ရသဆောင်းပါးစုံ

ကိုသန်းလွင် ● နိုင်ငံတော်သမ္မတကြီးထံ အိတ်ဖွင့်ပေးစာ (၂)

ကိုသန်းလွင် ● နိုင်ငံတော်သမ္မတကြီးထံ အိတ်ဖွင့်ပေးစာ (၂)
(မိုးမခ) အောက်တိုဘာ ၂၆၊ ၂ဝ၁၆

(၁)
သမ္မတကြီးခင်ဗျား …
ဒီမိုကရေစီခေတ်သစ်တည်ဆောက်ရာတွင် နိုင်ငံတော်၏ပုံရိပ် (Image) နှင့်ပတ်သက်၍တင်ပြခွင့်ပြုစေလိုပါသည်။ အစိုးရသစ်၏ လက်ထက်တွင် မြန်မာနိုင်ငံအဖို့ ကမ္ဘာ့အခြားသောနိုင်ငံများနှင့်ဆက်ဆံရာတွင် တန်းတူ ညီတူဆက်ဆံနိုင်ရန် လိုအပ်ပါသည်။

(၂)
မြန်မာပတ်(စ)ပို့စာအုပ် ကိုင်ဆောင်ထားသူများသည် ရောက်လေရာနိုင်ငံတကာမှာ မျက်နှာငယ်ရကြောင်း ခရီးသွားဖူးသူများ သိကြပါသည်။ မြန်မာဆိုသော နာမည်မှာနေရာများစွာတွင် အထင်သေးကြသောအကြည့်ကို ရင်ဆိုင်ခဲ့ကြရပါသည်။ မလေး ရှားမှ ယိုးဒယားနိုင်ငံသို့ဝင်လျှင် ပါတ် (စ) ပို့ နှင့်အတူ ပိုက်ဆံထည့်ပေးရပါသည်။ စင်ကာပူရှိ သြစတြေးလျသံရုံးက မြန်မာ ဆိုသည်နှင့် သံရုံးတွင်းသို့ အဝင်မခံ၊ သူတို့အရာရှိက ဂိတ်ဝသို့လာပြီး တွေ့ဆုံကာ လာရင်းကိစ္စကို မေးရသည့်အဖြစ် များရှိခဲ့ကြပါသည်။ စင်ကာပူလေဆိပ်သို့ရောက်လာသော မြန်မာခရီးသည်မှာ ပြည်ဝင်ခွင့်မရဘဲ လေဆိပ်မှာ တညသိပ်ပြီး နောက်နေ့လေယာဉ်ဖြင့် ပြန်ပို့ခံရသည်မှာ အကြိမ်ကြိမ်ဖြစ်ပါသည်။ ကျွန်တော်တို့ကို ကူညီဖေးမပေးမည်သူများကို မတွေ့ မမြင်ကြရပါ။

မြန်မာပတ် (စ) ပို့ကိုင်ဆောင်ထားသော ကျွန်တော့်သားမှာ တိုကျိုနာရီတာလေဆိပ်တွင်လည်းကောင်း၊ ရုရှားနိုင်ငံ စိန့်ပီတာ စဘတ်လေဆိပ်တွင်လည်းကောင်း၊ ရုံးခန်းတွင်းသို့ ခေါ်ထိုင်ခိုင်းထားကာ ပတ် (စ) ပို့ကို မှန်ဘီလူးနှင့် အသေအချာစစ်ဆေး နေတာကို ထိုင်စောင့်ခဲ့ရဘူးပါသည်။ နိုင်ငံရပ်ခြားမှ မြန်မာသံရုံးများမှာ ထိုကဲ့သို့ သောပြဿနာများ မပေါ်ပေါက်စေရန် ထိမ်းသိမ်းပေးရမည့် တာဝန်ဝတ္တရားရှိပါသည်။ အထူးသဖြင့် နိုင်ငံတော်ကို ဂုဏ်သရေမဲ့စေသောအဖြစ်မျိုးတွင် မိမိ နိုင်ငံသား များဘက်မှ ရပ်တည်ပေးရပါမည်။ လေဆိပ်အရာရှိများက မြန်မာနိုင်ငံသားများအပေါ် ခွဲခြားဆက်ဆံခြင်းမခံရအောင် အ ကာအကွယ်ပေးရပါမည်။

ဤသို့ဆိုးရွားနေသော Image ပြဿနာကိုဖြေရှင်းရန် နည်းလမ်းများကို သမ္မတကြီးမှ ကြည့်ရှုပေးစေလိုပါသည်။ အများ သိကြသည့်အတိုင်း အဓိကကျသောအချက်မှာ တိုင်းပြည်၏ စီးပွားရေးအခြေအနေပင်ဖြစ်ပါသည်။ ကုန်ထုတ်လုပ်မှု တိုး တက်ခါ၊ ကုန်သွယ်ရေးနှင့် နိုင်ငံတော်ဘတ်ဂျက်တွင် ပိုငွေတွေပြလာလျှင် ကျွန်တော်တို့နိုင်ငံကို လေးစားလာကြမှာ သေချာ ပါသည်။ ဟိုတုံးက ဗီယက်နမ်ဆိုလျှင် Boat People များဟူ၍လည်းကောင်း၊ အိန္ဒိယဆိုလျှင် မြွေအလမ္ပါယ်ပြသူများဟုလည်း ကောင်း၊ တရုတ်ဆိုလျှင် ပင်ပင်ပမ်းပမ်း အသက်မွေးဝမ်းကျောင်းရသူများဟုလည်းကောင်း ကျွန်တော်တို့မြင်ခဲ့ကြပါသည်။ ယခုတော့ ထိုနိုင်ငံများ၏ ဖွံ့ဖြိုးတိုးတက်မှုများကြောင့် အမြင်တွေပြောင်း ကုန်ပါပြီ။ မြန်မာပြည်ကို ဘိန်းထွက်ရာနိုင်ငံအဖြစ်၊ စစ်ပွဲတွေ တင်းကြမ်းပြည့်နေသောနိုင်ငံအဖြစ် မြင်နေကြခြင်းကိုဖယ်ရှားပစ်ကြရပါလိမ့်မည်။ ဤကိစ္စများမှာ နေ့ချင်း ညချင်း မဖြစ်နိုင်ဘဲ အချိန်ယူကြရပါလိမ့်မည်။ ထိုကာလ မရောက်မီ သမ္မတကြီးက မိမိပို့လိုက်သော သံတမန်များ၏ အရည်အချင်း ပြည့်ဝရေးကို ဆောင်ရွက်ရပါမည်။

သူတို့သည်မြန်မာနိုင်ငံတော်ကိုကိုယ်စားပြုကြသူများဖြစ်ရာ နိုင်ငံတော်၏မျက်နှာများဟုလည်းယူဆနိုင်ပါသည်။ သူတို့၏ တာဝန်များမှာ နိုင်ငံတော်ကိုကိုယ်စားပြုရမည့် အပြင်ပြည်ပသို့ရောက်ရှိနေသည့် မြန်မာနိုင်ငံသားများ၏လိုအပ်ချက်များကို အကူအညီပေးရန်ဟူသောအချက်လည်း ပါဝင်ပါသည်။

တချိန်ကဖြစ်ခဲ့ကြဘူးသည်မှာ ပြည်ပရောက်နိုင်ငံသားများသည်သံရုံးများမှ အကူအညီရရန်ဝေးစွ၊ နိုင်ငံခြား ရောက်နေသူများ သည် နိုင်ငံတော်ကို သစ္စာဖေါက်များဖြစ်သည်ဟုသော အမြင်ရှိခဲ့ကြဟန်တူပါသည်။

စင်ကာပူ နိုင်ငံသားအဖြစ်ခံယူထားသော ကျွန်တော်၏မိတ်ဆွေတဦးမှာ မြန်မာနိုင်ငံသို့အလည်ပြန်ရင်း ယခင်က မှတ်ပုံတင် ကဒ်ကို သုံးစွဲမှုဖြင့် ထောင်အနှစ် ၂ဝ နီးပါးချခံခဲ့ရဘူးပါသည်။ သူအဖမ်းခံရချိန်မှစ၍ တရားရင်ဆိုင်စဉ်ကာလ၊ ထောင်ကျသည့် ကာလများတွင် စင်ကာပူသံရုံးမှ အရာရှိတဦးက အမြဲလာတွေ့ဆုံကာ လိုအပ်သလို အကူအညီများပေးခဲ့ပါသည်။ နောက်ဆုံး ရန်ကုန်လေဆိပ်မှ အင်းစိန်ထောင်အဝတ်အစားဖြင့် သူ့ကိုပြန်ပို့ချိန်တွင် စင်ကာပူတွင်သုံးစွဲရန် ဒေါ်လာ ၅ဝ ချေးငှားလိုက် ဖူးပါသည်။

စင်ကာပူတွင် အကြောင်းအမျိုးမျိုးဖြင့် ဥပဒေကိုရင်ဆိုင်ကြရသည့် မြန်မာနိုင်ငံသားများရှိကြရာ မြန်မာနိုင်ငံ သံရုံးမှအကူအညီ ရသည်ဟု မကြားရဘူးပါ။ သမတကြီးတို့မှ ရှင်းလင်းသောညွှန်ကြားချက်ဖြင့် မိမိနိုင်ငံသားများ၏ ပြဿနာများကို ကူညီကြ ရမည်ဟု မှာကြားထားရန်လိုအပ်ပါသည်။

သံအမတ်အဖြစ်ရွေးချယ်ရာတွင်လည်း ပါရဂူမြောက်ပညာတတ်သူများကိုရွေးချယ်ရမည်ဟုမဆိုလိုပါ။ နှလုံးရည်နှင့် အရည် အချင်းပြည့်ဝသော မြန်မာနိုင်ငံသားမြောက်များစွာရှိသည်ဟု ကျွန်တော်ယုံကြည်ပါသည်။ စက်မှု တော်လှန်ရေးဘယ်မှာဖြစ်ခဲ့သည်ကိုမသိသူ၊ ဆာဖရန်စစ်ဒရိတ်နှင့် ဆာအိုက်ဇက်နျူတန်အကြောင်းမသိသူများကို အင်္ဂလန်နိုင်ငံသို့ မစေလွှတ်သင့်ပါ။ ဗော်လတိုင်းယား၊ ယန်းပေါဆတ်နှင့် အလက်ဇန္ဒာဒူးမားတို့အကြောင်းမသိသူများကို ပြင်သစ်နိုင်ငံသို့မစေလွှတ်သင့်၊ ဒီမိုက ရေစီဝါဒအကြောင်း စာတမျက်နှာပင်မရေးတတ်သူတဦးကို အမေရိကားသို့လွှတ်ပါက သူများလက်ချာရိုက်တာကိုဘဲ နား ထောင်နေရပါလိမ့်မည်။ တရုတ်ပြည်သို့သွားမည့်သံအမတ်ကြီးသည် တရုတ်စကား ပြောတတ်သင့်သည်။ သူတို့သည်နိုင်ငံ့ ဂုဏ်ကို ဆောင်ကြသည့်နည်းတူ ယဉ်ကျေးမှုဖလှယ်ရေးတွင်လည်း မြန်မာဆိုသည်ကို ကျော်ကြားလူသိများအောင် လုပ် ဆောင်နိုင်သူများဖြစ်ရပါမည်။

အမေရိကန် နိုင်ငံခြားရေးဝန်ကြီးအဖြစ် ရာထားခံရသူတဦးမှာ လက်တင်အမေရိကားနှင့် အာဖရိကနိုင်ငံများကို ခွဲခြားမသိ သဖြင့် ဆီးနိတ်ကော်မီတီက ပယ်ချခဲ့ကြောင်းသတင်းများတွင် ဖတ်ရဘူးသည်။ ကျွန်တော်တွေ့ဖူးရသည်မှာ နိုင်ငံရေးလှုပ် ရှားသူတဦး၏အိမ်ကို စစ်သား ၂ဝ ယောက်ဖြင့်ဝိုင်းပြီး ဖမ်းခဲ့သူ ထောက်လှန်းရေးအရာရှိတဦးမှာ သံအမတ်ကြီးအဖြစ် ရောက်လာဘူးပါသည်။ သူ့ထံမှ မြန်မာနိုင်ငံသားများသည် မည်သို့သော အကူအညီမျိုးကို ရရှိနိုင်ပါမည်နည်း။ အချို့မှာ ဝန်ထမ်းအဖြစ် နာမည်နှင့် လစာသာရောက်လာပြီး လူမရောက်လာသောအဖြစ်မျိုးလည်း ရှိခဲ့ကြဘူးပါသည်။

(၃)
စင်ကာပူနိုင်ငံ ဗဟိုစာကြည့်တိုက်ကြီး၏ အငှားစာအုပ်များထားရာအခန်းထဲသို့ဝင်လိုက်ပါလျှင် “ပြင်သစ်အစိုးရမှလှူဒါန်း သည်” ဟူသောစာတမ်းများကပ်လျက် ပြင်သစ်စာရေးဆရာကြီးများ၏ ဂန္တဝင်စာအုပ်များကို သပ်သပ်စီထားသော (French Collection) ခေါ်စာအုပ်စဉ်တခုကိုတွေ့မြင်နိုင်ပါသည်။ ရူးဆိုးမှအစပြု၍ ကေမူး၊ ဖူးကိုးလ် ယန်းပေါဆပ်၊ မာစဲပရောက် စ သည်ဖြင့် စာရေးဆရာများ၏လက်ရာများကို စုံနေအောင်တွေ့ရပါသည်။ ပြင်သစ်နိုင်ငံ၏ ကမ္ဘာ့စာပေယဉ်ကျေးမှုအပေါ် လွှမ်းမိုးမှုကို တနေရာထဲတွင် တွေ့မြင်ရခြင်းဖြစ်ပါသည်။

ထိုစာအုပ်စဉ်ရှေ့ကိုရောက်တိုင်း ရန်ကုန်ကစာကြည့်တိုက်ကြီးများတွင် ယခုကဲ့သို့အစိုးရချင်း ပေးပို့ဖလှယ်ထားသော စာ အုပ်စဉ်အများအပြား ရှိလျင်ကောင်းလေစွဟု တွေးမိရပါသည်။ ကျွန်တော်တို့နိုင်ငံသည် ထေရဝါဒ ဗုဒ္ဓဘာသာထွန်းကားပြီးထိုဗုဒ္ဓယဉ်ကျေးမှုကို နှစ်ပေါင်းထောင်ချီ၍လက်ဆင့်ကမ်း သယ်ဆောင်လာခဲ့ကြသော နိုင်ငံဖြစ်ပါသည်။

၁၉၂၇ ခုနှစ်ကရေးခဲ့သော စာအုပ်တအုပ်တွင် ရုရှားပရော်ဖက်ဆာ စတာရာချားစကီးက ဗုဒ္ဓဘာသာစာပေများကို နှစ်ပေါင်း တရာ ကြာအောင်ဖတ်ရှုလေ့လာပြီးကြသည့်တိုင် ဗုဒ္ဓဝါဒ၏ဆိုလိုချက်ကို ချေချေမြစ်မြစ်နားမလည်နိုင် ကြသေးပါဟု ရေးခဲ့ပါ သည်။ ယခုအချိန်တိုင်အောင်လည်း ထိုစကားသည် မှန်ကန်လျက်ရှိပါသေးသည်။ ပရိယတ္တိ၊ ပရိပတ္တိ၊ ပရိဝေဓ စသည်ဖြင့် သာသနာသုံးမျိုးရှိရာဝယ် ပရိဝေဓ အကျင့်သီလတွင် ထိုးထွင်းသိမြင်မှုမပါဘဲ ဗုဒ္ဓဝါဒကို ချေချေမြစ်မြစ်နားလည်ရန် မဖြစ်နိုင် ပါ။

ဗုဒ္ဓသည် အဘယ်တရားတော်ကို ဘယ်အချိန်ဘယ်နေရာတွင် မည်သူ့ကိုအကြောင်းပြု၍ ဘယ်လိုရည်ရွယ်ချက် ဖြင့်ဟောခဲ့ သည်ဆိုသော တရားတော်ဖြစ်စဉ်များကို ကျေကျေညက်ညက်ဟောပြနိုင်သော ဆရာတော်ကြီးများ မြန်မာပြည်တွင် ရှိကြပါ သည်။ ထို့အတူ ပရိဝေဓကျင့်စဉ်များဖြင့် ဉာဏ်စဉ် အဆင့်ဆင့်တက်ပုံ ကိုကိုယ်တွေ့ သိရှိပြီးသူ သာသနာ့အာဇာနည်မြောက် များစွာ ထွက်ပေါ်ခဲ့ပါသည်။ ကျွန်တော်တို့နိုင်ငံ၏တာဝန်မှာထိုတရား တော်များ၏ ဝိမုတ္တိ သဘောနှင့် ငြိမ်းအေးးမှုအကြောင်းကို ကမ္ဘာအနှံ့ ဖြန့်ဖြူးပေးကြရန်ဖြစ်ပါသည်။

သံတမန်များက ယဉ်ကျေးမှုဖလှယ်ရာတွင်အရေးပါပုံနှင့်ပါတ်သက်၍ သာသနာတော်သမိုင်းတွင် ထင်ရှားသော ဥပမာများ ရှိခဲ့ကြပါသည်။ အရှေ့အိန္ဒိယကုမ္ပဏီက နိပေါနိုင်ငံသို့ ဌာနေကိုယ်စားလှယ်အဖြစ်စေလွှတ်လိုက်သော ဘရိုင်ယင်ဟော်ဆန် မှပေးပို့သော ပေစာထုပ်များမှတဆင့် ဗုဒ္ဓဘာသာသည် ဥရောပနှင့် အနောက်နိုင်ငံများသို့ပြန့်နှန့်သွားရကြောင်း မှတ်တမ်းများ ရှိပါသည်။ တနည်းဆိုသော် ယဉ်ကျေးမှုဖလှယ်ကြရာတွင် သံတမန်များ၏ကြိုးပမ်းချက်များမှာ အရေးပါလှပါသည်။ ထိုနည်း တူ မြန်မာသံအမတ်ကြီးများက နိုင်ငံအချင်းချင်း စီးပွားကုန်သွယ်ရေးနှင့် ယဉ်ကျေးမှုဖလှယ်ရေးကိစ္စများတွင် ပါဝင်လုပ် ဆောင်နိုင်ပါလျှင် များစွာအကျိုးဖြစ်ထွန်းဘွယ် ရှိပါသည်။

 

ကိုသန်းလွင်
Voice Weekly 22 October 2016


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Similar Posts

One thought on “ကိုသန်းလွင် ● နိုင်ငံတော်သမ္မတကြီးထံ အိတ်ဖွင့်ပေးစာ (၂)

Comments are closed.