ခေတ်ပြိုင်အတွေ့အကြုံ

မော်မော်သင်း – ဘူဖေး

 မော်မော်သင်း – ဘူဖေး

(မိုးမခ) မေ ၉ ၊ ၂၀၁၇
(စာရေးသူ၏ ဖေ့စ်ဘွတ်မှ ခွင့်ပြုချက်တောင်းပြီး ဖော်ပြပါတယ်)
ဘူဖေး ဟူသောစကားလုံးမှာ အခုနှစ်ပိုင်းတွေအတွင်း စားသောက်ဆိုင်တွေမှာ ဟော်တယ်တွေမှာ ခေတ်စားသောစကားလုံးဖြစ်နေသည်။ ရုတ်တရက်ကြည့်လိုက်လျင် သူ့စာလုံးပေါင်းအသံထွက်မှာ ဘူဖက်ဟု ထွက်မလိုလိုနှင် တကယ့်အမှန်မှာ ဘူဖေးဖြစ်နေသည်။ ထို့ကြောင့် သူမူရင်းအစမှာ ပြင်သစ်လား
အီတလီလားမဆိုနိုင်။ ဝေါဟာရ အဘိဓာန်ကျမ်းမှာတော့ဖြင့် မိမိစိတ်ကြိုက်ယူငင်စားသုံးနိုင်ရန် ခုံတန်းရှည်ပေါ်၌တန်းစီခင်းကျင်းထားသော စားသောက်ဖွယ်ရာများ ဟုအဓိပ္ပါယ်ဖွင့်ဆိုထားပါသည်။ကျမသည် ထိုစကားလုံးကို အသက် ၁၈ နှစ်လောက်မှ စတင်ရင်းနှီးခဲ့သည်။ကျမ အဖေသည် ၁၉၈၄ – ၈၅ လောက်မှစ၍ မြန်မာနိုင်ငံသို့ရောက်လာသမျှ ဗြိတိသျှသံရုံး မှ သံအမတ်ကြီး နှစ်ယောက်သုံးယောက်အပါအဝင် သံအရာရှိများကို မြန်မာစာသင်ပေးရလေရာ  သံရုံးမှလုပ်သော ဧည့်ခံပွဲတော်တော်များများကို သူတက်ရောက်ရပါသည်။ တခါတရံ တချို့ဧည့်ခံပွဲ များတွင် မိသားစုလိုက် ဖိတ်ကြားခံရတာမျိုးလည်းရှိပါသေးသည်။ထိုစဉ်အခါက ယခုခေတ်လိုမဟုတ်။ သိပ်ပြီး မပွင့်လင်းမမြင်သာသောခေတ်ဖြစ်သည့်အပြင် ရှားရှားပါးပါး ဗြိတိသျှ သံရုံးမှ ဧည့်ခံပွဲဖြစ်သဖြင့် ကျမတို့သည် အလွန်တရာ အံ့သြထူးဆန်းစွာ စိတ်လှုပ်ရှားစွာနှင့် သံရုံးကိုအဖေနှင့်လိုက်ကြရပါသည်။

သို့သော် သံရုံးမသွားခင် အဖေကကျမတို့မောင်နှမ သုံးယောက်ကို သံရုံးကကျွေးမည့် ဘူဖေးညစာအကြောင်းကို အရင် ရှင်းပြသည်။ မိမိစိတ်ကြိုက်ယူငင်စားသုံးနိုင်ကြောင်း လိုချင်လျင် ဘယ်နှစ်ခေါက်ထပ်ယူယူ ယူလို့ရကြောင်း သို့ရာတွင် ကိုယ်က ရှေ့က တန်းစီပြီး နောက်လူစားစရာမကျန်အောင် နင်းကန် ထည့်စားလျင်တော့ လူတွေသည် ကိုယ့်ကိုဘာမျှတော့ပြောမှာ မဟုတ်။  ဝမ်းထဲကတော့ကြိတ်ပြီး အထင်သေးသွားနိုင်ကြောင်း ၊ ကုန်သွားမှာစိုးပြီး မတရားထည့်ပြီးကာမှ ကုန်အောင်မစားနိုင်လျှင် သက်သက်ဖြုန်းတီး
ရာရောက်ကြောင်း စသဖြင့်ဘူဖေးသြဝါဒကို ကျကျနန လက်ချာပေးပြီးမှ သံရုံးသို့ခေါ်သွားသည့်အတွက် ကျမတို့မောင်နှမများမှာ ဘူဖေးနှင့်ပတ်သက်ပြီး သိပ်အမှားအယွင်းမဖြစ်ခဲ့ပါ။ ကျမ မောင် အငယ်နှစ်ကောင်သည်လည်း လူငယ်တွေပီပီ  များများစားကြတာကလွဲ၍ အလဟဿ ဖြုန်းတီးရာမကျအောင် စည်းကမ်းတကျ စားခဲ့ကြပါသည်။  ကျမနှင့်အမေကတော့ သံရုံးကကျွေးသော ခပ်ပေါ့ပေါ့အစားအစာများကို တော်ရုံစားကြ၍ အိမ်ပြန်ရောက်ကာမှ ငပိရည် နှင့်ထမင်းကို အာသာပြေပြန်နယ်စားတတ်သူများဖြစ်လေသည်။

အခု ဒီဘက်ခေတ်ရောက်သောအခါ ဘူဖေးစကားလုံးနှင့်ဘူဖေး စံနစ်မှာတော်တော်တွင်ကျယ်လာလေသည်။

ဟိုတရက်နှစ်ရက်လောက်က အိမ်က ကလေးတွေက ဖေဖေနှင့်မေမေကို ချောင်းသာပို့ချင်သည်ပြောတာနှင့် အိမ်က မိသားစုတစုလုံးမြေးတွေပါမကျန် ချောင်းသာကို ဒုတိယအကြိမ်ရောက်ခဲ့ပြန်သည်။ ပထမအကြိမ်ကတော့ မနက်စာနှင့် ညစာကျွေးပြီး နေ့လည်စာကို မိမိဘာသာ မှာ စားရသောဟော်တယ်။ အခုတခါတော့ ထိုဟော်တယ်မှာ ဘွတ်ကင် ၂ လစာလောက်ပြည့်နေသဖြင့် သူနှင့်ကပ်လျက်ဟော်တယ်မှာသာတည်းခဲ့ရပါသည်။ အခုဟော်တယ်ကတော့ မနက်စာ တနပ်သာ ကျွေးပါသည်။ တခုတူညီသည်ကတော့ ဟောတယ်နှစ်ခုလုံး ဘူဖေးစံနစ်နှင့် ကျွေးခြင်းဖြစ်သည်။

တကယ်တော့ သည်ဆောင်းပါးပါအကြောာင်းအရာများကို ရေးချင်သည်မှာတော်တော်ကြာပြီ ။အခုမှချရေးဖြစ်ခြင်းဖြစ်ပါသည်။

မနက်စာစားမည်ဟု စားသောက်ခန်းမထဲ ဝင်၍ ကိုယ့်ပန်းကန်ပြားကိုယ်ယူ၍တန်းစီဆဲမှာပင် ကျမရှေ့ကတန်းစီနေသော အသက် ၂၀ ခန့်ကလေးမလေး တယောက်နှင့် ဟော်တယ်က စားဖိုဆောင်ကြီးကြပ်သူအမျိုးသမီး စကားခပ်ကြိတ်ကြိတ်များနေသည်ကိုတွေ့ရသည်။ ဟိုကလေးမလေးအဖွဲ့မှာ မိသားစုလိုက်လာပုံရ
သည်။ ကလေးအကြီးအသေး လူငယ်အရွယ်အလတ် လူကြီးအပါအဝင် အားလုံး ဆယ်ယောက်ကျော်ခန့်ရှိသည်။ အစားအသောက်ကို မကုန်နိုင်ပဲအများကြီးထည့်ဟန်တူသည်။ ဟိုတယ်ကအမျိုးသမီးက ထိုကိစ္စနှင့်ပါတ်သက်ပြီးပြောနေခြင်းဖြစ်သည်။ တကယ်တော့ ဟိုတယ်တွေမှာ ဘူဖေးကျွေးရင် customer ကိုအဲဒီလို သတိပေးလို့ရလား ပြောလို့ရတဲ့စည်းကမ်းရှိလားတော့ကျမ မသိပါ။ များသောအားဖြင့်တော့ မပြောကြဘူးထင်သည်။

အခုဒီဟော်တယ်မှာတော့ စာပါချိတ်ထားသည်။

အစားအသောက်များကိုစားနိုင်သလောက် အကြိမ်ကြိမ်ယူ၍ရပါသည်။ လေလွင့်မှုမဖြစ်ပါစေရန်မေတ္တာရပ်ခံအပ်ပါသည် … တဲ့။

ကျမ ကတော့ ထိုစည့်ကမ်းတွေကိုဟော်တယ်မှာ ထုတ်ကြသလား ဘာလားမသိ။ ဟိုတယ်က အမျိုးသမီး၏ပြောပေါက်ဆိုပေါက် နှင့်မျက်နှာထားကို သိပ်ခံတွင်းမတွေ့သလိုတော့ဖြစ်သွားသည်။

ကျမသည် မနက်စာကို နဂိုကတည်းက များများ မစားနိုင်သူဖြစ်သည့်အပြင် ဘူဖေးသဘောကို အတန်ငယ်နားလည်ထားသဖြင့် နည်းနည်းသာထည့်ပြီး ကိုယ်ထိုင်မည့်နေရာ ဝင်ထိုင်တော့မှ ဟိုမိန်းမ မျက်နှာ ဘာ့ကြောင့်အဲသလိုဖြစ်နေမှန်းသိရပါတော့သည်။ကျမနှင့်ကပ်လျက်စားပွဲမှာ စောစောက ကလေးမလေးမိသားစုထိုင်သော စားပွဲရှည်ကြီး။ တချက်တည်းလှမ်းကြည့်ရုံနှင့် သဘောပေါက်သွားသည်။ စားပွဲပေါ်ရှိ စားပြီးပန်းကန်တိုင်း၌ မကုန်နိုင်ပဲကျန်နေသော
ထမင်းကြော် ခေါက်ဆွဲ ကြာဇံကြော်များမှာ  ကြောက်ခမန်းလိလိ။ ကြက်ဥ ဟပ်ဖရိုက်ကြော်များမှာ တစိတ်လောက်သာဖဲ့စားထားပြီး အရည်တွေထွက်လျက်ကပန်းကန်တိုင်းလိုလိုမှာ။ ကြက်အူချောင်းကြော်တွေကို အသားကုန်ထည့်လာကြပြီး မစားနိုင်သောအခါ ကြာဇံတွေနှင့် ကြက်ဥအရည်တွေနှင့်ရောပြီး ပစ်စလက်ခတ်ဖြစ်နေသည်မှာ ရစရာမရှိ။သူတို့အားလုံးထ သွားသောအခါ ထပ်မံကြည့်သောအခါမှ ကျမ၏ အိမ်ရှင်မ မျက်စေ့နှင့်ဆိုလျင် ကြာဇံ အစိတ်သားကြော်ခန့် ခေါက်ဆွဲကြော်တွေကလည်းတပုံတပင်။ ကြက်အူချောင်းနှင့်ကြက်ဥကတော့ တွက်လို့မရ။ အချိုပွဲထဲက မုန့်တွေ မကုန်နိုင်မခန်းနိုင်ထည့်ထားတာတွေက ဒီတိုင်း။

ထိုအခါမှ တခြားစားပွဲများဘက်ကို ဝေ့ပတ်ကြည့်ရာ တချို့က အကုန်ကုန်အောင်စားသည်။ တချို့ကတော့ စောစောက ဝိုင်းလိုပင်။ မကုန်နိုင်မခမ်းနိုင်။

ဘာ့ကြောင့်များဒီလောက် ပစ်စလက်ခတ်နိုငကြပါလိမ့်။ ထိုအခါ ဖြစ်နိုင်ချေ နှစ်ချက် သုံးချက်လောက်သွားတွေ့သည်။

ပထမဆုံးအချက်မှာ ဘူဖေးပါးမဝခြင်း။

ကျမတို့ လူမျိုးအတော်များများမှာ ဘူဖေးစံနစ်နှင့်မရင်းနှီးပါ။ အခု ဒီဘက်ခေတ် ရင်းနှီးတယ်ဆိုလျင်တောင် မရင်းနှီးသောရာနှုံးနှင့်စာလျင် အတော်နည်းနေပါသေးသည်။ ဘူဖေးစားနိုင်သော လူတန်းစားတခု
နှင့် ကုမ္ပဏီများတွင်အလုပ်လုပ်ကြသော staff party တွေဘာတွေနှင့်ကျွမ်းဝင်နေသော  လူတန်းစားတခုလောက်သာ ရှိပါသည်။

တခြား မရင်းနှီးသောလူတန်းစားများမှာ  ဘူဖေးသဘောကို မသိပါ။ ကိုယ်စားချင်သလောက်ထည့်ပြီး ကုန်ရင် ထပ်သွားယူလို့ရတာလည်း မသိ။ ကိုယ်ယူနေတုံး လက်ခံခွက်ထဲမှာနည်းသွားလျင် စားဖိုဆောင်ထဲမှ ချက်ပြီးသားအဆင်သင့်ကို လက်ခံခွက်ထဲ လာထပ်ထည့်ပေးတာကိုလည်း မသိ။ တခါတည်းယူလို့ရတယ်ပဲထင်ကာ နောက်ထပ် ထပ်ယူလို့ရမှန်းမသိသဖြင့် ကိုယ်မဝမှာကြောက်ပြီး အပြီးထည့်ရာမှ မကုန်နိုင်ဖြစ်သွားသော အကြောင်းရင်းတခု။ ထို အကြောင်းရင်းရှိ လူတန်းစားများသည်ကား နောင်ဘူဖေးပါးဝ လာပြီး နဂို လောဘမကြီးတတ်သူများဖြစ်ပါက နောက်တခေါက်ထပ်မမှားတော့ပါ။

ဒုတိယ အချက်မှာ ကျန်းမာရေးနှင့် စိတ်နှင့်ဆိုင်သည်ဟုထင်ပါ၏။

တချို့ရှိတတ်သည်။ လောဘကြီးတာလည်းမဟုတ်။ စားချင်စိတ်ရှိသည်။ စားလည်းစားနိုင်မည် ဟု ကိုယ့်ကိုယ်ကိုထင်သည်။ သို့ရာတွင် တကယ်စားနေရင်းက ခံတွင်းပျက်သွားတာမျိုး စားချင်စိတ်ပျောက်သွား
တာမျိုး တနည်းနည်း ကျန်းမာရေးချွတ်ယွင်းသွားတာမျိုးကြောင့် ဆက်မစားနိုင်ပဲ ကျန်ခဲ့ခြင်း
ဖြစ်ပါသည်။ ထိုသူတို့ကား ဆင်ခြင်စိတ်ရှိလျင် နောက်တခေါက်စားလျင်တောင် အနည်းငယ်မျှသာထည့်ပါတော့သည်။

နောက်ဆုံး တတိယအချက် … ထိုအချက်ရှိ လူတန်းစားများအကြောင်းကို ကျမ အဓိက ပြောချင်ပါသည်။

ထိုသူတို့သည်ကား ဘူဖေးပါးလည်းဝသည်။ ဘူဖေးသဘောကိုလည်းနားလည်သည်။ အဓိက အချက်မှာ ထိုသူတို့၏ ခပ်ပေါ့ပေါ့စိတ်နှင့် အရှုံးမခံတတ်သော စိတ်ကြောင့် ဖြစ်လေသည်။

များသောအားဖြင့် သူတို့သည် အတန်ငယ်လောဘကြီးသူများဖြစ်တတ်ကြသည်။ နောက်ပြီး ငါဟော်တယ်ခပေးထားတဲ့အထဲ  ဒီထမင်းဖိုးပါနေတာပဲ။ မကုန်လို့ လွှင့်ပစ်ရင် ဟော်တယ်က ခံပေါ့ ဟု တာဝန်မဲ့စိတ်ရှိကြသူများဖြစ်လေသည်။

ထိုလူမျိုးတွေနေရာအနှံ့မှာ မကြာခဏတွေ့ရတတ်သည်။  တချို့ကြေးအိုး ဆီချက်ဆိုင်တွေမှာ အချဉ်ရည်တို့
ငရုပ်သီးကြိုက်သလောက်ပေးထားပါလျက် ပိုက်ဆံပေးစားတာပဲ ဟူသောစိတ်နှင့် အလဟသ
မကုန်မခမ်းနိုင်ထည့်ပြီးထားခဲ့သူများ။ လက်ဘက်ရည်ဆိုင်မှာ ရေနွေးကြမ်းနှစ်ခွက်သုံးခွက် ဆင့်ငှဲ့ထားပြီး မသောက်ပဲထ ထွက်သွားသူများ။ ပြောရလျင်အများကြီးဖြစ်သည်။

တကယ်တော့ သူတို့သည် ဘဝမှာလိုချင်တာအားလုံးရလျက် ငတ်သည် ဟူသောစကားကို မကြားဘူးသူများဖြစ်လေသည်။

ကျမသည် ကျမ လုပ်ငန်းသဘောအားလျော်စွာ မိဘမဲ့ကလေးကျောင်း ဘကကျောင်း တော်တော်များများကိုရောက်ဘူးခဲ့ပါသည်။ အချို့ကျောင်းများမှာ လှုမည့်သူများသောကြောင့် ကလေးတွေ တပတ်မှာ သုံးလေးကြိမ်လောက် အသားနှင့်ဘာနှင့် အူစိုစိုစားရသည်။  တချို့ကျောင်းတွေကျ အလှုရှင်နည်းရသည့်ကြားထဲ
ကလေးကများနေရာ ဘုန်းကြီးတွေ သီလရှင်တွေလည်းမတတ်နိုင်တော့။ ဟင်းသာမက ထမင်းကိုပါ ဝေပုံကျနှင့် ဝ လည်းဒါ မဝလည်းဒါပဲ ဟုတခါတည်းအပြီး ပုံပေးရသောကျောင်းများလည်းရှိပါသည်။

မွန်ပြည်နယ်ဘက်က ကျောင်းတကျောင်းကတော့ ကလေး ငါးရာကျော်လေရာ တနေ့မှ နှစ်နပ်သာကျွေးနိုင်ပါသည်။ မိဘမဲ့ကလေးရော မိဘရှိပါလျက် မတတ်နိုင်သည့် ကလေးရော ကျောင်းအိပ်ကျောင်းစား လက်ခံထားရာ သူငယ်တန်ူမှ ဆယ်တန်းထိဖြစ်လေသည်။ ဆရာတော်မှာ အင်မတန်စံနစ်ကျ၍သာ တော်တော့သည်။ ဆယ်တန်းကျူရှင်နှင့် ဂိုက်နှင့်သင်ကြားရေးကို စပါယ်ရှယ်ဂရုစိုက်နိုင်သလောက် ထမင်းကိုတနေ့သုံးနပ်မကျွေးနိုင်။ မနက် ရှစ်နာရီတခါ ညနေ ငါးနာရီတခါ နှစ်ကြိမ်သာကျွေးနိုင်လေရာ ဒီကြားထဲဆာလျင်
မုန်းဖိုးလေး ဘာလေးရှိသောကလေးကဝယ်စား။ မရှိသည့်ကလေးကတော့ ရေသောက် ဗိုက်မှောက်ပင်။
အရွယ်ကောင်း အစာခြေအားကောင်းသည့်ကလေးတွေ၏ ဆာလောင်ခြင်း ဒုက္ခကိုစောစော ဘူဖေးစား
သည့် တတိယအမျိုးအစားလူတန်းစားတို့ နားမလည်နိုင်ပါ။

တခါကတော့ အညာဒေသက မိဘမဲ့ကျောင်းမှာဖြစ်သည်။ ထိုစဉ်က အစိုးရအထောက်အပံ့ကလည်းလုံလောက်အောင်မရ။ အခု သည်ဖက်ခေတ်လို ဘာအဖွဲ့ ညာအဖွဲ့ ကူညီရေးအဖွဲ့လေးတွေကလည်းမရှိ။
ကျမ သွားသည့်အချိန်မှာ သူတို့ဟင်းချက်နေကြသည်။ ဂေါ်ဖီးပန်းပွင့်၏ အရွက်များကိုချက်နေကြခြင်းဖြစ်သည်။ သူတို့သည် ပန်းဂေါ်ဖီကိုအပွင့်မစားနိုင်ကြပါ။  ဈေးထဲမှာ ခုတ်ပြီးပုံထားသော ဘေးကအရွက်ဖတ်များထဲမှ နည်းနည်းနုတာလေးများနှင့် အလည်အူတိုင်ကိုဘေးကအသားခွါပြီးအလည်ကအနုလေးတွေကိုစိမ်းစားငပ်ိနှင့်နယ်ကာ ချက်စားနေကြတာဖြစ်လေသည်။ ပြီးတော့ငံပြာရည်ဖျော်တခွက်။ထိုကလေးတွေသည် အသားဟင်းငတ်လွန်းသဖြင့် မိုးတွင်းရောက်လျင်  ဘေးနားက ရေအိုင်စပ်စပ်တွေမှာလာသမျှ ဖား ခရု အကုန်ဖမ်းပြီး မီးဖုတ်စားကြပါသည်တဲ့။ကျမသည် စိတ်ထဲထိခိုက်လွန်းသဖြင့် စကားတောင် သေချာမပြောနိုင်အောင်ဖြစ်ခဲ့ရပါသည်။

နောက်တော့ ကျမ ကစ၍ ကူညီလိုက်သည်မှာ အခြားသော ကူညီသူများတော်တော်များ လာပါသည်။ယခုခေတ်မှာတော့ ပို၍ အခြေအနေကောင်းလာကာ  တော်တော်လေးဟန်ကျနေကြောင်းသိရပါသည်။
ထားတော့။
အငတ်ပြသနာ အကြောင်းပြောလျင် ဟေတီ တို့ အီသီယိုးပီးယားတို့ ဆူဒါန် တို့အကြောင်းကဝေးနေသေးသည်။ ကိုယ့်နိုင်ငံထဲမှာကိုပဲ ကပ်ဆိုက်နေတာတွေရှိနေသည်။ ဟိုလောက်မဆိုးတာတခုပင်။တခါသော် လှိုင်သာယာဘက်မှာ ခိုးမှုတခုဖြစ်သည်။ အိမ်နောက်ဖေးမှ တက်၍ ချက်ထားသော ထမင်းကို
အိုးလိုက်မှောက်သွန်ပြီးခိုးသွားခြင်းဖြစ်သည်။ အလေးချိန်နှင့်ပြန်ရောင်းစား၍ ရသော ဒါန်အိုးကိုချန်ခဲ့ကာ ထမင်းချည်းခိုးသွားခြင်းဖြစ်သည်။ ကားသမားတစုက ထိုအကြောင်းကိုပြောနေစဉ် ပြောနေသူတွေလည်းစိတ်သက်သာပုံမရသလို ကြားလိုက်ရသောကျမလည်း တော်တော် ရင်ထဲခံစားရပါသည်။ဘယ်လောက်များ ဆာနေလိုက်ပါလိမ့်။

ထိုအကြောင်းများကိုစောစောက တတိယလူတန်းစားတွေ ဂရုမပြုမိကြပါ။

သိလျင်လည်းသူတို့ကပြောမည်။ ကိုယ့် ကံနဲ့ကိုယ်လာတာ။ ဟုတ်သလိုလိုပင်။ သို့သော် မိမိ၏ အတိတ်ကံ
ကောင်းခြင်းသည် မိမိထက်အစစ အရာရာနိမ့်ကျသော တပါးသူများအပေါ် ကြွားဝါသလို ကိုယ်ချင်းမစာသလို မဖြစ်ဖို့တော့လိုလေသည်။

တခါတော့ မြို့နှင့် ၇ မိုင်ခန့်သာဝေးသော ရွာလေးတစ်ရွာသို့သွားသည်။ ကျမ အကျင့်အတိုင်း သွားလျင် လက်ချည်းဘယ်တော့မှ မသွား။ ကလေးတွေဖို့  အဝတ်အထည် စာအုပ် မုန့် စသဖြင့်တတ်နိုင်သရွေ့
သယ်သွားပြီး ဝေငှပေးတတ်ပါသည်။ ထိုထဲမှ ကိုးနှစ်သားလောက် ကောင်လေးတယောက်၏ တုံ့ပြန်လှာသော စေတနာစကားလေးကို ကျမ တသက်ဘယ်တော့မှမမေ့ပါ။ သူသည် သူ့ကိုပေးသော ဂျာစီ အင်္ကျီလေးနှင့်စာအုပ်လေးများကို ရင်ပတ်ထဲမှာ  ကျစ်ကျစ်ပါအောင်ပွေ့ထားရင်း ပါးစပ်ကြီးနှင့်တလုံး
အားရ ပါးရ ပြောလိုက်သည်မှာ …

“ဆရာမကြီးရာ ဆရာမကြီးကိုလေ သားကျေးဇူးတင်လွန်းလို့ သားထီပေါက်ရင်  မြို့က ခေါက်ဆွဲကြော် တွေ အဝကျွေးမယ် သိလား …” တဲ့။ရုတ်တရက်တော့ စာဖတ်သူတို့ ကြားရသူတို့ပြုံးမိကြမည်။ ကျမ ကတော့ အဲဒီအချိန်တုံးက ရော ခုထိရော
မပြုံးနိုင်ပါ။  မြို့နှင့် ၇ မိုင်သာဝေးပါလျက်မြို့ကို မရောက်ဘူးသော မြိုကလူတွေစားသောခေါက်ဆွဲကြော်ကို သူများအိမ်က တီဗီထဲမှာသာမြင်ဘူးသော နေ့တဓူဝ ချဉ်ဟင်းနှင့် ငရုပ်သီးထောင်းသာစားနေရသော ကလေးတယောက်အဖို့ သူတန်ဘိုးထားချစ်ခင်ရသော ဆရာမကြီးကို သူအရမ်းတန်ဖိုးထားပြီးစားချင်နေသော
ခေါက်ဆွဲကြော်ကိုကျွေးချင်နေသောစေတနာတည်း။ထိုစေတနာနှင့်ထိုအာသာကို စောစောကဘူဖေးမှာ မကုန်နိုင်မခမ်းနိုင် စားပြီးထားခဲ့ကြသော လူတန်းစားများ နားလည်နိုင်ကြပါ့မလား။ ကျမ တွေးမိပါသည်။

ကျမမိတ်ဆွေ နိုင်ငံခြားသူဆရာဝန်မကြီးတယောက်မှာ  WHO မှာလုပ်ရင်း ပါကစ္စတန် နှင့် ဘင်္ဂလားဒေ့ရှ်
ဘက်က ဒုက္ခသည်စခန်းများတွင်တာဝန်ကျ လိုက်ရာ ကလေးတွေ လူတွေငတ်တာ  ဘယ့်လောက်စိတ်ထိခိုက်သွားမှန်းမသိ။ ရာသက်ပန်သက်သတ် လွတ်ဖြစ်သွားပါတော့သည်။

ငါ့တသက် စိတ်ထိခိုက်လွန်းလို့ ငါကောင်းကောင်း စားနေရတိုင်း ဟိုက ကလေးတွေပြန်မြင်ပြီး
အပြစ်မကင်းသလို ခံစားရလို့ ငါ သက်သတ်လွတ်ပဲစားတော့တယ် ဟုသူကပြော ပါသည်။

ကျမတို့သည် ဗုဒ္ဓတရားတော်အလိုအရ  သံသရာ အဆက်ဆက်မှ ကောင်းမှုကုသိုလ်လေးများကြောင့် ကံကောင်းထောက်မစွာ ယခုဘဝတွင် ဆာလောင်နေရသော အငတ်ဘေးနှင့် မကြုံကြရသေးပါ။

ကိုယ်မကြုံရတိုင်း ငတ်နေတဲ့သူတွေကို မသိကျိုးကျိုးကျဉ်နေတာမျိုးလည်းမသင့် ဟုတော့ ကျမ ထင်မိပါသည်။ ကျမ တို့သည် မိမိ အခြေအနေ အရ ဆာလောင်နေသူများကို ဝေမျှမစားနိုင်ခဲ့ကြလျင်တောင် မဖြုန်းတီးသင့်ကြ။ စည်းကမ်းမဲ့ မလုပ်သင့်ကြ ဟုလည်း စဉ်းစားမိပါသည်။ ဟိုအမျိုးသမီးကြီးလို သက်သတ်လွတ်မစားနိုင်လျင်သော်မှ  ကိုယ် စားနေတိုင်းမှာ အလဟသ မဖြစ်အောင်စားကြခြင်းဖြင့် ထိုသူတို့အပေါ်ထား
အပ်သော စာနာစိတ်ကို ပြသင့်ပါသည်။

လောဘတရား အပြည့် နှင့် တာဝန်မဲ့မှုများကတော့ တတ်နိုင်လျင်မရှိသင့်သောအရာများပါတည်း။

တကယ်တော့ သဘာဝတရားကြီးသည်  ကျမတို့အား လောကတည်း ဟူသော စားပွဲရှည်ပေါ်တွင် ကျမတို့ရွေးချယ်စားသုံး နိုင်မည့် စားသောက်ဖွယ်ရာ အမယ်ပေါင်းများစွာ ကိုချထားပေးခဲ့ပြီဖြစ်ပါသည်။

ထိုထဲတွင် မေတ္တာ ဂရုဏာ မုဒိတာ စေတနာကောင်း ကိုယ်ချင်းစာခြင်း မျှဝေလိုခြင်း ရိုးဖြောင့်ခြင်း စသည်တို့ကို တည်ခင်းထားသလို လောဘ ဒေါသ မောဟ မာန်မာန အတ္တ  ရက်စက်ခြင်း တာဝန်မဲ့ခြင်း လိမ်ညာခြင်းစသည်တို့ကိုလည်းတည်ခင်းပေးထား ပြီးဖြစ်ပါသည်။

ကျမတို့သည် ထိုလောက ခုံတန်းရှည်ပေါ်မှ မိမိ နှစ်သက်ရာကို ယူငင်သုံးစွဲနိုင်ကြပါသည်။

တခုပဲရှိပါသည်။

ဟောတယ်ကခင်းကျင်းထားသောအစားအသောက်များကိုဖြင့်မကုန်လျင် ဒီတိုင်းချန်ထားခဲ့၍ရပါသည်။ သဘာဝတရားကြီးက ခင်းကျင်းဧည့်ခံထားသောအရာများကဖြင့် ချန်ထားခဲ့၍ မရပါ။ ကိုယ်ယူလျင်ယူသလောက် ကိုယ့်နောက်ကိုပါလာမှာဖြစ်ပါသည်။မော်မော်သင်း
14 – 1 – 2017
1:20 a.m

သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Similar Posts