(မိုးမခ) သြဂတ်စ် ၂၁၊ ၂၀၁၈
(၁)
မြောက်ပိုင်း ဥရောပတွင်ယခုနှစ်နွေရာသီသည် ဒုဗိကန္တရကပ်များဆိုက်သလား အောက်မေ့ရသည်။ ဆွစ်ဇာလန်တွင် နွား များ ရေငတ်ပြီးသေကြသည်။ ဆွီဒင်နိုင်ငံတွင် သစ်လုံးတွေ သစ်တောတွေမီးထဲပါကုန်ကြသည်။ သြစတြီးယားတွင် ဒပ်ချ စတိန်း (Dachstein) တောင်တန်းကြီးမှ ရေခဲများ အရည်ပျော်ဆင်းနေကြသည်။
လန်ဒန်တွင် ပန်ကာများ လေအေးစက် များမရှိတော့လောက်အောင် ရောင်းကောင်းနေသည်။ ဂရင်းလန်ကျွန်းတွင် ရေခဲ တုံးများ အရည်ပျော်ကြရာမှ ကမ်းခြေတလျှောက် ဆူနာမီဖြစ်ခါ ကမ်းနားတလျှောက်က နေထိုင်စရာ အိမ်တွေကိုဖျက် ဆီး ပစ်နေသည်။ ဆွီဒင်နိုင်ငံတွင် အမြင့်ဆုံးရေခဲတောင်အနေဖြင့်ရှိနေခဲ့သည့် (Kebnekaise) မှာ ရေခဲတွေပျော်ကျကုန်သဖြင့်နေရာတွင် ယခင်အပတ်တုန်းက နေရာတွင်မရှိတော့ချေ။
(၂)
တောင်ပိုင်းဥရောပနိုင်ငံများက ပို၍ပူလောင်ပါသည်။ စပိန်နှင့်ပေါ်တူဂီတွင် အပူချိန်သည် (၁၀၅-၁၁၀) ဒီကရီ ဖာရင်ဟိုက် ရှိသည် (၄၀-၄၃ ဆဲစီးယပ်)၊ စနေနေ့က ပေါ်တူဂီနိုင်ငံနေရာများစွာတို့တွင် အပူချိန်မှာမှတ်တမ်း များတွင် အမြင့်ဆုံး ဖြစ်ကုန်သည်။ လွန်ခဲ့သောရက်သတ္တပတ်အတွင်း အပူငွေ့ကြောင့် စပိန်တွင်လူ ၂ ဦး သေသည်။ ပေါ်တူဂီတွင် လူ ၁ ဦး သေ ဆုံးသည်။
ထို့အတူ မြောက်ပိုင်းလတ္တီကျုဒ်ရှိမြို့များတွင် ကမ္ဘာ့ပျမ်းမျှအပူချိန်တိုးနှုန်းနှင့် မကိုက်ညီဘဲ အပူငွေ့တွေဖြင့် ပို၍ ပူနေကြောင်း အောက်စဖို့ဒ် (Oxford) တက္ကသိုလ်နှင့် ကမ္ဘာ့ရာသီဥတုလေ့လာရေးအဖွဲ့မှ ထုတ်ပြန်ချက်များအရ သိရှိရသည်။
ဥရောပမြောက်ပိုင်း၌ရှိသော မိုးလေဝသ တိုင်းထွာရေးစခန်း ၇ ခုအဆိုအရ အာတိတ်ရပ်ဝန်းနှင့် နီးလေလေ နွေအခါ အပူချိန် သည် ပို၍ပူလေလေဖြစ်သည်ကိုတွေ့ရှိရသည်။ နော်ဝေ၊ ဆွီဒင်နှင့် ဖင်လန်တို့ရှိ မြို့ကြီးများတွင် ယခု နွေရာသီ၌ ပို၍ပူသည်။ ပျမ်းမျှအပူချိန် ၉၀ ဒီဂရီ မျှရှိသည်။
မြောက်ပိုင်းနှင့် အနောက်ဥရောပနိုင်ငံများတွင်ရာသီဥတုသည် ပို၍ဆိုးရွားသည်ကို တွေ့ရှိရသည်။ ပြင်သစ်နိုင်ငံတွင် မိုး သည်းထန်စွာရွာသွန်းခြင်း မိုးကြိုးပစ်ခြင်းနှင့်အတူ မိုးခေါင်၍ရေရှားခြင်းကိုလည်း တလှည့်စီတွေ့ရသည်။ နယ်သာလန်တွင်မိုးခေါင်ရေရှားခြင်းက ဒုက္ခပေးလျှက်ရှိသည်။
အပူငွေ့မှုတ်ခြင်းမှာ ယခင်က ၁၀နှစ်လျင်တကြိမ်မျှရှိခဲ့ရာမှ ယခုအခါ နှစ်နှစ်လျှင် တကြိမ်မျှဖြစ်ပွားလျှက်ရှိသည်။ ၄င်းမှာသိသာထင်ရှားသောပြောင်းလဲချက်ဖြစ်သည်။ အပူငွေ့များမှာ ပို၍များပြားပြီး ပိုမိုအဖြစ်များလာသည်။ “၂၀၀၃ ခုနှစ်က အပူငွေ့ ကြောင့်ပင် ဥရောပတခွင်လုံး၌ လူ ၇၀,၀၀၀ ကျော် သေဆုံးခဲ့ကြသည်။ ၂၀၆၀ ပြည့်နှစ် နောက်ပိုင်းတွင်နွေခါရောက်တိုင်း ကြုံရတော့မည်ဟု ဂျွန်ဇယ် (Jean Jonzel) ကပြောသည်။ ၎င်းမှာ အပြည်ပြည်ဆိုင်ရာရာသီဥတုစောင့်ကြည့်ရေးအဖွဲ့ (Intergovermental Panel On Climate Change) မှဖြစ်ပြီး၂၀၀၇ ခုနှစ်အတွက် နိုဘယ်ဆုချီးမြှင့်ခံရသည်။
မကြာမကြာဖြစ်လေ့ရှိသော လေပူလှိုင်း (Heat Ware) ကြောင့် ဥရောပတွင် ၁၂၀ ဒီဂရီအထိ အပူချိန်တက်သွားနိုင်လေ့ရှိရာ ကမ္ဘာကြီးပူနွေးလာမှု ပုံစံ (Trend) ကို ရပ်ပစ်နိုင်မှသာဤဖြစ်ရပ်ကိုကာကွယ်နိုင်လိမ့်မည်ဟု သူက ဆော်သြခဲ့သည်။ ဤ သည်မှာ “ပြင်သစ်နှင့် အနောက်ဥရောပနိုင်ငံများအဖို့ ကမ္ဘာလောကအသစ်အတွင်းသို့ ဝင်ရောက်နေရသလိုဖြစ်ပြီး ဤ ကမ္ဘာကြီး ပူနွေးလာမှုကို မဟန့်တားပါက မဖြစ်တော့ပေ” ဟု သူကပြောသည်။
သြစတြီးယားနိုင်ငံရှိ (Dachstein Glacier) မှာ ရေခဲများပျော်ဆင်းလျှက်ရှိပြီး ယခုနှစ်နွေရာသီတွင် ၎င်းကို မျက်ဝါး ထင်ထင် တွေ့မြင်နိုင်သည်။ တစ်နှစ်ထက်တစ်နှစ် ပို၍ပျော်ဆင်းနေကြောင်း သိနေခဲ့သည်မှာ နှစ်များစွာကြာခဲ့ပါပြီ၊ ယခု နှစ်ဇွန်လအပူချိန်မှာ ၁၇၆၈ ခုနှစ်ကစ၍ အမြင့်ဆုံးဖြစ်ခဲ့ပါသည်။ ဤသည်မှာ အင်းစ်ဘတ် (Innsbruck) တက္ကသိုလ်မှ မှတ်တမ်းများအရ သိခဲ့ရခြင်းဖြစ်ပါသည်။
ဥရောပတွင် ဤသို့အပူငွေ့လှိုင်းတက်ရခြင်းမှာ နေ့စဉ်နှင့်အမျှကို ကြုံနေရခြင်းဖြစ်ပါသည်။ နေ့စဉ်ဖြစ်နေ၍ နေ ထိုင်ရသည်မှာ ကသိကအောက်ဖြစ်ရသည်။ ဥရောပတိုက်သားတို့၏ လူနေမှုစနစ်တရပ်လုံးကို ထိခိုက်လျှက်ရှိပါသည်။ အရင်အေးသော ကာလများက အသားများကို ကင်၍စားရသော (Summer Barbecue) မှာ မီးဘေးအန္တရာယ်ကြောင့် ဆွီဒင်နိုင်ငံတွင် ယခုနွေရာသီတွင် မလုပ်ရဟု တားမြစ်လိုက်ရပြီဖြစ်သည်။
ဥရောပတွင် လူဦးရေ၏ ၅ ရာခိုင်နှုန်းသည် ရာသီဥတုဖောက်ပြန်မှုကို တွေ့ကြုံနေကြရသည်။ အပူငွေ့ပင်ဖြစ်စေ၊ ရေကြီး ခြင်းဖြစ်စေ၊ မိုးခေါင်ခြောက်သွေ့ခြင်း ဒဏ်ကိုခံရ၍ဖြစ်စေ တခုမဟုတ်တခု ကြုံတွေ့နေရပြီဖြစ်၏၊ အကယ်၍ ကမ္ဘာပူနွေး လာမှုကို သည်အတိုင်းလွှတ်ထားပါက ဤရာစု၏နောက်တဝက်တွင် လူသုံးဦးလျှင် နှစ်ဦးမှာ ဤဒုက္ခများကိုကြုံတွေ့ရဘွယ် ရှိသည်။
ဂျာမနီ ဟန်နိုဘာမြို့ (Hannover) တွင် ဆောင်းရာသီ ပြင်းထန်းစွာ လေတိုက်လေ့ရှိသဖြင့် လေယာဉ်ကွင်းများ ပိတ်ရခြင်း လေယာဉ်ပျံအချိန်နောက်ကျရခြင်းတို့ကြုံခဲ့ရာမှ ယခုနှစ် နွေရာသီတွင် ၉၃ ဒီဂရီအပူရှိန်ကြောင့် နှစ် ၅၀ ကျော်က တည် ဆောက်ခဲ့သော လေယာဉ်ပြေးလမ်းများပျက်စီးကုန်ရာမှ လေယာဉ်ပျံသန်းရန် နှောင့်နှေးခြင်းဖြစ်ရသည်။
ဂျာမနီနိုင်ငံမြောက်ပိုင်းတွင် ကြီးစွာသော မိုးခေါင်ရေရှားမှုဒဏ်ကြောင့် သစ်ပင်များသေကြေကြရရာ အစိုးရအနေဖြင့် ပြည သူတို့ကို အကူအညီတောင်းရသည်။ ပြည်သူတို့က မိမိတို့ဥယျာဉ်ထဲမှ ရေပိုက်များ၊ တပိုင်တနိုင် ရေများကိုသယ်လာပြီး သစ်ပင်များအပေါ် လောင်းကြရသည်။
အဲလ်ပ် (Alp) တောင်တန်းတလျှောက် ဆွစ်ဇလန် သြစတြီးယားအနောက်ပိုင်းနှင့် နယ်သာလန်တို့တွင် မိုးခေါင်မှုကြောင့် ကျွဲနွားအစာ ကောက်ရိုးများမရှိတော့သဖြင့် ဆောင်းခါတွင် ကျွေးမွေးရန်သိုလှောင်ထားခြင်းမှ ထုတ်ယူကြရသည်။ နို့စားနွား များမှာ အစာပြတ်လပ်၍မဖြစ်ပေ။
ဆွစ်ဇာလန်တွင် နွားအုပ်များကို စားကျက်ကောင်းရာနေရာသို့ရွှေ့ပြောင်းလေ့ရှိကြသည်။ ထိုရွှေ့ပြောင်းရမည့် နွားများမှာ သောက်စရာရေမရှိတော့သဖြင့် အခက်အခဲကြုံနေကြရသည်။ တိုင်းပြည်၏ ဟယ်လီကော်ပတာ အသင်းကြီးသို့ မေတ္တာရပ်ခံ သဖြင့် လေတပ်အရာရှိများက နွားများသောက်ရန် ရေဂါလံထောင်ပေါင်းများစွာကို အပတ်စဉ်ပို့ပေးကြရသည်။ ယခင်က နွားများသည် ရေတွင်းရေကန်ငယ်ငယ်ကလေးများမှ ရေရရှိခဲ့ကြသော်လည်း ထိုရေကန်များမှာ ခြောက်သွေ့ကုန်ကြပြီဖြစ် သည်။
ယခင် ၂၀၀၃ ခုနှစ်ကလည်း ဤကဲ့သို့ပင် ရေအခက်အခဲကြုံကြရသဖြင့် လေတပ်ကပါဝင်ကူညီခဲ့ဘူးသည်။ အချို့ပိုင်ရှင် များက သူတို့နွားများကို အသေသတ်ရန်ပင် စဉ်းစားနေကြရသည်။ ဟယ်လီကော်ပတာကုမ္ပဏီမှ တနေ့လျှင် ၃၀ မှ ၄၀ ခေါက်မျှရေကို သယ်ယူနေကြရပြီး တခေါက်တခေါက်လျှင် ရေ ၂၅၀ ဂါလံမျှ သယ်ဆောင်၍ရသည်။
ပြင်သစ်နိုင်ငံတွင်မူ အပူချိန်မြင့်တက်မှုသည် မှတ်တမ်းမကျိုးသေးပါ၊ သို့သော် ဇူလိုင်လမှာ နေအပူဆုံး ၃ လတွင် ၁ လအပါ အ၀င်ဖြစ်ပါသည်။ ကမ္ဘာကြီးပူနွေးလာမှု၏ပြောင်းလဲမှုများကို တွေ့တွေ့လာနေပြီဖြစ်သည်။ ပင်လယ်ရေမျက်နှာပြင်မြင့် တက်ခြင်းသည် ပြဿနာတခုဖြစ်သည်။ တစ်နှစ်လျှင် ၃ မီလီမီတာမျှ မြင့်တက်နေသည်ဖြစ်ရာ များပြားသည်ဟု မဆိုနိုင် သော်လည်း ၎င်းသည် နောက်ကြောင်းပြန်မလှည့်တော့သောကိစ္စဖြစ်သည်။
ပဲရစ်သဘောတူညီချက်က (Pre Industrial era) ထက်အပူချိန်သည် (၂) ဒီဂရီမျှလျှော့နည်းရမည်ဟုဆိုသည်။ ဤအချက် ကို လိုက်နာနိုင်သော်လည်း ပင်လယ်ရေမျက်နှာပြင်မြင့်တက်ခြင်းကို အချို့က အရေးကြီးသောကိစ္စတခုဟု မယူဆပါ၊ ပင် လယ်ရေမျက်နှာပြင်မှာ နှစ်ပေါင်းရာထောင်ချီ၍ မြင့်တက်နေဦးမည်ဖြစ်သည်။ အချို့ ပင်လယ်ကမ်းခြေမှ လူနေထိုင်မှုကို နှောင့်ယှက်နေကြပြီဖြစ်သည်။
မြေထဲပင်လယ်ကမ်းခြေတ၀ိုက်မှမြို့များ၊ ဗြိတိန်တွင် အတ္တလန်တိတ်သမုဒ္ဒရာကမ်းခြေနှင့် အင်္ဂလိပ်ရေလက် ကြား၊ ပြင်သစ်ပြည်တွင် Bordeaux မြို့အနီးမှ နယ်များတွင် ပင်လယ်ရေမျက်နှာပြင်မြင့်တက်မှုက လူများ၊ ငှက်များ၏ နေစရာများကို ဖျက်ဆီးပစ်နေပါသည်။
အင်္ဂလန်နိုင်ငံအတွက်မူ မိုးခေါင်ရေရှားမှုက သစ်သီးဝလံဈေးများကို တိုးမြှင့်စေသည်။ စားရေးရိက္ခာကို ရှားပါး စေသည်။ စားသောက်စရာများကို ပြည်ပမှတင်သွင်းနေရပြီး ဈေးနှုန်းများကို ကမောက်ကမဖြစ်စေသည်။ အိုင်ယာလန်တွင်မိုးခေါင်ရေရှားခြင်းမှာ လယ်သမားတို့ဝင်ငွေကိုတစ်ဝက်မျှလျော့ကျစေသည်။ ဆွီဒင်နိုင်ငံတွင် ဧကပေါင်း ၆၁၀၀၀ ကျော်မျှ တောမီးလောင်နေသည်။ သစ်တောမျာပြုန်းတီးနေကြရပြီး သစ်တောအပေါ်မှီခိုနေ ရသော တောသတ္တ၀ါများမှာအတိဒုက္ခရောက်ကြရသည်။
(၃)
နေ့စဉ်နှင့်အမျှ သတင်းစာများတွင် တောမီးလောင်သည့်သတင်း၊ ရေကြီးသည့်သတင်း၊ မိုးခေါင်သည့်သတင်း များကိုဖတ်နေကြရပါသည်။ သြစတြေလျတိုက် တွင်မိုးခေါင်ရေရှားလျက်ရှိပါသည်။ ဂရိနိုင်ငံတွင် မီးလောင်ခဲ့ပြီး ကာလီဖိုးနီးယားတွင်လည်း ဧကပေါင်းများစွာ မီးလောင်လျက်ရှိပါသည်။
တစ်ကမ္ဘာလုံးခြုံကြည့်လျင် ၂၀၁၆ သည်အပူဆုံးနှစ်ဖြစ်ပါသည်။ ထိုနှစ်က အယ်နီညို (El nino) ပစိဖိတ် ရာသီ ဥတုဆိုက်ကယ်ကြောင့် အပူချိန်မြင့်ရခြင်းဖြစ်ပါသည်။ ၂၀၁၇ သည် အယ်နီညို မရှိပါဘဲလျက် ၂၀၁၆ နီးပါးပူခဲ့ ပါသည်။ ၂၀၁၈ခုနှစ်တစ်ဝက်သည်လည်းအယ်နီညိုမရှိပါဘဲလျက်အပူဆုံးဖြစ်နေပါသည်။ စက်မှုလက်မှုလုပ်ငန်း များ ထွန်းကားလာပြီး မှအပူဆုံးနှစ်များကို ကြုံရသည်မှာ လူတို့၏ဖန်တီးမှုကြောင့်ဖြစ်ပါသည်။ ၄င်းတို့ ရပ်တန့် သွားရေးမှာ လူတို့လုပ်နိုင် စွမ်းသော အရာများဖြစ်ကြပါသည်။
ကိုသန်းလွင်
Ref: Scorching Summer in Europe, Alissa Rubin , New York Times: 4 August 2018
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
