ယောဟန်အောင် ● မျက်စေ့နာလို့ ရေးတဲ့ကဗျာ
(မိုးမခ) မတ်လ ၁၂၊ ၂၁၈
ပြောရရင်တော့ အရှည်ကြီးပဲဆရာ…
ဒီမိုး၊ ဒီရေ၊ ဒီလူတွေကြောင့် မျက်စေ့နာတာ၊
‘တနေ့က ဂျိုးဖြူပိုက်ရေထဲ မသန့်ဘူး’ ဆိုကတည်းက
မျက်သားတွေ ယားယံလာ
‘လူမကြည့်ပါနဲ့ ပါတီကြည့်ပါ’ ဆိုကတည်းက
မျက်သားတွေ ယားယံလာ
မြို့တော်နောက်ဖေးလမ်းကြားတွေ မြင်ကတည်းက
မျက်သားတွေ ယားယံလာ
ထရိုဂျင်မြင်းရုပ်ကြီး ဟီးနေတာကြားကတည်းက
မျက်သားတွေ ယားယံလာ
ဖေ့ဘုတ်မှာ ကွန်မင့်တွေ လိုက်ဖတ်ပြီးတာနဲ့
မျက်စေ့ကိုက်လာ၊ နာတော့တာပါပဲ။
မျက်စေ့တစ်ဖက်သာ ကျန်မှ၊
စက္ခုနှစ်ကွင်း လင်းရတဲ့ ကျေးဇူးတော်ကို သတိရတယ်
မမြင်ရခြင်းမှာလည်း ကျေးဇူးတော် ရှိတာပါပဲ
ဖရုဿဝါစာများတဲ့
ထင်ရာစိုင်းဝါဒများတဲ့
ပေါချောင်ကောင်း ဆရာကြီးများတဲ့
ရှေ့နောက်စကားမညီ ဂျင်းသွင်းတဲ့
သတင်းများ မဖတ်ရတော့ဘူးပေါ့။
မျက်စေ့တစ်ဖက်သာ မြင်တော့
အရာရာကို တဝက်ပဲရတယ်၊
ညအိပ်တော့လည်း အိပ်တဝက်၊ နိုးတဝက်
ဘဝနေနည်းအတွက်လည်း
ရန်သူစစ်စစ်က တဝက်၊ ချစ်သူစစ်စစ်က တဝက်
ချောင်းဟန့်တော့လည်း သလိပ်ကတဝက်၊
ဥပဒေတွေ ဆိုတော့လည်း ဖားတဝက်၊ ငါးတဝက်
ဒီမြို့အကြောင်း ပြောပါတယ်
ဒီမိုကရေစီက တဝက်၊ အာဠာဝက တဝက်။
ဒီလောကီကို အလာဂျီ (allergy) ဖြစ်နေတာတော့ ကြာပါပြီ၊
မျက်စဉ်း ခတ်ပေးပါ၊
ဒါမှမဟုတ် မျက်စေ့ကို အုပ်ထားပေးပါ။
တဝက်တခြမ်း မြင်နေရတာကို
ပညာနဲ့ ရယ်မောနိုင်စွမ်းပေးပါ။
ယောဟန်အောင်
မတ် ၁၀၊ ၂၀၁၈။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
