မောင်ဥက္ကလာ – တင်းနေသူ ခွေး သူခိုး
ပြောပြချင်တဲ့ သတင်းထူးတွေအကြောင်း မပြောခင် မောင်ဥက္ကလာ တဆင့်စကား၊ အတွင်းစကားအရ ကြားသိထားတဲ့ တင်းနေသူတွေအကြောင်း ပြောပြချင်တယ်။အေးရာအေးကြောင်း ဘုန်းကြီးဝတ်၊ ရိပ်သာဝင် ဟိုငေးဒီမော့ တရားထိုင်ဖို့ ကြိုးစားနေပေမယ့် ရပ်ကျော်ရွာကျော် ဝက်ဝက်ကွဲ ခွက်ခွက်လန် ရှုံးခဲ့တာကို ဘယ်လို့မှ အလွယ်မေ့ဖျောက်မနိုင်။ ကိုးကွယ်ဆရာတော်ကြီးတွေက တရားရေအေး တိုက်ကျွေး ရှုံးခဲ့တာကို ရှုံးတယ်လို့ ကသိုဏ်းရှုမှတ်ဖို့ ကြိုးစားခိုင်းပေမယ့် နေ့မြင်ညပျောက် ရက်ပိုင်းအတွင်း မွှေ့ယမ်းလိုက်တဲ့ မယ်တော်ကြီးရဲ့  လုပ်ကွက်တွေကြောင့် အဘတို့အဖို့ ပုတီးလည်ပင်းပတ်ကာ ရင်ဘတ်စည်တီး တင်းရတော့တာပေါ့။
တင်းမယ်ဆိုလဲ တင်းစရာ … အကယ်ဒမီမရလို့ မရှိတဲ့အရှက် ဟတ်တက်ကွဲတယ်ဆိုပြီး ကယောင်ချောက်ချား၊ ကလေးကလား ပြောရှာတဲ့ မောင်ခင်လှိုင်လို ပြောလိုက်ချင်တာပေါ့ … ကြည့်လေ သမ္မတအထက်၊ နိုင်ငံတော် အတိုင်ပင်ခံ ရာထူးစုံတွေယူပြီး နာဂစ်ခြေဥကို (ဖဲကစားသလို) ချိုးချင်သလိုချိုး၊ ဝေချင်သလိုဝေ၊ ထိုင်ချင်တဲ့နေရာထိုင်ပြီး ကစားလိုက်တာ အဘတို့ အကွက်တွေ အကုန်ပျက်၊ လိုက်မမီ စိတ်ပျက်ကာ … သောက်ရမ်းတင်းတာပေါ့။
ဟော့ကြည့်အုံး … သင်္ကြန် မဏ္ဍပ်တွေ ဆောက်လုပ်ပြီး နှစ် (၂၀) ကျော် အပြတ်ကဲ၊ လုပ်ချင်ရာလုပ်၊ အမြတ်ထုတ်ကြတဲ့ အဘတို့ရဲ့  သားသမီးတွေက ဒီနှစ်မှာ ကဲခွင့်ကွဲခွင့်၊ “ရိုးရာပျက်” မဆင်နွှဲရတော့တာကို အပြတ်တင်းပြီး နေ့ချင်းညချင်း ကျားရုတ်(ရုပ်) ဖြစ်သွားတဲ့ ကျုပ်တို့အဘတို့ကို အပြတ်ကွိုင်းတော့တယ်။
အဲ့ဂလို အဘတို့ နှစ်ပေါင်းများစွာ တည်ဆောက်ခဲ့တဲ့ ခေတ်ပျက်ကြီးထဲမှာ ပျက်ချင်သလို ပျက်စီးခဲ့တဲ့ သားသမီးတွေရဲ့  မထီတရီ မထီမဲ့မြင် ပြောဆိုချက်တွေကို အဘတို့ မထွေးနိုင်မမျိုနိုင် တင်းရပြန်တယ်။ ဒါနဲ့မပြီး အဘတို့ကို သေချာပေါက် ဆော်မယ့် သံချပ်အုပ်စုတွေကို ဆင်ဆာမဲ့ (သံချပ်) ထိုးခွင့် ပြုလိုက်တော့ အဘတို့ နှစ်သစ်ကူးက ဘဝကူးထက် ခက်အုံးမယ်လို့ သွေးလေချောက်ချားဖြစ်ကာ တင်းရပြန်တယ်။
အခုလဲကြည့် ကာလုံကိုကျော်၊ ကျော်ချင်တဲ့သူတွေ အကုန်လုံး ကျော်ပြီး ဆူဆူပူပူလုပ်မယ့် အုပ်စုတွေကို လွှတ်လိုက်ပြန်တယ်။ မှတ်မိမှာပေါ့ … မနှစ်က ဒီအချိန်မှာ ကျောင်းသားဆို အပြတ်ဗြုန်းခဲ့တဲ့ အဘတို့က မလိုက်လျောမပေးနိုင်တဲ့ တောင်းဆိုချက်တွေကို တစာစာတောင်းခဲ့တဲ့ အမောင်ကျောင်းသူကျောင်းသားတွေကို ကမ္ဘာ့မီဒီယာမြင်ကွင်းအောက်မှာ လက်သပ်မွေးထားတဲ့ လက်ပတ်နီ လူရမ်းကားအုပ်စု၊ ရိုက်ချင်နှက်ချင်နေတဲ့ ရဲအုပ်စုတို့နဲ့ အပြတ်ရှင်းပြီး၊ ဥပဒေမဲ့ ချုပ်နှောင်းခဲ့တာကို အခုလို မျက်စိတလုံးပိတ်နေတဲ့ကြားက နိုင်ငံတော်အတိုင်ပင်ခံကြီးက လက်မှတ်တချက်ထိုး လွှတ်လိုက်တော့ တင်းတာပေါ့။
ဒီလို ဒီမိုကရေစီ အနိုင်ကျင့်မှု လုပ်ရပ်တွေကို ဆန့်ကျင်တဲ့အနေနဲ့ ဒီနေ့ကစပြီး အဘတို့လည်း လွှတ်တော်ထဲက သူတို့ ရွေးတင်ထားတဲ့ တမတ်သား ပင်စိမ်းတွေနဲ့အတူ မတ်တပ်ရပ်နေသွားမယ်လို့ အတိတ်ကောင်းစားချိန်ကို ဦးပုည (ဆဒ္ဒန်ဆင်မင်းဝတ္ထု) စကားနဲ့ ပြောရရင် … တစိမ့်စိမ့်အောက်မေ့၊ မဖြေနိုင် မဆည်နိုင် သည်းဆိုင်မှာ လောင်ခြစ် ကျမျက်ရည် ချောင်းဖြစ်အောင် အော်ဟစ်ငိုပြီး … တင်းနေတော့တယ်။
စစ်ခွေး