Photo Essays

ဘဝသစ်စခန်းတွင် ဘဝပျက်ခြင်း

My Friend Tin Moe By Maung Swan Yi - Selection of MoeMaKa Articles

ဘဝသစ်စခန်းတွင် ဘဝပျက်ခြင်း
ဓာတ်ပုံအက်ဆေး
ဓာတ်ပုံများ – Myanmar Now
(မိုးမခ) သြဂတ်စ် ၇၊ ၂၀၁၈

ကလေးမြို့နယ်ရှိ အကျဉ်းစခန်းများတွင်  ၁၉၉၉-၂၀၀၀ ကာလ လူ့အခွင့်အရေး ချိုးဖောက်မှုများကြောင့် အကျဉ်းသား ရာနှင့်ချီ သေဆုံးခဲ့ကြသည်။   
 
နိုင်ငံအနှံ့ရဲဘက်စခန်းများတွင်
အကျဉ်းသား သေဆုံးမှုမှာ ၃၆ နှစ်အတွင်း ၄,၁၈၇ ဦး ရှိခဲ့သည် ဟု အစိုးရက ၂ဝ၁၄ တွင် ပြောသည်။ သေဆုံးမှုမှာ ရာသီဥတု၊ “အစားအသောက်
အနေအထိုင် လွဲမှားခြင်း” နှင့် မတော်တဆထိခိုက်ဒဏ်ရာရရှိခြင်းတို့ကြောင့် ဖြစ်သည်ဟု
ဆိုသည်။ အကျဉ်းသား သေဆုံးမှုမှာ အကျဉ်းသား အနေအထိုင် မဆင်ခြင်ခြင်းကြောင့်သာ ဖြစ်ကြောင်း
ဆိုလိုဟန်ရှိသည်။

Myanmar Now ၏ စုံစမ်းချက်အရမူ အကျဉ်းသားအများအပြား အလုပ်လုပ်ကိုင်ရာ ရဲဘက်စခန်းများတွင် သေဆုံးမှု
အများအပြား ဖြစ်ပေါ်ခဲ့ရခြင်းမှာ နှိပ်စက်ညှဉ်းပန်းခြင်း၊ သင့်လျော်သည့် နေရာထိုင်ခင်း၊
အစားအသောက်၊ ဆေးကုသမှု မရရှိခြင်းကြောင့် ဖြစ်ကြသည်။

စစ်ကိုင်းတိုင်းဒေသကြီး
ကလေးမြို့နယ်ရှိ ရာဇင်္ဂြိုဟ်အကျဉ်းစခန်းများတွင်လည်း ၁၉၉၉-၂၀၀၀ ကာလ လူ့အခွင့်အရေး ချိုးဖောက်မှုများကြောင့်
အကျဉ်းသားရာနှင့်ချီ သေဆုံးခဲ့ကြသည်။  

အကျဉ်းသား
သေဆုံးအပြီး မှတ်တမ်းများတွင်  အသိသက်သေအဖြစ်
လက်မှတ်ထိုးပေးခဲ့ရသော ရာဇင်္ဂြိုဟ် (၂) အကျဉ်းစခန်းအနီးရှိ ရာဇဂြိုလ်ကျေးရွာတွင် ၁၉၉၉
မှ ၂ဝဝ၃ အထိ အုပ်ချုပ်ရေးမှုးတာဝန် ယူခဲ့သူ ဦးစံဗလက အကျဉ်းသားသေဆုံးမှုမှာ နေ့စဉ်
ရှိခဲ့သည်ဟု ဆိုသည်။

ရာဇင်္ဂြိုဟ်
အကျဉ်းစခန်းပိုင် စပါးကွင်းများတွင် လုပ်ကိုင်ရင်း အကျဉ်းသားများ အများအပြား သေဆုံးခဲ့သည်။
အကျဉ်းသားတို့
ဒဏ်ရာအကြီးအကျယ် ရခြင်း၊ နာဖျားခြင်း၊ ပင်ပန်းဆင်းရဲစွာ လုပ်ကိုင်ရခြင်း၊ နှိပ်စက်ခံရခြင်း၊
သေဆုံးခြင်းတို့ ဖြစ်ပေါ်ခဲ့သော ထိုစခန်းများကို အစိုးရက ဘဝသစ်စခန်းဟု ခေါ်တွင်ခဲ့သည်။

ရာဇင်္ဂြိုဟ်
ဘဝသစ်စခန်းတချို့ရှိ လုပ်ငန်းခွင်၊ အကျဉ်းသားတို့၏ ပုံရိပ်များကို  ဖော်ပြလိုက်ပါသည်။



ရဲဘက်စခန်း အကျဉ်းသား သေဆုံးမှုအများအပြားနှင့် ပတ်သက်ပြီး သက်သေအဖြစ် လက်မှတ်ထိုးပေးခဲ့ရသော ရာဇဂြိုလ်ကျေးရွာ အုပ်ချုပ်ရေးမှုးဟောင်း ဦးစံဗလ 

 

 

 

 



သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
MoeMaKa English Site

Similar Posts