ရသဆောင်းပါးစုံ

ကဗျာဆရာကြီးမောင်သာနိုး ဘာသာပြန်စာအုပ်အသစ်ထွက်ရှိ

ကဗျာဆရာကြီးမောင်သာနိုး ဘာသာပြန်စာအုပ်အသစ်ထွက်ရှိ
K (မိုးမခ) မေ ၁၊ ၂၀၁၈

မန္တလေးတက္ကသိုလ် ကဗျာက၀ိ ၄ ဆူလို့ အတင်စားခံရတဲ့ ကြည်အောင်၊ မောင်စွမ်းရည်၊ မောင်သာနိုး၊ တင်မိုး အစရှိတဲ့ကဗျာအုပ်စုထဲက တစ်ဦးဖြစ်တဲ့ ဆရာမောင်သာနိုးရဲ့ဘာသာပြန်လက်ရာသစ် “နေရူဒါရဲ့နေရူဒါ” ဆိုတဲ့ စာအုပ် ယခုမေလဆန်းမှာ ထွက်ရှိလာပါတယ်။

ချီလီကဗျာဆရာ Pablo Neruda ကိုယ်တိုင်ရေး Memoirsကို ဆရာမောင်သာနိုးက မြန်မာဘာသာပြန်ဆိုထား ခြင်းဖြစ်ပြီး စာအုပ်မှာရွှေတိဂုံ၊ ဧရာဝတီနှင့် နေရူဒါ၊ ဗမာပြည်မှာ ဖူးစာ၊ နေရူဒါနဲ့ ကဗျာ ဆိုပြီး အပိုင်း ၃ ပိုင်း ပါရှိပါတယ်။

ယခုစာအုပ်မှာ ဘာသာပြန်ရခြင်းနဲ့ပတ်သက်ပြီး ဆရာမောင်သာနိုးက“ကမ္ဘာကျော်ချီလီ ကဗျာဆရာကြီး ပါဘလိုနေရူဒါ ရန်ကုန်မှာ သူ့နိုင်ငံရဲ့ကောင်စစ်ဝန်အဖြစ်နေခဲ့ဖူးတယ်ဆိုတာကို စာပေ၀ါသနာပါသူတိုင်း
လောက် သိတယ်။ ၂၃နှစ်သားအရွယ် ၁၉၂၇ခုနှစ် ကပါ။ (ထင်ရှူးပင်ရိပ်မှာ ၁၉၃၇ လို့ မှားပါသွားတယ်။) နောင်နှစ် ၃၀ ကြာပြန်တော့ ၁၉၅၇မှာ တရုတ်ပြည်သွားရင်း ရန်ကုန်ရောက်ရပြန်တယ်။ ဒီအကြောင်းတွေကို သူ့ “မင်မွာ”ထဲမှာ အထိုက်အလျောက်သတိရတာကလေးတွေ ရေးသားထားတာ တွေ့ရတယ်။ သူ့ မင်မွာ က ၁၉၇၃ မှာ သူကွယ်လွန်ပြီးနောက် ၁၉၇၄ မှာ ထွက်လာတာပါ။ အင်္ဂလိပ်ဘာသာပြန်ကို ၁၉၇၇ မှာ ထုတ်တယ်။ အခု အဲဒီစာအုပ်ထဲက ကျွန်တော်တို့နဲ့ ပတ်သက်တာလေးတွေ ကောက်နုတ်ဘာသာပြန်လိုတယ်။” လို့ ရေးသားထားပါတယ်။

ဆရာမောင်သာနိုးဟာ ယခုအခါမှာ အသက် ၈၇ နှစ်ရှိနေပြီ ဖြစ်ပြီး မြန်မာစာပေအရေးအသား၊ ဘာသာဗေဒ၊ စာပေဝေဖန်ရေး၊ ကဗျာ၊ ကဗျာဆိုင်ရာဘာသာပြန် လက်ရာမျိုးစုံကို ရေးသားခဲ့ပြီး
နိုင်ငံတော်မှ ချီးမြှင့်တဲ့ ၂၀၁၆ ခုနှစ်အတွက် အမျိုးသားစာပေတစ်သက်တာဆု လည်း ရရှိထားပါတယ်။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Similar Posts