ကဗျာ

မောင် သော် တာ – ဂလီလီယို’ရဲ့ မံသမျက်စိထဲကဘုရားသခင်

 

မောင် သော် တာ – ဂလီလီယို’ရဲ့ မံသမျက်စိထဲကဘုရားသခင်

(မိုးမခ) ဇွန် ၁၁၊ ၂၀၁၆

 

သူ့အကြောင်းပြချက်နဲ့သူ့ထွက်ပေါက်အရ 

တချို့တွေနှာစေးနေကြတယ် 

တချို့လည်းပါးစပ်ထဲရေငုံထားတယ်

ယုန်တွေ

ကိုယ်ယုံသလို

ကိုယ့်လုံခြုံရာကိုယ်ရွေးရ

ဘုရားသခင်ပေးတဲ့ မံသမျက်စိကို စောင့်ရှောက်ရ 

အသက်နဲ့သိက္ခာကို တထပ်တည်းကျအောင် မတည်ဆောက်နိုင်ခဲ့တဲ့အခါ 

ဂလီလီယို သူ့ထွက်ပေါက် သူရှာသလို 

ကိုယ့်လက်ထဲကမဲပြားတွေထည့်ချင်တဲ့အပေါက်ထဲ ခေါက်ချလိုက်ကြရုံပဲ”ဆိုတဲ့ ယုန်တွေ 

ဂလီလီယိုရဲ့ခေါင်းနဲ့ ဂလီလီယိ်ုလို တွေးတယ် 

အဝေးပစ်သေနတ်တွေထက် အနီးမှာလှန့်ရှို့လိုက်တဲ့မျက်ရည်ယိုဗုံးတွေက 

မီးခိုးပိုအူတယ် 

မျက်စိပိုစပ်တယ် 

ဂလီလီယိုရဲ့မံသမျက်စိနဲ့ကြည့်ပြီး ဂလီလီယိုလို ဘုရားသခင်ပေးတဲ့မံသမျက်စိကိုစောင့်ရှောက်ကြ 

မျက်စိတဆုံးကိုမမြင်လည်း မျက်တောင်တဆုံးက ထမင်းဝမယ် 

ဘုရားသခင်ပေးတဲ့ မံသမျက်စိကိုထုတ်သုံးကြ 

လွယ်လွယ်ခေါင်းညိတ်လိုက်တာ မပင်ပန်းတော့ ခေါင်းခါရင်အသက် ပါသွားမတတ်ကြောက်ရင် 

ဘုရားသခင်ပေးတဲ့ မံသမျက်စိကိုစောင့်ရှောက်ကြ 

အလယ်ခေတ်က အီတာလျံကြီးဂလီလီယိုလို အလယ်ကလူစကားဝဲကြ 

ဂလီလီယိုရဲ့မံသမျက်စိဟာ ကနေ့ခေတ်အထိအသုံးဝင်လာ 

ဂလီလီယိုလို နေစကြာဝဠာရဲ့အမှန်တရားကို တယ်လီစကုပ်ထဲဝှက်ပြီး 

ဘုရားသခင်ခွင့်ပြုသလောက်ပဲကြည့် 

ဘုရားသခင်ပြောစေချင်သလောက်ပဲဖွင့်ဆို 

ဘုရားသခင်အမျက်မသိုမှ အသက်ပိုရှည်မယ်ဆိုတဲ့အတွေးနဲ့ 

ငါတို့အားလုံး ဂလီလီယိုရဲ့ဘုရားသခင်ပေးတဲ့ မံသမျက်စိကိုဖောက်ကြည့်ဖို့ သတိမရကြတော့ဘူး 

ဂလီလီယိုရဲ့ဘုရားသခင်ကို ငါတို့ဆက်လက်ဝတ်ပြုနေကြတယ် 

သက်ဆိုးများရှည်ခဲ့ရ။

မောင် သော် တာ

ဇွန်၈ ၂၀၁၆

 


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Similar Posts