို့နှင့်စာလျင်အလုပ်ခွင်တွင် တစ်လမျှပိုမိုအချိန်ကုန် ခံကြရခြင်းဖြစ်ပါသည်။

တောင်ကိုရီးယား ရဲတို့က တနိုင်ငံလုံးမိမိဖါသာ အသက်အဆုံးစီရင်သူ ၁၄,၀၀၀ ကျော်အနက် အလုပ်ဖိအား ကြောင့် သေဆုံးရသူ ၅၀၀ မျှရှိသည်ဟုဆိုပါသည်။

တောင်ကိုရီးယား ခေါင်းဆောင်များက ၄င်းကိုပြောင်းလဲပြစ်ရန် ကြိုးစားနေကြပါသည်၊ ယခုလတွင် အကျိုးသက် ရောက်မည့် ဥပဒေအရ အလုပ်သမားတစ်ယောက်၏ တစ်ပတ်စာအလုပ်ချိန်ပေါင်းမှာ ၅၂ နာရီဖြစ်ရမည်၊ အစိုးရ အနေဖြင့် အလုပ်ရှင်များအပေါ် သူတို့၏အလုပ်သမားများ ညပိုင်းအချိန်မှန်မှန် အိမ်ပြန်ရန်၊ အလုပ်နားရက် (Weekend) များတွင် အိမ်မှာနေနိုင်ရန် တွန်းအားပေးလျှက်ရှိသည် “ကျွန်တော်တို့သည်အလုပ်ကိုအလွန်အကျွံ လုပ်ခြင်းကိုအားမပေးပါ” ဟု အလုပ်သမားရေးရာဌာနကိုဖုန်းခေါ်ပါက စက်ကဖြေသည်။

အထူးသဖြင့် အလုပ်နာရီလျှော့ရန် အကြံပြုခြင်းကို ငယ်ရွယ်သောလုပ်သားများက သူတို့မိဘများနှင့်မတူဘဲ အားပေးနေကြသည်။

အသက် ၂၆ နှစ်အရွယ်ရှိ ကွန်ပျူတာဂရပ်ဖစ်ဒီဇိုင်းနာ တစ်ယောက်က “သူ့ကို အလုပ်ရှင်က ညနေပိုင်း မိုးချုပ် နောက်ကျလျှင် နောက်နေ့အလုပ်ချိန်ကို နောက်ကျမှလာ၍ရသည်” ဟု ပြောသည်၊ “Project Discussion” ခေါ် အစားအသောက်ပါဖန်တီးပေးသည့်အချိန်များရှိကြသည်၊ ၇ PM မှ ၁ AM အထိ အချိန်များကိုယခုအခါစောစော သိမ်းပြီးအစားအသောက်ကိုသုံးကြိမ်အစားတကြိမ်သာခွင့်ပြုကြတော့သည်၊ သူတို့သည်အလုပ်ချိန်ပြီး၍စောစော အိမ်ပြန်ခြင်းကို သဘောကျကြပြီး အိုဗာတိုင် ရသည်မှန်စေ စောစောပြန်လိုကြသည်။

တောင်ကိုရီးယားလူမျိုးတို့၏ အလုပ်အပေါ်ထားသော သဘောထားမှာ ရှုတ်ထွေးပါသည်၊ အလုပ်အတွက် ဂုဏ် ယူခြင်း၊ အလုပ်ကိုကြိုးစားလုပ်ခြင်းတို့ကြောင့် ဆင်းရဲမွဲတေသော နိုင်ငံအဖြစ်မှလွတ်ကင်းခဲ့သည်၊ စစ်ကြောင့် ချွတ်ချုံကျနေရာမှ စီးပွားရေး ပါဝါ ရှိသောနိုင်ငံတစ်ခု ဖြစ်လာခဲ့သည်၊ Samsung၊ Hyundai စသော အမည်များ မှာ ကမ္ဘာနှင့်တ၀ှမ်းထင်ရှားလာသည်။

အလုပ်ချိန်ကိုများစွာလုပ်ခြင်းမှာလည်း ဂုဏ်ယူစရာကြွားဝါစရာ တစ်ခုဖြစ်လာသည်၊ ဤသည်မှာ မိသားစုတိုင်း ၏၀င်ငွေကိုရှာပေးသော အထူးသဖြင့် ယောကျာ်းလေးများတွင်ဖြစ်ပေါ်လာကြသည်။

တောင်ကိုရီးယားလူမျိုးတို့တွင် (Gapjil )ဟူသော အယူအဆတခုရှိသည်၊ အလုပ်သမားများအပေါ်အလုပ်ရှင်က ခိုင်းပိုင်ခွင့်၊ အလုပ်ရှင်များအပေါ်အလုပ်သမားက လုပ်ပေးရမည်ဟူသော အယူအဆဖြစ်သည်၊ မကြာသေးမီက ကိုရီးယားအဲယားလိုင်း ဥက္ကဌ၏သမီးဖြစ်သူမှာ သူတို့လေယာဉ်ခရီးစဉ်တစ်ခုတွင် မြေပဲလှော်ကျွေးသူကို မကျေ နပ်၍ မြေပဲလှော် ခွက်ကို ပစ်ပေါက်ဖူးသောကိစ္စရပ်တစ်ခုဖြစ်ခဲ့ဖူးသည်။

ဤဖြစ်ရပ်နှင့်အတူ မစ္စတာလီးရေးခဲ့သောစာကြောင့် တောင်ကိုရီးယားတို့၏ အလုပ်ခွင်သဘာဝ (Work ethic ကိုပြောင်းလဲပြစ်ရန်လိုအပ်လာပါသည်။

အစိုးရ၀န်ထမ်း အသစ်စက်စက် မိခင်တစ်ယောက် တနင်္ဂနွေနေ့ တစ်ရက်တွင် သူ့ရုံး၌ လဲကျပြီးသေဆုံးခဲ့ပါ သည်၊ ထိုစဉ်က သမ္မတလောင်းအဖြစ်အရွေးခံရန်ရှိသော သမ္မတကြီး မွန်ဂျေအင်း (Moon Jae-In) က သူ၏ ဖေ့ဘွတ်တွင် “ကျွန်တော်တို့ဟာ လူနေမှုစနစ်တစ်ခုလုံး ပြောင်းသင့်ရင်ပြောင်းပြစ်ရမည်၊ အလုပ်ပိုလုပ်ရတာ တို့ အလုပ်ကိုနောက်ကျတဲ့အချိန်ထိလုပ်ရတာတို့ မရှိရတော့ပါဘူး” ဟုပြောခဲ့သည်။

သို့မဟုတ် ရှည်လျားသောအလုပ်ချိန်များသည် စီးပွားရေးကောင်းမွန်ခြင်း၏ လက္ခဏာတစ်ရပ်ဖြစ်ပါသလား၊ လုပ်သားတို့၏ ထုတ်လုပ်မှုမှာ လျှော့ကျနေပါသည်၊ အလုပ်လက်မဲ့ဦးရေမှာ ၁၀% အထိဖြစ်နေပါသည်။

မစ္စတာမွန်းမှာ ယမန်နှစ်က အရွေးခံခဲ့ရပြီး သမ္မတဖြစ်လာခဲ့သည်၊ အလုပ်ခွင်မှ နှစ်မြို့ဘွယ်ရာမရှိသော အသံ များအတွက် လေဘာကျွမ်းကျင်သူတို့က အလုပ်ခွင်မှ ခေတ်နောက်ကျနေပြီ ဖြစ်သော အခင်းအကျင်း များကို အပြစ်ဖို့ကြသည်၊ အလုပ်ရှင်များက အလုပ်သမားများအပေါ်ထင်သလို ဗိုလ်ကျနိုင်ကြပြီး၊ အလုပ်ရှင်များက အသင့်အနေအထား (On call) အဖြစ်အဓိပ္ပါယ်မရှိဘဲလည်းထားတတ်ကြသည်၊ ထိုအလေ့အထမှာမန်နေဂျာ များ အလုပ်ပြီးအောင် ကူညီကောင်းကူညီမည် ဖြစ်သော်လည်း အလုပ်ခွင်တစ်ခုလုံး အနေဖြင့်အကျိုးမရှိလှပေ။

“အဲဒီအကျင့်ဟာ ကိုရီးယားတွေ ဆာလောင်နေတုန်းကတော့ အကျိုးရှိချင်ရှိခဲ့မှာပေါ့ အခုချိန်မှာပေါ့ အကျိုး မရှိ တော့ပါဘူး”ဟု ဝေဖန်ကြသည်။

မစ္စတာမွန်းကမူ ကုမ္ပဏီများကို အလုပ်ပြီးစီးရန် လူပိုမို၍ငှားစေလိုသည်၊ သူက သုတေသနတစ်ခု၏ တွေ့ရှိချက် ဖြစ်သော “အပါတ်စဉ် အလုပ်ချိန်လျော့ချသည်နှင့် အလုပ်ပိုပြီးသော” ဥပမာကိုပြောပြသည်။

သူက မဲဆွယ်စဉ်ကာလက အလုပ်ချိန်ကို ၅၂ နာရီလျော့ချခြင်း အတွက် အလုပ်နေရာ ၅၀၀,၀၀၀ ကျော်ကို ဖန်တီးပေးမည်ဟု ကြေညာခဲ့သည်၊ “ ကျွန်တော်တို့လုပ်နေကျအလုပ်ချိန်တွေ များနေတဲ့အတွက်ထုတ်လုပ်နိုင် စွမ်းအား( Productivity) ကျရတာပါဟု ပြောသည်။

သူ့အပြောကို ငယ်ရွယ်သောလုပ်သားများက နှစ်ခြိုက်သဘောကျကြပါသည် သူတို့ကအလုပ်မှ ကင်းဝေးသော အားလပ်ချိန်များကို တန်ဘိုးထားကြသည်၊ ၅ ရက်အလုပ်လုပ်ရသော စနစ်ကို ၂၀၀၄ ခုနှစ်က စတင်ပြဌာန်း ခဲ့ သော်လည်း များပြားလှသော တောင်ကိုရီးယားတို့၏ စနေနေ့အားလပ်ခြင်းကို မကြုံခဲ့ကြရချေ။

ယခင်က ကောင်းမွန်တဲ့အနာဂတ်အတွက် အနစ်နာခံရမည်ဆိုတာ နားလည်ခဲ့ကြပါတယ်၊ အခုချိန်ကတော့ အသီးအပွင့်ကို ခံစားကြဖို့အချိန်ရောက်ပြီဟု ဆိုသူကဆိုကြသည်၊ တောင်ကိုရီးယား၏ ကုမ္ပဏီပေါင်း ၃၆၇၂ ရှိရာမှ ကုမ္ပဏီကြီး ၇၀၀ တို့သည် အလုပ်သမားအသစ်များ ငှါးရမ်းရန်ပြင်ဆင်နေကြပြီး အလုပ်ချိန်ရှည်လျားနေ သော အခြေအနေကိုပြောင်းလဲလိုကြသည်။

အချို့အစိုးရ ဌာနများကမူ အချိန်ရှည်ကြာကာ အိုဗာတိုင်စနစ်ကို ပြုပြင်ရန် ကြိုးစားနေကြသည်၊ ဆိုးလ်မြို့တော် ကောင်စီကမူ သောကြာနေ့ ၇ နာရီနောက်ပိုင်း ကွန်ပျူတာများကိုပိတ်ပြစ်ရန် ကြိုးစားနေသည်၊ အချို့သော ကုမ္ပဏီများမှာ ညနေ ၆ နာရီကျော်လျှင် ကွန်ပျူတာမသုံးရသော ပေါ်လစီကိုကျင့်သုံးကြသည်။

မည်သို့ဆိုစေ အများဆုံးအလုပ်ချိန် ၅၂ နာရီမှာ ကုမ္ပဏိအငယ်လေးများအတွက်အကျိုးသက်ရောက်မှုရှိရန် နောက်ထပ် ၂ နှစ်မျှစောင့်ကြရဦးမည်ဖြစ်ပြီး အများကမူအလုပ်ချိန်သတ်မှတ်ချက်သည် နောက်ကျနေပြီဟုယူ ဆနေကြပါသည်၊

ကိုသန်းလွင်

Ref: Go Home, South Korea Tells Worker as stress take toll,By Su Hyun Lee 30 July 2018 New Yrork Times.


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Similar Posts